పంచుకోండి
వ్యూస్
  • స్థితి: సవరణ కు సిద్ధం

ప్రపంచ గుడ్డు దినోత్సవం – అక్టోబర్ 14

గుడ్డు ఆరోగ్యానికి మంచిది.

p21.pngప్రజలు కోడి గుడ్లను ఆహార పదార్థంగా వాడడం అనాదినుండి వస్తున్నది. ఇవి మంచి పోషక పదార్థాలు ప్రొటీనులు, కొలైన్లు కలిగివుండడం దీనికి కారణం. పిల్లల నుంచి పెద్దల దాకా గుడ్లు పౌష్టికాహారం అన్న సంగతి అందరికీ తెలిసిన విషయమే. ఎదిగే పిల్లలకు చాలినన్ని ప్రోటీన్లు అందజేస్తుంది. పోషకాహారలేమితో బాధపడేవారిని రోజుకో గుడ్డు తినాల్సిందిగా సలహాలిస్తుంటారు. మాంసకృత్తులు సమృద్ధిగా ఉంటాయి, కండపుష్టికి, కండర నిర్మాణానికి ఎంతో మేలు.

ఈ ప్రపంచంలో మనిషికి అత్యవసరమైన తొమ్మిది ప్రోటీన్లు గుడ్డులోనే ఉన్నాయి. అందుకే గుడ్డును సంపూర ఆహారం అంటారు. కోడి గుడ్డు, బాతుగుడ్డు, టర్కీగుడ్డు, గిన్నెకోడి గుడ్లు ఎక్కువగా తీసుకుంటారు. మనం తీసుకున్న ఆహారంలో ఒక్క గుడ్డుకు మాత్రమే బయోలాజికల్ విలువ నూటికి నూరు శాతం విలువ ఉంటుంది. ఒక గ్రాము మాంసకృత్తులు శరీరానికి ఎంత బరువు ఇవ్వగలదనేది ప్రోటీ ను ఎఫిషియెన్సీరేషియో అంటారు. ఇది కూడా గుడ్డుకే ఎక్కువ. సంవత్సరానికి 320 గుడ్లు తినవచ్చు.

గుడ్డు సంపూర్ణ ఆహారం కాబట్టి అందరు గుడ్డును తినాలనే ఉద్దేశ్యంతో గుడ్డు యొక్క ప్రాముఖ్యత ఎంతో ఉంది అని1996 లో వియన్నాలో జరిగిన అంతర్జాతీయ గుడ్డు కమీషన్ సదస్సులో అక్టోబర్ రెండో శుక్రవారం నాడు ప్రపంచ గుడ్డు దినోత్సవం రోజుగా ప్రకటించారు. మనం ఎక్కువగా కోడి గుడ్లను ఆహారంగా తీసుకుంటాం. అందువలన గుడ్డు దినోత్సవం రోజు ప్రాముఖ్యతనుతెలుసుకుందాము,

కోడి గుడ్డు (ఆంగ్లం : An egg) ఒక గుండ్రాకారం లేదా వర్తులాకారపు శరీరం, కోడి పెట్టే గుడ్డు కాబట్టి దీనికి కోడి గుడ్డు గుడ్డు అని వ్యవహరిస్తాం. సాధారణంగా పక్షి గుడ్లలో కనిపించే ప్రధాన నిర్మాణమే కనిపిస్తుంది. అండం, దీని చుట్టూ పొరలు బాహ్య గోడ. ఈ గుడ్డులో పచ్చసొన, తెల్లసొన ఉంటాయి.

గుడ్డులో ఉన్న పోషకపదార్థాలు

  • గుడ్డు ఖనిజాల గని. శరీరానికి ఉపయోగపడే ధాతువులు 45 అయితే గుడ్డులో 44 ధాతువులు ఉన్నాయి. గుడ్డులో మరీ ముఖ్యంగా పచ్చసొనలో 12 ఖనిజాలు, 8 లవణాలు ఉంటాయి. గుడ్డులోని పచ్చసొనలో ఉండే కోలెస్ట్రాల్ అన్ని రకాలైన జీవక్రియకు ఉపయోగపడుతుంది.
  • ఒక గుడ్డు సుమారుగా 50 గ్రాములనుకుంటే, దానిలో 90% నీరు, 10% పొషక పదార్ధాలు ఉంటాయి. ఒక గుడ్డు నుంచి 7 గ్రాముల ప్రోటీన్లు, 6.5 గ్రాముల కొవ్వులు 1 మిల్లీ గ్రాము ఇనుము, 35 గ్రాముల ఫోలిక్ యాసిడ్, 0.9 మైక్రో గ్రాముల బి 12, 210 మైక్రో గ్రాముల బీటా కెరోటిన్, 5 మైక్రో గ్రాముల విటమిన్ డి, 30 మిల్లీ గ్రాముల కాల్షియం, 0.4 మిల్లీ గ్రాముల మెగ్నీషియం ఉంటాయి. పచ్చి గుడ్డులో 51% ప్రోటీన్లు, వండిన గుడ్డులో 91% ప్రోటీన్లు ఉంటాయి.
  • ఒక పెద్ద గుడ్డు రమారమి 56గ్రాముల బరువు ఉంటుంది. గుడ్డులో 12శాతం గుడ్డు పెంకు, 58శాతం తెల్లసొన, మిగిలినది పచ్చసొన, ఒక్కొక్క గుడు సుమారు 80 క్యాలరీలనిస్తుంది. గుడ్డుతెల్లసొనలో ఎక్కువభాగం నీరు, ఇందులో ఎలాంటి కొవ్వుగానీ, పిండిపదార్ధాలు గానీ ఉండవు, కానీ 8-12 శాతం వరకూ మాంసకృత్తులు ఉంటాయి. గుడ్డు పచ్చసొనలో 25-33 శాతం వరకూ కొవ్వు, 15-17 శాతం వరకూ మాంసకృత్తులు మిగిలినదంతా నీరు, గుడ్డు పెంకు కాల్షియం కార్బనేటుతో తయారవుతుంది. ఖనిజాలు, విటమిన్లు రెండూ గుడులో కలిసిపోయుంటాయి.
  • గుడ్డులో తెల్లసొన, పచ్చసొన అని రెండు భాగాలు ఉంటాయి. తెల్లసొనలో ఒవ ఆల్బూమిన్, కొన్ఆల్బుమిన్, ఒవమ్యుకాయిడ్, ఒనమ్యూసిన్, లైసోజైం, ఎవిడిన్, ఒవర్లోబ్యూలిన్ , ఒవఇనిహిబీటర్ర్ అనే 8 మాంసకృత్తులు ఉంటాయి. పచ్చసోనలో లిపోవిటిలిన్స్, పోజిటిన్, లివిటిన్ తక్కువ డెన్సిటి కలిగిన లిపో ప్రోటీన్లు అనే నాలుగు మాంసకృత్తులు ఉన్నాయి.
  • అన్ని గుడ్లలోను సమానమైన పోషక పదార్థాలు ఉండవు. ఫారంలో పెరిగే కోడి గుడ్డులో కంటే బయట తిరిగే కోడిగుడ్డులోనే పోషక పదార్థాలు ఎక్కువ ఉంటాయి. ఇంకా ఫారం కోడి గుడ్డు తో పోలిస్తే బయట తిరిగే కోడిగుడ్డులో - 1/3 వంతు తక్కువ కోలెస్ట్రాల్; 1/4 వంతు తక్కువ సంతృప్తి కొవ్వులు; 2/3 వంతు ఎక్కువ విటమిన్ ఎ; 2 వంతు ఎక్కువ ఉమేగా -3; 3 వంతు ఎక్కువ ఇ విటమిన్ ఉంటాయి.
  • ఆరోగ్యమైన జీవితంలో గుడ్డును ప్రతిరోజు తీసుకుంటే 50%ఐసోమిక్ స్ట్రోక్, 80% కార్డియాక్ డెట్స్, 75%కార్డియోవాస్కులార్ వంటి వ్యాధులన్నిటికి దూరంగా ఉండొచ్చు.
  • స్త్రీలలో రోమ్ము క్యాన్సర్ రాకుండా గుడ్డులో ఉన్న తెల్లసొన ఎంతగానో తోడ్పడుతుంది. క్రమం తప్పకుండా గుడ్డు తీసుకుంటే 44% క్యాన్సర్ కు దూరంగా ఉండొచ్చు.
  • గుడ్డును ఆహారంలో తీసుకున్న వారు 80% వరుకు కరోనరీ ఆర్టరీ వ్యాధులకు దూరంగా ఉండొచ్చు.
  • ఉడికించిన గుడ్డును ఉదయం అల్పాహారంగా తీసుకోవడం వలన ఊబకాయం నుండి దూరంగా ఉండొచ్చు అని ఒక పరిశోధన చెబుతుంది. ఆ పరిశోధన ప్రకారం గుడ్డు - 61% శరీర సాంద్రత రేటు (బి.ఐ, ఎం) తగ్గుతుంది; 65%బరువును తగ్గిస్తుంది; 37% నడుము చుట్టు కొలతను తగ్గిస్తుంది; 10% శరీర కొవ్వును తగ్గిస్తుంది.
  • గుడ్డు నుండి కొవ్వులను శోషించుకొనే ప్రక్రియ మనుషులను బట్టి మారుతూ ఉంటుంది. ఒక పరిశోధన ప్రకారం గుడ్డు తీసుకునే వారిలోకొవ్వు శాతం 70% మందిలో పెరగలేదు. ఒమేగా -3 యాసిడ్ ఉన్న గుడ్లను వారానికి ఐదు చొప్పున 3 వారాలు తీసుకుంటే 16-15% ట్రైగ్లిజరైడ్ల శాతాన్ని రక్తంలో తగ్గిస్తుంది.
  • గుడ్లు చాలా చవకైన పోషకాహారమే కాదు. ఎప్పుడంటే అప్పుడు తినటానికి వీలుగా ఉంటాయి కూడా. గుడ్డులోని పచ్చసొనలో కొలెస్ట్రాల్ అధికంగా ఉంటుందని కొందరు గుడ్లను పూర్తిగా మానేస్తుంటారు. కానీ వీటిని మితంగా తింటే ఎలాంటి నష్టమూ ఉండదు. గుడ్లలో పోషకాలు, ఖనిజాలు, విటమిన్లు దండిగా ఉంటాయి. అందువల్ల వీటిని ఆహారంలో తప్పనిసరిగా తీసుకోవటం మంచిదని నిపుణులు సూచిస్తున్నారు.
  • గుడ్లలో విటమిన్ డి దండిగా ఉంటుంది. శరీరానికి ఎండ తగలకపోవటం, సరైన పోషకాహారం తీసుకోకపోవటం వల్ల ప్రస్తుతం చాలామంది విటమిన్ డి లోపంతో బాధపడుతున్నారు. దీంతో మధుమేహం, ఎముకజబ్బుల వంటి ముప్పులు పొంచి ఉంటున్నాయి. అందువల్ల గుడ్లను ఆహారంలో చేర్చుకోవటం మంచిది.
  • ప్రోటీన్లతో నిండిన గుడ్లలో మనకు అవసరమైన అన్నిరకాల అమైనో ఆమ్లాలు ఉంటాయి. శారీరకశ్రమ అధికంగా చేసినప్పుడు తిరిగి శక్తిని పుంజుకోవటానికి ఇవి ఎంతగానో ఉపయోగ పడతాయి..
  • మన శరీరం అవసరమైనంత మేరకు కోలిన్ ను తయారుచేసుకోలేదు. ఇది లోపిస్తే కాలేయజబ్బు, ధమనులు గట్టిపడటం, నాడీ సమస్యల వంటి వాటికి దారితీస్తుంది. కాబట్టి కోలీస్ అధికంగా ఉండే గుడ్లను తీసుకోవటం మేలు. ముఖ్యంగా గర్భిణులకు ఇదెంతో అవసరం.
  • ఉదయంపూట అల్పాహారంగా గుడ్లను తీసుకుంటే చాలాసేపు కడుపు నిండిన భావన కలిగిస్తాయి. ఆకలి వేయకుండా చూస్తూ, ఎక్కువెక్కువ ఆహారం తినకుండా చేస్తాయి. ఇలా బరువు తగ్గటానికీ గుడ్లు తోడ్పడతాయన్నమాట.
  • ఉదయాన్నే అల్పాహారంగా పిండి పదార్థాలు ఎక్కువగా ఉండే ఉప్మాలు, బ్రెడ్ల వంటి అల్పాహారాలకు బదులు గుడ్లను తింటే రక్తంలో మంచి కొవ్వు అయిన హెచ్డీఎల్ స్థాయులు మెరుగుపడతాయి. ట్రైగ్లిజరైడ్ల మోతాదులు తగ్గటానికీ దోహదం చేస్తాయి. ఇవి రెండూ గుండె ఆరోగ్యంగా ఉండటానికి కీలకమైన అంశాలే.

గుడ్డు తినడం వల్ల ఉపయోగాలు

  • మెదడుకు ఆరోగ్యాన్నిచ్చే పదార్థాలు గుడ్డులో ఉన్నాయి.
  • గుడ్డు పచ్చసొనలో 300 మైక్రో గ్రాములు ఖోలిన్ అనే పోషకపదార్థం ఉంటుంది.
  • గుడ్డులో ఉన్న ఇనుమును మన శరీరం సులభంగా గ్రహిస్తుంది.
  • గుడ్డుని తినడం వలన కండరాలు దృఢంగా అవుతాయి. ఇది క్రీడాకారులుకు మంచి ఆహారం.
  • గుడ్డులో ఉన్న రైబోఫ్లేవిన్ చర్మం ఆరోగ్యానికి, సరిగా జీర్ణం కావడానికి దోహదపడుతుంది .
  • ల్యూటిన్, అనే రంగు యాంటీ ఆక్సిడెంట్లు ఉంటాయి . కంటి ఆరోగ్యానికి మేలు చేస్తాయి.
  • గుడ్డులో బి 12 (సయనోకోబాలిమిన్) అనే విటమిన్ ఉంటుంది. ఇది ఎర్రరక్త కణాలు వృద్ది చెందడానికి , నాడీ వ్యవన వనితీరు మెరుగుపరుస్తుంది.
  • గర్భవతులకు గుడ్డు చాలా ఆరోగ్యకరం, గుడ్డులో ఉండే ఫోలిక్ యాసిడ్, ఇనుము పుట్టబోయే బిడ్డ ఎదుగుదలకు ఉపయోగపడుతుంది .
  • గుడ్డును ఆహారంగా తీసుకోవడం వలన మానసిక ఆందోళనను, గుండె వ్యాధులను, కాలేయంలో కొవ్వు ఉత్పత్తిని తగ్గిస్తుంది. అలాగే కాలేయ పనితీరును పెంచుతుంది .
  • వెంట్రుకలు, గోళ్ళు ఆరోగ్యంగా పెరగడానికి ఉపయోగపడే బయోటిన్ గుడ్డులో లభిస్తుంది.
  • అలాగే రక్తంలో చక్కెర స్థాయిని క్రమబద్ధీకరిస్తుంది.
  • కొవ్వులో కరిగే ఎ, డి, ఇ, కె అనే విటమిన్లు, నీటిలో కరిగే కాంప్లెక్స్ విటమిన్లు గుడ్డు యొక్క పచ్చసొనలో ఎక్కువుగా ఉంటాయి.
  • గుడ్డు ద్వారా వ్యాధుల నివారణ

    ప్రపంచ ఆరోగ్య సంస్థ గుర్తించిన దాని ప్రకారం, గుడ్డుకు కొన్ని వ్యాధులను, రుగ్మతలను నివారించే గుణం ఉంటుంది.

    ఒత్తిడి తగ్గించే శక్తి: గుడ్డులోని తెల్లసొనలో హిస్టోడిన్, పచ్చసొనలో , జింక్, ఫోలిన్, అయోడిన్, లినోలిక్ యాసిడ్ ఉండటం వలన మెదుడులో కణాలు ఎప్పటికప్పుడు నిర్మంచుబడుతూ ఒత్తిడి నుండి కాపాడటమే గాక జ్ఞాపకశక్తిని, వ్యాధినిరోధక శక్తిని పెంపోందిస్తుంది.

    ఊబకాయం: గుడ్డులోని పచ్చసొనలో శరీర సౌష్టవాన్ని కాపాడే విటమిన్ డి, బి12, సెలీనియం ఉండటం వలన వారంలో 3 సార్లు, 2 గుడ్ల చొప్పున ఉదయం అల్పహారం లాగా తీసుకుంటే ఉబకాయం తగ్గవచ్చని అనేక పరిశోధనలు తెలియజేస్తున్నాయి.

    మధుమేహం: గుడ్డులోని తెల్లసొనలో ఉండే ప్రోటీన్లు పాంక్రియాస్ గ్రంధిని నిర్మించి, జింక్, క్రోమియం ద్వారా ఇన్స్ లిన్ కు జీవక్రియ కలుగజేస్తాయి. ఇన్సులిన్ అడ్డంకిని తొలిగించడానికి ఉపయోగపడే ఆ విటమిన్, దానిని మెరుగుపరచడానికి అవసరమైన మెగ్నీషియం, బయాటిన్, నియోసిస్, గుడ్డు పచ్చ సొనలో అపారంగా ఉంటాయి. అందుకే మధుమేహులు తప్పకుండా గుడ్డు తీనాలి,

    దృష్టి దోషం: కంటి దోషాలు రాకుండా చేసే ఎ, ఇ విటమినులు, జింక్, సెలీనియం గుడ్డులో ఉన్నాయి. ఇవి కంటి జీవకణాన్ని రక్షించి పోషిస్తాయి.

    బోలు ఎముకల వ్యాధి: శరీర అస్థిపంజరం నిర్మాణానికి కాల్షియం అవసరం. కాల్షియాన్ని గ్రహించడానికి అవసరమైన డి విటమిన్, ఎముకలో జరిగే జీవరసాయనిక క్రియలన్నింటిలో అవసరమైన మెగ్నీషియం, మూత్రం ద్వారా బయటికి పోకుండా కె విటమిన్, ఫోలిక్ యాసిడ్, బీ6, బీ12 గుడ్డులో అధికంగా ఉంటాయి. అందువలన వలన రోజు గుడ్డును తీసుకోవడం వలన బోలు ఎముకల వ్యాధి రాకుండా నిరోధించవచ్చు.

    క్యాన్సర్ నివారణి: గుడ్డులోని పచ్చసొనలో అనేక యాంటీఆక్సిడెంట్లు ఉంటాయి. లూమీ ప్లేమిన్, లూమీక్రోమీస్ అనే యాంటీ ఆక్సిడెంట్లు ద్వారా రొమ్ము క్యాన్సర్, లూథిన్జియాక్సాంథిన్ ద్వారా చర్మ క్యాన్సర్ రాకుండా నిరోధించవచ్చు. పైగా ఇ విటమిన్ ద్వారా క్యాన్సర్ కణాలను క్షీణింప చేయవచ్చు.

    ఆల్జీమర్, పార్కిన్ సన్ వ్యాధులు (మతిమరుపు, వణుకుడు): ఇటువంటి వ్యాధులకు దూరంగా ఉండాలంటే అధిక ప్రోటీన్లు ఉన్న ఆహారాన్ని తీసుకోవాలి. ప్రోటీన్లను గుడ్డు ద్వారా పోందవచ్చు.

    గుండె జబ్బులు: గుండె కండరాలు పనిచేయటానికి అవసరమైన 12 రకాల ఖనిజాలు, విటమిన్లు, మంచి కొలెస్ట్రాల్, అసంతృప్తి క్రొవ్వులు, ముఖ్యంగా గుడ్డు పచ్చసొనలో కాల్షియం, పోటాషియం గుడ్డులో ఉంటాయి. గుడ్డు పచ్చసొనలోని కోలెస్ట్రాల్ ద్వారా రక్తా నాళాలు గడ్డకట్టకుండా లీనోలిక్ యాసిడ్, అసంతృప్తి కొవ్వుల ద్వారా మంచి కోలెస్ట్రాల్ ఎక్కువుగా ఉండి గుండె జబ్బులు రాకుండా ఉండడానికి గుడ్డులోని కొవ్వులు ఉపయోగపడతాయి.

    గుడ్డు శాకాహారమా - మాంసాహారమా? ఆవు, గేదె రక్త మాంసం నుండి వచ్చే పాలు జీవశాస్త్రం ప్రకారం మాంసాహారమే, కాని దానిని శాకాహారంగా భావిస్తున్నారు. అలాగే కోళ్ళ ఫారంలో పుంజులుండవు. పెట్టలైన కోళ్ళు సమగ్ర ఆహారం తిని పుంజుకలయిక లేని అనగా జీవంలేని గుడ్లు ఇస్తాయి. కావున పాల, తేనె వలె దీనిని కూడా శాకాహారంగా భావించవచ్చు .

    గుడ్డు - అపోహలు

    • గుడ్డు చాలా వేడి అని భావిస్తారు కాని గుడ్డు నుంచి చాలా తక్కువగానే శక్తి లభిస్తుంది.
    • గుడ్డు పచ్చిది తాగితే బలం వస్తుంది అని అనుకుంటారు. కాని అది సరి కాదు ఎందుకంటే తెల్లసొనలో ఎవిడిన్ అనే నిరోధకం ఉంటుంది. ఆ ఎవిడిన్బయోటిన్తో కలిసిపోయి బయోటిన్ ని శరీరం వినియోగించికోకుండా అడ్డుకుంటుంది. అదే గుడ్డుని వేడి చేస్తే ఎవిడిన్బయోటిన్ నుండి వీడిపోతుంది.
    • పచ్చసొనలో కోలెస్ట్రాల్ ఎక్కువుగా ఉంటుందని భావిస్తారు. కాని ఈ కోలెస్ట్రాల్ ఆరోగ్యానికి హాని చేయదు. పైగా కోలెస్ట్రాల్ ను నేరుగా రక్తంలో కలవకుండా చూసే లెసిథిన్ వంటి రసాయనాలు గుడ్డు లో ఉంటాయి.
    • పొట్లకాయ, గుడ్డును కలిపి వండితే విషపూరితం కాదు.

    గుడ్డును నిల్వ చేయడం

    గుడ్లను నిల్వ చేయటంలో పలు జాగ్రత్తలు తీసుకోవాలి. సరిగ్గా నిల్వచేయకపోతే సాల్మోనెల్ల అనే బాక్టీరియ పెరిగే అవకాశం ఉంది. దాని ద్వారా ఫుడ్ పాయిజన్ అవుతుంది. ఇండ్లలో పెరిగే కోడి గుడ్ల పై 98% వరకు సాల్మోనెల్ల అనే బాక్టీరియ పెరగదు.

    గుడ్డులతో వంటకాలు చేసేటప్పుడు పాటించాల్సిన జాగ్రత్తలు

    • గుడ్లును వండేటప్పుడు నూనె, ఉప్పు ఎక్కువుగా వెయ్యాల్సిన పనిలేదు. దానిలోనే సహజంగా సోడియం, పోటాషియం తగు మోతాదులో ఉంటాయి.
    • ఉడికించిన గుడ్లను ఐస్ క్యూబుల్లో 3 నిమిషాలు ఉంచి, తరువాత గుడ్లు పెంకును సులభంగా తియ్యవచ్చు.
    • ఉడికించిన గుడ్లను నీళ్ళు వున్న బాక్సులో వేసి పైకి కిందికి ఎక్కువ సార్లు ఊపితే పెంకు సులభంగా ఊడిపోతుంది.

    గుడ్డు తాజాగా ఉందని తెలుసుకోవడం ఎలా ?

    ఒక గ్లాసు నీటిలో గుడ్డుని వేసినప్పుడు, తాజా గుడ్డు పైకి తేలదు, మునుగుతుంది, పైకి తేలిందంటే అది నిల్వ గుడ్డని అర్థం చేసుకోవాలి,

    తప్పకుండా గుర్తుంచుకోవాలి

    • రక్తంలో చక్కెర వ్యాధి ఉన్నవారు పూర్తి గుడ్డు తినడం కంటే ఒక తెల్లసొన తినడం మంచిది.
    • క్తంలో అధిక కొలెస్ట్రాల్ గాని ట్రైగ్లిజరైడ్స్ ఉన్నవారు గుడ్డులోని పచ్చనిసొన తినకూడదు.
    • టైప్ -2 చక్కెర వ్యాధి ఉన్నవారు గుడ్డును తీసుకోకూడదు. ఒకవేల తీసుకుంటే వారికి ఎలర్జీ వచ్చే అవకాశం ఉంది.
    • పచ్చి గుడ్డు తినడం వలన ఎనరోగైయ, ఎనీమియ, డెర్మటైటిస్, హైపర్ థీషియ వచ్చే అవకాశాలు ఉన్నాయి.
    • వండేందుకు ముందుగా గుడ్డును శుభ్రంగా కడగాలి. తద్వారాగుడ్డు పెంకుమీదుండేసల్మానెల్లా బాక్టీరియా నాశనమౌతుంది,
    • పగిలిన గుడ్లను పారెయ్యాలి.
    • పచ్చి గుడ్లను వినియోగించకూడదు. ఎందుకనగా పచ్చి గుడ్లలో అవిడిన్ అనే ఒక యాంటీబైయోటిన్(నీటిలో కరిగే విటమిన్) కారకం ఉంటుంది. గుడ్లను వేడి చేస్తే ఈ సత్వం నాశనమౌతుంది. .

    గుడ్డు పొడి:

    ఆహార పదార్థాల ఉత్పత్తిలో జంతు హింసకు తావు ఉండకూడదనే ఉద్దేశంతో. 'పేపాల్'ను స్థాపించిన వారిలో ఒకరైన పీటర్ థియెల్, మైక్రోసాఫ్ట్ అధినేత బిల్ గేట్స్ గుడ్లు పొడిని అభివృద్ధి చేశారు. దీనిపేరు.. బియాండ్ ఎగ్స్, 12 రకాల మొక్కల నుంచి తీసిన గుజ్జును కొన్ని ప్రత్యేక పాళ్లలో కలిపి ప్రాసెస్ చేయడం ద్వారా దీన్ని తయారుచేస్తున్నారు. ఇంకా… కేకులు, ముఫిన్లు రకరకాల బేకరీ పదార్థాల తయారీలోనూ నిరభ్యంతరంగా దీన్ని వాడేసుకోవచ్చు. పూర్తిస్థాయిలో సహజమైన గుడ్డు నుంచి వచ్చే రుచి రాదుగానీ. దాదాపుగా ఆ రుచి ఉంటుందని, పోషక విలువలు మాత్రం అన్నీ ఉంటాయని, దీని రూపకర్తలు ప్రకటించారు.

    పోషకవిలువలు, ప్రతి 100 గ్రాములకు

    శక్తి 150 కి. క్యా 650 కి.జో

    పిండిపదార్థాలు

    1.12 గ్రా.

    కొవ్వు పదార్థాలు

    10.6 గ్రా.

    మాంసకృత్తులు

    12.6 గ్రా.

    నీరు

    75 గ్రా.

    విటమిన్-ఎ 140 μగ్రా.

    16%

    థయామిన్ (విట. బి1) 0.66 మి.గ్రా.

    51%

    రైబోఫ్లేవిన్ (విట. బి2) 0.5 మి.గ్రా

    33%

    పాంటోథీనిక్ ఆమ్లం 1.4 మి.గ్రా.

    28%

    ఫోలేట్ (Vit. B9) 44 μగ్రా.

    11%

    కాల్షియమ్ 50 మి.గ్రా.

    5%

    ఇనుము1.2 మి.గ్రా.

    10%

    మెగ్నీషియమ్ 10 మి.గ్రా.

    3%

    భాస్వరం 172 మి.గ్రా,

    25%

    పొటాషియం 126 మి.గ్రా.

    3%

    జింక్ 1.0 మి.గ్రా

    10%

    కోలైన్లు

    225 మి.గ్రా

    కొలెస్ట్రాల్

    424 మి.గ్రా

    3.00980392157
    మీ సూచనను పోస్ట్ చేయండి

    (ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

    Enter the word
    నావిగేషన్
    పైకి వెళ్ళుటకు