హోమ్ / వ్యవసాయం / మత్స్య సంపద / మంచి నీటిలో ముత్యాల పంట (పెర్ల్ కల్చర్)
పంచుకోండి
వ్యూస్
  • స్థితి: సవరణ కు సిద్ధం

మంచి నీటిలో ముత్యాల పంట (పెర్ల్ కల్చర్)

ప్రకృతిలో సహజ సిద్ధంగా లభించే రత్న జాతులలో ముత్యం ఒకటి. మొలుస్క్ (ముత్యపు చిప్ప) అనే కీటకం నుంచి ముత్యాలు రూపొందుతాయి. ఒకవైపు ఇండియాలోను, ఇతర దేశాలలోను ముత్యాలకు గిరాకి పెరిగిపోతుంటే , మరోవైపు ప్రకృతి వనరులను విచక్షణా రహితంగా దోచుకోవడంవల్ల , కాలుష్యం వల్ల ముత్యాల సహజ ఉత్పత్తి బాగా తగ్గిపోయింది. ఈ విభాగం వాటి సాగు గురించి వివరించడం జరిగింది.

ముత్యాల పంట అంటే ఏమిటి?

ప్రకృతిలో సహజ సిద్ధంగా లభించే రత్న జాతులలో ముత్యం ఒకటి. మొలుస్క్ (ముత్యపు చిప్ప) అనే కీటకం నుంచి ముత్యాలు రూపొందుతాయి. ఒక వైపు ఇండియాలోను, ఇతర దేశాలలోను ముత్యాలకు గిరాకి పెరిగిపోతుంటే , మరోవైపు ప్రకృతి వనరులను విచక్షణా రహితంగా దోచుకోవడం వల్ల , కాలుష్యం వల్ల ముత్యాల సహజ ఉత్పత్తి బాగా తగ్గిపోయింది. దేశీయ అవసరాలను తట్టుకోవడానికి మనదేశం ప్రతియేటా , కల్చర్డ్ (అనువైన ఉత్పాదక పరిస్థితులను కల్పించి , రూపొందించే) ముత్యాలను భారీఎత్తున దిగుమతిచేసుకుంటున్నది. ఇలావుండగా, భువనేశ్వర్‌లోని మంచినీటి చేపలపెంపకం కేంద్రీయ సంస్థ, మనదేశంలోని జలాశయాలలో విస్తృతంగా పెరిగే, మంచినీటి ముత్యపు పురుగులను ఉపయోగించి, అనువైన ఉత్పాదక పరిస్థితులను కల్పించి , కల్చర్డ్ ముత్యాలను ఉత్పత్తిచేసే సాంకేతిక పరిజ్ఞానాన్ని రూపొందించింది.

ప్రకృతిలో, సహజసిద్ధంగా, ముత్యాలు ఎలా ఏర్పడతాయంటే, ముత్యపు చిప్ప (మొలుస్క్ , లేదా మ్యూషల్ ) లోకి ఒక ఇసుకరేణువు, ఒక క్రిమి , లేదా మరే ఇతర పదార్ధమైనా ప్రవేశిస్తే, ముత్యపు పురుగు దానిని బయటకు నెట్టివేయలేక , దానిచుట్టూ ఒక మెరిసే పదార్ధాన్ని అనేక పొరలుగా పూస్తుంది . అలా ఏర్పడేదే ముత్యం.! ఈ చిన్న సూత్రాన్నే కల్చర్డ్ ముత్యాల తయారీలో పాటిస్తున్నారు.

ముత్యపుచిప్ప లోపలివైపున ఎలాంటి మెరుపుతో వుంటుందో, ముత్యమూ అలాంటి మెరుపుతోనే వుంటుంది. దీనినే మదర్ ఆఫ్ పెర్ల్ లేయర్ (ముత్యపు మెరుపు మూల ధాతువు) అని, నేకెర్ అని అంటారు. కాల్షియం కార్బొనేట్, సేంద్రియ మూలధాతువు, నీరు రసాయనిక సంయోగంతో ముత్యం ఏర్పడుతుంది. మార్కెట్లో దొరికే ముత్యాలు మూడు రకాలు ; సహజమైన ముత్యాలు , కృత్రిమమైన ముత్యాలు, కల్చర్డ్ ముత్యాలు. కృత్రిమ లేదా ఇమిటేషన్ ముత్యాలు నిజానికి ముత్యాలు కావు. అవి, ఏదో ఒక , ముత్యపు ఆకారపు గట్టి కేంద్రకం (ఆధారం) పైన ముత్యంలాంటి మెరుపు పూత పూసినవి మాత్రమే . సహజ ముత్యాలలో ఈ కేంద్రకం లేదా న్యూక్లియస్ చాలా చిన్నదిగా వుండి, మెరుపు పూత దట్టంగా వుంటుంది. సాధారణంగా, సహజ ముత్యాలు చిన్నవిగా , కొద్దిగా ఎగుడుదిగుడుగా వుంటాయి. కల్చర్డ్ ముత్యాలు కూడా సహజ ముత్యాలే. ఒకేఒక తేడా ఏమిటంటే, ముత్యపు చిప్పలోకి జీవ పదార్ధ శకలాన్ని, కేంద్రకాన్ని శస్త్రచికిత్స ద్వారా చొప్పిస్తారు (ఇంప్లాంట్ చేస్తారు) . ఏ ఆకారంలో, ఏ సైజులో, ఏ రంగు ముత్యం కావాలనుకుంటే దానికి తగిన పదార్ధాన్ని ప్రవేశపెడతారు. మనదేశంలో నాణ్యమైన ముత్యాలను ఉత్పత్తిచేసే మూడు జాతుల మంచినీటి ముత్యపు చిప్పలు వున్నాయి. అవి: లామెలిడెన్స్ మార్జినలిస్, ఎల్ కోరియానస్, పారేసియా కొర్రుగాట అనేవి.

కల్చర్ విధానాలు

మంచినీటి కల్చర్డ్ ముత్యాల ఉత్పత్తిలో , వరుసగా చేయవలసిన ఆరు ప్రధాన చర్యలు వుంటాయి. అవి: ముత్యపు చిప్పల సేకరణ, ఆపరేషన్‌కు ముందు సంసిద్ధత , శస్త్రచికిత్స, ఆపరేషన్‌ అనంతర జాగ్రత్తలు, చెరువులో పెంచడం, ముత్యాల పంటను తీయడం.

ముత్యపు చిప్పల సేకరణ

చెరువులు, నదులనుంచి మంచి ముత్యపు చిప్పలను సేకరించుకోవాలి. యంత్రాల సహాయంతో కాకుండా మనుషులే వాటిని సేకరించి, బకెట్లవంటి పాత్రలలో నీటిలో వాటిని వుంచాలి. 8 సెంటీమీటర్లపైగా పొడవున్న ముత్యపు చిప్పలను తగిన సైజువిగా పరిగణిస్తారు.

ఆపరేషన్‌కు ముందు సంసిద్ధత

సేకరించిన మ్యూషల్స్ ను ఆపరేషన్‌కు ముందు రెండు మూడు రోజులపాటు, స్వేచ్చగా కదలడానికి వీలులేని విధంగా, కట్టుదిట్టంగా వుంచాలి. బకెట్ లేదా ఏదైనా ఇతర పాత్రలో కిక్కిరిసినట్టు (1 /1) మ్యూషల్స్ ను వుంచాలి. ఇలా చేయడంవల్ల, మ్యూషల్స్ కండరాలు బలహీనపడి, శస్త్ర చికిత్ససమయంలో వాటిని సంభాళించడం తేలికవుతుంది.

మ్యూషల్స్ కు శస్త్ర చికిత్స

శస్త్ర చికిత్స చేసే అవయవ భాగాన్ని బట్టి , ఈ ఆపరేషన్ మూడువిధాలు. అవి: చిప్పలమధ్య బోలు భాగం (మాంటిల్ కేవిటి) , చిప్పల కణ సముదాయం (మాంటిల్ టిస్యూ), పునరుత్పత్తి అవయవ (గొనాడల్ ) ఇంప్లాంటేషన్స్. శస్త్ర చికిత్సద్వారా మ్యూషల్స్ లో వేరే పదార్ధాన్ని ప్రవేశపెట్టడానికి ముఖ్యంగా, ముత్యపు చిప్ప తో, లేదా సున్నపురాయి (కాల్షియం కార్బొనేట్) తో చేసిన పూసలు, లేదా కణ కేంద్రకం కావలసి వుంటుంది.

మాంటిల్ కేవిటి ఇంప్లాంటేషన్ :ఈ పద్ధతిలో, శస్త్రచికిత్స పరికరాలతో ముత్యపు చిప్ప రెండు చివరలను జాగ్రత్తగా తెరచి, ముత్యపు పురుగుకు ఏమాత్రం దెబ్బతగలకుండా, 4-6 మిల్లీమీటర్ల వ్యాసం కలిగిన గుండ్రని పూసలను, లేదా వినాయకుడు , బుద్ధుడు మొదలైన బొమ్మలను చిత్రించిన పూసలను, ముత్యపు పురుగు చివరలగుండా చొప్పిస్తారు. చిప్ప రెండువైపులనుంచికూడా ఈ పూసలను చొప్పించవచ్చు. బొమ్మలు చెక్కిన పూసలను చొప్పించే విషయంలో, బొమ్మ వున్న భాగం చిప్పలోపలిగోడకు ఎదురుగా వుండేలా జాగ్రత్త తీసుకోవాలి. పూసలను అనుకున్నవిధంగా అమర్చిన తర్వాత, చిప్పను తెరిచినందువల్ల ఏర్పడే ఖాళీలు మూసుకుపోయేవిధంగా, ముత్యపుచిప్పను జాగ్రత్తగా మూసివేయాలి.

మాంటిల్ టిస్యూ ఇంప్లాంటేషన్: ఈ పద్ధతిలో, మ్యూషల్స్‌ను రెండు గ్రూపులుగా విభజిస్తారు ; ఒకటి దాత మరొకటి గ్రహీత. మొదట గ్రాప్ట్ ను తయారుచేసుకోవాలి ఈ పద్ధతిలో గ్రాప్ట్ అంటే, స్వీకరించే మ్యూషల్‌లో చొప్పించడానికి, ప్రాణ త్యాగం చేసే దాత నుండి సేకరించే శరీర భాగాన్ని గ్రాప్ట్ అంటారు. దీనిని (టిస్యూ). పురుగు అడుగు భాగం నుండి, సన్నని పొడవైన ముక్కను కత్తిరించి దానిని 2 x 2 మిల్లీమీటర్ల చిన్న చిన్న ముక్కలుగా కత్తిరించాలి. ఆ తర్వాత, ఈ ముక్కలను స్వీకరించే మ్యూషల్‌లో ప్రవేశపెట్టాలి. మళ్ళీ ఇది , న్యూక్లియస్ తోపాటు, న్యూక్లియస్ లేకుండా, అని రెండు రకాలు . మొదటి పద్ధతిలో, కేవలం గ్రాఫ్‌ట్ ముక్కలను మాత్రమే ప్రవేశపెడితే , రెండవ పద్ధతిలో , గ్రాఫ్‌ట్ తోపాటు 2 మిల్లీమీటర్ల వ్యాసంగల చిన్న న్యూక్లియస్‌నుకూడా చిప్పలో ప్రవేశపెడతారు. ఈ రెండు పద్ధతులలోకూడా, చిప్పలోపలకు చొప్పించిన గ్రాఫ్‌ట్, లేదా న్యూక్లియస్ బయటకురాకుండా జాగ్రత్త తీసుకోవాలి. చిప్ప రెండువైపులనుంచి వీటిని చొప్పించవచ్చు.

గొనాడల్ ఇంప్లాంట్: ఈ పద్ధతిలోకూడా , ఇంతకుముందు , మాంటిల్ టిస్యూ పద్ధతిలో చెప్పినట్టే, గ్రాఫ్‌ట్ తయారుచేసుకోవలసి వుంటుంది. ముందుగా, మ్యూషల్ పునరుత్పత్తి అవయవం(గొనడ్) చివర ఒక గాటుపెట్టి, దానిలోకి గ్రాఫ్‌ట్‌ను, 2-4 మిల్లీమీటర్ల పరిమాణంగల న్యూక్లియస్‌ను చొప్పించాలి. గ్రాఫ్‌ట్, న్యూక్లియస్ రెండూ ఒకదానికి ఒకటి తగులుతూ వుండే విధంగా శ్రద్ధవహించాలి. గాటు పెట్టడంలో పేగులు తెగకుండా జాగ్రత్తపడాలి. .

ఆపరేషన్ తర్వాత జాగ్రత్తలు

ఇంప్లాంట్‌చేసిన మ్యూషల్స్‌ను నైలాన్ సంచులలోవుంచి, సహజ ఆహారాన్ని అందిస్తూ, యాంటిబయోటెక్ చికిత్సచేస్తూ, పదిరోజులపాటు ఆపరేషన్ అనంతర విభాగంలో వుంచాలి. ప్రతిరోజూ ఆ మ్యూషల్స్‌ను గమనిస్తూ ; చనిపోయిన మ్యూషల్స్‌ను , న్యూక్లియస్‌ను తిరస్కరించే మ్యూషల్స్‌ను ఎప్పటికప్పుడు తొలగిస్తుండాలి.

చెరువులో పెంపకం (కల్చర్)

తగిన విధంగా, ఆపరేషన్ అనంతర జాగ్రత్తలు తీసుకున్న పిమ్మట, ఇంప్లాంట్‌చేసిన మ్యూషల్స్‌ను చెరువుకు తరలించాలి. వాటిని నైలాను సంచులలో (సంచికి 2 వంతున) వుంచి, ఆ సంచులను వెదురు కర్రలు , లేదా పివిసి పైపుల ఆధారంగా చెరువు నీటిలో , 1 మీటరు లోతున వేలాడదీయాలి. ఈ విధంగా, హెక్టారుకు 20,000-30,000 మ్యూషల్స్‌ను చెరువులో కల్చర్ చేయవచ్చు. ఈ కల్చర్ దశ 12-18 నెలలపాటు వుంటుంది. ఉత్పాదకత సుస్థిరంగా వుండడానికి వీలుగా, చెరువులో నిర్ణీత వ్యవధిలో సేంద్రియ, సేంద్రియేతర ఎరువులను వేయాలి. మ్యూషల్స్‌ను గమనిస్తూ, చనిపోయిన మ్యూషల్స్‌ను ఎప్పటికప్పుడు తొలగిస్తూ, సంచులను శుభ్రంగా వుంచాలి.

కోతకువచ్చిన ముత్యాల పంట – ముత్యాల తీత

కల్చర్ దశ ముగిసిన పిమ్మట, మ్యూషల్స్ కోతకు వస్తాయి. టిస్యూ , గోనడ్ తరహా ఇంప్లాంటేషన్లలో మ్యూషల్స్ సజీవంగా వుంటూనే, ముత్యాలను సేకరించే వీలుండగా, మాంటల్ కేవిటి పద్ధతిలో మాత్రం ముత్యాల సేకరణలో మ్యూషల్స్ చనిపోతాయి. ఇదేవిధంగా, వివిధ పద్ధతులలో ఉత్పత్తి అయ్యే ముత్యాల స్వరూపంలోకూడా కొన్నితేడాలు వుంటాయి. కేవిటి పద్ధతిలో వచ్చే ముత్యాలు కొంత ముత్యపు చిప్ప అతుకుతో , సగం గుండ్రంగా వుంటాయి , లేదా ముత్యపు చిప్ప అతుకు మచ్చతో వుంటాయి. ఇక టిస్యూ , గొనాడ్ పద్ధతులలో ఉత్పత్తి అయ్యే ముత్యాలు ముత్యపు చిప్ప అతుకు లేకుండా గుండ్రంగా , లేదా కొంత ఎగుడుదిగుడుగా వుంటాయి. అయితే, టిస్యూ ముత్యాలు చిన్న సైజులో, గొనాడ్ ముత్యాలు పెద్ద సైజులో ఉండడమే ఈ రెండిటికి వుండే తేడా.

మంచినీటి కల్చర్ ముత్యాల ఆర్ధికాంశాలు

గమనించవలసిన అంశాలు

ఈ క్రింద పేర్కొన్న గణాంకాలు సిఫా ( మంచినీటి జలచరాల పెంపకం కేంద్రీయ సంస్థ)లో వచ్చిన ప్రయోగాత్మక ఫలితాలు మాత్రమే.
అతుకువున్న  బొమ్మల ముత్యాలు డిజైన్ లేదా ఇమేజ్ (బొమ్మల) ముత్యాలు తయారుచేయడం చాలా పాతబడిన ఆలోచనే.   అయితే, చైనానుంచి  భారీగా దిగుమతి చేసుకుంటున్న సెమి కల్చర్డ్ ముత్యాలకు, రైస్  పెరల్స్ కు వున్న గిరాకీ దృష్ట్యా, సిఫాలో ఉత్పత్తి అవుతున్న  ఈ రకరకాల డిజైన్ లేదా ఇమేజ్  ముత్యాలకు కూడా చెప్పుకోదగిన గిరాకీ వుంటున్నది. ఈ కింది గణాంకాలలో,  కన్సల్టెన్సీ, (సంప్రదింపు సేవలు) మార్కెటింగ్ (క్రయవిక్రయాలు) వంటి (మారే) చార్జీలను చేర్చలేదు.

నిర్వహించిన ప్రయోగ వివరాలు

  1. విస్తీర్ణం : 0.4 హెక్టేర్లు
  2. ఉత్పత్తి: డబుల్ ఇంప్లాంటేడ్ డిజైన్ ముత్యాలు
  3. తయారీకి వుంచిన మ్యూషల్స్ : 25, 000 మ్యూషల్స్ / 0.4 హెక్టేర్లు
  4. కల్చర్ కాల పరిమితి : ఒకటిన్నర సంవత్సరాలు

క్ర సం

అంశం

విలువ (లక్షల రూపాయలలో)

I

వ్యయం

 

A

స్థిర వ్యయం (పెట్టుబడి)

 

1.

ఆపరేషన్ షెడ్  (12 మీ x 5 మీ)

1.00

2.

మ్యూషల్స్‌ను పెంచే టాంకులు
(200 లీటర్లు పట్టే 20 ఫెర్రో-సిమెంట్ / ఎఫ్ఆర్‌పి టాంకులు;
ఒక్కొక్కటి 1,500 రూ.)

0.30

3.

కల్చర్ యూనిట్లు (పి వి సి  పైపు , ఫ్లోట్స్)

1.50

4.

ఆపరేషన్ పరికరాలు
( 4 సెట్లు ,ఒక్కొక్కటి రూ. 5,000)

0.20

5.

ఆపరేషన్ చేయడానికి అవసరమైన ఫర్నిచర్ (4 సెట్లు)

0.10

 

స్థిర వ్యయం మొత్తం :

3.10

బి.

చర వ్యయం

 

1.

చెరువు లీజు ఖర్చు (ఒక పంట / 1 1/2 సంవత్సరాలు)

0.15

2.

మ్యూషల్స్ (25,000 మ్యూషల్స్ , ఒక్కొక్కటి రూ. 0.5)

0.125

3.

డిజైన్ ముత్యాలకోసం న్యూక్లియై ( 50, 000 న్యూక్లియై , డబుల్ ఇంప్లాంటేషన్‌కోసం, ఒక్కొక్కటి రూ.4)

2.00

4.

ఇంప్లాంటేషన్‌కోసం నైపుణ్యంవున్న పనివారు (ముగ్గురు మనుషులు, 3 నెలలకు,  ఒకరికి నెలకు రూ.6,000 వంతున)

0.54

5.

జీతాలు ( ఇద్దరికి / 1.5 సంవత్సరాలకు, ఒక్కొక్కరికి నెలకు 3,000 వంతున)

1.08

6.

ఎరువులు, సున్నము, మొదలైనవి

0.30

7.

ఉత్పత్తి అయిన ముత్యాల ప్రాసెసింగ్  ( 9,000
డిజైన్ ముత్యాలు-ఒక్కొక్కటి రూ . 5 వంతున)

0.45

 

 

చర వ్యయం మొత్తం

4.645

సి.

మొత్తం వ్యయం

 

1.

చర వ్యయం మొత్తం

4.645

2.

చర వ్యయంపై వడ్డీ (ఆరునెలలకు 15 % వంతున)

0.348

3.

స్థిర పెట్టుబడుల (వ్యయం)పై తరుగుదల వ్యయం (సంవత్సరానికి 10 % వంతున 1 1/2 సం.)

0.465

4.

స్థిర పెట్టుబడుల (వ్యయం)పై వడ్డీ ( సంవత్సరానికి 15 % వంతున 1 1/2 సం.)

0.465

 

మొత్తం వ్యయం

5.923

II

స్థూల ఆదాయం

A

ముత్యాల అమ్మకంపై రాబడి (ఫలితానికి వచ్చిన 15,000 మ్యూషల్స్ నుంచి 30, 000 ముత్యాలు;
60 % మ్యూషల్స్ బ్రతికితే)

 

డిజైన్ ముత్యాలు (గ్రేడ్ ఎ మొత్తంలో 10 % ) : ఒక్కొక్క ముత్యం రూ. 150 వంతున 3,000 ముత్యాలు:

4.50

 

డిజైన్ ముత్యాలు (గ్రేడ్ బి మొత్తంలో 20 % ) : ఒక్కొక్క ముత్యం రూ. 60 వంతున 6,000 ముత్యాలు

3.60

 

స్థూల ఆదాయం

8.10

III

నికర ఆదాయం (స్థూల ఆదాయం-మొత్తం వ్యయాలు)

2.177

ఆధారము: మంచినీటి జలచరాల పెంపక కేంద్రీయ సంస్థ, భువనేశ్వర్, ఒడీస

2.99938763013
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు