హోమ్ / వ్యవసాయం / అప్పు మరియు బీమా పథకాలు / ప్రధాన మంత్రి పంట బీమా పథకము
పంచుకోండి
వ్యూస్
  • స్థితి: సవరణ కు సిద్ధం

ప్రధాన మంత్రి పంట బీమా పథకము

కొత్త పంట బీమా పథకం "ఒక దేశం- ఒక పథకము" అనే ప్రాతిపదికతో పని చేస్తుంది. ఇది అన్ని మునుపటి పథకాల ఉత్తమ లక్షణాలు కలిగి ఉంటుంది. అదే సమయంలో, అన్ని మునుపటి లోపాలు/బలహీనతలు తొలగించబడ్డాయి. జాతీయ వ్యవసాయ బీమా పథకం అలాగే సవరించిన NAIS రెండు పథకాలను PMSBY భర్తీ చేస్తుంది.

లక్ష్యాలు

  • సహజ విపత్తులు, తెగుళ్లు & వ్యాధులు ఫలితంగా నోటిఫై పంటలు పాడైన సందర్భాలలో రైతులకు బీమా మరియు ఆర్థిక మద్దతు అందించటం.
  • రైతులు వ్యవసాయాన్ని కొనసాగించేలా వారి ఆదాయాన్ని స్థిరీకరించటం.
  • రైతులు వినూత్న మరియు ఆధునిక వ్యవసాయ పద్ధతులను పాటించేలా ప్రోత్సహించటం.
  • వ్యవసాయ రంగానికి రుణాల కొనసాగింపును నిర్ధారించటం.

పథకం యొక్క ముఖ్యాంశాలు

అన్ని రబీ పంటలకు 2% మరియు అన్ని ఖరీఫ్ పంటలకు 1.5% ఏకరీతి ప్రీమియాన్ని రైతులు చెల్లించ వలసి ఉంటుంది . వార్షిక వాణిజ్య మరియు తోటల విషయంలో రైతులు చెల్లించే ప్రీమియం కేవలం 5% ఉంటుంది. రైతులు చెల్లించే ప్రీమియం చాలా తక్కువగా ఉంటుంది. సమతుల్యత ప్రీమియం వలన రైతులకు పంట నష్టం జరగకుండా రైతులకు పూర్తి భీమా మొత్తాన్ని అందించడానికి సహజ విపత్తుల ఖాతానుంచి ప్రభుత్వం చెల్లిస్తుంది.

  • ప్రభుత్వ సబ్సిడీ పై ఎలాంటి గరిష్ట పరిమితి ఉండదు. సమతుల్యత ప్రీమియం 90% అయినా, అది ప్రభుత్వం భరిస్తుంది.
  • అంతకు ముందు ఉన్న పథకాలలో ప్రీమియం రేటు క్యాపింగ్ ఉండటం వలన రైతులకు తక్కువ క్లేములు అందేవి. ఈ ప్రీమియం క్యాపింగ్ సబ్సిడీ వలన ప్రభుత్వ చెల్లింపులు పరిమితం ఉండేవి. ఈ క్యాపింగ్ ఇప్పుడు తొలగించబడింది. రైతులు ఏలాంటి తగ్గింపు లేకుండా భీమా పూర్తి మొత్తాన్ని పొందుతారు.
  • చాలా వరకు టెక్నాలజీ ఉపయోగాన్ని ప్రోత్సహిస్తారు. స్మార్ట్ ఫోన్లు ఉపయోగించి పంట కోత డేటా అప్లోడ్ చేయటం వలన రైతులకు దావా చెల్లింపులలో ఆలస్యం కాదు. రిమోట్ సెన్సింగు పంట కోత ప్రయోగాల సంఖ్య తగ్గించేందుకు ఉపయోగపడుతుంది.
  • PMFBY పథకం NAIS / MNAIS పథకాలను కలుపుతుంది. పథకం అమలులో ఉన్న అన్ని సేవల సేవా పన్నులో మినహాయింపు ఉంటుంది. ఈ కొత్త పథకం రైతులకు బీమా ప్రీమియం సబ్సిడీ 75-80 శాతం వరకు ఉండవచ్చని అంచనా వేస్తున్నారు.

పరిధిలోకి వచ్చే రైతులు

నోటిఫై ప్రాంతంలో నోటిఫై పంటల వేసిన అందరు రైతులు పంట బీమాకు అర్హులు.

నిర్బంధ కవరేజీ

పథకం కింద నమోదు చేసుకోవడానికి, నోటిఫై ప్రాంతంలో నోటిఫై పంట సాగు పై బీమాకు లోబడి, క్రింది విధంగా రైతుల కేటగిరీలు ఉండాలి:

  • నోటిఫై ప్రాంతంలో పంట రుణ ఖాతా/కేసీసీ ఖాతా (రుణం తీసుకోనే రైతులు అని పిలుస్తారు) కలిగిన రైతులు ఎవరికైతే క్రెడిట్ పరిమితి మంజూరు అయిందో/పునరుద్ధరించబడిందో వారు.
  • ఇతర రైతులు ఎవరినైతే ఎప్పటికప్పుడు చేర్చడానికి ప్రభుత్వం నిర్ణయించుకుంటుందో వారు.

స్వచ్ఛంద కవరేజీ

కేసీసీ/పంట రుణ ఖాతా హోల్డర్స్ తో కలిపి పైన చేప్పిన వాటిలో రాని రైతులు స్వచ్ఛంద కవరేజీని పొందవచ్చును.

క్రింది నష్టాలను ఈ పథకం భర్తీ చేస్తుంది

  • దిగుబడి నష్టాలు (నోటిఫై ప్రాంతం ఆధారంగా పంటలు ). మంటలు మరియు పిడుగులు, తుఫాను, వడగండ్ల తుఫాను, సైక్లోన్, టైఫూన్, టెంపెస్ట్, హరికేన్, సుడిగాలి వంటి అదుపు చేయలేని ప్రమాదాలు ఈ పథకం కిందకి వస్తాయి. వరదలు, వరద ముంపు మరియు కరువు, డ్రై స్పెల్ తెగుళ్ళ కారణంగా నష్టాలు/వ్యాధులు కూడా ఈ పథకం కిందకు వస్తాయి.
  • నోటిఫై ప్రాంతంలో బీమా చేయించుకున్న చాలా మంది రైతులు విత్తనాలు నాటాలనుకున్న దానికి సంబంధించిన ఖర్చును ప్రతికూల వాతావరణ పరిస్థితుల కారణంగా ఆపుతారు. ఇలాంటి పరిస్థితి కలిగిన వారు కూడా ఈ పథకం కింద భీమా యొక్క 25 శాతం పొందవచ్చు.
  • కోత తరువాత నష్టాలు "కట్ & వ్యాప్తి" పరిస్థితి నుండి ఎండే స్థితిలో ఉంటే ఈ పథకం కింద పరిహారాన్ని పొందవచ్చు. ఇది సాగు జరిగినప్పటి నుంచి 14 రోజుల గరిష్ట కాలం వరకు వర్తిస్తుంది.
  • నోటిఫై ప్రాంతంలో మారుమూల వ్యవసాయ క్షేత్రాలలోని కొన్ని స్థానికమైన సమస్యలు, వడగళ్ళవాన మరియు ముంపు ప్రభావం వంటి పరిమిత నష్టాలు కూడా ఈపథకం కిందకు వస్తాయి.

భీమా యొక్క యూనిట్

పథకాన్ని 'ఏరియా అప్రోచ్ ఆధారంగా' అమలు చేస్తారు. అనగా వైపరీత్యాల ఆధారంగా ప్రతి పంటకు "నోటిఫై ఏరియా" లను గుర్తిస్తారు. ఈ ప్రాంతాలలోని రైతులందరిని ఒక భీమా యూనిటుగా భావిస్తారు. ఒక యూనిటు రైతు లందరు ఒకేరకమైన సమస్యలను ఎదుర్కొంటారు. ఒక హెక్టేరుకు అయ్యే ఖర్చుకూడా ఒకేరకంగా ఉంటుంది. హెక్టారుకు వచ్చే సంపాదన కూడా ఒకే రకంగా ఉంటుంది. మరియు ఒకేరకమైన పంట నష్టం ఉంటుంది.

ముఖ్య పంటలకు నిర్వచించిన ప్రాంతగా (అనగా, భీమా యొక్క యూనిట్ ప్రాంతం) గ్రామం/గ్రామ పంచాయతీ స్థాయిలో, ఏ పేరుతో వీటిని పిలిచినా, గర్తిస్తారు. ఇతర పంటలకు గ్రామం/గ్రామ పంచాయతీ ప్రాంతాలకంటే పెద్ద ప్రాంతాన్నీ తీసుకుంటారు. కొంతకాలం తర్వాత, ఒకే రకమైన ప్రమాదాలు గల నోటిఫై పంటల బీమా యూనిటు జియో-ఫెన్సుడ్/ జియో-మ్యాప్ కావచ్చు.

సూచించే క్యాలెండర్

కార్యాచరణ ఖరీఫ్ రబీ
తప్పనిసరి రుణం కింద తీసుకున్న రైతుల రుణ కాలం (రుణం మంజూరు అయింది) . జూలై నుంచి ఏప్రిల్ అక్టోబర్ నుంచి డిసెంబర్
రైతుల (రుణం తీసుకున్న మరియు తీసకోని) ప్రతిపాదనలు తీసుకొనే కట్ ఆఫ్ తేదీ. 31 జూలై 31 డిసెంబర్
దిగుబడి డేటా కోసం కట్ ఆఫ్ తేదీ చివరి పంట నుండి ఒక నెల లోపల చివరి పంట నుండి ఒక నెల లోపల

మునుపటి పథకాలతో పోలిక

వరస సంఖ్య లక్షణం NAIS 1999] MNAIS [2010] ప్రధాని పంట బీమా పథకం
1 ప్రీమియం రేటు తక్కువ అధికం NAIS కన్నా తక్కువ (గవర్నమెంట్ ఐదింతలు ఆ రైతుకు చెల్లిస్తుంది)
2 ఒక సీజన్ - ఒక ప్రీమియం అవును కాదు అవును
3 భీమా సొమ్ము కవర్ మొత్తం క్యాప్డ్ మొత్తం
4 ఖాతా చెల్లింపు కాదు అవును అవును
5 ప్రాంతీయ రిస్క్ కవరేజ్ కాదు వడగళ్ళు తుఫాను, భూమి స్లయిడ్ వడగళ్ళు తుఫాను, భూమి స్లయిడ్, జలమయం
6 పోస్ట్ హార్వెస్ట్ నష్టాల కవరేజ్ కాదు తీర ప్రాంతాలు - తుఫాను వర్షం కోసం మొత్తం దేశం - తుఫాను + అకాల వర్షాలకు
7 సాగు నివారన కవరేజ్ కాదు అవును అవును
8 టెక్నాలజీ ఉపయోగం (త్వరిత పరిష్కారం కోసం) కాదు ఉద్దేశించబడింది తప్పనిసరి
9 అవగాహన అవును అవును అవును (50% డబుల్ కవరేజీ లక్ష్యం)

పథకం గురించి పూర్తి సమాచారం కోసం, ఇక్కడ క్లిక్ చేయండి

మూలం: వ్యవసాయ మంత్రిత్వశాఖ మరియు రైతు సంక్షేమం, భారత ప్రభుత్వం

3.01294820717
G.ramachandra reddy Jul 07, 2018 12:48 PM

Most farmers have not information so take nessesary action

P.venkatasubbareddy Jun 20, 2017 04:15 PM

na crop loan a/c nundi chilli crop ku premium naku teyliyakunda teesukonnaru.taruvatha neynuvesina crop vedipoinadi..digubadi raka neynu chalanastapoinanu.karavuvalla nastam vachinadi. .bank f.o nu insurance dabbulu eppinchamani adigitey. ..vastai. .vastai ani antunnadu kani enthavaraku bhima raleydu .agricultural a.o ni adigitey maku teliyadu annadu.naku insurance ravalantey nenu eami cheyyali.madi a.p lo ni prakasam district kandukur mandal. ..Palur village.

సుధాకర రెడ్డి నేవూరి Jun 16, 2017 01:40 PM

మంచి పథకం ఎంతో ఉపయోగకరం రైతులందరికీ

పి తిరుమలేశ్ రెడ్డి May 29, 2016 10:08 PM

ప్రధాన మంత్రి పసల్ యోజన గురించి ఉంది కానీ దాన్ని ఏ విధంగా నింపాలో లేదు కావూన నాకు ఫామ్ ఏ విధంగా నింపాలో తెలుపగలరు

మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
పైకి వెళ్ళుటకు