హోమ్ / ఆరోగ్యం / ఆయుష్ / వ్యాధులు - ఆయుర్వేద చికిత్స
పంచుకోండి
వ్యూస్
  • స్థితి: సవరణ కు సిద్ధం

వ్యాధులు - ఆయుర్వేద చికిత్స

ఈ పేజి లో వివిధ వ్యాధులు మరియు వాటికి గల ఆయుర్వేద పరిష్కారాలు ప్రశ్నల రూపంలో అందుబాటులో ఉంటాయి.

కీళ్లు చక్కబడే మార్గం ఉందా?

నావయసు 35. గత 12 ఏళ్లుగా నేను రూమటాయిడ్ ఆర్థరైటిస్‌తో బాధపడుతున్నాను. ఏళ్ల పర్యంతంగా ఏవేవో మందులు వాడుతూనే ఉన్నాను. కానీ, ఫలితం మాత్రం కనిపించడం లేదు. ఈ సమస్యతో కీళ్ల భాగంలో వంకర్లు వచ్చాయి. ఆయర్వేద వైద్యంలో ఈ సమస్యను తగ్గించేమందులు ఉన్నాయని విన్నాను. ఆ అవకాశాలేమైనా ఉంటే చెప్పండి. అయితే ఒకసారి వ్యాధి నయమైపోయాక మళ్లీ వచ్చే పరిస్థితి ఉంటుందా? తాత్కాలికంగా కాకుండా శాశ్వతంగా ఈ వ్యాధిని నయం చేసే చికిత్సలు ఉంటే తెలియచేయండి.

రూమాటాయిడ్ ఆర్థరైటిస్ అనేది ఒక విచిత్రమైన వ్యాధి. తన అంగరక్షకులే తన మీద దాడి చేసినట్లు మనలోని రక్షక కణాలు మన కణాల మీదే దాడి చేయడం వల్ల వచ్చే సమస్య ఇది. మిత్ర కణాలను శత్రుకణాలుగా పొరబడటం వల్ల ఇలా జరుగుతుంది. ఇతర వైద్య విధానాల్లో అయితే ఈ వ్యాధికి కారణమేమిటో తెలియదు అంటారు.

కానీ, ఆయుర్వేద శాస్త్రం ఈ వ్యాధిని వాత పిత్త కఫాల సమతుల్యత దెబ్బతినడం వల్ల తలెత్తే సమస్యగా గుర్తించింది. శరీరంలోని రక్షణ వ్యవస్థను చక్కబరచనంత వరకు ఈ సమస్య ఎంత కాలమైనా వెంటాడుతూనే ఉంటుంది. అందుకే ర క్తాన్నీ, రక్తాన్ని ఉత్పత్తి చేసే వ్యవస్థనూ చక్కబరచడం ద్వారా ఆయుర్వేదం ఈ వ్యాధిని సమర్ధవంతంగా నయం చేయగలుగుతోంది. అందుకే సాధ్యమైనంత త్వరగా ఆయుర్వేద వైద్యుణ్ని సంప్రదించి ఈ సమస్యనుంచి విముక్తి పొందండి.

నా వయసు 29. నాలుగేళ్ల క్రితం ఒకసారి నేను సైకిల్ పై నుంచి పడిపోయాను. ఆ ప్రమాదంలో నా ఎడమ భుజం, మణికట్టు కీలు భాగంలో బలంగా దెబ్బలు తగిలాయి. స్థానిక వైద్యుని దగ్గర చికిత్స తీసుకుంటే సమస్య తగ్గిపోయినట్లే అనిపించింది. కానీ, సుమారు 18 మాసాలుగా నా ఎడమ చేయితో పాటు శరీరంలోని ఎడమ భాగమంతా నొప్పిగానూ ఒకపక్కకు లాగినట్లుగానూ ఉంటోంది. పైగా ఎడమ చేయి రోజురోజుకూ కుంచించుకుపోతున్నట్లుగా కూడా ఉంది. ఈ సమస్య క్రమంగా నడుము క్రింది భాగం, పిరుదులు, కాళ్లు, పాదాలకు కూడా వ్యాపిస్తోంది. ఇవన్నీ నాలోపెద్ద భయాన్ని నింపుతున్నాయి. ఇప్పటి వరకు తీసుకున్న మందుల వల్ల నాకు ఏమాత్రం ఉపశమనం కలుగలేదు. ఆయుర్వేదంలో ఈ సమస్యకు చికిత్సలు ఉంటే తెలియచేయండి.

మీరు రాసిన వివరాలను బట్టి మీకు క్రానిక్ సర్వైకల్, లుంబార్ స్పాండిలోసిస్ సమస్య ఉన్నట్లు అనిపిస్తోంది. అలాగే ఆ భాగాల్లోని కండరాలు కూడా క్షీణించిపోతున్నట్లు తెలుస్తోంది. ప్రమాదం జరిగిన తొలిదశలోనే సరియైన చికిత్స జరిగి ఉంటే సమస్య ఈ స్థితికి వచ్చేదే కాదు. ఇప్పటికైనా మించిపోయిందేమీ లేదు. ఆయుర్వేదంలో ఈ సమస్యకు మంచి మందులు ఉన్నాయి.

మందులతో పాటు కొన్ని ప్రత్యేకమైన మర్ధన చికిత్సల ద్వారా మీ చేయి, వెన్ను, మెడ భాగాలు తిరిగి పూర్వ స్థితికి వచ్చే అవకాశాలు ఉన్నాయి. అయితే అన్ని పరీక్షలు చేయిస్తే గానీ, వ్యాధి స్థితిని సరిగా అంచనా వేయడం సాధ్యం కాదు. అందుకే మీరు దగ్గరలో ఉన్న ఆయర్వేద వైద్యుణ్ని సంప్రదిస్తే మీకు ఈ సమస్యలనుంచి ఉపశమనం లభిస్తుంది.

ఎగ్జిమా తగ్గేదెలా..?

నా వయసు 35. నాకు ముడుకుల కింది నుంచి పాదాల వరకు చర్మం దళసరిగా, పగిలినట్లుగా ఉండి, బాగా దురదగా ఉంటోంది. ఇది ఏడు నెలల క్రితం ప్రారంభమైంది. చర్మవైద్య నిపుణులు ఎగ్జిమా అని చెప్పారు. ఆరు నెలలుగా వారు సూచించిన మందులు వాడుతున్నాను. పెద్దగా ప్రయోజనం లేదు. శాశ్వత నివారణకు, మళ్లీ రాకుండా ఉండటానికి ఆయుర్వేద మందులు చెప్పవలసిందిగా ప్రారిస్తున్నాను. షుగరు వ్యాధి వచ్చి రెండేళ్లయ్యింది. ఇంగ్లిషు మందులు వాడుతున్నాను. షుగర్ కంట్రోల్‌లో ఉంది.

మీరు వివరించిన చర్మవ్యాధిని ఆయుర్వేదంలో ‘చర్మదల లేక విచర్చికా’ అంటారు. ఇది కొన్ని అసాత్మ్యజ పదార్థాల వల్ల కలుగుతుంది. అంటే అలర్జీని కలిపించే పదార్థాల వల్ల అన్నమాట. ఉదాహరణకు కొన్ని రసాయన పదార్థాలు, ఆయిల్స్, సాక్స్ లేక ఇతర వస్త్రాలు, ప్లాస్టిక్స్, తోలు మొదలైనవి. మానసిక ఒత్తిడులు కూడా ప్రధాన కారణాల్లో ఒకటి. ఈ వ్యాధి లక్షణాల్లో దురదతో పాటు మంట వంటివి కూడా ఉండవచ్చు. కాబట్టి ఆ ప్రాంతాన్ని పరిశుభ్రంగా ఉంచుకోవాలి. తెలిసినంతవరకు కారణాన్ని దూరం చేయాలి. మధుమేహ వ్యాధిని తప్పక నియంత్రణలో పెట్టుకోవాలి.

ఆహారం : ఉప్పు, పులుపు, కారాలు బాగా తగ్గించాలి. అసాత్మ పదార్థాలు (అలర్జీని కలిగించేవి) అని తెలిస్తే వాటిని దూరం చేయాలి. పులుపులేని మజ్జిగ, మునగకాడలు బాగా తినాలి. కల్తీ లేని, తాజా పళ్లరసాలు మంచిది. వ్యాధి ఉన్న భాగాలను పొడిగా ఉండేట్టు చూసుకోవాలి. దుమ్ము ధూళికి గురికాకూడదు. గోరు వెచ్చని నీళ్లలో పసుపువేసి కడుక్కోవచ్చు. లేదా త్రిఫల కషాయంతో శుభ్రం చేసుకుని, పొడిగా అయ్యేవరకు జాగ్రత్త వహించాలి. ‘ప్రాణాయామం’ చాలా ఉపయోగకరం. కొంచెం దూరం నడక మంచిది.

ఔషధాలు :

పైపూతకు: ‘మహామరిచాది తైలం’ ఒక చెంచాకి ‘పిండతైలం’ అరచెంచా కలిపి మూడు పూటలా చర్మదలం ఉన్న ప్రాంతంలో పూసుకోవాలి.

కడుపులోకి: గంధకరసాయనం (మాత్రలు) ఉదయం రెండు, సాయంత్రం రెండు ఖాళీకడుపున పాలతో ...

లఘుసూతశేఖరరస (మాత్రలు) ఉదయం 2, రాత్రి 2, తిన్న తర్వాత

చంద్రప్రభాదివటి (మాత్రలు) ఉదయం ఒకటి, రాత్రి ఒకటి

ఖదిరారిష్ట, శారిబాద్యాసవ ద్రావకాలను రెండేసి చెంచాలు చొప్పున ఒక గ్లాసులో పోసుకుని, సమానంగా నీళ్లు కలిపి మూడుపూటలా తాగాలి. ఈ మందుల్ని వ్యాధి పూర్తిగా నయమయ్యేవరకు వాడుకోవచ్చు.

నా వయసు 17. నా శిరోజాలు బాగానే ఉన్నాయి. కానీ అవి రాలిపోకుండా ఉండటానికి, మరింత ఒత్తుగా అవడానికి ఆయుర్వేద తైలం (హెయిర్ ఆయిల్)ను తెలియజేయండి.

గుంటకలగరాకుల ముద్ద, ఉసిరిక ఒరుగుల చూర్ణం, ఎండిన మందారాకుల చూర్ణం, 50 గ్రాముల చొప్పున కలిపి, ఒక లీటరు స్వచ్ఛమైన కొబ్బరినూనెలో బాగా మరిగించి, వడగట్టి ఆ నూనెను హెయిరాయిల్‌గా వాడుకోండి. పచ్చికొబ్బరి, బొప్పాయి పండు తరచూ తినండి.

కదలడమే కష్టమైపోతే ఎలా?

నా వయసు 53. గత ఎనిమిదేళ్లుగా నేను కీళ్ల నొప్పులతో బాధపడుతున్నాను. దాదాపు శరీరంలోని కీళ్లన్నీ నొప్పిగానే ఉంటున్నాయి. ఇది రూమటాయిడ్ ఆర్థరైటిస్ సమస్య అనీ మందులతో ఉపశమనమే తప్ప ఇది పూర్తిగా తగ్గే అవకాశమే లేదని డాక్టర్ చెప్పారు. కీళ్లు కూడా వంకర్లు పోతున్నాయి. ఉదయం లేచినప్పుడు కీళ్లు మరింతగా బిగుసుకుపోతాయి. ఆ సమయంలో కదలడ ం కూడా కష్టంగానే ఉంటుంది. రెండేళ్లుగా స్టిరాయిడ్స్ కూడా వాడుతున్నాను. ఒకప్పుడు వారానికి ఒకసారి మాత్రమే తీసుకునే స్టిరాయిడ్స్ ఇప్పుడు రోజూ తీసుకోవలసి వస్తోంది. అసలు ఈ వ్యాధి ఎందుకు వస్తుంది ? ఈ సమస్యకు ఆయుర్వేదంలోనైనా శాశ్వత పరిష్కారం ఉందా ? ఆ వివరాలు తెలియచేయండి.

వాతం కారణంగా రక్తం దుష్ప్రభావానికి గురైనప్పుడు వచ్చే సమస్యే రూమటాయిడ్ ఆర్థరైటిస్. ఈ స్థితిలో ఇఎస్ఆర్, సిఆర్‌పి, ఆర్ ఎ ప్యాక్టర్‌తో పాటు ఎఎన్ఎ, సీరమ్ క్రియాటినిన్, సీరమ్ యూరిక్ యాసిడ్, యూరియా ర క్తంలో అతిగా పెరిగిపోతాయి. అదే సమయంలో హీమోగ్లోబిన్ బాగా తగ్గిపోతుంది. ఈ వ్యాధిలో ముందు శరీరరంలోని చేతి వేళ్ల లాంటి చిన్న కీళ్లు దెబ్బ తింటాయి. క్రమంగా శరీరంలోని అన్ని కీళ్లలోకీ ఈ సమస్య వ్యాపిస్తుంది. కీళ్లకు సంబంధించిన మెంబ్రేన్ పొర ఇన్‌ఫెక్షన్లకు గురవుతుంది.

ఆ తరువాతే కీళ్లు వంకర్లు బోతాయి. ఈ వ్యాధిని నిర్మూలించే మందులు లేవు. కానీ, ఆయుర్వేదంలో ఉన్నాయి. కాకపోతే మీరు ఇప్పటికే కొంత కాలంగా స్టిరాయిడ్స్ వాడుతూ వచ్చారు. స్టిరాయిడ్స్ శరీర వ్యవస్థను బాగా దెబ్బ తీస్తాయి. ఈ స్థితిలో రూమటాయిడ్ సమస్యను సమూలంగా తొలగించలేకపోయినా వ్యాధిని చాలా వరకు అదుపులోకి తేవడం సాధ్యమవుతుంది. ఆయుర్వేద మందులు వాడటం ప్రారంభించిన ఆరు మాసాల్లో మీకు క చ్ఛితంగా ఫలితం కనిపిస్తుంది. అందుకే సాధ్యమైనంత త్వరగా ఆయుర్వేద నిపుణున్ని సంప్రదించండి. మీ సమస్యనుంచి తప్పకుండా బయటపడతారు.

నా వయసు 32. ఆరు మాసాల క్రితం ఒకసారి మెట్లు ఎక్కుతూ కింద పడిపోయాను. ముందు వెన్ను పట్టేసినట్లయ్యింది. కొద్దిరోజుల తరువాత నొప్పి మొదలయ్యింది. ఆ తరువాత నొప్పి త గ్గుతున్నట్లే అనిపించింది. కానీ, ఉన్నట్లుండి నొప్పి తీవ్రమయ్యింది. నడుమునొప్పితో పాటు, వెన్ను భాగంలోని కండరాలన్నీ నొప్పిగా ఉంటున్నాయి. స్థానిక ఆర్థోపెడిక్ డాక్టర్‌ను సంప్రదిస్తే వెన్ను భాగంలోని ఒక డిస్కు బాగా దెబ్బ తిన్నదని శస్త్ర చికిత్స ద్వారానే ఈ సమస్య చక్కబడుతుందని చె ప్పారు. తాత్కాలిక ఉపశమనానికి పెయిన్ కిల్లర్స్ రాశారు. శస్త్ర చికిత్స లేకుండానే నొప్పి తగ్గే మార్గం ఉంటే చెప్పండి.

పెయిన్ కిల్లర్స్ నొప్పి తెలియకుండా చేస్తాయే తప్ప నొప్పిని తగ్గించవు. నొప్పి నుంచి ఉపశమనం లభిస్తోందని నెలల పర్యంతం పెయిన్ కిల్లర్స్ వేసుకుంటూ పోతే కొద్ది రోజుల్లో జీర్ణవ్యవస్థ అంతా పాడైపోతుంది. ఆ తరువాత క్రమంగా కిడ్నీలు కూడా దెబ్బ తినే ప్రమాదం ఉంది. అలా అని శస్త్ర చికిత్స వల్ల కలిగే ప్రయోజనం కూడా ఏమీ ఉండదు. డిస్కు చుట్టూ వచ్చిన వాపును తగ్గించడం ద్వారా దెబ్బ తిని పక్కకు జరిగిన డిస్కును తిరిగి పూర్వస్థితికి తేవడం ద్వారా ఈ సమస్య తొలగిపోతుంది.

ఇది ఆయుర్వేద చికి త్సా విధానాలతో సాధ్యమవుతుంది. మీకున్నది ఆర్థరైటిస్ కాదు. ప్రమాదంతో కలిగిన సమస్యే కాబట్టి చాలా త్వరగానే మీకు పూర్థి స్థాయి ఉపశమనం లభిస్తుంది. ఆయుర్వేదంలో కడుపులోకి ఇచ్చే మందులతో పాటు తైల మర్థన చికిత్సలు కూడా ఉంటాయి. ఇవి కండరాల నొప్పిని కూడా పూర్తిగా తొలగిస్తాయి. కాకపోతే చికిత్స విషయంలో ఆలస్యం చేసే కొద్దీ సమస్య మరింత జటిలంగా మారే ప్రమాదం ఉంది. అందుకే వెంటనే ఆయుర్వే వైద్యుణ్ని సంప్రదించండి.

నా వయసు 42. గత నాలుగేళ్లుగా నన్ను అర్శమొలల సమస్య వేధిస్తోంది. నొప్పితో పాటు చాలా సార్లు రక్తం కూడా పడుతోంది. స్థానిక వైద్యుని వద్ద తీసుకున్న మందులు అప్పటికి కాస్త ఉపశమనం కలిగించినా సమస్య మొత్తంగానైతే పోవడం లేదు. మాంసాహారం పూర్తిగా మానేయమని డాక్టర్ చెబుతున్నారు. ఆహార నియమాలతో పని లేకుండా క్రమం తప్పకుండా మందులు తీసుకుంటే ఈ సమస్య తగ్గిపోయే అవకాశం లేదా ?ఉంటే ఆ విషయాలు తెలియ చేయండి.

జీవ క్రియలన్నీ సజావుగా జరిగితే ఈ సమస్య అసలు రానే రాదు. ప్రధానంగా జీర్ణక్రియ, విసర్జన క్రియ సరిగా ఉంటే అర్శమొలలే కాదు ఇతరమైన చాలా సమస్యలు దూరంగానే ఉంటాయి. మాంసాహారం ఎక్కువగా తీసుకునే వారిలో సహజంగానే మలబద్ధకం సమస్య ఉంటుంది. ఇది అర్శమొలల సమస్యను మరింత తీవ్రం చేస్తుంది. మాంసాహారంతో పాటు పీచుపదార్థాలు ఉన్న ఆహారం కూడా తీసుకుంటే ఈ సమస్య రాకుండా పోవచ్చు.

ఆయుర్వేద మందులకు అర్శమొలలను తగ్గించే శక్తి ఉంది. అయినా జీవిత కాలమంతా మందులు వాడుతూ ఉండలేరు కదా ! ప్రస్తుతానికి సమస్య మందులతో తగ్గిపోయినా ఆ తరువాత మళ్లీ రాకుండా ఉండాలంటే ఆహార నియమాలు తప్పనిసరి. మాంసాహారం తీసుకోవడం పూర్తిగా మానేయకపోయినా బాగా తగ్గించి డాక్టర్ సూచించినన్ని రోజులు వైద్య చికిత్సలు తీసుకోండి.

పాపకు జాండిస్... తగ్గేదెలా?

మా అమ్మాయి వయసు 14. మూడురోజుల నుంచి కళ్లు కొంచెం పసుపు పచ్చగా కనిపిస్తున్నాయి. మూత్రం రంగు కూడా పసుపు పచ్చగా ఉంది. రక్తం, మూత్రం పరీక్ష చేసి మా డాక్టరుగారు జాండిస్ అని చెప్పారు. జాండిస్ ఎందుకు వస్తుంది? మంచి ఆయుర్వేదిక్ మందులు తెలియజేసి ఈ వ్యాధి మళ్లీ రాకుండా చేస్తారని ప్రార్థిస్తున్నాను.

జాండిస్‌ను ఆయుర్వేదంలో ‘కామలావ్యాధి’ అని వర్ణించారు. ఇది యకృత్ (లివర్) కు సంబంధించిన వ్యాధి. లివర్‌ని కాలేయం అని కూడా అంటారు. శరీరంలో ఇది ఒక పెద్ద గ్రంథి. జీర్ణక్రియ మొదలుకొని ధాతు పరిణామం, వ్యర్థపదార్థాలను శుద్ధి చేయడం వంటి అత్యంత ముఖ్యమైన శరీర క్రియా కార్యకలాపాలను ఎన్నో ఇది నిర్వర్తిస్తుంటుంది. ఆహారంలోని నూనె (కొవ్వు)పదార్థాలను జీర్ణం చేయడానికి అవసరమయ్యే పిత్తాన్ని (బైల్) ఉత్పత్తి చేసి, పిత్తాశయం (గాల్‌బ్లాడర్)లో నిల్వ ఉంచుతుంది. కామలా వ్యాధిలో యకృత్ కార్యకలాపాలన్నీ దెబ్బతింటాయి. జాండిస్ వ్యాధి స్వభావం మూడురకాలుగా ఉంటుంది. 1. వైరల్ ఇన్ఫెక్టివ్ హెపటైటిస్ 2. అవరోధజం(అబ్‌స్ట్రక్టివ్) 3. ఎర్తరక్తకణాలు అధిక స్థాయిలో బద్దలవడం (హీమోలైటిక్)

కారణాలు :

ఒకటవ రకానికి: కలుషితమైన ఆహారపదార్థాల సేవన, కలుషితమైన నీరు, ఇతర పానీయాలు, బయట అమ్మే చెరకు రసం, ఐస్‌క్రీములు, కూల్‌డ్రింకులు మొదలైనవి. వీటిద్వారా హానికరమైన కొన్ని రకాల వైరస్‌లు శరీరంలోకి ప్రవేశించి లివర్‌ని దెబ్బతీస్తాయి. దీనివల్ల లివర్‌కి వాపు కలిగి పరిమాణం పెరుగుతుంది. బైలురూబిన్ స్థాయి రక్తంలో అధికమై క్రమ క్రమంగా కళ్లు, గోళ్లు, మూత్రంలో పసుపు పచ్చని రంగు పెరుగుతుంది. ముందుగా ఆరంభంలో జ్వరం, వాంతి- భ్రాంతి ఉంటాయి. ఆకలి మందగించడమే కాకుండా మనం తినే కొవ్వు పదార్థాల జీర్ణక్రియకు కావలసిన బైల్ పేగులలోకి (అంటే ఆంత్రములు) రాదు. వ్యాధి తీవ్రతను బట్టి పొట్ట ఉబ్బరిస్తుంది. దీన్ని ఆయుర్వేదంలో ‘కుంభకామలా’ అంటారు.

చికిత్స: నిదార పరివర్జనం ప్రాథమిక సూత్రం: అంటే కారణానికి దూరంగా ఉండాలి. ఆహారం, నీరు, ఇతర పానీయాలు అత్యంత పరిశుభ్రంగా ఉండేటట్టు చూసుకోవాలి.

ఒక రెండు వారాలపాటు పులుపులేని పెరుగు లేక మజ్జిగలో కలిపిన మెత్తటి అన్నం మాత్రమే తినాలి. పులుపు, కారం, మసాలాలు, నూనె పదార్థాలు పూర్తిగా పక్కన పెట్టాలి. ద్రవపదార్థాలు (గ్లూకోజ్ వాటర్, బార్లీనీళ్లు, స్వచ్ఛమైన చెరకురసం, కొబ్బరినీళ్లు మొదలైనవి)పుష్కలంగా తాగాలి. మూత్రం అధికంగా అవ్వడం వల్ల వ్యాధి తీవ్రత తగ్గుతుంది.

మందులు :

లివ్ 52 మాత్రలు: ఉదయం 1, రాత్రి 1.

ఆరోగ్యవర్థని మాత్రలు: ఉదయం 1, రాత్రి 1

నిరోసిల్ మాత్రలు: ఉదయం 1, రాత్రి 1

ఇది భూమ్యామలకి అంటే నేల ఉసిరిక మొక్క స్వరసం నుండి చేసిన ఔషధం. లభిస్తే, మాత్రలకు బదులు ఈ స్వరసాన్ని రెండు చెంచాలు లేదా పది మి.లీ. తేనెతో కలిపి రెండుపూటలా సేవింవచ్చు.

నివారణ : ప్రస్తుతం ఆషాఢమాసం మొదలుకొని వర్షాకాలం పూర్తయే వరకు మరిగించి చల్లార్చిన నీళ్లు తాగటం, బయటి తిళ్లు, పానీయాల జోలికి పోకుండా ఉండటం ప్రధానాంశం. డాక్టర్ల సలహా లేకుండా ఏ వ్యాధికీ ఎలాంటి మందులూ వాడవద్దు. మద్యపానం, ధూమపానం చేయవద్దు.

గమనిక: పైన చెప్పిన ఇతర రెండు రకాల కామలాల (అబ్‌స్ట్రక్టివ్, హీమోలైటిక్) కారణాలు, చికిత్సలు వేరేవిధంగా ఉంటాయి. సాధారణంగా వచ్చే ఇన్ఫెక్టివ్ హెపటైటిస్‌కి పైన చెప్పిన సూచనలు పాటించాలి

వెన్నునొప్పికి గుడ్ బై

వెన్నునొప్పి, సయాటికా సమస్యలను కేవలం మందులు, తైలమర్ధనలతో ఎలా తగ్గిస్తారు? అన్నది ఎంతో మందిని వేధించే ప్రశ్న. నిజానికి డిస్కుల్లో తలెత్తే సమస్యకు డిస్కులే కారణం కాదు. అసలు సమస్యంతా వెన్ను భాగంలోని కండరాలు బలహీనపడి డిస్కుల మీద ఒత్తిడిపడటంతోనే వస్తుంది. ఈ స్థితిలో కండరాలను తిరిగి శక్తిమంతం చేయకుండా శస్త్ర చికిత్సలతో ఒరిగేదేమిటి?

దెబ్బతిన్న ఒక డిస్కును కత్తిరించడమో లేదా తీసేయడమో చేస్తే మిగతా డిస్కులు దెబ్బ తినకుండా ఉంటాయా? అలా దెబ్బతిన్న ప్రతి డిస్కుకూ శస్త్రచికిత్స చేస్తూ వెళ్లలేరు కదా ! అందుకే డిస్కు, సయాటికా సమస్యలకు అసలు కారణమైన కండరాల సమస్యలను, ఆ కారణంగా ఉత్పన్నమయ్యే వాతాన్ని హరించడాన్ని ఆయుర్వేదం లక్ష్యంగా చేసుకుంటుంది అంటున్నారు ఆయుర్వేద వైద్యులు డాక్టర్ ఆర్ కె వర్థన్, డాక్టర్ మాధురీ వర్థన్.

అంతకు ముందే దెబ్బతిన్న డిస్కుల మీద కత్తుల ప్రయోగం చేయడం ఎంత మాత్రం శ్రేయస్కరం కాదు. ఇదంతా పంచరకర్మ చికిత్స మేరు చికిత్స ద్వారా డిస్క్ సమస్యలను చక్కదిద్దడం సాధ్యమవుతుంది

ప్రపంచ వ్యాప్తంగా ఏటా 1.5 మిలియన్ల డిస్కెక్టమీ శస్త్రచికిత్సలు అవుతున్నట్లు అధ్యయనాలు చెబుతున్నాయి. అయితే శస్త్రచికిత్స చేయించుకున్న వ్యక్తి ఐదేళ్ల తరువాత పరిస్థితి, శస్త్ర చికిత్స చేయించుకోని వ్యక్తి పరిస్థితి ఒకేలా ఉంటోందని, నొప్పి ఇద్దరిలోనూ ఒకేలా ఉంటోందని ప్రపంచ ఆరోగ్య సంస్థ తెలియజేసింది. నిజానికి మూలాన్ని తొలగించని ఏ చికిత్సలైనా తాత్కాలిక ఉపశమనాన్ని ఇవ్వగలవే గాని, సమస్యను శాశ్వతంగా తొలగించలేవు. మూలాలను తొలగించే ఆయుర్వేద చికిత్సలే వాటిని సమూలంగా తొలగించగలుగుతాయి. వెన్ను నొప్పికి అసలు కారణం వెన్నుపూసలో, డిస్కులో కాదు.

వెన్ను నిర్మాణమంతా కారణమే. అదేమీ పరిగణనలోకి తీసుకోకుండా డిస్కు బయటికి వచ్చేసిందని డిస్కును కత్తిరించేస్తే ఎలా?అంతకు ముందే దెబ్బతిన్న డిస్కుల మీద కత్తుల ప్రయోగం చేయడం ఏ వి«ధంగానూ శ్రేయస్కరం కాదు. నిజానికి వెన్ను భాగం ఒక సంక్లిష్టమైన నిర్మాణం. అందులో కండరాలు, వెన్నుపూసలు, డిస్కులు, ఇదంతా పెద్ద వ్యవస్థ. వెన్నుకు సంబంధించిన స్పాండిలోసిస్ సమస్యలు గానీ, సయాటికా గానీ, వెన్నుపూసల్లో వచ్చే ఏ సమస్య అయినా మొత్తంగా వెన్ను నిర్మాణంలో వచ్చే తే డాల వల్లే వస్తుంది. ముఖ్యంగా వెన్ను భాగంలోని కండరాలు ఒత్తిడికి లోనై వెన్నుపూసల మధ్య దూరం తగ్గిపోవడం ఒక ప్రధాన కారణం.

జీవన శైలే సమస్య

శరీర శ్రమ లేకుండా రోజంతా కుర్చీలోనే ఉండిపోయే వృత్తి పనులు, శరీరాన్నంతా ప్రకంపనాలకు గురిచేసే వాహన ప్రయాణాలు, పగలంతా నిలుచుని ఉండే ఉద్యోగాలు ఇవన్నీ మనకు తెలియకుండానే వె న్ను కండరాల మీద తీవ్రమైన ఒత్తిడిని కలిగిస్తాయి. ఇలా కుదించుకుపోయిన కండరాలు తమ విధుల్ని నిర్వహించే స్థితిని కోల్పోతాయి. వెన్ను పూసల మధ్య దూరాన్ని అలా నిలబె ట్టడమే కండరాల ప్రధాన విధి. ఆ ధర్మాన్ని కండరాలు చేయలేకపోతే రెండు పూసలు దగ్గరైపోతాయి. ఫలితంగా డిస్కుకు చోటు తగ్గుతుంది. పూసల మధ్యగా డిస్కుల్ని తాకుతూ వెళ్లే నరం ఒత్తిడికి లోనవుతుంది.

గర్భిణీ సమస్యలు

జీవన శైలి లోపాలతో సంబంధం లేకుండా కొంతమంది స్త్రీలు గర్భధారణ కారణంగా కొన్ని సమస్యలు ఎదుర్కొంటారు. గర్భంలోని శిశువు బరువంతా వె న్నెముక చుట్టూ ఉండే కండరాల మీదే పడటం ఇందుకు ఒక కారణం. అలాగే ప్రసవ సమయంలో కూడా వెన్ను కండరాల మీదే ఎక్కువగా ఒత్తిడి పడుతుంది.

ప్రసవ సమయంలో వెన్నుకు ఇచ్చే అనస్తీషియా ఇంజెక్షన్ వల్ల కూడా కొందరిలో ఈ సమస్యలు ఎక్కువగా వస్తాయి. ప్రసవం తరువాత పిల్లలను ఎత్తుకు తిరగడం వల్ల కూడా కొన్ని సమస్యలు తలెత్తుతాయి. ఇందుకు కండరాలు, నరాలు, డిస్కుల మీద పడుతున్న ఒత్తిడిని తగ్గించగలిగే బాహ్య చికిత్సలకు ఆయుర్వేదం అత్యధిక ప్రాధాన్యతనిస్తుంది. పంచకర్మ చికిత్సలు, మేరు చికిత్సలు ఇందులో ప్రధాన భాగమవుతాయి. ఆయుర్వేద తైల మర్థనలకు ఇందులో అత్యధిక ప్రాధాన్యత ఉంది.

మర్థన కాదు అభ్యంగం

అప్పటికే దెబ్బతిని ఉన్న డిస్కు మీద తైలంతో చేసే బల ప్రయోగం వల్ల ఆ డిస్కు మరింత దెబ్బ తింటుందేమోనన్న అపోహలు కొందరిలో ఉన్నాయి . వాస్తవానికి అందరికీ తెలిసిన పదం కాబట్టి తైల మర్థనం అనే మాట వాడతామే కానీ, దీని అసలు పేరు అభ్యంగ ం. అభ్యంగం అంటే ఒక ప్రత్యేక విధానంలో తైలాన్ని శరీరానికి అందించడం. మౌలికంగా శరీరంలో 107 మర్మ స్థానాలు ఉంటాయి. ఒక వెన్ను భాగంలోనే సుమారు 16 మర్మస్థానాల దాకా ఉంటాయి.

ఆ స్థానాలను చైతన్యపరచగలిగితే అక్కడ ఉండే వ్యర్థపదార్థాలన్నీ రక్తంలోకి వ చ్చి అక్కడ నుంచి విసర్జించబడతాయి. ఫలితంగా ఆయా భాగాల్లో రక్తప్రసరణ మెరుగుపడుతుంది. ఈ ప్రసరణ వల్ల నొప్పి తగ్గిపోతుంది. అభ్యంగం అంటే మర్మస్థానాలను చైతన్యపరుస్తూ చేసే మర్ధన చికిత్స. ఇది ఎంతో నైపుణ్యంతో చేసే చికిత్స. కండరాల మీద కలిగించే ఒత్తిడిని ఒక నిర్ణీత స్థాయిలోనే పెట్టడం ఉంటుంది. అయితే కేవలం తైల మర్థనలే కాకుండా ఈ చికి త్సలో కడుపులోకి వాతాన్ని హరించే మందులు కూడా ఇస్తాం.

సయాటికా సమస్య

ఎల్-3, ఎల్-4, ఎల్-5, ఎస్-1 ఈ పరిధిలోంచి వచ్చే నడుము కింది భాగంలో ఉండే నరాల సముదాయాన్ని సాక్రల్ ఫ్లెక్సెస్ అంటాం. ఇది మూడు నరాలుగా పిరుదులు, తొడ, పిక్కల వెనుక భాగం నుంచి మడమ, అరికాళ్లలోకి వెళుతుంది. ఈ నరం అణిగిపోయినప్పుడు కాలుకు రక్తప్రసరణ ఆగిపోతుంది. ఫలితంగా ఆ భాగానికి పోషణ ఉండదు. పోషణ లేనప్పుడు నరం పైన ఉండే మైలిన్ షీత్ ఎండిపోతుంది.

అలా ఎండిపోవడం వల్ల వాతం పెరిగిపోతుంది. ఫలితంగా శరీరమంతా పలురకాల నొప్పులు వస్తాయి. అయితే ఆ చోటు నుంచి వచ్చే సయాటికా నరాన్ని గృద్రసి నాడి అని అక్కడ ఉత్పన్నమయ్యే వాతాన్ని గృద్రసీ వాతం అంటారు. ఈ నాడీ ఎక్కడి వరకైతే వెళుతుందో అంటే నడుము నుంచి పిరుదు నుంచి, తొడ వెనుక, పిక్కవెనుక , మడమ వెనుక అలా పాదం దాకా వ చ్చే నాడి ఒత్తిడికి గురైతే అక్కడ ఈ లక్షణాలన్నీ కనిపిస్తాయి.

పంచకర్మ, మేరు చికిత్సలు

డిస్కులో వాపు వచ్చినప్పుడు ఆ వాపుకు దారి తీసిన కారణాన్ని తీసివేయాలి. డిస్కుకో, శరీరంలోని ఏదో ఒక విభాగానికో పరిమితమైపోవడం కాదు. మొత్తంగా వెన్ను వ్యవ స్థనే చక్కదిద్దాలి. నిజానికి దాని మీద ఉన్న ఒత్తిడిని తగ్తిస్తే దానికదే తగ్గిపోతుంది. అంతే గానీ, డిస్కును కోసి పడేయడం పరిష్కారం కాదు. అలా కోసి వేయడం అంటే సమస్యకు మరో సమస్యను జతచేయడమే. నిజానికి దగ్గరకు అయిన డిస్కులను దూరం జరపాలి. అందుకు కండరాలకు పటుత్వాన్ని ఇవ్వాలి. ఆయుర్వేద శాస్త్రం ప్రకారం వాతం పెరిగిందీ అంటే మలబద్దకం తొలి లక్షణంగా కనిపిస్తుంది. అందువల్ల మలబద్దకం మొదలైన వెంటనే చికిత్సలు తీసుకుంటే ఆ కారణంగా వచ్చే నడుము నొప్పి నివారింపబడుతుంది. అలా నివారించడానికి విరేచన కర్మ చాలా ఉత్తమం.

విరేచన కర్మ చేసిన తరువాత మల ద్వారం ద్వారా ఔషధాలు ఇచ్చే వస్తి కర్మలు ఉంటాయి. మొత్తంగా చూస్తే చికిత్సలు సమస్య తీవ్రతను అనుసరించి సుమారు రెండు నుంచి ఆరు వారాల దాకా పడుతుంది. చికిత్స మొదలైన ఓ మూడు రోజులు మాత్రమే విశ్రాంతి తీసుకోవాలి. ఆ తరువాత రోజు వారి పనులు చేసుకోవచ్చు. ఈ చికిత్సలతో డిస్కు సమస్యలే కాదు కాలు నొప్పిని కలిగించే సయాటికా సమస్యలు కూడాకనుమరుగైపోతాయి

డిస్కులు దెబ్బతింటే ఈ సమస్యేమిటి?

నా వయసు 36. సాఫ్ట్‌వేర్ ఇంజినీర్‌ను. నాకు గ త రెండేళ్ల క్రితం పిక్క కండరాలు పట్టేయడం, ఆ భాగంలో నొప్పి రావడం వంటి సమస్యలు మొదలయ్యాయి. డాక్టర్‌ను సంప్రదిస్తే కొన్ని మందులు, విటమిన్ మాత్రలు రాశారు. అయినా సమస్య మాత్రం తగ్గలేదు. ఆ తరువాత ఆరు నెలలకు తొడ వెనుక భాగంలో కూడా కండరాలు పట్టేయడం, నొప్పి మొదలయ్యాయి. వెంటనే న్యూరాలజిస్టును, ఆర్థోపెడిక్ డాక్టర్‌ను సంప్రదించాను. వారు స్కానింగ్ చే సి నడుము భాగంలోని డిస్కులు దెబ్బ తిన్నాయని చెప్పారు. దీనికి శస్త్ర చికిత్స చేయడం తప్ప మరో మార్గం లేదని చెప్పారు. కానీ శస్త్రచికిత్స చేయించుకోవాలంటే భయంగా ఉంది. అందుకే గత రెండేళ్లుగా మందులతో గడిపేస్తూ వచ్చాను. ఇప్పుడు నా నడుము కుడిపక్కకు వంగిపోయింది. నా నడక కూడా క్రమంగా మారిపోయింది. కొత్తగా మరో సమస్య కూడా మొదలయ్యింది. ఈ మధ్య ఒక్కోసారి అంగ స్తంభన సరిగా ఉండడం లేదు. స్కలనం సమయంలో అంగంలో, వృషణాల్లో విపరీతమైన నొప్పి వస్తోంది. ఆయుర్వేదంలో నా సమస్యకు పరిష్కారం ఉంటే చెప్పండి.

ఈ సమస్యను ఆయుర్వేదంలో పిండికోద్వేష్టనం అంటారు. మామూలుగా అయితే శరీరంలో మెగ్నీషియం, కాల్షియం, లవణాలు తగ్గిపోయినప్పుడు మరికొన్ని ఇతర కారణాలతో కూడా కండరాలు పట్టేస్తుంటాయి. అయితే మీకు కండరాలు పట్టేయడం అన్నది పూర్తిగా డిస్కులు దెబ్బ తిన డం వల్ల వచ్చిందే. డిస్కులను తిరిగి పూర్వ స్థితికి తేవడంలో ఆయుర్వేద చికిత్సలు సమర్థవంతంగా పనిచేస్తాయి. మీకు లైంగిక సమస్యలు కూడా మొదలయ్యాయీ అంటే సమస్య తీవ్రంగానే ఉందనేది వాస్తవం.

దెబ్బ తిన్న డిస్కులు తిరిగి చక్కబడితే గానీ, మీ సమస్యలన్నీ తొలగిపోవు . ఈ సమస్యకు ఆయుర్వేదంలో పంచకర్మ చికిత్సలు ప్రత్యేకించి 'మేరు చికిత్స' గొప్ప నివారిణిగా పనిచేస్తుంది. ఈ చికిత్స నాలుగు వారాల పాటు తీసుకోవాల్సి ఉంటుంది. దీనితో పాటే ఆరు వారాల పాటు లైంగిక లోపాలను తొలగించే వాజీకరణ ఔషధాలు కూడా అవసరమవుతాయి. వైద్య చికిత్సలతో పాటు వ్యాయామాలు, ఆహారపు అలవాట్లలో కొన్ని మార్పులు సూచిస్తాం. ఈ విధానాలతో మీ సమస్య పూర్తిగా తగ్గిపోతుంది.

నా వయసు 32. సాఫ్ట్‌వేర్ ఇంజినీర్‌గా రోజూ దాదాపు 12 గంటలకు పైగా కంప్యూటర్ పైన పనిచేస్తాను. ఇటీవల కంప్యూటర్‌పై కన్నా ల్యాప్‌టాప్ మీదే ఎక్కువగా పనిచే స్తున్నాను. అయితే, నెల రోజుల క్రితం ఉన్నట్లుండి ఎడమచేతి వేళ్లు మొద్దుబారినట్టు అయ్యాయి. దీనికి తోడు కొద్ది రోజులుగా చెవి నొప్పి, కంట్లో నీరు రావడం మొదలయ్యింది. చెవి డాక్టర్‌ను, కంటి డాక్టర్‌ను సంప్రదిస్తే ఏవో మందులు రాశారు కానీ, తగ్గలేదు. ఎక్స్‌రే తీస్తే సి-3 నుంచి సి-7 దాకా డిస్కులు దె బ్బతిన్నట్లు తేలింది. నాకు ఈ మధ్య చాలా అసహనంగా, చికాకుగా కూడా ఉంటోంది. ఈ పరిణామాలకు, డిస్కు సమస్యలేనా లేక మరేదైనా కారణం ఉందా తెలియచేయండి. ఆయుర్వేదంలో నా సమస్యలు పూర్తిగా తొలగిపోయే మార్గం చెప్పండి.

సహజంగా మన తల బరువు సుమారుగా 10 కిలోల దాకా ఉంటుంది. కంప్యూటర్ మీద రోజంతా అలా ముందుకు వంగి పనిచేయడం వల్ల తల బరువుతో ముందుగా మెడ వెనుక భాగంలోని కండరాలు, ఆ తరువాత డిస్కులు, నరాలు ఒత్తిడికి గురై క్రమంగా దెబ్బ తినిపోతాయి. సహజంగా సి-2 నుంచి వచ్చే కొన్ని నరాలు కలిసి తల వెనుక భాగం నుంచి ముఖం మీదికి వెళతాయి. మెడదగ్గర ఒక ఫేషియల్ నర్వ్ అని ఉంటుంది. ఇది ఐదు నరాలుగా ముఖంలోకి వెళతాయి.

ఈ ఐదు చెవికి, కంటికి, ముక్కుకు, పెదాలకు, గదమ భాగాలకు వెళతాయి. ఫేషియల్ నరం మీద ఒత్తిడి పడినప్పుడు చెవి నొప్పి, కంటిలో నీరు రావడం, ముక్కు వాసనను గుర్తించలేకపోవడం, పెదవిలో వచ్చే తేడాతో మాట తడబడటం, గదమ భాగంలో నొప్పి వంటి సమస్యలో ఏవో కొన్ని రావచ్చు. ఈ సమస్యలన్నిటికీ మెడ భాగంలోని డిస్కులు దెబ్బ తినడమే కారణం. డిస్కులు చక్కబడితే మీకున్న సమస్యలన్నీ వాటికవే తగ్గిపోతాయి. ఈ సమస్యలన్నీ మేరు చికిత్స, పంచకర్మ చికిత్సల ద్వారా పూర్తిగా తగ్గిపోతాయి. అలాగే చెవి నొప్పి, కంటి నీరు తగ్గిపోతాయి. కాకపోతే చికిత్స తరువాత కంప్యూటర్ మీద పనిచే సే సరియైన విధానాన్ని అనుసరించ వలసి ఉంటుంది.

ఇకపోతే కంప్యూటర్ మీద అయితే కనీసం కూర్చుని అయినా పనిచేస్తారు. ఇక ల్యాప్ టాప్ మీద పడుకుని, నేలమీద వంగి వెన్ను, మెడ భాగాల్లో బాగా ఒత్తిడి పడే భంగిమల్లో ఎలా పడితే అలా పనిచేస్తుంటారు. అందుకే ల్యాప్‌టాప్ మీద పనిచేస్తున్నప్పుడు సరియైన భంగిమలో కూర్చోవడాన్ని విధిగా పాటించాలి. ఆ తరువాత కొన్ని ఆసనాలు వేస్తూ, అవసరమైన పోషకాహారం తీసుకుంటూ ఉంటే మీకు తిరిగి ఈ సమస్య వచ్చే పరిస్థితే ఉండదు. నాడీ సంబంధ సమస్యలు ఉన్నప్పుడు సహజంగానే చికాకు, కోపం ఉంటాయి. వైద్య చికిత్సలు తీసుకున్నాక, యోగా, ప్రాణాయామాలు చేస్తే మీరు పూర్తిగా ఒక ప్రశాంత మానసిక స్థితికి చేరుకుంటారు.

సర్జరీ కాదు 'కటివస్తి' చాలు

ఆమె డాక్టర్ పి.నీరజ. సీనియర్ గైనకాలజిస్టు. వయసు 52, డాక్టర్‌గా తన విధి నిర్వహణలో వంగి పనిచేయడమే ఎక్కువ. ఫలితంగా రెండేళ్ల క్రితం ఆమెకు వెన్ను నొప్పి మొదలయ్యింది. న్యూరాలజిస్టు సలహా మేరకు ఎక్స్‌రే తీయిస్తే ఎల్-3, ఎల్-4, ఎల్-5, ఎస్-1 డిస్కులు దెబ్బ తిన్నట్లు రిపోర్టు వచ్చింది. ఈ స్థితిలో శస్త్ర చికిత్స త ప్ప మరో మార్గం లేదు అన్నారు. శస్త్ర చికిత్స తరువాత ఓ ఎనిమిది మాసాల దాకా కాస్త ఉపశమనంగానే అనిపించింది. ఆ తరువాత మళ్లీ నొప్పి మొదలయ్యింది.

అందుకు రెండోసారి కూడా శస్త్రచికిత్స చేశారు.అయినా తగ్గలేదు. డాక్టర్‌ను సంప్రదిస్తే మరోసారి శస్త్ర చికిత్స చేయించుకుంటే ఇక సమస్య పూర్తిగా పోతుంది అన్నారు. నిజానికి రెండవ శస్త్ర చికిత్స తాలూకు దుష్ప్రభావాలు ఇప్పటికి ఇంకా పోనేలేదు. కాళ్లల్లో తిమ్మిర్లు రావడంతో పాటు, ఏకాస్త నిలబడినా కాళ్లల్లో నొప్పి, కొంకర్లు పోవడం వంటివి ఇంకా వేధిస్తూనే ఉన్నాయి. అందుకే ఆమె శస్త్ర చికిత్సకు సమ్మతించలేదు. డిస్కు సమస్యలకు ఆయుర్వేద చికిత్సల గురించి ఎవరో చెప్పగా విని మా వద్దకు వచ్చారు.

మా వద్ద ఆమెకు వరుసగా నాలుగు వారాల పాటు చికిత్స కొనసాగింది. ముఖ్యంగా పంచకర్మ చికిత్సలో భాగంగా అభ్యంగం, స్వేదం, తైల మర్థనలతో పాటు ఎలకిడి చికిత్స కూడా చేశాం. ఔషధ గుణాలున్న కొన్ని రకాల ఆకులను తైలంలో ఉడికించి ఒంటికి పట్టించే ఈ విధానం ఆమె ఎక్కువ మేలు చేసింది. ఈ ఎలకిడి చికిత్స వల్ల శరీరంలోని వ్యర్థ పదార్థాలన్నీ వెలుపలికి వచ్చేస్తాయి. ఫలితంగా శరీరంలోని వాతం హరించుకుపోతుంది. ఓ 40 ఏళ్లు గడిచాక శరీర వ్యవస్థ సహజంగానే క్షీణిస్తూ వెళుతుంది. ఈ స్థితిలో శరీరంలో వాత ప్రకోపం ఎక్కువగా ఉంటుంది. ఇది వెన్ను నొప్పితో పాటు పలురకాల సమస్యలకు కారణమవుతూ ఉంటుంది.

అందుకే ఔషధ తైలాలతో వాతాన్ని తొలగించడం పట్ల ఆయుర్వేదం పట్ల ఎక్కువగా శ్రద్ధ వహిస్తుంది. వెన్నునొప్పి ఉన్నవారికి వాతం తగ్గడం అంటే నొప్పి తగ్గడమే. చికిత్సలో భాగంగా విరేచనం, నస్యం, వస్తి చికిత్సలు కూడా చేశాం. ముఖ్యంగా యోగ వస్తితో పాటు కటివస్తి చికిత్స కూడా చేశాం. కటివస్తితో బిగుసుకుపోయిన వెన్ను భాగం సాధారణ స్థితికి వచ్చేస్తుంది.

నరాల పైన ఒత్తిడి తగ్గడంతోపాటు, ఎండిపోయిన భాగాల్లో తేమ నిపండంలో నరాల వ్యవస్థలో పూర్వ శక్తిని తేవడంలో వస్తీకరణ చికిత్సలు బాగా తోడ్పడతాయి. వెన్నెముకకు ఇరువైపులా ఉండే కండరాల్లో శక్తి నింపడం, డిస్కులు, నరాల మీది ఒత్తిడిని తగ్గించ డం ఇవన్నీ చికిత్సలో భాగాలే. ఈ చికిత్సలన్నీ ఆమెకు చేశాం. ఆ తరువాత నాలుగు నెలలకు సరిపడే మందులు ఇచ్చి పంపించాం. మందులన్నీ అయిపోయాక అంటే ఐదవ నెలలో వాళ్లు మా వద్దకు వచ్చారు.

వెన్నుకు సంబంధించిన తన బాధలన్నీ తొలగిపోయాయని తమ సంతోషాన్ని వ్యక్తం చేశారు. ఇప్పుడామె డాక్టర్‌గా ముందులాగే పూర్తి స్థాయిలో తన వృత్తిపనులు చేసుకోగలుగుతున్నానని చెప్పారు. సర్జరీల అవసరాన్ని తప్పించే ఇలాంటి ఎన్నో ఉధంతాలు ఆయుర్వేద చికి త్సల్లో కనపడతాయి.

ఆమె పేరు ఎన్ వసంత. వయసు 33. పెళ్లయి పదేళ్లయినా ఇంకా సంతానం కాలేదు.చాలా రోజులుగా ఆమెకు పొత్తి కడుపులో నొప్పితో పాటు వెన్ను నొప్పి కూడా ఉంది. అయితే ఎంత సేపూ వాళ్లు గర్భం రావడం లేదనే విషయమే ఆలోచిస్తున్నారు. అందుకు అవసరమైన రకరకాల పరీక్షలన్నీ చేయిస్తున్నారు. కానీ, వెన్ను నొప్పి పైకి వారి దృష్టి పోవడమే లేదు. ఆమె మా వ ద్దకు వచ్చినప్పుడు వెన్ను సంబంధమైన సమస్య ఏమైనా ఉందేమోనని ఎస్ఎల్ఆర్ (స్ట్రేట్ లెగ్ రైజింగ్) పరీక్ష చేశాం. అందులో ఆమెకు డిస్కు సమస్య ఉన్నట్లు తేలింది. డిస్కు సమస్యలు ఉన్నప్పుడు గర్భం వస్తే వెన్ను భాగం ఎంతగా దెబ్బతింటుందో సవివరంగా చెప్పాక వారు వెన్ను చికిత్స తీసుకోవాలని నిర్ధారించుకున్నారు.

యుక్త వయసులోనే వెన్నునొప్పి ఉన్న వారిలో చాలా మంది ఆ విషయాన్ని బయటికి చెప్పరు. ఈ లోగా పెళ్లయి, గర్భం వస్తే అది వెన్నుకు సంబంధించి కొన్ని దీర్ఘకాలిక సమస్యలకు బీజం పడుతుంది. వాస్తవానికి డిస్కు సమస్య ఉన్నప్పుడు గర్భం దాల్చడం ఏ మాత్రం శ్రేయస్కరం కాదు. ఈ స్థితిలో గర్భం వస్తే వెన్ను భాగాల్లోని కండరాల మీద ఒత్తిడి పెరిగి సమస్య మరింత జటిలమవుతుంది. అందుకే ఆమెకు మొట్టమొదట కటివస్తి అనే చికిత్స చేశాం.

కొన్ని ఆయుర్వేద అంశాల ముద్ధను వెన్నుభాగంలో ఉంచి వెన్ను మధ్యలో ఆయుర్వేద తైలాలను పోయడం ఈ కటివస్తి చికిత్సా విశేషం. ఈ చికిత్సతో ఉబ్బి బయటికి వచ్చిన డిస్కు తిరిగి యథాస్థానానికి వచ్చేసింది. నిజానికి శస్త్ర చికిత్స లేకుండానే ఒత్తిడిని తగ్గించి డిస్కులను పూర్వ స్థితికి తేగలిగే ఒక విశేష చికిత్స కటివస్తి. ఆయుర్వేదంలోని ఈ చికిత్సా విశేషాన్ని ప్రపంచ ఆరోగ్య సంస్థ కూడా గుర్తించింది. కటి వస్తి తరువాత ఆమెకు సర్వాంగ ధార (ఆయిల్ బాత్) చికిత్స కూడా చేశాం. ఈ చికిత్సతో శరీరంలోని బిగుసుకుపోయిన కండరాలన్నీ వదులవుతాయి.

కండరాలు తిరిగి శక్తివంతం కావడంతో పాటు శరీరంలోని వ్యర్థపదార్థాలన్నీ తొలగిపోతాయి. కటివస్తి , సర్వాంగ ధార చికిత్సలతో ఆమె వెన్ను సమస్య తొలగిపోయింది. ఆ వెంటనే సంతానం కలిగించే ఆయుర్వేద చికిత్సలు కూడా ప్రారంభించాం. వెన్ను సమస్యలనుంచి ముందే విముక్తి పొందడం ద్వారా గర్భధార ణ తరువాత మళ్లీ కండరాల సమస్యలు, డిస్కు సమస్యలు తలెత్తే పరిస్థితి రాదు. గర్భానికి ముందు వెన్ను సమస్యలను నిర్లక్ష్యం చేసిన వారు జీవితకాలమంతా వెన్నునొప్పితో బాధపడటం మనకు కనిపిస్తుంది. ఈ చికిత్స తీసుకున్న వసంతకు ఇప్పుడు ఆ దిగులే లేదు.

ఆయుర్వేదంతో కీళ్లనొప్పులు పోతాయా!

నేను గత ఆరునెలలుగా కీళ్లనొప్పులతో బాధపడుతున్నాను. జాయింటుల దగ్గర వాపు, నొప్పి ఉంటోంది. నొప్పి నివారణ మాత్రలు వాడితే తాత్కాలికంగా నొప్పి తగ్గుతోందే తప్ప శాశ్వత పరిష్కారం దొరకడం లేదు. స్టెరాయిడ్స్ వాడితే ఉపయోగం ఉంటుందని డాక్టర్ అంటున్నారు. కానీ వాటివల్ల ఇతర దుష్ప్రభావాలు ఉంటాయని తెలిసింది. అందుకే ఆయుర్వేద చికిత్స తీసుకోవాలని అనుకుంటున్నాను. ఆయుర్వేదంలో కీళ్ల నొప్పులకు చికిత్స ఉందా?

జాయింటుల దగ్గర వాపు, నొప్పి లక్షణాలున్నప్పుడు రుమటాయిడ్ ఆర్థరైటిస్ అని నిర్ధారించుకోవచ్చు. ఈ సమస్యకు ఆయుర్వేదంలో చికిత్స ఉంది. స్టెరాయిడ్స్ వాడటం వల్ల దుష్ప్రభావాలు ఉంటాయన్న మాట వాస్తవమే. వాటికి దూరంగా ఉండటమే మంచిది. ఇక రుమటాయిడ్ ఆర్థరైటిస్ విషయానికొస్తే జాయింటుల్లో విపరీతమైన నొప్పి దీనిలో కనిపించే ప్రధాన లక్షణం. నొప్పి, వాపు, నొప్పి ఉన్న చోట ఎర్రగా మారడం, కీళ్లు బిగుసుకుపోవడం వంటి క్షణాలు కనిపిస్తాయి.

రుమటాయిడ్ ఆర్థరైటిస్ రావడానికి ప్రత్యేకమైన కారణాలంటూ ఏమీ లేవు. శరీరంలో రోగనిరోధక శక్తి తగ్గిపోవడం వల్ల వచ్చే వ్యాధి ఇది. ఈ సమస్య వల్ల వచ్చే నొప్పులను తగ్గించడానికి ఆయుర్వేద చికిత్స బాగా ఉపకరిస్తుంది. కొన్ని ఆహారనియమాలు పాటిస్తూ ఆయుర్వేద చికిత్స తీసుకుంటే సమస్య చాలా వరకు తగ్గిపోతుంది. అయితే కనీసం ఆరు నెలల పాటు చికిత్స తీసుకోవాల్సి ఉంటుంది.

నా భార్యకి గత కొన్ని రోజులగా మలద్వారం దగ్గర పింపుల్ మాదిరిగా అవుతోంది. చాలా నొప్పిగా ఉంటోందని చెబుతోంది. కొన్ని రోజులకు దానంతట అదే పగిలిపోయి రక్తం వస్తోందని అంటోంది. యాంటీబయోటిక్స్ వేసుకుంటే తగ్గిపోతుంది. మందులు మానేస్తే కొన్ని రోజులకు మళ్లీ అలాగే అవుతోంది. మలబద్దకం కూడా ఉంది. ఈ సమస్యకు మలబద్దకమే కారణమంటారా? డాక్టర్ దగ్గరకు వెళ్దామంటే రానంటోంది. ఈ సమస్యను చూసే లేడీ డాక్టర్లు ఎక్కడున్నారో తెలియడం లేదు. తగిన సలహా ఇవ్వండి.

మీరు చెబుతున్న లక్షణాలను బట్టి చూస్తే మీ భార్య ఫిస్టులా సమస్యతో బాధపడుతున్నారని అనిపిస్తోంది. ఈ వ్యాధిని నిర్లక్ష్యం చేస్తే ఇతర సమస్యలు తలెత్తే అవకాశం ఉంది. చాలా మంది స్త్రీలు డాక్టర్‌ను కలిసి సమస్యను చెప్పుకోవడానికి సిగ్గుపడుతుంటారు. కానీ ఆరోగ్యం కాపాడుకోవడం చాలా ముఖ్యమనే విషయం గుర్తుపెట్టుకోవాలి. ఇటీవల ఈ సమస్య చాలా మందిలో కనిపిస్తుంది. దీనికి ప్రధాన కారణం మలబద్దకం.

మలబద్దకం లేకుండా చూసుకుంటే ఈ సమస్య తలెత్తదు. ఈ వ్యాధి ప్రాథమిక దశలో మందులతో సులభంగా తగ్గిపోతుంది. ఆయుర్వేదంలో క్షారసూత్ర చికిత్స బాగా ఉపకరిస్తుంది. దీనికి తోడు కొన్ని ఆహార నియమాలు పాటించాల్సి ఉంటుంది. నీరు ఎక్కువగా తాగడం, పీచు పదార్థాలు ఎక్కువగా తీసుకోవడం, పళ్లు, ఆకుకూరలు తీసుకోవడం చేయాలి. ఆయుర్వేద చికిత్సతో పాటు ఈ జాగ్రత్తలు పాటిస్తే మంచి ఫలితం ఉంటుంది. కాబట్టి మీ భార్యను ఒకసారి ఆయుర్వేద డాక్టర్‌కు చూపించి తగిన చికిత్స ఇప్పించండి. మీభార్య సమస్య పూర్తిగా తగ్గిపోతుంది.

నాలుగు నెలల క్రితం నడుం నొప్పితో బాధపడుతూ మీ ఆసుపత్రికి వచ్చాను. పరీక్ష చేసి ల్యుంబార్ స్పాండిలోసిస్ అని చెప్పారు. ఎల్3-ఎల్4, ఎల్4-ఎల్5, 15-ఎస్1 లెవెల్స్‌లో ఒత్తిడి పడుతోందని, డిస్క్ ప్రొలాప్స్ అయిందన్నారు. చికిత్స తీసుకుంటే తగ్గిపోతుందని చెప్పారు. కానీ మీ మాట వినకుండా న్యూరోసర్జన్‌ని కలిశాను. వెంటనే సర్జరీ చేయించుకోవాలి, లేకపోతే కాళ్లు పడిపోయే ప్రమాదం ఉందని భయపెట్టడంతో ఆపరేషన్ చేయించుకున్నాను. ఒక నెలపాటు బాగానే ఉంది. ఆ తరువాత మళ్లీ నొప్పి మొదలయింది. నొప్పి ఇప్పుడు ఇంకా తీవ్రంగా ఉంది. ఆసుపత్రికి వెళితే మళ్లీ సర్జరీ చేయాలంటున్నారు, కానీ నాకు ఇష్టం లేదు. ఆయుర్వేద చికిత్స తీసుకోవాలనుకుంటున్నాను. దయచేసి తగిన సలహా ఇవ్వండి.

ముందుగానే ఆయుర్వేద చికిత్స తీసుకుంటే మీకు ఈ సమస్యలన్నీ ఉండేవి కావు. సర్జరీ చేయించుకుని పరిస్థితిని మరింత క్రిటికల్‌గా మార్చుకున్నారు. నిజానికి ల్యుంబార్ స్పాండిలోసిస్ సమస్యకు సర్జరీ పరిష్కారం కాదు. కొందరిలో సర్జరీ మంచి ఫలితాన్నే చూపిస్తుంది. కానీ అది కూడా తాత్కాలికమే. ఆపరేషన్‌లో భాగంగా ఒత్తిడిపడుతోన్న, దెబ్బతిన్న డిస్క్‌లను తొలగిస్తారు. దీనివల్ల నొప్పి నుంచి ఉపశమనం లభిస్తుంది. అయితే ఒక డిస్క్ తొలగించినపుడు మరొక డిస్క్‌పైన దాని ప్రభావం పడుతుంది. దీంతో మళ్లీ నొప్పి మొదలవుతుంది. శరీరం అటూ ఇటూ కదలడానికి ఈ డిస్క్‌లు ఉపకరిస్తాయి.

బరువులు ఎత్తినపుడు, కూర్చునే భంగిమ సరిగ్గా లేనపుడు ఈ డిస్క్‌లు దెబ్బతింటాయి. వయసు పైబడిన వారిలో ఈ సమస్య సాధారణంగా కనిపిస్తుంది. ఎక్కువగా వాహనం నడపటం, ప్రమాదాలు, వెయిట్‌లిఫ్టింగ్ వంటి వాటి వల్ల కూడా డిస్క్‌లు దెబ్బతింటాయి. డిస్క్‌ల్లో సమస్య ప్రారంభమైన వెంటనే చికిత్స తీసుకుంటే త్వరగా తగ్గుతుంది. ఆయుర్వేద చికిత్సలో భాగంగా ప్రత్యేకమైన ఆయిల్స్‌ను ఉపయోగించి మసాజ్ చేయడం జరుగుతుంది. కండరాలను బలోపేతం చేయడం ద్వారా డిస్క్‌లపై పడే భారాన్ని తగ్గించడం జరుగుతుంది. కాబట్టి ఆలస్యం చేయకుండా మీరు ఆయుర్వేద వైద్యున్ని కలిసి చికిత్స తీసుకోండి.

సర్జరీ లేకుండా వెన్నునొప్పి తగ్గేనా?

నా వయసు 27. రెండేళ్ల క్రితం వ్యాయామం చేస్తున్నప్పుడు నడుము వెనుక భాగం పట్టేసింది. అయినా జిమ్‌కు వెళ్లడం కొనసాగిస్తూనే వచ్చాను. అయితే మూడు మాసాల క్రితం నడుము నొప్పి తీవ్రమయ్యింది. నొప్పి భరించలేని స్థితికి చేరడంతో ఉద్యోగానికి రాజీనామా చేశాను. ఆర్థోపెడిక్ డాక్టర్‌ను సంప్రదిస్తే స్కానింగ్ రిపోర్టు చూసి ఎల్-4, ఎల్-5, మరియు ఎల్-5, ఎస్-1 డిస్కుల మధ్య సమస్య ఉన్నట్లు చెప్పారు. హెర్నియేటెడ్ డిస్క్ అనే ఈ సమస్య కారణంగా డిస్కు మధ్యలో ఒక పగులు కూడా వచ్చినట్లు చెప్పారు. ఈ సమస్యకు శస్త్ర చికిత్స ఒక్కటే మార్గం. కాకపోతే శస్త్ర చికిత్స తరువాత జీవితంలో ఇంకెప్పుడూ వ్యాయామం చేయకూడదనే షరతు విధించారు. నిజానికి జిమ్‌కు వెళ్లకుండా ఉండిపోవడం నాకు బొత్తిగా ఇష్టం లేదు. ఆయుర్వేదంలో ఈ సమస్యకు చికిత్స ఉన్నట్లు తెలిసింది. కనీసం ఇక్కడైనా వైద్య చికిత్సల తరువాత తిరిగి జిమ్‌కు వెళ్లే అవకాశం ఉంటుందా? ఆ వివరాలు తెలియచేయండి.

డిస్కు సమస్య తీవ్రమై మూడవ దశకు చేరుకోవడాన్ని హెర్నియేటెడ్ డిస్కు అంటారు. ఈ దశలో డిస్కులో ఉండే గుజ్జులో దాదాపు 60 శాతానికి పైగా బయటికి వచ్చేస్తుంది. డిస్కులో పగులు (అన్యులార్ టేర్) కూడా వచ్చినట్లు రాశారు. ఈ దశలోనూ ఆయుర్వేద చికిత్సలు సమస్యను తగ్గించగలుగుతాయి. అయితే చికిత్సా కాలంలో కేవలం ఒక నాలుగు నెలలు జిమ్‌కు వెళ్లకుండా ఉంటే చాలు. ఆ తరువాత మీకు ఏ ఆంక్షలూ ఉండవు. మళ్లీ మునుపటిలా జిమ్‌కు వెళ్లవచ్చు. తైల మర్దన చికిత్స, కడుపులోకి ఇచ్చే కొన్ని ఔషధాలు, ఆహార నియమాలు, జీవన శైలి మార్పులు ఆయుర్వేద చికిత్స ఇలా నాలుగు దశలుగా ఈ చికిత్సలు ఉంటాయి. డిస్కు సమస్య ఉన్న వారిలో నడుము భాగంలోని కండరాలు బాగా బిగుసుకుపోయి ఉంటాయి. తైల మర్దన చికిత్స మొదలైన ఓ నాలుగు రోజుల్నించే ఈ బాధ నుంచి ఉపశమనం రావడం మొదలవుతుంది.

ఆ తరువాత చేసే అభ్యంగం, స్వేదం, ఎలకిడి, కటివర్తి, విరేచన కర్మ, వస్తి కర్మ వంటి చికిత్సలతో డిస్కు పూర్వ స్థితికి వచ్చేస్తుంది. నొప్పితో పాటు తిమ్మిరి రావడం, పొడిచినట్లు ఉండడం, ఆయా భాగాల్లో మొద్దుబారిన ట్లు ఉండడం, శరీరాన్ని కదిలించినప్పుడు నొప్పి రావడం వంటి సమస్యలన్నీ క్రమంగా తగ్గుముఖం పడతాయి. ఈ చికి త్సలు పూర్తి కావడానికి సుమారు నాలుగు వారాలు పడుతుంది. ఆ తరువాత మూడు నాలుగు మాసాల పాటు మందులు అవసరమవుతాయి. ఈ క్రమంలో కొన్ని రకాల వ్యాయామాలు కూడా చేయిస్తాం. ఈ చికిత్సలతో మీ సమస్య కచ్చితంగా తొలగిపోతుంది. మీది ఇంకా చిన్న వయసే కాబట్టి మీ సమస్యనుంచి నూటికి నూరు పాళ్లూ బయటపడతారు. అలా మీరు మామూలు స్థితికి వచ్చేయడంతో పాటు మీరు జిమ్‌కు కూడా వెళ్లవచ్చు.

నా వయసు 32. సాఫ్ట్‌వేర్ ఇంజినీర్‌గా రోజూ సుమారు 16 గంటల పాటు పనిచే స్తూ ఉంటాను. ఒకరోజు రాత్రివేళ ఎడమ వైపు మెడ, నడుము కింది భాగం పట్టేశాయి. ఆ భాగాలను కుడివైపు తిప్పడం సాధ్యం కావడం లేదు. క్రమంగా ఎడమ చేయి తిమ్మిరి రావడం, పొడిచినట్లు కావడం, అలాగే కాలి రెండు వేళ్లు కూడా పొడిచినట్లు అనిపించడం వంటి లక్షణాలు కూడా మొదలయ్యాయి. డాక్టర్‌ను సంప్రదిస్తే సర్వైకల్, లంబార్ ఎంఆర్ఐ చేయించారు. రిపోర్టులో సి-5, సి-6 మరియు సి-6, సి-7 మధ్యలో సర్వైకల్ స్పాండిలైటిస్, అలాగే ఎల్-4, ఎల్-5 లోనూ లంబార్ స్పాండిలైటిస్ ఉన్నట్లు తేలింది. ఈ సమస్యను శస్త్ర చికిత్స ద్వారా తొలగించవచ్చునని చెప్పారు. శస్త్ర చికిత్సకు వెళ్లడం నాకు ఏమాత్రం ఇష్టం లేదు. ఆయుర్వేదంలో ఈ సమస్యకు పరిష్కారం ఉంటే చెప్పండి.

ఎక్కువ మోతుదులో క్యాల్షియం ఉండే ఆహారం తీసుకోవడం వల్ల కొందరిలో క్యాల్షియం నిలువలు పెరిగిపోతాయి. ముఖ్యంగా దెబ్బ తిన్న డిస్కుల మధ్య క్యాల్షియం నిలువలు పెరిగిపోయినప్పుడు ఈ స్పాండిలైటిస్ సమస్యలు తలెత్తుతూ ఉంటాయి. ఈ స్థితిలో డిస్కుల మధ్య దూరం తగ్గి అక్కడ ఉండే నరం నొక్కుకుపోతుంది. దీని వల్ల సయాటికా లక్షణాలు, స్పాండిలైటిస్ లక్షణాలు రావచ్చు. మనం కూర్చునే లేదా పనిచేసే భంగిమల్లోని లోపాల వల్ల డిస్కుల మధ్య ఒరిపిడి జరిగిన సందర్భాల్లోనూ ఈ సమస్యలు వస్తాయి. మీరు రోజంతా కదలకుండా పనిచేయడం వల్ల డిస్కుల చుట్టూ ఉండే కండరాలు కూడా బిగుసుకుపోయి ఉంటాయి. వెన్ను భాగంలో ఉండే నరం కూడా దెబ్బ తిని ఉంటుంది.

వైద్యచికిత్సలతో ఒకసారి బిగుసుకుపోయిన కండరాలను మళ్లీ మామూలు స్థితికి తీసుకువస్తే స్పాండిలైటిస్ సంబంధమైన సమస్యలన్నీ తొలగిపోతాయి. ముఖ్యంగా ముక్కు రంధ్రంలో మందు చుక్కలు వేసే 'నశ్యకర్మ 'చికిత్స సమస్య చాలా తొందరగా తగ్గడానికి తోడ్పడుతుంది. ఆ తరువాత క్యాల్షియం ఎక్కువగా ఉండే ఆహారం తగ్గించి, పనిచేసే భంగిమల విషయంలో శ్రద్ధ వహిస్తే తిరిగి ఆ సమస్య తలెత్తే అవకాశం ఉండదు. స్పాండిలైటిస్ సమస్యకు శస్త్ర చికిత్స చేస్తే కొన్నాళ్ల తరువాత మళ్లీ సమస్య మొదలవుతుంది. ఆయుర్వేదంలో ఆ సమస్య ఉండదు. వెంటనే ఆయుర్వేద చికిత్స తీసుకుంటే మీ సమస్య నుంచి మీకు పూర్తి ఉపశమనం లభిస్తుంది.

ఆయుర్వేద మందులతో కీళ్ల నొప్పులు తగ్గుతాయా?

నా వయస్సు 54 సంవత్సరాలు. గత మూడేళ్లుగా తీవ్రమైన కీళ్లనొప్పులతో బాధపడుతున్నాను. నొప్పి నివారణ మాత్రలు వేసుకుంటూనే ఇన్నాళ్లూ గడుపుతూ వచ్చాను. అల్లోపతి మందులతో ఏ మాత్రం ఉపయోగం లేదని తెలిసిపోయింది. మోకాలి నొప్పి చాలా ఎక్కువయింది. మా డాక్టరు నీ రీప్లేస్‌మెంట్ సర్జరీ చేయించుకొమ్మని సలహా ఇస్తున్నాడు. కానీ నాకు ఇష్టం లేదు. ఆయుర్వేద వైద్యం ద్వారా కీళ్లనొప్పులు తగ్గుతాయని స్నేహితులు అంటున్నారు. నిజమేనా? ఆయుర్వేదంలో ఈ సమస్యకు పరిష్కారం ఉందా? రోజువారీ పనులు చేసుకోగలిగితే చాలు. సాధ్యమవుతుందా?

మీరు ఆస్టియో ఆర్థరైటిస్‌తో బాధపడుతున్నారు. అల్లోపతి మందులు ఎన్ని వాడినా తాత్కాలిక ఉపశమనమే తప్ప ఇది పూర్తిగా తగ్గిపోదు. ఇది ఎక్కువగా తుంటి, వెన్నెముక, పాదం, చేతుల్లోనూ, వేళ్లలోనూ, మోకాలి జాయింటుల్లోనూ ప్రభావం చూపిస్తుంది. ఆస్టియో ఆర్థరైటిస్ నేరుగా కీళ్లపైన ప్రభావం చూపించడం వల్ల మనిషి కదల్లేని పరిస్థితులు వస్తాయి. అధిక బరువు ఉన్న వారిలో సమస్య మరింత ఎక్కువగా ఉంటుంది.

కీళ్లు బిగుసుకుపోవడం, మోకాళ్లపై ఒత్తిడి భరించలేకపోవడం, విపరీతమైననొప్పి, వాపు లక్షణాలుంటాయి. ఆయుర్వేదంలో ఈ సమస్యకు చికిత్స అందుబాటులో ఉంది. సమస్య తీవ్రతను బట్టి చికిత్స అందించడం జరుగుతుంది. 50 నుంచి 70 శాతం వరకు కోలుకుంటారు. సాధారణ పనులు చేసుకోవచ్చు. సరియైన జాగ్రత్తలు తీసుకుంటే పదిహేనేళ్ల వరకు మళ్లీ సమస్య తిరగబెట్టకుండా చూసుకోవచ్చు. ఎముకల మధ్య కార్టిలేజ్ అనే పదార్థం ఉంటుంది. ఇది రాపిడిని తగ్గించి, కీలు మృదువుగా కదిలేలా చేస్తుంది. ఈ కార్టిలేజ్ అరిగినపుడు ఎముక రాపిడికి గురవుతుంది. ఎముక, కార్టిలేజ్‌కు మధ్య ఉన్న స్పేస్ తగ్గిపోయినపుడు కూడ నొప్పి వస్తుంది.

తద్వారా ఎముక క్షీణిస్తుంది. ఆయుర్వేద చికిత్స ద్వారా కార్టిలేజ్ తిరిగి పునరుద్ధరింపబడేలా చేసి, ఎముకల మధ్య అవసరమైన స్థలం ఉండేలా చేయడం జరుగుతుంది. ఎముకల మధ్య రాపిడిని తగ్గించడానికి అవసరమైన తైల చికిత్సలు ఇవ్వడం జరుగుతుంది. దీనికి తోడు అధిక బరువు తగ్గించుకోవడం, కండరాల పటుత్వం పెంచుకోవడం, స్విమ్మింగ్‌లాంటి వ్యాయామాలు చేయడం వల్ల మంచి ఫలితం లభిస్తుంది. కాబట్టి మీరు ఒకసారి ఆయుర్వేద వైద్యుణ్ణి కలిసి తగిన చికిత్స తీసుకోండి. మీ సమస్య తప్పక తగ్గిపోతుంది.

నా వయస్సు 28 సంవత్సరాలు. సాఫ్ట్‌వేర్ ఇంజనీర్‌గా పనిచేస్తున్నాను. నేను గత రెండేళ్లుగా తీవ్రమైన నడుంనొప్పితో బాధపడుతున్నాను. చాలా మంది డాక్టర్లను కలిశాను. ఎమ్ఆర్ఐ స్కాన్ చేసి ఎల్4, ఎల్5, ఎస్1 లెవెల్స్‌లో డిస్క్‌పై ఒత్తిడి పడుతోందని చెప్పారు. సర్జరీ చేయించుకొమ్మని సలహా ఇచ్చారు. అయితే మా బంధువులు మీ దగ్గర చికిత్స తీసుకున్నామని చెప్పారు. ఒకసారి మిమ్మల్ని సంప్రదించమని చెప్పారు. సర్జరీ వల్ల కాంప్లికేషన్స్ ఉంటాయని తెలుసు. కానీ నాకు వేరే దారి కనిపించడం లేదు. ఆయుర్వేదం ద్వారా నా సమస్య తగ్గిపోతుందా? ఏం చేస్తే బాగుంటుందో సలహా ఇవ్వండి

డిస్క్ పైన ఒత్తిడి పడుతోందని డిస్క్‌ను తొలగిస్తే ఇతర సమస్యలు తలెత్తే అవకాశం చాలా ఉంది. డిస్క్, స్పైన్ సమస్యలకు సర్జరీ ఏ మాత్రం పరిష్కారం చూపదు. డిస్క్‌ను తొలగించడం మూలంగా ఇతర డిస్క్‌ల పైనా ప్రభావం పడుతుంది. దీనివల్ల సమస్య మరింత పెద్దదవుతుంది. వెన్నుపూసల మధ్య కుషన్‌లాంటి భాగాన్ని డిస్క్ అంటారు. ఇందులో ఉండే జెల్లీలాంటి పదార్థం శరీరం అటూ ఇటూ సులువుగా కదలడానికి ఉపకరిస్తుంది. బరువులు ఎత్తినపుడు, కూర్చునే భంగిమ సరిగ్గా లేనపుడు ఈ డిస్క్‌లు దెబ్బతినడానికి అవకాశం ఉంటుంది. వయసు పైబడిన వారిలో ఈ సమస్య సాధారణంగా కనిపిస్తుంది.

డిస్క్‌ల్లో సమస్య ప్రారంభమైన వెంటనే చికిత్స తీసుకుంటే మంచి ఫలితం ఉంటుంది. ఆలస్యం చేస్తే డిస్క్‌లు బాగా దెబ్బతినడమే కాకుండా ఇతర డిస్క్‌లపైన ప్రభావం పడుతుంది. నొప్పి ఉన్నప్పుడు పెయిన్ కిల్లర్స్ వేసుకోవడం వల్ల తాత్కాలిక ఉపశమనం లభిస్తుందే తప్ప శాశ్వత పరిష్కారం లభించదు. ఆయుర్వేదంలో ఈ సమస్యకు మంచి చికిత్స అందుబాటులో ఉంది. చికిత్సలో భాగంగా ప్రత్యేకమైన ఆయిల్స్‌ను ఉపయోగించి మసాజ్ చేయడం జరుగుతుంది. కండరాలను బలోపేతం చేయడం ద్వారా డిస్క్‌పై పడే భారాన్ని తగ్గించడం జరుగుతుంది. కాబట్టి మీరు సర్జరీ ఆలోచనను పక్కన పెట్టి ఆయుర్వేద వైద్యుణ్ణి కలిసి తగిన చికిత్స తీసుకోండి.

నెల రోజుల్లో సొరియాసిస్ మాయం

ఆమె పేరు ఎన్. సురేఖ. వయసు 25. సాఫ్ట్‌వే ర్ ఇంజినీర్‌గా పనిచేస్తోంది. చర్మం మీద ముందు స్వల్పంగా మొదలైన దురద, మంట క్రమంగా పెరుగుతూ చర్మమంతా పెద్ద పెద్ద మచ్చలుగా తయారయ్యాయి. అల్లోపతి డాక్టర్‌ను సంప్రదిస్తే సొరియాసిస్ అన్నారు. ఆమె చెప్పిన వివరాలు ఇంకా ఇలా ఉన్నాయి. డాక్టర్ సూచన మేరకు దాదాపు ఒక సంవత్సరం పాటు అల్లోపతి మందులు వాడారు. అయితే, మాత్రలు వేసుకున్నాక ఓ ఏడెనిమిది గంటల పాటు దురద ఉండేది కాదు. ఆ వ్యవధి దాటగానే మళ్లీ దురద, మంటలు ఉండేవి. కొద్ది కాలం స్టెరాయిడ్స్ కూడా వాడారు. అయినా ఫలితం రాలేదు. చర్మం పగుళ్లలోంచి చీము రావడం, ఈ స్థితిలో చేతులు మడుచుకోవడం కూడా బాధగానే ఉండేది. చేతి వేళ్ల చివర్లలో సూదులతో గుచ్చినట్లు కొన్ని ఎర్రటి చుక్కలు వచ్చాయి. ఈ కారణంగా కంప్యూటర్ మీద పనిచేయడం కూడా కష్టమయ్యింది. ఆ దశలో తెలిసిన వారెవరో సొరియాసిస్‌కు ఆయుర్వేద చికిత్స మేలు అని చెప్పగా విని మా వద్దకు వచ్చారు.

సొరియాసిస్ అప్పటికే తీవ్రదశకు చేరుకున్నందువల్ల వెంటనే ఆమెకు పంచకర్మ చికిత్స ప్రారంభించాం. వ్యాధి బాగా ముదిరిన వారికి ఈ చికిత్స చాలా అవసరం. వమనం, విరేచనం, వస్తి, నస్య, రక్తమోక్షణం అనే ఐదు ప్రక్రియల్లో పంచకర్మ ఉంటుంది. రోగి శ రీర ధర్మాన్ని, సమస్య తీవ్రతను అనుసరించి పంచకర్మలో ఐదింటిని కానీ, లేదా వాటిలో ఏవో కొన్ని కానీ అవసరమవుతూ ఉంటాయి. పంచకర్మ చికిత్సకు 25 రోజుల దాకా పడుతుంది. ఆ కాలంలో రోజుకు ఒకసారి హాస్పిటల్‌కు వచ్చి రెండు గంటల పాటు తైల మర్ధన చేయించుకుని వెళ్లిపోవచ్చు. మిగతా సమయాల్లో తైలాలతో ఇంటి వద్దే మర్ధన చేసుకుంటే సరిపోతుంది. ఈ సమయంలో ఉద్యోగానికి కూడా వెళ్లవచ్చు.

సొరియాసిస్ చికిత్సలో స్నేహపానం ఒక కీలక ప్రక్రియ. ఇందులో వరుసగా ఏడు రోజులు కడుపులోకి ఒకరకమైన నూనె ఇవ్వవలసి ఉంటుంది. నూనెను జీర్ణించుకునేందుకు వీలుగా శరీరాన్ని సిద్ధం చేయడానికి ఆమపాచన చికిత్స చేస్తాం. ఇందులో మొదటి మూడు రోజులు 'చిత్రకాదివటి' అనే మాత్రను ఉదయం, మధ్యాహ్నం, రాత్రి ఒక్కో మాత్ర చొప్పున అలా మూడు రోజులు ఇస్తాం. స్నేహపానంలో మహాతిక్తక గృతం (ఔషధాలు కలిపిన నెయ్యి) ఇచ్చాం. ఆమె శారీరక స్థితిని అనుసరించి ఇచ్చే నెయ్యి మోతాదును క్రమంగా పెంచుతూ వెళ్లాం. అలా నాలుగు రోజుల పాటు ఈ చికిత్స కొనసాగింది. మామూలుగా అయితే నెయ్యితో చేసినవి అంత సులువుగా జీర్ణం కావు. అయితే ప్రతి అరగంటకూ ఒకసారి గ్లాసు గోరు వెచ్చని నీళ్లు ఇవ్వడం వల్ల నెయ్యి జీర్ణం కావడంలో ఇబ్బంది ఏమీ రాదు.

వమన, విరేచనాల వైనం

తైల మర్ధన చికిత్స మొదలైన ఎనిమిది రోజులకు శరీరంలోని మలినాలను వాంతి ద్వారా బయటికి పంపించే వమన చికిత్స చేశాం. ఇలా చేయడం వల్ల శరీరంలోని రోగకారకమైన వాత,పిత్త, కఫ సంబంధమైన దోషాలు తొలగిపోతాయి. నెయ్యిని కడుపులోకి ఇవ్వడం వల్ల కణజాలానికి అంతటికీ తైల లక్షణం వచ్చి శరీరంలోని మలినాలు సులభంగా జారి కడుపులోకి చేరిపోతాయి.

వమనం ద్వారా గానీ, విరేచనం ద్వారా గానీ శరీరంలోని దోషాలు, మలినాలు పూర్తిగా బయటికి వెళ్లిపోవడాన్నే స్నిగ్థత్వం అంటారు. అయితే ఆ వ్యక్తి బలంగా ఉన్నప్పుడు వమన చికిత్స చేస్తాం. ఆ తరువాత ఎనిమిది రోజులకు విరేచన చికిత్స చేస్తాం. ఒకవేళ రోగి బలహీనంగా ఉంటే విరేచన చికిత్స చేస్తాం. వమన చికిత్స చేసిన ఎనిమిది రోజుల్లో అప్పటి వరకూ ఆమెకు ఉన్న దురద, మంట తగ్గాయి. ఎండిపోయి పగుళ్లు పట్టిన చర్మం కాస్త మామూలు స్థితికి వచ్చేసింది.

వేళ్లు కూడా చక్కబడటంతో ఆమె కంప్యూటర్ మీద పనిచేయడం సులువైపోయింది. కాకపోతే అప్పటికి ఇంకా ఆమెలో ఇంకా పూర్తి స్నిగ్థత్వం రాలేదు. అందుకే మరోమారు విరేచన చికిత్స చేయవలసి వ చ్చింది. ఆ తరువాత స్నేహపానం ఇచ్చి, మూడు రోజులు తైల మర్థనలు కూడా చేయడంతో ఆమెకు పూర్తి స్థాయి స్నిగ్ధత్వం వ చ్చింది. ఫలితంగా అప్పటిదాకా చర్మం మీద మందంగా, ఉబ్బెత్తుగా ఉన్న మచ్చలు క్రమంగా పలుచబారాయి. చీము రావడం కూడా తగ్గింది. ఆమ పాచనం పెట్టినప్పటి నుంచే ' చిత్రకాది వటి'మాత్రలు ఇస్తూ విరేచనం తరువాత రోజూ రెండుసార్లు తైలమర్థనం కొనసాగించడం వల్ల నలుపు మచ్చలు తొలగిపోవడంతో పాటు చర్మంలో ఎంతో మార్పు కనిపించింది.

ఒత్తిళ్లకు బ్రేక్

సొరియాసిస్ చికిత్సలో మానసిక సమస్యలను నయం చేయడం ఒక ప్ర«ధాన అంశం. సొరియాసిస్‌కు గుయిన కొంత మంది మెదడులోంచి క్యాటిచోకెలామైన్స్ అనే ఒత్తిడికి సంబంధించిన హార్మోన్లు చాలా ఎక్కువగా పుడుతూ ఉంటాయి. ఇవి ఎక్కువ య్యే కొద్దీ సొరియాసిస్ మరింత తీవ్రమవుతూ ఉంటుంది. సురేఖ పరిస్థితి కూడా అదే. అందుకే ఆమెలోని హార్మోన్ల ఉత్పత్తిని తగ్గించేందుకు శిరోధార చికిత్స చేశాం. బ్రాహ్మీ తైలాన్ని ఓ 45 నిమిషాల పాటు రెండు కనుబొమ్మల మీదుగా ధారగా పోయడం ఈ చికిత్సా విశేషం.

ఈ సమయంలో మనసును ప్రశాంత పరిచే సంగీతం ప్రసారమవుతూ ఉంటుంది. తైల మర్ధనం, వమన విరేచనం, శిరోధార ఈ మూడు చికిత్సల ద్వారా ఆమెకున్న సొరియాసిస్ సమస్య పూర్తిగా త గ్గిపోయింది. చికిత్స కొనసాగే మొత్తం 30 రోజుల కాలంలో శరీరాన్ని శుద్ధి చేసే ప్రక్రియలే తప్ప వేరే మందులేమీ ఇవ్వలేదు. కాకపోతే, చికిత్సా కాలం ముగిసిపోయాక ఆర్కిలేహ్యం అనే మాత్రలు నెల రోజుల పాటు వేసుకొమ్మని చెప్పాం. ఇవి చర్మం దారుడ్యాన్ని పెంచడానికి ఉద్ధేశించినవి. ఇప్పుడింక ఏ మందులూ అవసరం లేదు.

చలికాలం కాస్తంత జాగ్రత్త

కాకపోతే అరుదుగా కొందరిలో చలికాలం రాగానే సొరియాసిస్ లక్షణాలు కొన్ని స్వల్పంగా కనిపిస్తూ ఉంటాయి. ఆ స్థితి రాకుండా నివారించడానికి ప్రతి ఏటా చలికాలానికి ఒక నెల ముందు ఒకసారి విరేచన చికిత్స తీసుకుంటే చాలు. అలాగే చలికాలంలో రోజూ ఉదయం, రాత్రి ఇలా రెండు పూటలా మంజిష్టాది తైలంతో శరీరమంతా మర్ధన చేసుకుని గంట తరువాత వేడినీళ్లతో స్నానం చేస్తే చాలు. ఈ కొన్ని జాగ్రత్తలు పాటిస్తే జీవితంలో ఇంకెప్పుడూ సొరియాసిస్ దరిదాపుల్లోకి కూడా రాదు.

ఆధారము: హెల్త్ కేర్ తెలుగు బ్లాగ్

3.08219178082
సి హ్ తేజ Jan 08, 2018 07:16 PM

నా వయసు 30 నేను ఆర్మీ లో పని చేస్తాను రోజంతా షూస్ లో కాళ్ళు ఉంటాయి అందువల్ల నా కాలు బొటనవేలు కు (ఆన) లా వచ్చింది దానిని ఒకటి రెండు సార్లు కోసము కూడా కానీ ప్రయోజనం లేకుండా పోయండి దేనికి మంచి మందు చెప్పగలరు అని ఆశిస్తున్నాను

శ్రీనివాస్ రెడ్డి Sep 17, 2017 03:50 AM

నా వయసు 38 సం.లు నాకు నెల రోజుల క్రితం కుడికాలు తొడ వెముఖ విరిగింది శస్త్ర చికిత్స జరిగింది. కాని పాదంలో మరియు అరికాళ్ళలో తిమ్మిర్లు విపరీతమైన మంట ఉంటుంది. పరిస్కారం చూపండి.

భాష Nov 20, 2016 01:16 AM

గ్యస్ ట్రబుల్

విజయ్ సాయి ఆంధ్ర Nov 05, 2016 04:29 PM

నా వయసు 32 నాకు తల వెనుక చెవి క్రింద రెండు వైపులా గడ్డలు రూపంలో ఉన్నాయ్ ,ఎడమ వైపు నిమ్మకాయ ఆకారంలో ,కుడి వైపు ఉచ్ఛిరికాయ ఆకారంలో ఉన్నాయ్ ఇవి 2 సంవత్సరములుగా ఉన్నాయి బాడీ పైన్స్,బ్యాక్ పెయిన్,తలనొప్పి ,ఆ గడ్డలా ప్రదేశములో నొప్పి ఎక్కువ వస్తుంది,మరియు నిద్రలో అనుకోకుండానే మెలుకువ వచ్చినపుడు తల వెనుక ఎక్కువ నొప్పి వస్తోంది ,దయచేసి ఈ జబ్బు తగ్గేదెలా ఆయువేదం చికాలు చెప్పగలరు మరియు ఈ నెంబర్ కి 79*****87 చిట్కాలు పంపించగలరు దయచేసి ఈ జబ్బు తగ్గుతుందా జబ్బు పేరు ఏంటి చెప్పండి .
ధనువాదములుతో
విజయ్ సాయి ఆంధ్ర.
తిరుపతి ,ఆంధ్ర ప్రదేశ్
79*****87.

veerababu Aug 24, 2016 11:00 PM

నేను రోజుకి మూడు లేదా నాలుగు సార్లు మల విసర్జన అవుతుంది .భోజనం చేసాక కొద్దిసేపటికి మలవిసర్జన అవ్వుతుంది .కడుపు ఉబ్బరంగా కూడా ఉంటది నా సమస్యకు పరిస్కారం చెప్పండి

మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు