హోమ్ / వ్యవసాయం / పథకములు / భూసార, నీటిపారుదల మొదలగు పథకాలు
పంచుకోండి
వ్యూస్
  • స్థితి: సవరణ కు సిద్ధం

భూసార, నీటిపారుదల మొదలగు పథకాలు

కేంద్ర మరియు రాష్ట్ర ప్రభుత్వ భూసార,నీటిపారుదల కార్యక్రమాలు

సూక్ష్మ నీటిపారుదలపై జాతీయ లక్ష్యం(NMMI)

జూన్ 2010 నుండి ఎన్.ఎం.ఎం.ఐ. (సూక్ష్మ నీటిపారుదల పై జాతీయ లక్ష్యం (మిషన్) ప్రారంభించబడింది.
ఈ లక్ష్యం జాతీయ ఆహార భధ్రతా లక్ష్యం (నేషనల్ ఫుడ్ సెక్యూరిటీ మిషన్ – ఎన్.ఎఫ్.ఎస్.ఎం), నూనె గింజలు, పప్పధాన్యాలు, ఆయిల్ పామ్, మరియు మొక్కజొన్న సమైక్య పథకం, పత్తి సాంకేతిక పరిజ్ఞాన లక్ష్యం వంటి ప్రభుత్వ పధకాల క్రింద సూక్ష్మ నీటిపారుదల కార్యకలాపాలను మరింత విస్తృత పరచి నీటి వినియోగ సామర్ధ్యాన్ని, పంటల ఉత్పాదకతను, రైతుల ఆదాయాన్నీ పెంచడానికి దోహదం చేస్తుంది. ఈ కొత్త మార్గదర్శకాలు నీటి ఉప్పదనానికి, నీరు పేరుకుపోవడం అన్న అంశాలపై కూడా సందేహ నివృత్తిని కలుగజేస్తుంది.

ఈ పథకం యొక్క విశేషాంశాలుః

  • చిన్న, సన్నకారు రైతులు 60 శాతం ఆర్ధిక సహాయం (సబ్సిడీ) అందుకోగలరు, అలాగే ఇతర లబ్ధిదారులకు 50 శాతం - 5 హెక్టార్ల వరకు, భారత ప్రభుత్వం వారి వాటా క్రింద, సబ్సిడీ ఇవ్వబడుతుంది.
  • సూక్ష్మ నీటిపారుదలలో అభివృద్ధి పరచబడిన సాంకేతిక పరిజ్ఞానంతో పాటు పూర్తిగా శాశ్వతంగా ఉండనటువంటి (సెమి పెర్మనెంట్) నీటిని వెదజల్లే విధానం (స్ప్రింక్లర్ సిస్టమ్) (బిందు సేద్యం వంటిది), ఎరువులు సాగు నీరు కలిపి అందించే విధానం (ఫెర్టిగేషన్), ఇసుకతో నీటి వడపోత విధానం (సాండ్ ఫిల్టర్), వివిధరకాల వాల్వులు మొదలగున కొత్త అంశాలను పరిచయం చేయడం.
  • జిల్లాలకు కాకుండా రాష్ట్రంలో అమలుచేస్తూవుండే ఏజెన్సీ (స్టేట్ ఇంప్లిమెంటింగ్ ఏజెన్సీస్) లకు కేంద్రం యొక్క వాటాను విడుదల చేయడం.

ఈ పథకం మరింత విస్తృతం చేయడానికి అవసరమైన విధంగా లబ్ధిదారులు, పంచాయితీలు, రాష్ట్రంలో అమలుచేసే ఏజెన్సీలు మరియు ఈ విధానంలో నమోదుకాబడిన సరఫరాదారులు వంటివారి మధ్య సమన్వయం కుదిర్చి లబ్ధిని చేరవేసే పటిష్టమైన యంత్రాంగాన్ని కూడా కలిగి ఉంది, దేశంలో ఎన్.ఎం.ఎం.ఐ. (సూక్ష్మ నీటిపారుదల పై జాతీయ లక్ష్యం (మిషన్)ను పటిష్టంగా అమలుచేయడానికి జాతీయ ప్లాస్టికల్చర్ అప్లికేషన్ ఇన్ హార్టికల్చర్ కమిటీ (ఎన్.సి.పి.ఏ.హెచ్) ఒక సంధానకర్త (నోడల్ ఏజెన్సీ)గా వ్యవహరిస్తూ సరైన విధి, విధానాలను కలుగజేస్తూ ఉంటుంది. ఈ ఎన్.సి.పి.ఏ.హెచ్. 22 సూక్ష్మమాన సేద్యాభివృధ్ది కేంద్రాల (ప్రిసిషన్ ఫార్మింగ్ డెవలప్మెంట్ సెంటర్స్) పని తీరును, దేశంలో సూక్ష్మమాన సేద్య విధానాల మరియు అత్యాధునిక (హై టెక్) మైన పద్ధతుల అభివృద్ధిని సమర్ధవంతంగా పర్యవేక్షిస్తూ వుంటుంది.

భూసారం మరియు ఆరోగ్య పరిరక్షణకై జాతీయ ప్రాజెక్ట్

లక్ష్యాలు

ఈ క్రింది విస్తృత ప్రయోజనాలకోసం ఈ పథకాన్ని ప్రారంభించారు. భూసారాన్ని, ఉత్పాదకతను పెంచడానికి సేంద్రియ ఎరువులు, బయో ఫెర్టిలైజర్స్, తగిన పరిమాణంలో రసాయన ఎరువులు, సూక్ష్మపోషకాలను వాడడంద్వారా సమీకృత పోషకాల నిర్వహణను ప్రోత్సహించడం.

  • భూసార పరీక్షల సౌకర్యాన్ని అభివృద్ధి చేయడం, భూసారాన్ని పెంపొందించేందుకు, రైతులకు మంచి రాబడి రావడానికి భూసార పరీక్షల ఆధారంగా సిఫార్సులు చేయడం
  • పచ్చిరోట్ట ఎరువుల వినియోగం ద్వారా నేలల స్వభావాన్ని మెరుగుపరచడం
  • ఆమ్ల/క్షార స్వభావం గల నేలలను వినియోగంలోకి తీసుకురావడానికి నేలలకు చేయవలసిన మార్పుచేర్పులను తెలిపి, వాటిని ప్రోత్సహించడం ద్వారా నేలల భూసారాన్ని, ఉత్పాదకతను మెరుగుపరచడం.
  • ఎరువుల వినియోగంలో నేర్పును అలవరచడానికి సూక్ష్మపోషకాల వినియోగాన్ని ప్రోత్సహించడం.
  • ఎస్ టీ ఎల్/విస్తరణ సిబ్బంది మరియు రైతుల నైపుణ్యాలను, పరిజ్గానాన్ని, సామర్ధ్యాన్ని మెరుగుపరచడానికి వారికి శిక్షణ, వివిధ ప్రదర్శనలు మరియు సమతూకంతో ఎరువుల వినియోగంవలన కలిగే ప్రయోజనాల గురించి పొలాల్లోనే రైతులకు వివరించే ప్రదర్శనలను చేపట్టడం.
  • ఎరువుల నాణ్యతా నియంత్రణ జరగడానికివీలుగా రాష్ట్ర ప్రభుత్వాల అధికారులకు తగిన శిక్షణ ఇవ్వడం, ఎరువుల నాణ్యతా నియంత్రణ సౌకర్యాన్ని పటిష్ఠపరచడం వంటి చర్యలు తీసుకోవడం.
  • ఎస్ టీ ఎల్/ఎరువులపరీక్షా ప్రయోగశాలలను స్థాపిండం, మెరుగుపరచడం కొరకు మరియు సమతూకంలో ఎరువుల వినియోగాన్ని ప్రోత్సహించడానికుద్దేశించిన వివిధ కార్యకలాపాలకు ఆర్ధిక సాయం అందించడం

అంశాలు

ఈ పథకంలోని అంశాలు
i. భూసార పరీక్షా కేంద్రాలను(ఎస్ టీ ఎల్) పటిష్ఠపరచడం

  • 11వ పంచవర్ష ప్రణాళికా కాలంలో 500కొత్త భూసార పరీక్షా కేంద్రాలను ఏర్పాటుచేయడం, సూక్ష్మ పోషకాల విశ్లేషణకొరకు 250 మొబైల్ భూసార పరీక్షా కేంద్రాలను ఏర్పాటుచేయడం
  • సూక్ష్మ పోషకాల విశ్లేషణకొరకు ఇప్పటికే ఉన్న 315 రాష్ట్ర ప్రభుత్వ భూసార పరీక్షా కేంద్రాలను పటిష్ఠపరచడం
  • ఎస్ టీ ఎల్ సిబ్బంది/విస్తరణాధికారులు/రైతులకు శిక్షణ ఇవ్వడం మరియు క్షేత్ర ప్రదర్శనలు/వర్క్ షాపులు నిర్వహించడం ద్వారా సామర్ధ్యాన్నిపెంపొందించడం.
  • స్థలాన్ని బట్టి సమతూకంలో ఎరువుల వినియోగం కొరకు సమాచార భాండాగారమును ఏర్పాటు చేసుకొనుట
  • క్షేత్రస్థాయి ప్రదర్శనలద్వారా గ్రామాలను(పదిగ్రామాల చొప్పున) ఎస్ టీ ఎల్ లు దత్తత తీసుకొనుట
  • ఐసీఏఆర్/రాష్ట్ర ప్రభుత్వ వ్యవసాయ విశ్వవిద్యాలయాల చేత జిల్లాల వారీగా భూముల డిజిటల్ మ్యాపులను(గ్లోబల్ పొజిషనింగ్ సిస్టమ్ ఉపయోగించి), భూసార పర్యవేక్షణా వ్యవస్థను రూపొందించడం

ii. సమగ్ర పోషక వినియోగాన్ని ప్రోత్సహించడం

  • సేంద్రియ ఎరువుల వినియోగాన్ని ప్రోత్సహించడం
  • ఆమ్ల స్వభావ నేలల్లో మార్పుచేర్పులను(సున్నాం/చిట్టెం) ప్రోత్సహించడం
  • సూక్ష్మపోషకాలను పంపిణీ చేయడం మరియు ప్రోత్సహించడం

iii. ఎరువుల నాణ్యతా నియంత్రణ పరిశోధనాశాలలను పటిష్ఠపరచడం

  • ప్రస్తుతం ఉన్న 63 రాష్ట్ర ప్రభుత్వ ఎరువుల నాణ్యతా నియంత్రణ పరిశోధనాశాలలను పటిష్ఠపరచడం/మెరుగు పరచడం
  • రాష్ట్రప్రభుత్వాలచేత 20 కొత్త ఎరువుల నాణ్యతా నియంత్రణ పరిశోధనాశాలలను ఏర్పాటు చేయించడం
  • సలహాలు అందించడం కోసం ప్రైవేటు/సహకార రంగంలో 50 ఎరువుల పరీక్షా పరిశోధనాశాలలను ఏర్పాటు చేయించడం

ఆర్ధిక కేటాయింపులు

ఈ పథకాన్ని 11వ పంచవర్ష ప్రణాళికా కాలంలో అమలుచేయడానికి ఆమోదం లభించింది. పథకంలోని వివిధ అంశాలకుగానూ మొత్తం రు.429.85 కోట్ల రూపాయలు కేటాయించారు

అమలుచేయు సంస్థ

వ్యవసాయ మరీయు సహా కార్ విభాగం మంత్రిత్వ శాఖ

కేంద్ర వ్యవసాయ మంత్రిత్వ శాఖలోని వ్యవసాయం మరియు సహకార విభాగం కేటాయించారు.

రాష్ట్రీయ కృషి వికాస్ యోజన (ఆర్.కె.వి.వై) - జాతీయ వ్యవసాయ అభివృద్ధి కార్యక్రమము

రాష్ట్రీయ కృషి వికాస్ యోజన (ఆర్.కె.వి.వై) అంటే జాతీయ వ్యవసాయ అభివృద్ధి కార్యక్రమము (యన్.ఏ.డి.పి). దీని యొక్క ముఖ్య ఉద్ధేశ్యం ఏమిటంటే పదకొండవ పంచవర్ష ప్రణాళిక కాలంలో వ్యవసాయ రంగంలో 4 శాతం వార్షిక వృద్ధి రేటును సాధించడం. అది ఎలాగంటే వ్యవసాయం మరియు దాని అనుబంధ రంగాలలో సంపూర్ణ అభివృద్ధి ఖచ్చితంగా సాధించడం.

కార్యక్రమ ఉద్థేశ్యాలు

  • వ్యవసాయం మరియు దాని అనుబంధ రంగాలలో పెట్టుబడులు పెంచే రాష్ట్రాలకు ప్రోత్సహాకాలను ఇవ్వడం
  • వ్యవసాయ రంగంపై ప్రణాళికలు చేయడం మరియు కార్యక్రమాలను అమలు చేయడంలో రాష్ట్రాలకు స్వయం ప్రతిపత్తి మరియు మార్పులు చేర్పులు చేసుకునే అవకాశం కల్పించడం
  • రాష్ట్రాలకు, జిల్లాలకు వ్యవసాయ ప్రణాళికలు ఖచ్చితంగా చేసుకునే విధంగా చూడడం
  • ప్రధాన పంటలలో దిగుబడి అంతరాలను తగ్గించడం ద్వారా లక్ష్యాన్ని సాధించడం
  • రైతులు ఎక్కువ ఆదాయం, ఫలితాలు వచ్చేటట్టు చేయడం
  • సమీకృత తరహాలో వ్యవసాయ మరియు దాని అనుబంధ రంగాలను అమలు చేయడం

రాష్ట్రీయ కృషి వికాస్ యోజన (ఆర్.కె.వి.వై) లో ముఖ్యాంశాలు

  • ఇది రాష్ట్ర ప్రణాళిక పథకం
  • వ్యవసాయ, దాని అనుబంధ రంగాలలో రాష్ట్ర ప్రణాళిక ఖర్చులు పెరగుతూ ఉండాలి, వాటిని రాష్ట్రం నిర్వహణ చేసుకుంటూ ఉండాలి. అప్పుడే రాష్ట్రం ఆర్.కె.వి.వై నియమం ప్రకారం ప్రోత్సహకాలకు  అర్హత పొందుతుంది.
  • రాష్ట్రం గత సంవత్సరం కంటే ముందు మూడు సంవత్సరాలలో చేసిన సగటు ఖర్చు ఆధారంగా   బేస్ లైన్ ఖర్చులను నిర్ణయిస్తారు.
  • జిల్లా, రాష్ట్ర వ్యవసాయ ప్రణాళికలు  రూపోందించడం తప్పనిసరి
  • ఈ పథకం ఇతర కార్యక్రమాలైన జాతీయ ఉపాధి హామి పథకం లాంటి పధకాలను కూడా కలుపుకుని అమలు జరుగుతుంది.
  • 100 శాతం ఇది కేంద్ర ప్రభుత్వ గ్రాంటు
  • రాబోవు సంవత్సరాలలో కేంద్రం  తమ వాటా వనరులను తగ్గించి , ఈ పథకం నుండి తప్పుకున్నట్లైతే,  అప్పుడు ఆ పధకాన్ని పూర్తిచేసుకోవడానికి అయ్యే ఖర్చును రాష్ట్ర ప్రభుత్వమే భరించాలి.
  • ఇది ప్రోత్సహక పధకము మాత్రమే. కేటాయింపులు ఆటోమేటిక్ గా జరగవు. పధకాల ప్రణాళికల ఆధారంగా కేటాయింపులు జరుగుతాయి.
  • విస్తృతంగా వ్యవసాయం మరియు దాని అనుబంధ రంగాలు సమీకృతంగా అమలవుతాయి
  • రాష్ట్రలకు పూర్తి స్వయం ప్రతిపత్తి మరియు చేర్పులు, మార్పులు చేసుకునే అవకాశం కల్పించడం జరుగుతుంది.
  • పథకాలు ఏఏ సమయాలలో ఏఏ పనులు పూర్తి చేస్తారో, ఎప్పుడు పూర్తి చేస్తారో వంటి టైమ్ లైనుతో రూపొందిస్తే వాటిని పూర్తిగా ప్రోత్సహించడం జరుగుతుంది.

ఈ పథకం కింద వృద్ధిచేయబోతున్న వ్యవసాయ అనుబంధ రంగాలు

  • పంటగణాభివృద్ది (ఉద్యానవన తోటలు కలుపుకుని)
  • పశుగణాభివృద్ధి, డైరీ అభివృద్ది మరియు మత్స్యశాఖ
  • వ్యవసాయ పరిశోధన మరియు విద్య
  • వ్యవసాయ మార్కెటింగు
  • ఆహారోత్పత్తుల గిడ్డంగి మరియు వేర్ హౌసింగు
  • భూమి మరియు నీటి సంరక్షణ
  • వ్యవసాయ ఆర్థిక సంస్థలు
  • ఇతర వ్యవసాయ కార్యక్రమాలు మరియు సహకార వ్యవస్థ

ఈ పథకం కింద వృద్ధిచేయబోతున్న వివిధ వ్యవసాయ పనులు

  • ఆహార పంటలు ఆహార ధాన్యాలు, చిరుధాన్యాలు మరియు పప్పుధాన్యాలను సమీకృత అభివృద్ధి చేయడం
  • వ్యవసాయ రంగంలో యంత్రాలను ప్రోత్సహించడం
  • భూసారం పెంపోందించడం మరియు దిగుబడి పెంచడం
  • వర్షధార వ్యవసాయ సాగు పద్థతులను అభివృద్ధి చేయడం
  • సమీకృత చీడ పురుగుల, కీటకాలు నిర్మూలన నిర్వహణ – సస్యరక్షణ
  • మార్కెట్ కు అవసరమైన మౌళిక సదుపాయాలు
  • ఉద్యాన వన తోటలు
  • పశుసంపద, డేయిరి మరియు మత్స్య పరిశ్రమ వృద్ధి చేయడం
  • పధకాలు సమయపాలనతో తయారుచేయడం అనే భావనను తీసుకురావడం
  • వ్యవసాయం, ఉద్యానవన తోటలను ప్రోత్సహిస్తున్న సంస్థలకు చేయూతనివ్వడం
  • సేంద్రియ మరియు బయో ఎరువులను ప్రోత్సహించడం
  • సరిక్రొత్త, వినూతన పధకాలను అమలు చేయడం

కేటాయించిన బడ్జెట్

11వ పంచవర్ష ప్రణాళికలో 25 వేల కోట్ల రూపాయలను పెట్టుబడిగా పెడుతున్నారు

రాష్ట్రీయ కృషివికాస్ యోజన పరిధిలోకి పట్టు సాగు , సంబంధిత కార్యక్రమాలు

పట్టు సాగును, సంబంధిత కార్యమాలను రాష్ట్రీయ కృషివికాస్ యోజన (ఆర్.కె.వి.వై ) పరిధిలోకి తీసుకురావాలని ప్రభుత్వం నిర్ణయించింది. ఇందువల్ల ఆ రంగాలకు ఆర్.కె.వి.వై నుంచి నిధులు పొందే అవకాశం లభిస్తుంది. పట్టు సాగుకు సంబంధించి, పట్టు గూళ్ళ ఉత్పత్తి విస్తరణ దశ వరకు; వ్యవసాయిక పారిశ్రామిక రంగానికి సంబంధించి, పట్టు దారం తయారీనుంచి, మార్కెటింగ్ దశ వరకు ఈ నిధుల సదుపాయం వర్తిస్తుంది. ఆర్ కె వి వై ద్వారా లభించే ప్రయోజనాలు ఇప్పుడు , పట్టుపురుగుల పెంపకం విస్తరణ విధానానికి; వర్షాధారపు పట్టుపురుగుల పెంపకానికి ఎలాంటి చీడపీడలకు తావులేకుండా భూసారాన్ని పరిరక్షించడానికి; సమగ్ర సస్యరక్షనకు యాజమాన్యానికి కూడా లభిస్తాయి. ఈ చర్యలు, పట్టు పురుగుల విత్తనాల లభ్యతను పెంచడానికి, పట్టు సాగు రంగంలో యాంత్రీకరణకు తోడ్పడతాయి. ప్రభుత్వ నిర్ణయం, పట్టు సాగుకు సంబంధించిన మార్కెట్ వనరులను పెంపొందించడానికి, పట్టు వ్యాపారాన్ని ప్రోత్సహించడానికి దోహదం చేస్తుంది. వ్యవసాయేతర కార్యకలాపాలకు తోడ్పాటు అందించే ప్రాజెక్టులను, పట్టు రైతులకు గరిష్ఠస్థాయిలో గిట్టుబాటు లభించే విధంగా, భూసంస్కరణల లబ్ధిదారులైన చిన్న, సన్నకారు పట్టు రైతులకోసం ప్రత్యేక పథకాలను మంజూరుచేయవచ్చు.

రైతులకు జాతీయ పాలసీ, 2007

ఈ పాలసీని రైతుల అభ్యున్నతికి, రైతుల ఆర్ధిక పరిస్ధితి ని మెరుగుపరచడానికి ప్రవేశ పెట్టారు.

ఉపోద్ఘాతము

మన గవర్నమెంట్ 2004 వ సం. లో డా.ఎమ్.ఎస్. స్వామినాధన్ ఆధ్వర్యంలో రైతుల కొరకు ఒక జాతీయ కమీషన్ ను ఏర్పాటు చేసింది. దీని ముఖ్య ఉద్దేశ్యం రైతులకు వ్యవసాయ ఉత్పత్తులు పెంచడానికి, లాభాలు మెరుగుపరచడానికి, వివిధ వాతావరణ పరిస్థితులలో వ్యవసాయ సుస్ధిరతకు మరియు చదువుకున్న యువకులను వ్యవసాయం వైపు ఆకర్షించడానికి, అక్టోబరు 2006 లో కమిషన్, దాని రిపోర్టును తయారు చేసారు.
దీనిని ఆధారంగా చేసుకొని, ఇంకా కొంతమంది కేంద్ర మంత్రులు, రాష్ట్ర ప్రభుత్వాలు, డిపార్టుమెంట్ సలహాలు, సూచనలు తీసుకొని మనదేశ ప్రభుత్వం “ రైతుల జాతీయ పాలసీ, 2007” ను ఆమోదించారు.

ముఖ్య ఉద్ధేశ్యాలు

వ్యవసాయ ఉత్పత్తి, ఉత్పాదక పెంచడమే కాక :

  1. ఈ పాలసీ, రైతులకు ఆర్థిక వ్యవశాయ ఉత్పత్తి ఉత్పాదకత పెంచడమే కాక వాళ్ళ పరిస్థితిని మెరుగు పరచడానికి ఉద్ధేశించినది.
  2. పొలం ఉన్న రైతులు మాత్రమే కాకుండా, వ్యవసాయంతో ముడిపడిన వ్యక్తులందరికీ ఈ పాలసీ వర్తిస్తుంది.
  3. గ్రామీణ ప్రాంతములోని ప్రతీ ఒక్కరు. ఆడ మగా ముఖ్యంగా పేదలకు పొలంగాని లేదా ఆహార భద్రత కల్పించే ఏదో ఒక ఆస్తి కల్పించాలి.
  4. నీటి సామర్థ్యత, నీటి ఎద్దడి మీద అవగాహన రైతులలో కల్పించి, దిగుబడితో పాటు, ప్రతీ నీటి బొట్టుకి లభించే ఆదాయం గురించి తెలియ చెప్పాలి.
  5. అతివృష్టి, అనావృష్టి మరియు ఎడారి ప్రాంతాలలో వాతావరణ పరిస్థితులను తెలియజెప్పి, వర్షపు నీటిని ఎలా సద్వినియోగం చేసుకోవాలి, అనిశ్చిత పరిస్థితులను ఎలా సద్వినియోగం చేసుకోవాలో తెలియజెప్పాలి.
  6. క్రొత్త క్రొత్త టెక్నాలజీని ఉపయోగించి, సగటు నీరు, భూమికి, ఉత్పత్తిని పెంచే విధంగా చూడాలి. బయోటెక్నాలజీ, ఐ.సి.టి (ఇన్ ఫర్మేషన్ మరియు కమ్యూనికేషన్ టెక్నాలజీ పునరుద్దరింపబడిన శక్తి సంకేతికత , స్పేస్ టెక్నాలజీ, నానో టెక్నాలజీని ఉపయోగించి ఎప్పటికీ ఉండే హరిత విప్లవాన్ని నెలకొల్పాలి.
  7. నాణ్యమైన విత్తనాలు, రోగాలు లేని మొక్కలు, చిన్న, సన్న కారు రైతుల అభ్యున్నత్తికి పాటుపడతాయి. అందువల్ల ప్రతీ రైతు కుటుంబానికి నేల ఆరోగ్యానికి సంబంధించిన పాస్ బుక్ ను ఇవ్వాలి.
  8. మహిళా రైతులు రోజంతా పొలంలో పని చేస్తున్నందుకు వాళ్ళ అవసరార్థం మంచి పోషణ, పిల్లలకు సంరక్షణ కల్పించాలి.
  9. జాతీయ వ్యవసాయ జీవ-భద్రత పద్ధతి  దీనిని తప్పని సరిగా స్థాపించాలి.
  10. గ్రామీణ ప్రాంతాలలో అధిక వడ్డీ రుణాలు తీసుకొని మోసపోయిన రైతులకు ప్రభుత్వం కల్పించే రుణ సదుపాయం గురించి తెలియజెప్పాలి. మరియు భీమా పధకాలను గురించి కూడా అవగాహన కల్పించాలి.
  11. పొలం బడులు స్థాపించి, ఆదర్శ రైతుల నుండి ఇతర రైతులు నేర్చుకునేటట్టు చేయాలి.
  12. జ్ఞాన చౌపల్ ను స్థాపించి, గ్రామాలలో ఇన్ ఫర్మషన్ మరియు కమ్యూనికేషన్ రంగం గురించి రైతులకు తెలియచెప్పాలి.
  13. రైతులకు ముసలితనం, అనారోగ్యం నుండి రక్షణకు భీమా పథకాలు, జాతీయ సంఘ భద్రత స్కీము మొ..వి
  14. కనీస మద్దతు ధరను వివిధ పంటలకు కల్పించి రైతులకు అధిక లాభాలు పొందుటకు దోహద పడాలి.
  15. మార్కెట్టు వ్యవస్థను కూడా బలపరచాలి.
  16. ఆహార ధాన్యాల బ్యాంక్ లను ప్రోత్సహించి, తక్కువ విలువ కలిగిన ఉత్పత్తులకు కూడా మార్కెట్ కల్పించాలి.
  17. ఏక జాతీయ మార్కెట్ ఇతరత్రా నిరాటంకాలు, వ్యతిరేకాలు లేకుండా దీనిని ఏర్పాటుకు సహకరించాలి.
  18. మొట్ట ప్రాంతాలలో సాగుచేసే పోషక విలువలున్న సజ్జలు, జొన్న, రాగి మొదలగు సాగుకు ప్రోత్సహించాలి.
  19. రైతులు, సహకార సాగుకు, స్వయం సహాయ గ్రూపులు, కాంట్రాక్టు  సాగుకు మొదలగునవి ప్రోత్సహించి చిన్న రైతులకు ఉత్పత్తి, ఆదాయం పెంచుకోవాలి.
  20. ఆహార భద్రతకు కేంద్ర కమిటీని ఏర్పాటు చేయాలి.

పాలసీనిర్వహణ

ఈ పాలసీ నిర్వహణకు వ్యవసాయ మరియు సహకార డిపార్ట్ మెంట్ ఒక ఇంటర్ మినిస్ట్ రియల్ కమిటీని ఏర్పాటు చేసి దాని నిర్వహణకు ఒక ప్రణాళికను తయారు చేసే భాద్యతను ఇచ్చారు. ప్రధానమంత్రి ఆధ్వర్యంలో వ్యవసాయ  సహకార కమిటీ దీనిని పర్యవేక్షస్తుంది.

కేంద్ర వ్యవసాయ శాఖ మంత్రి శ్రీ శరద్ పవార్ రైతుల జాతీయ పాలసీ, 2007ను రాజ్యసభలో 23 నవంబరు 2007 మరియు లోక్ సభలో 26 నవంబరు 2007లో ప్రవేశపెట్టారు.

జాతీయా ఆహార భద్రత మిషన్ (ఎన్.ఎఫ్.ఎస్.ఎమ్)

ముఖ్య ఉద్దేశ్యం

ఆగస్ట్ , 2007 లో, ఈ మిషన్ ను ఏర్పాటు చేయడం జరిగింది. దీని ఉద్దేశ్యం గోధుమ, వరి, మరియు పప్పు ధాన్యాల ఉత్పత్తి, ఉత్పాదకత పెంచటం, ఆధునిక యాజమాన్యం, పద్ధతి, ద్వారా వీటి దిగుబడిలో వ్యత్యాసము తగ్గించగలగాలి.

ఎన్.ఎఫ్.ఎస్.ఎమ్ లో ముఖ్య భాగాలు

ఎన్.ఎఫ్.ఎస్.ఎమ్–వరి
ఎన్.ఎఫ్.ఎస్.ఎమ్–గోధుమ
ఎన్.ఎఫ్.ఎస్.ఎమ్–పప్పుధాన్యాలు
పదకొండవ ప్రణాళికలో (2007-08 - 2011-12)
ఈ మిషన్ కొరకు కేటాయించిన మొత్తం రూ 4882 48 కోట్లు. అర్హత కలిగిన రైతులు వారికి నిర్దేశించిన కేటాయించిన పనులలో 50 శాతం వాళ్లు పెట్టుకోవాలి.
రైతులు దీని కొరకు బ్యాంకుల నుంచి రుణాలు తీసుకోవచ్చు.
ఈ మిషన్ వల్ల వరిలో 10 మిలియను టన్నుల, గోదుమలో 8 మిలియను టన్నులు మరియు పప్పు ధాన్యాలలో 2 మిలియను టన్నుల ఉత్పత్తి 2011-12 కి పెరిగే అవకాశం ఉంది.

ఈ మిషన్ కింద లాభాలు పొందే రాష్ట్రాలు

15 రాష్ట్రాలలో 142 జిల్లాలు (ఆంధ్ర ప్రదేశ్, ఆస్సాం, బీహార్, ఛత్తీస్ ఘఢ్, జార్ఖండ్, కర్ణాటక, మధ్య ప్రదేశ్, ఒరిస్సా, తమిళనాడు, ఉత్తర్ ప్రదేశ్, పశ్చిమ బెంగాల్) ఎన్.ఎఫ్.ఎస్.ఎమ్ – వరి కిందకు వస్తాయి.

9 రాష్ట్రాలలో 142 జిల్లాలు (పంజాబ్, హర్యానా, ఉత్తర ప్రదేశ్, బీహార్, రాజస్థాన్, గుజరాత్, మధ్య ప్రదేశ్, మహారాష్ట్ర, పశ్చిమ బెంగాల్) ఎన్.ఎఫ్.ఎస్.ఎమ్ – గోధుమ కిందకు వస్తాయి.

16 రాష్ట్రాలలో 468 జిల్లాలు (ఆంధ్ర ప్రదేశ్, బీహార్, ఛత్తీస్ ఘఢ్, గుజరాత్, కర్ణాటక, మధ్య ప్రదేశ్, మహారాష్ట్ర, ఒరిస్సా, రాజస్థాన్, తమిళనాడు, పంజాబ్, హర్యానా, ఉత్తర ప్రదేశ్, పశ్చిమ బెంగాల్) ఎన్.ఎఫ్.ఎస్.ఎమ్- పప్పుధాన్యాలు కిందకు వస్తాయి.

ఈ మిషన్ వల్ల ఈ జిల్లాలు అన్నింటిలో 20 మిలియను హెక్టార్ల వరి, 13 మిలియను హెక్టార్ల గోధుమ మరియు 4.5 మిలియను హెక్టార్ల పప్పుధాన్యాలు సాగు అదనంగా ఉంటుంది. అంటే గోదుమ, వరి 50శాతం సాగు  భూమిని, పప్పుధాన్యాలు 20శాతం సాగు భూమిని ఆక్రమిస్తుంది.

నేషనల్ హార్టికల్చర్ మిషన్

2005-06 లో 10వ పంచవర్ష ప్రణాళికలో భారత ప్రభుత్వము నేషనల్ హార్టికల్చర్ మిషన్  ప్రారంభించబడినది. దీని ముఖ్య ఉధ్దేశ్యము ఉద్యానవన శాఖలో అన్నిరంగాలలో అభివృద్ధి సాధించి, ఉద్యానవన  ఉత్పత్తులను పెంచాలి. 11వ పంచవర్ష ప్రణాళికలో భారత ప్రభుత్వము నుంచి 85% రాష్ట్ర ప్రభుత్వము నుంచి 15% సహాయం అందుతుంది.

తరచుగా అడిగే ప్రశ్నలు

ఈ మిషన్ కింద అన్ని పంటలు వస్తాయా?

జ) అవును, ఈ మిషన్ కింద కొబ్బరి తప్ప అన్ని ఉద్యానవన పంటలు వస్తాయి. కొబ్బరి మాత్రము, కొబ్బరి అభివృద్ధి బోర్డ్  నిర్వహిస్తుంది.

క్లస్టర్ అంటే ఏమిటి?

జ) క్లస్టర్ అంటే, ఒక ఉద్యానవన  పంట కింద 100 హెక్టార్లకు తక్కువ భూమి ఉండక పోవటం.

ఈ మిషన్ కింద  సహాయం పొందాలంటే ఒక రైతు ఎవరిని సంప్రదించాలి. ?

జ) వివిధ రాష్ట్రాలలో ఈ మిషన్ రాష్ట్ర హార్టి కల్చర్ మిషన్ నిర్వహిస్తుంది. దానికి  మిషన్ డైరెక్టర్
పెద్ద అలాగే జిల్లాలలో, జిల్లా లెవన్ కమిటీ ఉంటుంది. అందువల్ల జిల్లా హార్టి కల్చర్ అధికారిని సంప్రదించాలి.

ఈ మిషన్ కింద నీటిపారుదల సహాయం అందుతుందా?

జ) నీటి సదుపాయం ఏర్పరుచుటకు, కమ్యూనిటీలకు లేదా పంచాయితీ రాజ్ శాఖలకు లేదా రైతు బృందాల సహాయం పొందవచ్చు.

ఒక రైతు  2 లేదా ఎక్కువ పంటలకు సహాయం పొందవచ్చా?

జ) ఎక్కువగా క్లస్టర్ లో ఉన్నటువంటి ప్రధాన పంటకే సహాయం పొందగలరు.

కోత అనంతరం యాజమాన్యానికి రైతులు సహాయం పొందవచ్చా ?

జ) నిల్వ, పాక్ ఇళ్ళు మొ, వాటికి రైతులు సహాయం  పొందగలరు.

బుణసదుపాయంతో సబ్సిడీ అంటే ఏమిటి?

జ) ప్రైవేటు సంస్ధలకు, ముఖ్యంగా నర్సరీలు, క్లీనిక్ లు మొ!! స్ధాపించుటకు ఈ విధమైన
సహాయం ఇస్తారు. దీనికి ముఖ్యంగా ఏ జాతీయ బ్యాంకు లేదా నాబార్డ్, ఐడిబిఐ, ఎస్
ఐడిబిఐ, ఐసిఐసిఐ, రాష్ట్ర ఆర్ధిక కార్పొరేషన్ లు, ఎస్.బి.ఎప్.సి లైదా కమర్షియల్ 1కొ- ఆపరేటివ్ బ్యాంకు మొదలగు వాటి నుంచి సబ్సిడీ కొరకు లోన్ ద్వారా బుణ  సదుపాయం పొందవచ్చు.

ప్రశ్న:రైతు పుట్టగొడుగులు మరియు తేనెటీగల పెంపకం వంటి కార్యకలాపాలకు ప్రభుత్వ నుంచి సహాయం పొందగలడా?

జవాబు:2010-11 సంవత్సరంనుంచి పుట్టగొడుగులకు సంబంధించిన (ఎ) ఉత్పత్తికేంద్రం, ఎరువు తయారీ మరియు శిక్షణ, (బి) ఉత్పత్తి కేంద్రం మరియు (సి) ఎరువు తయారీ వంటి కార్యకలాపాలకు సహాయం అందిస్తారు. తేనెటీగల పెంపకానికి సంబంధించి... రాణీఈగతో తేనెగూడులను నిర్మించడం, తేనెగూడుల విభజన, పరికరాల కొనుగోలు వంటి కార్యకలాపాలకు కూడా సహాయం అందిస్తున్నారు.

ప్రశ్న:జాతీయ ఉద్యానవన పథకం కింద ఆహారోత్పత్తుల తయారీ కేంద్రాలకు కూడా సహాయం అందిస్తారా?
జవాబు:జాతీయ ఉద్యానవన పథకం కింద ప్రాధమిక/సంచార ఆహారోత్పత్తుల తయారీ కేంద్రాల స్థాపనకు రు.24లక్షల వరకు సహాయం అందిస్తారు. ఇంకా పెద్ద కేంద్రాల స్థాపనకు ఆహారోత్పత్తుల తయారీ పరిశ్రమల మంత్రిత్వశాఖ సహాయం అందిస్తుంది.

ప్రశ్న:జాతీయ ఉద్యానవన పథకం దేశంలోని అన్ని జిల్లాలకూ వర్తిస్తుందా?
జవాబు:దేశంలోని 18రాష్ట్రాలు, 3కేంద్రపాలిత ప్రాంతాలలోని 367జిల్లాలలో ఈ పథకం అమలుచేయబడుతోంది. వెబ్ సైట్ లోని రాష్ట్రం ప్రొఫైల్ లో పంటలు మరియు జిల్లాల క్లస్టర్ వివరాలు పొందుపరచబడి ఉన్నాయి.

బావుల ద్వారా జలవనరుల కృత్రిమ రీఛార్జి

బావుల ద్వారా జలవనరుల కృత్రిమ రీఛార్జి పథకం 2008లో ప్రవేశపెట్టబడింది.

పథకానికికేటాయింపులు

ఈ పథకానికి మొత్తం రు.1798.71 కోట్లు కేటాయించారు... దీనిలో రు.1499.27కోట్లు సబ్సిడీ ఉంది.

అమలుచేసేప్రాంతాలు

దేశంలోని ఆంధ్రప్రదేశ్, మహారాష్ట్ర, కర్ణాటక, రాజస్థాన్, తమిళనాడు, గుజరాత్, మధ్యప్రదేశ్ మొదలైన ఏడు రాష్ట్రాలలో జలవనరులు పూర్తిగా ఎండిపోయిన, సమస్యాత్మక, పాక్షిక సమస్యాత్మకంగా ఉన్న 1180 సమితులు/తాలూకాలు/మండలాలలో ఈ పథకాన్ని అమలుచేస్తారు.

పథకంలక్ష్యాలు

ప్రస్తుతం ఉన్న బావుల రీఛార్జి, భూగర్భజలాల పరిస్థితి మెరుగుపరచడం, ఎండాకాలంలో భూగర్భజలాలు అందుబాటులో ఉండేటట్లు చేయడం మరియు వ్యవసాయ ఉత్పాదకత పెంచడం వంటివి ఈ పథకంలో లక్ష్యాలు.

వివరాలు మొత్తం 4.45 మిలియన్ల ఊటబావులను రీఛార్జిచేయాలని ప్రతిపాదన. వీటిలో 2.72మిలియన్ ఊటబావులు చిన్న, సన్నకారు రైతులవి మరియు 1.73మిలియన్ ఊటబావులు ఇతర రైతులవి. ఒక్కోబావి రీఛార్జికి సగటున రు.4,000 ఖర్చవుతుంది. తమ పొలంలో సొంతబావులున్న వారు దీనివలన లబ్దిపొందుతారు. చిన్న, సన్నకారురైతులకు పూర్తి సబ్సిడీ, ఇతర రైతులకు 50శాతం సబ్సిడీ ఇచ్చేవిధంగా పథకాన్ని రూపొందించారు.

రూరల్ గోడౌన్ స్కీం లేక గ్రామీణ భండార యోజన

గిట్టుబాటు ధరవచ్చేవరకూ ఉత్పత్తిని చిన్న రైతులు నిలువ ఉంచుకోలేరన్నది అందరికీ తెలిసిన విషయమే. అయితే ఒక గ్రామీణ గోదాముల నెట్వర్క్ ఉన్నట్లయితే చిన్న రైతులు వారి సరకును ఎక్కువ కాలం నిలువ ఉంచుకుని మంచి ధర వచ్చినప్పుడే అమ్ముకోగలరు. దీని వలన వారు సరుకును తెగనమ్ముకోవలసిన అగత్యం ఉండదు.

ఇందుకుగాను భారత ప్రభుత్వం 01.04.2001 నుండి `గ్రామీణ భండార యోజన'ను ప్రారంభించింది.

ఈ పథకం యొక్క లక్ష్యాలు

రైతులు పొలంలో పండించిన ఉత్పత్తులు, ప్రాసెస్స్ చేసిన ఉత్పత్తులు, వ్యవసాయ ఇన్పుట్లు (ఎరువులు, పురుగు మందులు)  వంటివి దాచుకోవడంకోసం గ్రామీణ ప్రాంతాలలో అనుబంధ సదుపాయాలతో కూడిన సాంకేతికమైన స్టోరేజీ కల్పించడం, ప్లేడ్జి లోను మరియు మార్కెటింగ్ క్రెడిట్ కల్పించడం ద్వారా సరుకును తెగనంముకునే పరిస్థితి రాకుండా చేయడం ఈ పథకం యొక్క ముఖ్యోద్దేశం.

31.03.2012 వరకూ ఈ పథకం అమలులో ఉంటుంది.

ముఖ్యమైన లక్షణాలు

అర్హతగల సంస్థలు

దేశవ్యాప్తంగా ఎవరైనా వ్యక్తులు, రైతులు, రైతు/పెంపకందారుల బృందాలు, భాగస్వామ్య/ప్రొప్రైటరీ ఫర్ములు, ప్రభుత్వేతర సంస్థలు (ఎన్.జి.ఓ.లు), స్వయం సహాయక బృందాలు, కంపనీలు, కార్పోరేషన్లు, కోపరేటివ్ లు, మునిసిపల్ కార్పోరేషన్లు కాక ఏవైనా ఇతర స్థానిక సంస్థలు, సమాఖ్యలు, వ్యవసాయ ఉత్పత్తి మార్కెటింగ్ కమిటీలు, మార్కెటింగ్ బోర్డులు, మరియు ఆగ్రో ప్రాసెస్సింగ్ కార్పొరేషన్లు గ్రామీణ ప్రాంతాలలో గోదాములు కట్టడానికి ఈ పధకాన్ని వినియోగించుకోవచ్చు. అయితే గోదాముల మరమ్మత్తులకి తోడ్పాటు అందించడానికి మాత్రం కేవలం కోపరేటివ్ లకే అర్హత ఉంది.

ప్రదేశం

ఈ పథకం కింద ఔత్సాహికులు గోదామును వారి వ్యాపార అవసరాల దృష్ట్యా ఏ ప్రాంతంలోనైనా కట్టుకునే వీలు ఉంది. కాకపొతే అది మునిసిపల్ కార్పోరేషన్ పరిధికి వెలుపల ఉండి ఉండాలి. ఆహార ప్రాసెస్సింగ్ పరిశ్రమల మంత్రిత్వ శాఖ ప్రోత్సహిస్తున్న ఆహార పార్కులలో నెలకొల్పే గ్రామీణ గోదాములు కూడా ఈ పథకం కింద ఆర్ధిక సహాయాన్ని పొందడానికి అర్హతగలవే.

సైజు

గోదాము కెపాసిటీ ఎంత ఉండాలన్నది నిర్ణయించేది ఆ గోదాము నిర్మాణం చేపట్టేవారే. అయితే కనిష్టం 100 టన్నుల నుండి గరిష్టం 10,000  టన్నుల కెపాసిటీకి మాత్రమే ఈ పథకం కింద సబ్సిడీ లభిస్తుంది.ఎన్..సి.డి.సి. సహాయం అందచేస్తున్న కోపరేటివ్ లు చేపట్టే గ్రామీణ గోదాముల నిర్మాణాలకు ఇచ్చే సబ్సిడీకి  ఈ గరిష్ట  పరిమితి వర్తించదు.

ఆ రాష్ట్రం / ప్రాంతం యొక్క స్థాలాకృతిని  బట్టీ లేక ఏదైనా  ప్రత్యేకమైన అవసరాన్ని బట్టీ  వయబిలిటీ అనాలిసిస్ ఆధారంగా కొన్ని ప్రత్యేకమైన సందర్భాలలో 50 టన్నుల కెపాసిటీ కన్నా తక్కువగా ఉన్న గ్రామీణ ప్రాంతంలోని  గోదాములు కూడా ఈ పథకం కింద సబ్సిడీ అందుకోవడానికి అర్హత పొందుతాయి. కొండ ప్రాంతాలలో (ప్రాజక్టు సైటు సముద్ర మట్టానికి 1000  మీటర్ల ఎత్తున ఉన్నప్పుడు), 25 టన్నుల కన్నా తక్కువ కెపాసిటీ కల గ్రామీణ గోదాములు కూడా సబ్సిడీకి అర్హత పొందుతాయి.

సబ్సిడీ

  • ఉత్తర ఈశాన్య రాష్ట్రాలలోని ప్రాజెక్టులకు, కొండ ప్రాంతాలలోని ప్రాజెక్టులకు, రైతుమహిళలకు, వారి స్వయం సహాయక బృందాలకు, సహకార సంఘాలకు, ఎస్.సి./ఎస్.టి. ఔత్సాహికులకు, వారి స్వయం సహాయక బృందాలకు, సహకార సంఘాలకూ సబ్సిడీ మొత్తం రూ. 62.50 లక్షలకు మించకుండా పెట్టుబడి మొత్తంలో 33.33% సబ్సిడీ అందచేయబడుతుంది. ఎం.సి.డి.సి. వారి సహాయం అందుతున్న సహకార సంఘాలకు ఈ గరిష్ట పరిమితి వర్తించదు.
  • ప్రాజెక్టు పెట్టుబడి మొత్తంలో 25% సబ్సిడీ అన్ని కేటగిరీల రైతులకీ (మహిళా రైతులు కాక), వ్యవసాయ పట్టభాద్రులకీ, సహకార సంఘాలకీ, రాష్ట్ర/కేంద్ర వేర్ హౌసింగ్ కార్పోరేషన్లకీ రూ. 46.87 లక్షల మొత్తం పరిమితికి మించకుండా లభిస్తుంది. ఎం.సి.డి.సి. వారి సహాయం అందుతున్న సహకార సంఘాలకు ఈ గరిష్ట పరిమితి వర్తించదు.
  • తక్కిన అన్ని కేటగిరీలవారికీ, కంపెనీలకూ, కార్పోరేషన్లకూ ప్రాజెక్టు పెట్టుబడి మొత్తంలో 15% సబ్సిడీ రూ.28.12 లక్షల మొత్తం పరిమితికి మించకుండా లభిస్తుంది.
  • ఎం.సి.డి.సి. వారి సహాయం అందుతున్న సహకార సంఘాలకు గోదాముల పునరుద్ధరణకు ప్రాజెక్టు పెట్టుబడి మొత్తంలో 25% సబ్సిడీగా ఇవ్వబడుతుంది.

ఈ పథకం కింద సబ్సిడీ అందచేయడానికి ప్రాజెక్టు యొక్క పెట్టుబడి మొత్తాన్ని ఈ కింది విధంగా లెక్కకడతారు.

  • 1000 టన్నుల లోపు కెపాసిటీ ఉన్న గోదాములకు - డబ్బులు అందచేస్తున్న బ్యాంకు విలువ కట్టిన ప్రాజెక్టు మొత్తం లేక అసలు అయ్యిన ఖర్చు లేక ఒక టన్ను నిలువచేసుకునే కెపాసిటీకి రూ. 3500/- చొప్పున, ఏది తక్కువ ఉంటే అది;
  • 1000 టన్నుల గన్నా ఎక్కువ కెపాసిటీ ఉన్న గోదాములకు - డబ్బులు అందచేస్తున్న బ్యాంకు విలువ కట్టిన ప్రాజెక్టు మొత్తం లేక అసలు అయ్యిన ఖర్చు లేక ఒక టన్ను నిలువచేసుకునే కెపాసిటీకి రూ.3000/- చొప్పున, ఏది తక్కువ ఉంటే అది;
  • ఎం.సి.డి.సి. వారి సహాయం అందుతున్న సహకార సంఘాల గోదాముల పునరుద్ధరణకు – బ్యాంకు/ ఎం.సి.డి.సి. విలువ కట్టిన ప్రాజెక్టు మొత్తం లేక అసలు అయ్యిన ఖర్చు లేక ఒక టన్ను నిలువచేసుకునే కెపాసిటీకి రూ.750/- చొప్పున, ఏది తక్కువ ఉంటే అది;
  • ఏ లబ్ధిదారుడూ గోదాము ప్రాజెక్టుకు కాని, అందులోని భాగానికి గానీ, ఒక దాని కన్నా ఎక్కువ చోట్ల నుండి సబ్సిడీ అందుకోరాదు.
  • గోదాము యొక్క కెపాసిటీ ఒక క్యూబిక్ మీటరుకు 0.4  మెట్రిక్ టన్నుల చొప్పున లెక్క కట్టబడుతుంది.

ఆధారము: పోర్టల్ విషయ రచన సభ్యులు

విత్తనాలకు తోడ్పడే భారత ప్రభుత్వ పథకాలు


పథకం/ కాంపోనెంట్

పంట

తోడ్పాటు మొత్తం/స్థాయి

స్థూల నిర్వహణ వ్యవసాయ విధానం - రాష్ట్ర కార్యాచరణ ప్రణాళిక

వరి మరియు గోధుమ  సజ్జ, జొన్న, రాగి, బార్లీ

(i)  వరి, గోధుమ ధృవీకరింపబడిన విత్తనాల పంపిణీకి క్వింటాల్ కి రూ. 500/ - చొప్పున లేదా ఖర్చులో 50% , ఏది తక్కువైతే అది.
(ii)  సజ్జ, జొన్న మరియు బార్లీ ధృవీకరింపబడిన రకాల విత్తనాల పంపిణీకి క్వింటాల్  కి రూ. 800/-  చొప్పున లేదా ఖర్చులో 50% , ఏది తక్కువైతే అది.
(iii)  సజ్జ మరియు జొన్న ధృవీకరింపబడిన హైబ్రిడ్ విత్తనాల పంపిణీకి క్వింటాల్  కి రూ. 1000/  చొప్పున.
(iv)  వరి హైబ్రిడ్ విత్తనోత్పత్తికి ఇచ్చే తోడ్పాటు క్వింటాల్  కి రూ. 1000/  చొప్పున లేదా ఖర్చులో 50 % , ఏది తక్కువైతే అది.
(v)  వరి హైబ్రిడ్ విత్తనోత్పత్తికి, పంపిణీకి ఇచ్చే తోడ్పాటు క్వింటాల్  కి రూ. 2000/  చొప్పున లేదా ఖర్చులో 50 % , ఏది తక్కువైతే అది.

నూనెగింజలు, అపరాలు, పామాయిలు మరియు మొక్కజొన్నపై సమగ్ర పథకం

అన్ని రకాల నూనెగింజలు, అపరాలు మరియు మొక్కజొన్

 

బ్బరి మొక్కల

(i)  బ్రీడర్ విత్తనం కొనుగోలుకు పూర్తి ఖర్చు.
(ii)  ఫౌండేషన్   మరియు సర్టిఫైడ్ విత్తనోత్పత్తికి క్వింటాల్ కి రూ. 1000/- చొప్పున.
(iii)  ధృవీకరింపబడిన విత్తనాల పంపిణీకి క్వింటాల్  కి రూ. 1200/  చొప్పున లేదా విత్తనాల ఖర్చులో 25% , ఏది తక్కువైతే అది.
(iv)  అధిక దిగుబడి వంగడాల విత్తనాల మినీకిట్ల పూర్తి ఖర్చు (అమలు చేస్తున్న సంస్థ ఎన్.ఎస్.సి./ఎస్.ఎఫ్.సి.ఐ.).
(v)  ఖర్చులో 75 %, గరిష్ట పరిమితి - రైతు మొత్తం సాగు భూమికి రూ.7500/హె. దాటి ఉండరాదు.

పత్తి మీద టెక్నాలజీ మిషను

పత్తి విత్తనాల

(i)  ఫౌండేషన్ విత్తనోత్పత్తికి ఖర్చులో 50% లేక కేజీకి రూ.50 చొప్పున ఏది తక్కువైతే అది.
(ii)  సర్టిఫైడ్ విత్తనోత్పత్తికి ఖర్చులో 25% లేక కేజీకి రూ.15 చొప్పున ఏది తక్కువైతే అది.
(iii)  సర్టిఫైడ్ విత్తనాల పంపిణీకి కేజీకి రూ. 20/-
(iv)  రూ. 40/- కి మించకుండా విత్తనశుద్ధికి అయిన ఖర్చులో 50 %.

జనప మరియు గోగు మీద టెక్నాలజీ మిషను

జనప మరియు గోగు

(i)  ఫౌండేషన్ విత్తనోత్పత్తికి క్వింటాల్ కి రూ. 3000/- మించకుండా అయిన ఖర్చులో 50%.
(ii)  సర్టిఫైడ్ విత్తనోత్పత్తికి క్వింటాల్ కి రూ.700/ మించకుండా అయిన ఖర్చులో25%.
(iii)  సర్టిఫైడ్ విత్తనాల పంపిణీకి క్వింటాల్ కి రూ.2000/ మించకుండా అయిన ఖర్చులో 50%.

జాతీయ ఆహార భద్రతా మిషను

 

వరి

(i)  సర్టిఫైడ్ వరి హైబ్రిడ్ విత్తనోత్పత్తికి క్వింటాల్  కి రూ. 1000/  చొప్పున లేదా ఖర్చులో 50% , ఏది తక్కువైతే అది.
(ii)  సర్టిఫైడ్ వరి హైబ్రిడ్ విత్తనాల పంపిణీకి  క్వింటాల్ కి రూ.2000/ చొప్పున లేదా విత్తనాల ఖర్చులో 50%,  ఏది తక్కువైతే అది.
(iii)  సర్టిఫైడ్ అధిక దిగుబడి రకాల విత్తనాల పంపిణీకి కేజీకి రూ.5 లేదా ఖర్చులో 50%, ఏది తక్కువో అది.
(iv)  అధిక దిగుబడి వంగడాల విత్తనాల మినీకిట్ల పూర్తి ఖర్చు.

గోధుమ

(i)  సర్టిఫైడ్ అధిక దిగుబడి రకాల విత్తనాల పంపిణీకి కేజీకి రూ.5 లేదా ఖర్చులో 50%, ఏది తక్కువో అది.
(ii)  అధిక దిగుబడి వంగడాల విత్తనాల మినీకిట్ల పూర్తి ఖర్చు.

అపరాలు

(i)  ఫౌండేషన్ మరియు సర్టిఫైడ్ విత్తనోత్పత్తికి క్వింటాల్ కి రూ. 1000/-
(ii)  సర్టిఫైడ్ విత్తనోత్పత్తికి క్వింటాల్  కి రూ. 1200/  లేదా  ఖర్చులో 50%,  ఏది తక్కువైతే అది.
(iii)  అధిక దిగుబడి వంగడాల విత్తనాల మినీకిట్ల పూర్తి ఖర్చు.

విత్తన గ్రామం కార్యక్రమం

అన్ని వ్యవసాయ పంటలు

(i)  రైతులు దాచిన విత్తనాల నాణ్యతను మెరుగుపరచడం. ఫౌండేషన్/ధృవీకరించబడ్డ విత్తనాల పంపిణీకి నాణ్యమైన విత్తనోత్పత్తి ఖర్చులో 50 % మేరకు ఆర్ధిక సహాయం.
(ii)  విత్తనోత్పత్తిలో, సీడ్ టెక్నాలజీలో 50 -150 మంది రైతులున్న బృందాలకు శిక్షణ ఇవ్వడానికి రూ.15,000 /-చొప్పున ఆర్ధిక సహాయం.
(iii)  విత్తన గ్రామం పథకం అమలులో ఉన్న విత్తన గ్రామాలలో నాణ్యమైన నిలువ సామర్ధ్యాన్ని పెంచుకునేలా రైతులకు అందించే ప్రోత్సాహం 20  క్వింటాళ్ళ కెపాసిటీ గల స్టోరేజీ బిన్లకు ఎస్.సి./ఎస్.టి. రైతులకు రూ. ౩౦౦౦/-  గరిష్ట పరిమితికి మించకుండా 33 %, ఇతర రైతులకు రూ. 2000/- కు మించకుండా 25 %; 10  క్వింటాళ్ళ కెపాసిటీ గల స్టోరేజీ బిన్లకు ఎస్.సి./ఎస్.టి. రైతులకు రూ. 1500/-   గరిష్ట పరిమితికి మించకుండా 33 %, ఇతర రైతులకు రూ. 1000/- కు మించకుండా 25 %.

ఉత్తర ఈశాన్య రాష్ట్రాలకు (సిక్కిం, హిమాచల్ ప్రదేశ్, జమ్మూ & కాశ్మీర్, ఉత్తరఖండ్ మరియు పశ్చిమ బెంగాల్ లోని కొండ ప్రాంతాలు) తరలించే విత్తనాలపై రవాణా సబ్సిడీ

బంగాళదుంప తప్ప మిగిలిన అన్ని ధృవీకరింపబడిన విత్తనాలు

(i)  రాష్ట్రం బయటనుండి పేర్కొన్న రాష్ట్ర రాజధానికి/జిల్లా హెడ్క్వార్టర్లకు విత్తనాలు తరలించడంలో రోడ్డు మరియు రైలు రవాణా చార్జీలలో ఉన్న వ్యత్యాసాన్ని సదరు రాష్ట్రాలకి/ఏజెన్సీలకు 100% చెల్లింప బడుతోంది.
(ii)  రాష్ట్రంలో రాష్ట్ర రాజధాని/జిల్లా హెడ్క్వార్టర్ల నుండి అమ్మకం అవుట్లెట్లకు/కౌంటర్లకు విత్తనాలు తరలించడానికి అయ్యిన అసలు ఖర్చు క్వింటాలుకు రూ.60/- మించకుండా, ఏది తక్కువ మొత్తమో ఆ మొత్తం చెల్లింపబడుతోంది.

హైబ్రిడ్ వరివిత్తనోత్పత్తి

వరి మాత్రమే

హైబ్రిడ్ వరి విత్తనోత్పత్తి సహాయం రూ.2000 /క్వింటాల్
హైబ్రిడ్ వరి విత్తనాల పంపిణీ సహాయం రూ.2500 /క్వింటాల్

మౌలిక సదుపాయాలను నిర్మించడం మరియు బలోపేతం చేయడం

అన్ని పంటలు

నాణ్యమైన విత్తనాల ఉత్పత్తి, పంపిణీ కొరకు రాష్ట్రాల/రాష్ట్ర విత్తన కార్పోరేషన్లకు ఇన్ఫ్రా స్ట్రక్చర్ సదుపాయాలను కల్పించడం/బలోపేతం చేయడం. విత్తనాల  క్లీనింగ్ కు, గ్రేడింగ్ కు,  ప్రాసెస్సింగ్ కు, ప్యాకింగ్ కు మరియు విత్తనాల నిలువకు ప్రభ్య్త్వ రంగంలో ఆర్ధిక తోడ్పాటు అందించబడుతోంది.

రాష్ట్రీయ కృషి వికాస యోజన

అన్ని పంటలు

విత్తనాల ఇన్ఫ్రాస్ట్రక్చర్ సదుపాయాలతో బాటు అన్ని కార్యకలాపాలు

ఆధారము: పోర్టల్ విషయ రచన సభ్యులు

3.00445103858
ముక్కరపు.నరసింహుడు Jul 29, 2015 11:41 AM

మా పొలంలో బోరు వేయగా ఉప్పునీరు పడింది ఆనీటి తో మట్టి చౌడు గామారుతోంది దయచేసి దీనికి సరైన పరిష్కార మార్గం చెప్పగలరు

మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు