పంచుకోండి
వ్యూస్
  • స్థితి: సవరణ కు సిద్ధం

రాగి / తైగులు

వరి మాగాణుల్లో నీటి లభ్యత తగ్గినపుడు మరియు కొద్ది పాటి చౌడు సమస్య ఉన్న పరిస్థితుల్లో రాగి పంట సాగు చేసుకొని మంచి దిగుబడులు పొందవచ్చును.

వరి మాగాణుల్లో నీటి లభ్యత తగ్గినపుడు మరియు కొద్ది పాటి చౌడు సమస్య ఉన్న పరిస్థితుల్లో రాగి పంట సాగు చేసుకొని మంచి దిగుబడులు పొందవచ్చును.

విత్తే సమయము

ఈ పంటను ఖరీఫ్ లో జూలై మొదటి వారం నుండి ఆగష్టు చివరి వారం వరకు, రబీలో అక్టోబరు చివరి వారం వరకు మరియు వేసవిలో ఫిబ్రవరి మొదటి పక్షంలోపు నాటుకోవాలి.

నెేలలు

రాగిని తేలిక రకం ఇసుక నేలలు, బరువైన నెలలు మరియు కెద్ది పాటి చౌడు సమస్య ఉన్న భూముల్లో సాగు చేసుకోవచ్చును.

రకాలు:

రకం ఋతువు పంటకాలం (రోజులు) దిగుబడి (క్వింటాళ్ళు/ఎకరానికి) గుణగణాలు
భారతి అన్ని కాలాలకు 105-110 12-14 వెన్నులు పెద్దవిగా, ముద్దగా ఉంటాయి. అగ్గి తెగులును కొంత వరకు తట్టుకుంటుంది.
శ్రీ చైతన్య ఖరీఫ్ 110-120 10-12 పైరు ఎత్తుగా పెరిగి పిలకలు ఎక్కువగా వేస్తుంది.
మారుతి ఖరీఫ్,వేసవి 85-90 9-10 బెట్టను మరియు అగ్గి తెగులను తట్టుకుంటుంది.
హేమ రబీ 105-110 10-12 తెల్ల గింజ రాగి రకము. అగ్గి తెగులును తట్టుకుంటుంది.

విత్తన మొతాదు

2.0 కిలోల విత్తనముతో 5 సెంట్లలో నాటడానికి సరిపోతుంది. వెదజల్లే పద్ధతిలో ఎకరాకు 3-4 కిలోల విత్తనము అవసరమువుతుంది.

విత్తనశుద్ధి

కిలో విత్తనానికి 2 గ్రా. కార్బండాదిమ్ తో విత్తనశుద్ధి చేయాలి.

విత్తే పద్ధతి

నారుమడికి తేలికపాటి దుక్కి చేసి విత్తనం చల్లి, పట్టే తోలాలి. బాగా దుక్కి చేసిన నేలల్లో రాగిని 1:3 నిష్పత్తిలో విత్తనము మరియు సన్నని ఇసుక కలిపి నేరుగా కూడ విత్తుకోవచ్చును.

నారు నాటేపధ్ధతి

85-90 రోజుల స్వల్పకాలిక రకాలకు 21 రోజుల వయసు కలిగిన మొక్కలను, 1.5-120, రేజుల దీర్ఘకాలిక రకాలను 30 రోజుల మొక్కలను నాటాలి. వరుసల మధ్య 30 సెం.మీ., మొక్కల మధ్య 15 సెం.మీ. దూరం పాటించాలి.

ఎరువులు

నాటే ముందు ఎకరాకు 4 టన్నుల పశువుల ఎరువు ఆఖరు దుక్కిలో వేసి కలియదున్నాలి. ఎకరాకు 25-30 కిలోల డి.ఎ.పి., 15 కిలోల మ్యూరేట్ ఆఫ్ పోటాష్ నాటేటప్పుడు వేయాలి. నాటిన 30 రోజులకు 25 కిలోల యూరియా పై పాటుగా వేసుకోవాలి.

కలుపు నివారణ, అంతరకృషి

విత్తనము వేసే దానికి మరియు నారు నాటే ముందు పెండిమిధాలిన్ ఎకరాకు 600 మీ.లీ. చొప్పున 200 లీ. నీటిలో (3 మీ. లీ. లీటరు నీటికి) కలిపి పిచికారి చేసి కలుపును నివారించవచ్చు.

నీటి యాజమాన్యము

పూత దశ, గింజ పాలు పోసుకునే దశల్లో పైరు నీటి ఎద్దడికి గురి కాకుండా చూడాలి.

సస్యరక్షణ

గులాబి రంగు పురుగు

బాగా ఎదిగిన లార్వాలు గులాబీ రంగులో ఉండి కాండాన్ని తొలచి లోపలి భాగాలను తినడం వలన మొవ్వు చనిపోతుంది. పంటను కంకి దశలో ఆశిస్తే తెల్లకంకులు ఏర్పడతాయి. ఈ పురుగు నివారణకు క్లోరిపైరిఫాస్ 2.5 మీ.లీ. ఒక లీటరు నీటికి కలిపి పిచికారి చేయాలి.

అగ్గి తెగులు

ఈ తెగులు ఆశించినపుడు ఎదిగిన మొక్కల ఆకులు, కణుపులు, వెన్నులపైన దారపు కండె ఆకారం మచ్చలు ఏర్పడతాయి. కణుపుల పై తెగులు ఆశిస్తే కణువులు విరగడం, వెన్నుపై ఆశిస్తే గింజలు తాలుగా మారుతాయి. మొక్కలపై ఈ తెగులు ఆశించినప్పుడు 1 గ్రా. కార్బండాజిమ్ లేదా 1 మీ.లీ. ఎడిఫెన్ఫాస్ లీటరు నీటికి కలిపి పిచికారి చేయాలి.

పంట కోత, నూర్పిడి

గింజలు ముదురు గోధుమ రంగులో ఉన్నపుడు, వెన్నుల దగ్గర ఆకులు పండినట్లుగా ఉంటే పంటను కోయవచ్చు. పిలక కంకుల కంటే ప్రధాన కాండపు కంకి మొదట కోతకు వస్తుంది. కాబట్టి 2 దశల్లో కంకులను కోయాలి. పొలంలోనే చొప్పకోసి, 2-3 రోజులు ఆరిన తర్వాత వెన్నులను విడదీయాలి. బాగా ఆరిన వెనులను కర్రలతో కొట్టిగాని, ట్రాక్టరు నడపడం ద్వారా గాని గింజలను సేకరించాలి. అలా సేకరింసచిన గింజలను గాలికి తూర్పారబట్టి నాణ్యమైన గింజలను పొందవచ్చును.

వేరుశనగ ప్రస్తుతం 70–80 రోజుల పంట దశలో ఉంది. పొలంలో ఆకుమచ్చ తెగులు గుర్తించిన వెంటనే ఒక ఎకరానికి హెక్సాకొనజోల్ 400 మి.లీ.ను 200 లీటర్ల నీటిలో కలిపి పిచికారి చేయాలి.

  • పంట చివరి దశలో ఆశించే బూజు తెగులు, కాండం కుళ్ళ తెగులు నివారణకు సమగ్ర యాజమాన్య పద్ధతులను పాటించాలి. న కాలంలో ఆకువుచ్చ తెగులును నివారించడం ద్వారా కాండం కుళ్ళను అదుపులో పెట్టవచ్చు. పంట మీద ఒక ఎకరానికి 400 మి.లీ. టిబ్యుకొనజోల్ 200 లీటర్ల నీటిలో కలిపి పిచికారి చేయాలి.
  • వైరస్ తెగుళ్ళ నివారణకు అన్ని రకాలైన కలుపు మొక్కలను పూత దశకు రాక ముందే తీసివేయాలి. పంటపై ఇమిడాక్లోప్రిడ్ 200 లీటర్ల నీటిలో కలిపి పిచికారి చేయాలి.
  • రబీ వేరుశనగను అక్టోబర్ నుండి నవంబరు మాసం వరకు విత్తుకోవచ్చు. ఎకరానికి 75-80 కిలోల ఒలిచిన గింజలు అవసరమవుతాయి. కిలో విత్తనానికి 1 గ్రా, టెబ్యుకొనజోల్ తో విత్తనశుద్ధి చేసి విత్తుకోవాలి.
  • ట్రాక్టర్ సహాయంతో లేదా ఎదుల సహాయంతో నడిచే గొర్రుతో వరుసలో విత్తుకోవాలి. వరుసల మధ్య దూరం 30 సెం.మీ. మొక్కల మధ్య దూరం 10 సెం.మీ. పాటించాలి.

రాగి సాగుపై మరిన్ని వివరాలకు సంప్రదించాల్సిన చిరునామా: ప్రధాన శాస్త్రవేత్త (చిరుధాన్యాలు), ప్రాంతీయ వ్యవసాయ పరిశోధనస్థానం, పాలెం. ఫోన్ నెం. 8008404874

2.99487179487
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు