హోమ్ / ఆరోగ్యం / జీవన వాస్తవాలు / విపత్తు అత్యవసరాలు
పంచుకోండి
వ్యూస్
  • స్థితి: సవరణ కు సిద్ధం

విపత్తు అత్యవసరాలు

విపత్తులు అత్యవసర పరిస్థితుల్లో ఎక్కువగా అనారోగ్యానికి, క్షోభకు గురయ్యేది. చిన్న పిల్లలే. కనుక, వీరిపై ప్రత్యేక శ్రద్ధ, సంరక్షణ చూప వలసిన అవసరం ఉంది.

విపత్తు అత్యవసరాలు

విపత్తులు మరియు అత్యవసరాలు అనే అంశంపై సమాచారాన్ని తెలుసుకొని ఆచరించటం ఎందుకు ముఖ్యమంటే... విపత్తులు అత్యవసర పరిస్థితుల్లో ఎక్కువగా అనారోగ్యానికి, క్షోభకు గురయ్యేది. చిన్న పిల్లలే. కనుక, వీరిపై ప్రత్యేక శ్రద్ధ, సంరక్షణ చూప వలసిన అవసరం ఉంది. ప్రపంచంలోని సుమారు 2.70 కోట్ల శరణార్థలు గూడు కోల్పోయిన సుమారు 3 కోట్ల మంది ప్రజల్లో 80 శాతం మహిళలు, పిల్లలే ఉన్నారు. 1990 నుంచి 1999 మధ్య విపత్తుల కారణంగా సుమారు 200 కోట్ల మంది ప్రజలు బాధితులయ్యారు. విపత్తులు పేదవారినే నిర్ధాక్షిణ్యంగా కాటు వేస్తాయి. విపత్తు సంబంధమైన మరణాల్లో 90 శాతం అభివృద్ధి చెందుతున్న దేశాల్లోనే సంభవిస్తాయి. గడిచిన దశాబ్దం లో ప్రపంచ వ్యాప్తంగా ఘర్షణల కారణంగా చనిపోవటం, గాయపడటం, అనాధలు కావటం లేదా తల్లి దండ్రుల నుంచి విడిపోయిన పిల్లల సంఖ్య సుమారు 90 లక్షలు

ముఖ్య సందేశాలు :

విపత్తులు, అత్యవసర గురించి ప్రతి కుటుంబం, సమాజం ఏయే అంశాలను తెలుసుకొనే హక్కు కలిగి వున్నాయి.

  1. విపత్తులు అత్యవసర పరిస్థితుల్లో చిన్నపిల్లలకు మీజిల్స్ టీకామందులు, కడుపునిండా తిండి, సూక్ష్మపోషకాహారాలు లాంటి ఆరోగ్య సంరక్షణ చర్యలు అమలు చేయాలి.
  2. అత్యవసర పరిస్థితుల్లో తల్లిపాలు ఇవ్వటం చాలా చాలా ముఖ్యం
  3. చిన్నపిల్లల సంరక్షణ తల్లిదండ్రులు లేదా ఎరిగివున్న పెద్దల చేత జరపాలి. ముఖ్యంగా ఘర్షణాత్మక పరిస్థితుల్లో పిల్లలు తాము సురక్షితంగా. ఉన్నామని అనుకోవటానికి ఇది చాలా అవసరం.
  4. గృహంలో సంభవించే హింస, యుద్ధం, ఇతర విపత్కర పరిస్థితులు పిల్లలను భయపెట్టటమేగాక, వారిని కోప్రోద్రిక్తులను చేస్తాయి. ఇలాంటి సంఘటనలు తలెత్తినపుడు పిల్లలపై ప్రత్యేక శ్రద్ద కనబరిచి, ఎక్కువ ఆప్యాయత అందించాలి. వారి వయస్సుకు తగిన విధంగా వారి అనుభవాలను అనుభూతులను వ్యక్త పరచటానికి తగినంత స్కేచ్ఛను, అవకాశాన్ని ఇవ్వాలి.
  5. ల్యాండ్ మైన్ లు (మందుపాతర, విస్ఫోటనం కానీ ఆయుధ సామగ్రి అతి ప్రమాద కరమైనవి. వాటిని తాకరాదు. వాటి పైన కాలు పెట్టరాదు. పిల్లలు ఆడుకోవటానికి సురక్షితమైన ప్రదేశాన్ని చూసి పెట్టండి. అపరిచితమైన వస్తువులతో ఆడుకోరాదని వారిని బుజ్జగిస్తూ, మనస్సులో నాటుకునేలా చెప్పండి.

ముఖ్య సందేశం - 1

విపత్తులు అత్యవసర పరిస్థితుల్లో చిన్న పిల్లలకు మీజిల్స్ టీకా మందులు, కడుపు నిండా తిండి, సూక్ష్మ పోషకాలు లాంటి ఆరోగ్య సంరక్షణను అందించటం చాలా అవసరం. ప్రజలు గుంపుగా ఉన్నపుడు వ్యాధులు తర్వగా విస్తరిస్తాయి. గుంపుల్లోఇరుకుగా వుండే పిల్లలు ముఖ్యంగా విపత్కర పరిస్థితుల్లో, శరణార్థులు శిబిరాల్లో ఉండే పిల్లలకు వెంటనే ఇమ్యూనైజేషన్ (టీకా మందులు) ఇప్పించాలి. ముఖ్యంగా మీజిల్స్ టీకా మందును మొదటి రోజునే ఇప్పించాలి. ముఖ్యంగా మీజిల్స్ కు టీకా మందును మొదటి రోజునే ఇప్పించాలి. విటమిన్ - ఎ అనుబంధ ఆహారం, ద్రవాన్ని కూడా కల్పించాలి. అత్యవసర పరిస్థితుల్లో ఇప్పించే అన్ని రకాల టీకా మందులకు ఒకసారి మాత్రమే ఉపయోగించే సిరంజీలను వాడాలి. లోపపోషణతో లేదా పారిశుధ్యలోప పరిసరాల్లో ఉన్న పిల్లలకు మీజిల్స్ వ్యాధి తీవ్రంగా ఉంటుంది.

  • మీజిల్స్ తో ఉన్న పిల్లలను ఇతర పిల్లల నుంచి దూరంగా ఉంచాలి. వీరిని ఆరోగ్య కార్యకర్తకు చూపించి విటమిన్ - ఎ అనుబంధ పదార్థాలను ఇవ్వాలి.
  • మీజిల్స్ తీవ్రమైన నీళ్ల విరోచనాలను కలుగ జేస్తుంది. దీనికి టీకామందు ఇప్పించటం ద్వారా విరేచనాలను, న్యూమెనియా (విషజ్వరం) నుంచి పిల్లలను రక్షించవచ్చు. శిశువుకు మొదటి ఏడాది వయస్సులో మీజిల్స్ రాకుండా పూర్తిగా టీకా మందులు ఇవ్వకపోతే, ఆ తర్వాత నైనా వెంటనే పూర్తి టీకా మందులు ఇప్పించటం చాలా ముఖ్యం.

ముఖ్య సందేశం - 2

అత్యవసర పరిస్థితుల్లో తల్లిపాలు ఇవ్వటం చాలా ముఖ్యం. కొత్తగా తల్లులైన వారు మొదటి ఆరునెలలు పాటు శిశువుకు కేవలం రొమ్ముపాలు మాత్రమే ఇవ్వటానికి ఆ తర్వాత అనుబంధ ఆహారంతో పాటు తల్లిపాలను రెండేళ్లుపై బడి కొనసాగించటానికి ప్రోత్సాహం అవసరం. ఈ ప్రోత్సాహాన్ని, తల్లిపాలు ఇవ్వటానికి, అవసరమైన విజ్ఞానం, మద్దతును కుటుంబ సభ్యులు, ఇతర తల్లులు, ఆరోగ్య కార్యకర్తలు అందించాలి. శిశువుకు 6 నెలలు నిండిన తర్వాత తల్లిపాలతో పాటు అనుబంధ ఆహారాన్ని ఇవ్వాలి. మానసిక వత్తిడి వల్ల రొమ్ము పాలపై ప్రభావం పడుతుందనే ఆధారం లేని నమ్మకాన్ని తల్లులు అధిగమించటానికి, ఇతరుల నుంచి వారికి మద్ధతు, ప్రత్యేక శ్రద్ధ అవసరం. 6 నెలలలోపు శిశువులను అనార్యోగం, మృత్యువు నుంచి కాపాడటానికి కేవలం తల్లి రొమ్ము పాలు మాత్రమే ఇవ్వటానికి ప్రత్యేక శ్రద్ధ కనబరచాలి. శిశువుకు బయటిపాలు (పాలపొడి వంటివి) ఇవ్వటం అనివార్యం అయినపుడు, తల్లులు సంరక్షకులకు ఆ పాలను తయారు చేసేటప్పుడు పాటించవలసిన అత్యుత్తమ పరిశుభ్రత పద్ధతులపై శిక్షణ ఇవ్వాలి. కృత్రిమ పాలు త్రాగే పిల్లలను అతి ఎక్కువగా ఎత్తుకొని, హత్తుకోవాలి. సీసాపాలు త్రాగుతున్నపుడు శిశువును ఒంటరిగా వదిలి వేయరాదు. కప్పు ద్వారా పాలు త్రాగించటం మంచిది.

ముఖ్య సందేశం - 3

చిన్న పిల్లల సంరక్షణ తల్లి దండ్రులు లేదా ఎరిగి వున్న పెద్దల చేత జరపాలి. ముఖ్యంగా ఘర్షణలు జరుగుతున్న పరిస్థితుల్లో పిల్లలు తాము సురక్షితంగా ఉన్నామని అనుకోవటానికి ఇది చాలా అవసరం. సంక్షోభం లేదా అత్యవసరం పరిస్థితుల్లో, పిల్లలు తను తల్లిదండ్రులు లేదా సంరక్షకుల నుంచి విడిపోకుండా చూడటం అధికారుల / ప్రభుత్వ బాధ్యత. ఒకవేళ తల్లి దండ్రులనుంచి పిల్లలు విడిపోవటం జరిగితే, ఆ పిల్లలకు ప్రత్యేక సంరక్షణ, భద్రత కల్పించటం ప్రభుత్వం లేదా సంబంధిత అధికారులదే భాధ్యత. అంతేకాక, ఆ పిల్లలు కుటుంబం ఎక్కుడుందో గాలించి, వారిని ఏకం చేసే బాధ్యత కూడా ప్రభుత్వం, సంబంధింత అధికారులదే. . కుటుంబానికి దూరమైన పిల్లలను ఎమర్జన్సీ పరిస్థితుల్లో మధ్యంతర సంరక్షణ కల్పించాలి. ఈ మధ్యంతర సంరక్షణను ఆ పిల్లల సామాజక వర్గానికి చెందిన కుటుంబాల వారే కల్పించటం మంచిది. బాధిత పిల్లలు తమ కుటుంబంతో ఏకమయ్యే వరకు లేదా వారిని ఎవరైనా పోషించటానికి ముందుకు వచ్చేంత వరకు ఈ మధ్యంతర సంరక్షణ జరపాలి. . తల్లి దండ్రులు నుంచి అత్యవసర పరిస్థితుల్లో విడిపోయిన పిల్లలను అనాధలుగా భావించరాదు లేదా దత్తత తీసుకోవటానికి ఉండదు. ఆ పిల్లలు తల్లిదండ్రులు లేదా వారి బంధువుల జాడ తెలిసే దాకా ప్రతి పాప / బాబు యొక్క సంబంధీకులు జీవించే ఉన్నారనే అనుకోవాలి. ఒకవేళ తల్లిదండ్రులు, బంధువులు జాడ తెలుసుకోలేకపేతే, ఆ పాపను లేదా బాబును అదే వర్గానికి చెందిన కుటుంబాలు దత్తత తీసుకోవచ్చు. అదిసాధ్యం కాకపోతే, ఇతర సంస్కృతికి లేదా ఇతర దేశానికి చెందిన వారు దత్తత తీసుకునే అంశాన్ని పరిశీలించాలి. కాని, కొత్త ఇల్లు, కొత్త దేశానికి వెళ్లటం ముఖ్యంగా ఆ బాలల కుటుంబాలు హింసకు గురై పారిపోయి ఉంటే, ఆ పిల్లలను ఎంతో క్షోభకు గురిచేస్తుంది. శరణార్థులైన పిల్లలు కొత్త భాషను నేర్చుకోవటానికి, కొత్త సంస్కృతికి అలవాటు పడటానికి అదనపు భారం మోయవలసి వస్తుంది..

ముఖ్య సందేశం - 4

గృహంలో చోటు చేసుకొనే హింస, యుద్ధం, ఇతర విపత్కర పరిస్థితులు పిల్లలను భయపెట్టటమే కాక, వారిని కోప్రోద్రిక్తులను చేస్తాయి. ఇలాంటి సంఘటనలు తల్లెత్తినపుడు పిల్లలపై ప్రత్యేక శ్రద్ద కనబరచి, ఎక్కువ ఆప్యాయత అందించాలి. వారి వయస్సుకు తగిన వారి అనుభవాలను, అనుభూతులను వ్యక్త పరచటానికి తగినంత స్వేచ్ఛను, అవకాశాన్ని ఇవ్వాలి. తమకు బాగా తెలిసిన వ్యక్తులను, ప్రదేశాలు లేదా వస్తువులను కోల్పోయినపుడు లేదా బెదిరింపులకు గురైనపుడు, చిన్నపిల్లలు భయానికి లోనవుతారు. కుటుంబంలోని పెద్దలు తీవ్రంగా నిస్పృహ చెంది, తమను గుర్తించనపుడు కూడా పిల్లలు భయానికి గురవుతారు. సంక్షోభం, అత్యవసర పరిస్థితుల్లో తల్లి దండ్రులు తమ పిల్లలకు తగినంత ప్రేమ, భద్రత ఇవ్వటం కష్టమే. భయానకమైన, వేదనాపూరితమైన లేదా హింసాత్మకమైన అనుభవాల తర్వాత చిన్నపిల్లలు మానసిక వత్తిడితో కూడిన ప్రతి స్పందనలను లేదా సమస్యాత్మకమైన ప్రవర్తనను కనబరచటం సహజమే. కొందరు పిల్లలు మెతకగా మారతారు. మరికొందరు పిల్లలు కఠినంగా మారి కయ్యానికి కాలు దువ్వుతారు. కొందరు పిల్లలు ఇలాంటి పరిస్థితుల నుంచి క్రమక్రమంగా కోలుకుంటారు. సుదీర్ఘకాలం కొనసాగే హింసకు పిల్లలు అలవాటు పడినప్పటికీ, అది వారి మనస్సులను గాయపరుస్తుంది. తమ అనుభూతులను అర్థం చేసుకోవటానికి సహాయం లభించకపోతే, పిల్లలు తీవ్ర నిస్పృహకు గురవుతారు.

  • క్రమం తప్పకుండా స్కూలు కెళుతూ, వేళకు భోజనం చేస్తూ, వేళకు నిద్రపోతే పిల్లలు తాము సురక్షితంగా ఉన్నామనే భావనతో ఉంటారు.
  • వినోద కార్యక్రమాలతో పిల్లలు మానసిక వత్తిడిని ఎదుర్కోగలరు. అహింసనుబోధించే నాటకాలు, క్రీడలు, ఇతర వినోద కార్యక్రమాలను శరణార్థుల శిబిరాల్లో పిల్లల కోసం ఏర్పాటు చేయాలి. పెద్దలతో సంభాషించటానికి అవకాశం కల్పించాలి. చిత్రలేఖనం (డ్రాయింగ్), బొమ్మలతో ఆడుకోవటం ద్వారా పిల్లలు తమ అనుభూతులను వ్యక్తం చేయగలరు. వత్తిడితో సర్దుకోగలరు. మానసిక వత్తిడికి దారి తీసిన పరిస్థితులకు అద్దంపడుతూ ప్రదర్శించే నాటకాలు సహజంగానే పసివారికి బాగుంటాయి. సంభవించిన ఘటనల తాలూకు ప్రభావాన్ని అర్థం చేసుకోవటానికి ఇవి ఉపకరిస్తాయి.
  • తమను ఇబ్బంది పెడుతున్న విషయం గురించి చెప్పటానికి ప్రోత్సహించాలి. వారంతట వారే ఈ అంశాన్ని చెప్పేలా చూడాలి. కానీ బలవంతపెట్టరాదు. వారు చూసినదాన్ని, అనుభవించిన వాటిని చెబితే కాదనకుండా వినాలి.
  • చిన్నపిల్లలు ముఖ్యంగా 3 నుంచి 6 సంవత్సరాల వయస్సు వారు సమస్యకు తామే బాధ్యులమని అనుకొని అపరాధ భావాలతో బాధపడపతుంటారు. వీరికి పెద్దల నుంచి మద్ధతు, శ్రద్ద అందించటం అవసరం.
  • పిల్లలకు పదేపదే భరోసా ఇస్తుండాలి. వారిని తిట్టరాదు. కొట్టరాదు. కుటుంబంలోని సన్నిహిత సభ్యుడు బయటకు వెళ్లాల్సి లేదా వుండాల్సి వస్తే, ఆ విషయాన్ని పసివారికి ముందుగానే తెలియజేయాలి. ఆ కుటుంబ సభ్యుడు ఎక్కడికెళుతున్నాడు, ఎన్నాళ్ల లేదా ఎంతసేపటి తర్వాత తిరిగి వస్తారు. అందాక ఆ పిల్లవాడిని ఎవరు సంరక్షిస్తారనే విషయాన్ని అర్థం అయ్యేలా విడమరచి చెప్పాలి.
  • కౌమార దశ వయస్సులో పిల్లలు యుద్ధము, ఇతర మానసిక క్షోభ కలిగించే పరిస్థితులను చక్కగా అర్థం చేసుకోగలుగుతారు. కనుక, పసివారితో పోలిస్తే వీరు ఎక్కువగా మానసిక వత్తిడికి గురవుతారు. దుస్సంఘటనలను తాము నివారించలేక పోయామనే అపరాధ భావనతో కుమిలిపోతారు. వారు కోలుకుంటున్నట్లే కనిపిస్తారు. కానీ , క్షోభ కలిగించే ఆ అనుభవాలను తట్టుకోవటానికి భావోద్వేకమైన పరిపక్వతా లోపంతో ఉంటారు. నిరాశ, కోపం నుంచి తేరుకొనే క్రమంలో కౌమార దశపిల్లలు కయ్యానికి కాలు దువ్వేలా మారుతారు. అధికారులపై తిరిగబడతారు. మాదక ద్రవ్యాలను వినియోగిస్తారు లేదా చోరీలు చేస్తారు. లేదా వారు ముడుచుకుపోతారు. పిరికి వారుగా మారుతారు. దుష్ట అనుభవాలను శంకిస్తారు. కౌమార దశ పిల్లలకు పెద్దల అనుభవాల నీడన పని చేయటానికి తోడ్పాటు అవసరం. సామాజిక కార్యకలాపాల్లో వారికి పాత్ర కల్పించినట్లయితే చాలా ప్రయోజనకరంగా ఉంటుంది.
  • అనుభవజ్ఞలైన పెద్దలు, ఉపాధ్యాయులు, సమాజంలోని పెద్దలు కౌమార దశ పిల్లలకు దిశానిర్ధేశనం చేయటానికి ప్రధాన వ్యక్తులుగా ఉంటారు. ఈ పిల్లలు తమకు భావోద్వోగమైన మద్దతు రక్షణ కోసం తమ కుటుంబాలపై కొన్ని పైన పేర్కొన్న పెద్దల పైనే ఎక్కవగా ఆధారపడతారు. కనుక, కౌమార దశ పిల్లలు తమ అనుభవాలను వ్యక్తం చేయటానికి పెద్దలు ప్రోత్సహించాలి. సామాజిక సేవా కార్యక్రమాల్లో భాగస్వామ్యం కల్పించాలి.
  • ఒకవేళ పిల్లల మానసిక పరమైన వత్తిడి ప్రతి స్ఫందనలు తీవ్రంగా ఉండి, చాలా కాలం కొనసాగితే, వారికి ప్రత్యేకంగా నచ్చ చెప్పటానికి కౌన్సలర్ (భోధకుల) సహాయం తీసుకోవాలి.

ముఖ్య సందేశం - 5

ల్యాండ్ మైన్లు (మందుపాతర) విస్ఫోటనం కాని ఆయుధ సామగ్రి అతి ప్రమాద కరమైనవి. వాటిని తాకరాదు. అడుగు పెట్టరాదు. పిల్లలు ఆడుకోవటానికి సురక్షితమైన ప్రదేశాన్ని వెతికి పెట్టండి. అపరిచితమైన వస్తువులతో ఆడుకోరాదని వారిని బుజ్జగిస్తూ మనస్సుకు హత్తుకునేలా చెప్పండి. ల్యాండ్ మైన్లు రకరకాల ఆకృతుల్లో, రంగుల్లో సైజులతో ఉంటాయి. మైన్ ను భూగర్భంలో పాతిపెట్టడం గానీ, పొదలు, చెట్లు లేదా నీటిలో దాచి పెట్టడం గానీ చేయవచ్చు. ఎండ, వాన తగిలి తుప్పు పట్టిన మందు పాతరలను గుర్తించటం కష్టం. అయినప్పటికీ అవి చాలా ప్రమాదకరం. మందు పాతరలు సాధారణంగా కంటికి కనిపించవు. సైనిక చర్యలు జరిగే ప్రదేశాలు లేదా నిర్జన / వదిలేసిన ప్రదేశాలు లేదా దట్టంగా పొదలు ఉన్న ప్రదేశాల్లో ప్రత్యేక జాగ్రత్తలతో నడవాలి. మందు పాతర ఉన్న చోటును కపాలం, రెండు ఎముకల బొమ్మతో గానీ, రెండు కర్రలను అడ్డంగా ఉంచటం లేదా గడ్డిని దట్టంగా అల్లటంతోగానీ గుర్తిస్తారు. ఇలా గుర్తుపెట్టిన ప్రదేశాల్లోకి ఎవ్వరూ వెళ్లరాదు. మందు పాతర్లు, విస్ఫోటకరమైన వస్తువులను ఎవ్వరూ తాకరాదు. వీటిలో అనేక వస్తువులు నేలను తాకిన వెంటనే పేలి పోవాలి. కాని కొన్నిసార్లు అవి అలాగే పడిపోయి ఉంటాయి. ఇలాంటివి చాలా చాలా అపాయకరం. ఇలాంటి ప్రదేశాన్ని తగుల బెట్టినా, పేలుడు పదార్థాలు నిర్జీవం కావు. ఆప్రదేశం సురక్షితం కాదు. కొన్ని రకాల మందు పాతరలు వాటిపై బరువు పడగానే ప్రేలతాయి. మరికొన్నింటిని వైరు ద్వారా తాకితే విస్ఫోటనం చెందుతాయి. కొన్ని రకాలైతే, ఇతరులు తాకిన వెంటనే బద్దలవుతాయి. మందు పాతరలకు చెందిన వైరు పైన కూడా ఎవ్వరూ అడుగుపెట్టరాదు. ఆ చుట్టుపక్కలే భూగర్భంలో మందు పాతర ఉండవచ్చు. ఒక్క మందు పాతర ఉన్నచోట, కొన్నిసార్లు ఇంకా అనేకం ఉండవచ్చు. ఎవరైనా ఒక మందు పాతరను చూస్తే తమ నడకను ఆపి, సహాయం కోసం అర్థించాలి. ఒకవేళ మందు పాతరతో గాయాలైతే....

  • ఒంటిపై రక్తం కారుతున్న ప్రదేశాన్ని గట్టిగా నొక్కి రక్తం ఆగే దాకా అలాగే పట్టి ఉంచండి.
  • ఒకవేళ, రక్తం కారటం ఆగక పోతే, గాయానికి కొద్దిగా పైభాగంలో లేదా అతి దగ్గరగా గుడ్డ ముక్కతో గట్టిగా కట్టి వైద్య సహాయానికై పంపించాలి. వైద్య సహాయం అందటానికి గంటకన్నా ఎక్కువ జాప్యం జరిగితే, గుడ్డ ముక్కను ప్రతి గంటకొకసారి వదులు చేసి రక్తం కారటం తగ్గిందా లేదా గమనించండి. రక్తం కారటం ఆగిపోతే, ఆ గుడ్డ ముక్కను తొలగించండి.
  • ఒకవేళ పిల్లలు స్పృహ కోల్పోయి, శ్వాస మాత్రం ఆడుకుంటే, వారిని అటుఇటు దొర్లించి వారి శ్వాసకు నాలుక అడ్డు పడకుండా చూడండి. మందు పాతరలను తొలగించటానికి నిపుణులతో సోదా చేయిస్తే తప్ప ఆ ప్రదేశం సురక్షితంగా మారదు.

సంక్షిప్తంగా

జీవన సత్యాలపై అత్యవసరమైన సందేశాలు కాచివడపోసిన జీవన సత్యాలపై అతి ముఖ్యమైన సందేశాలు ఈ దిగువన ఇస్తున్నాం.

  1. మహిళలు, పిల్లల ఆరోగ్యాన్ని గణనీయంగా మెరుగు పరచాలంటే 3 సూత్రాలు పాటించాలి.
  2. మొదటిది – మహిళలు 18 ఏళ్ల వయస్సు కన్నా ముందు 35 ఏళ్ల వయస్సు తర్వాత గర్భం ధరించరాదు. రెండోది – బిడ్డకు, బిడ్డకు మధ్య అంటే కాన్పుల మధ్య కనీసం రెండు సంవత్సరాల వ్యవధి ఉండాలి. మూడో సూత్రం – మహిళ నాలుగుసార్ల కన్నా ఎక్కువ, గర్భం దాల్చరాదు.
  3. గర్భిణీ స్త్రీలందరూ తమ సమీపంలోని ఆరోగ్య కార్యకర్తను సంప్రదించి, గర్భస్థ శిశు సంరక్షణకు, తోడ్పడాలి. శిక్షణ పొందిన వారి సమీక్షంలోనే కాన్పు చేయించాలి. గర్భస్థ దశలో ఎదురుకో గల సమస్యలు, హెచ్చరిక సంకేతాల గురించి గర్భిణితో పాటు ఆమె కుటుంబ సభ్యులు కూడా అవగాహన కలిగి ఉండాలి. సమస్య తలెత్తితే వెంటనే నిపుణుల సహాయం తీసుకొనేలా ప్రణాళికతో సిద్ధంగా ఉండాలి.
  4. జన్మించిన మరుక్షణం నుంచే శిశువులు నేర్చుకోవటం మొదలు పెడతారు. చక్కని పోషకాహారం, తగినంత ఆరోగ్య సంరక్షణతో పాటు తల్లిదండ్రుల నుంచి ప్రేమ, వాత్సాల్యం, ఏకాగ్రత అందినట్లయితే పిల్లలు త్వర త్వరగా పెరిగి నేర్చుకుంటారు. పరిసరాలను గమనించి, భావ వ్యక్తీకరణ చేసేలా పిల్లల్ని ప్రోత్సహించాలి. వారు ఆటలాడుకోవటానికి, వారంతట వారే కొత్త విషయాలు తెలుసుకొనేలా ఉత్సాహపరచాలి. తద్వారా పిల్లల్లో మానసిక వికాసం కలుగుతుంది. శారీరకంగా, సామాజికంగా ఎదుగుతారు.
  5. పుట్టిన ఆరునెలల వరకు శిశువుకు ఆహారంగా గానీ, పానీయంగా గానీ తల్లి (రొమ్ము) పాలు మాత్రమే అవసరమవుతాయి. ఆరునెలల తరువాత నుంచి తల్లి పాలకు అదనంగా ఇతర ఆహారాన్ని కూడా శిశువుకు ఇవ్వాలి.
  6. శిశువు తల్లి గర్భంలో ఉన్నపుడు గానీ, రెండు సంవత్సరాల వయస్సు వరకు గానీ పోషకాహారం లోపించినట్లయితే, ఆ పిల్లలు శారీరక, మానసిక ఎదుగుదల నెమ్మదిగా ఉంటుంది. బిడ్డ పుట్టినప్పటి నుంచి రెండేళ్ల వయస్సు వరకు ప్రతినెలా వారి బరువు ఎంతో చూడాలి. 2 నెలల వరకు కూడా బిడ్డ బరువులో పెరుగుదల లేకపోతే, ఏదో లోపం ఉన్నట్లుగా భావించాలి.
  7. శిశువుకు మొదటి ఏడాది లోపే ఒకదాని తర్వాత మరొకటి టీకా మందులు (ఇమ్యునైజేషన్) ఇప్పించాలి. బిడ్డ పెరుగుదలను దెబ్బతీసే, వైకల్యానికి లేదా మరణానికి దారితీసే వివిధ రకాల వ్యాధుల నుంచి రక్షించడానికి ఇమ్యునైజేషన్ చాలా అవసరం. గర్భం దాల్చే వయస్సు లో ప్రతి మహిళ కూడా టెటనస్ వ్యాధి నుంచి రక్షణగా టీకా మందు వేయించుకోవాలి. ఒకవేళ ఆ మహిళ గతంలోనే టీకామందు తీసుకున్నప్పటికీ, ఆ విషయాన్ని ఆరోగ్య కార్యకర్త నిర్ధారించాలి.
  8. నీళ్ల విరోచనాలు (డయేరియా) కు సరైన శిశువు తల్లిపాలు, పండ్ల రసాలు, ఉప్పు, చక్కెర కలిపిన నీళ్లు (ఒ.ఆర్.ఎస్) లాంటి ద్రవాలను ఎక్కువగా తాగాలి. విరోచనాల్లో రక్తం పడినా లేదా నీళ్లలాగా తరచూ దొడ్డికి పోయినా, ఆ శిశువు ప్రమాదంలో ఉన్నట్లు గుర్తించి వెంటనే ఆ శిశువును చికిత్స కోసం సమీపంలోని ఆరోగ్య కేంద్రానికి తీసుకెళ్లాలి.
  9. దగ్గు, జలుబు చేసిన చాలా మంది పిల్లలు తమంతట తామే కోలుకుంటారు. ఒకవేళ, దగ్గు కారణంగా శిశువు విపరీతమైన శ్వాస తీసుకుంటున్నా లేదా శ్వాస తీసుకోవటం కష్టమైనా, ఆ శిశువు ప్రమాదంలో ఉన్నట్లు భావించాలి. వెంటనే చికిత్సకోసం సమీపంలోని ఆరోగ్య కేంద్రానికి తరలించాలి.
  10. చక్కని పరిశుభ్రమైన అలవాట్లతో చాలా రకాల అనారోగ్యాలను, నిరోధించవచ్చు. శుభ్రమైన మరుగుదొడ్లు, మూత్రశాలలను వినియోగించటం, సబ్బు లేదా బూడిదతో రుద్ది శుభ్రమైన నీటితో చేతులు కడుక్కోవటం, సురక్షితమైన మంచి నీటినే తాగటం, ఆహారాన్ని, నీటిని పరిశుభ్రంగా ఉంచటం లాంటి అలవాట్లు అనారోగ్యాన్ని దరిచేరనీయవు.
  11. దోమలు కుట్టడం ద్వారా సంక్రమించే మలేరియా వ్యాధి వల్ల మరణం కూడా సంభవించవచ్చు. మలేరియా వ్యాధి ఉన్న ప్రాంతాల్లో దోమ తెరలను ఉపయోగించాలి. సిఫారసు చేయబడ్డ క్రిమి సంహారక మందుతో ఈ దోమ తెర తయారై ఉండాలి. పిల్లలెవరైనా జ్వరంతో బాధపడితే శిక్షణ పొందిన ఆరోగ్య కార్యకర్తచే పరీక్ష చేయించాలి. ఆరోగ్య కార్యకర్త సలహామేరకు గర్భవతులు యాంటి-మలేరియా మాత్రలను తీసుకోవాలి.
  12. ఎయిడ్స్ వ్యాధి ప్రాణాంతకమైనది అయినప్పటికీ నివారించదగ్గది. ఎయిడ్స్ వ్యాధిని కలుగుజేసే హెచ్.ఐ.వి. వైరస్ అసురక్షిత (కండోమ్స్ లేకుండా) లైంగిక చర్యల ద్వారా వ్యాపిస్తుంది. అంతేకాక, తగిన విధంగా స్క్రీన్ చేయకుండా ఒకరి రక్తాన్నిఇంకొకరికి ఎక్కించటం, సిరంజీలు, సూదులు మలినం అయిన వాటిని వాడడంవల్ల కూడా ఈ వ్యాధి సంక్రమిస్తుంది. హెచ్.ఐ.వి. తో వున్న మహిళ గర్బంతో ఉంటే, ఆ వ్యాధి ఆమె శిశువుకు లేదా ఆమె రొమ్ముపాలు తాగిన శిశువులకు కూడా వ్యాపిస్తుంది. హెచ్.ఐ.వి / ఎయిడ్స్ గురించి ప్రతి ఒక్కరూ తెలుసుకొని తీరాలి. లైంగిక చర్యల ద్వారా అంటుకొనే ఈ వ్యాధిని సురక్షితమైన శృంగారంతో నివారించవచ్చు. హెచ్.ఐ.వి. తో వున్న లేదా ఆ వైరస్ కు గురికాగల మహిళలు సమీపంలోని ఆరోగ్య కార్యకర్తను సంప్రదించి తమ గర్భస్థ శిశువులకు ఈ వ్యాధి వ్యాపించకుండా, తమ ఆరోగ్య పరిరక్షణకు సంబంధించిన సమాచారాన్ని సలహాలను పొందాలి. వ్యాధి పరీక్షలు జరిపే కేంద్రాల గురించి కూడా ఆరోగ్య కార్యకర్త తెలియజేస్తారు.
  13. తీవ్రమైన గాయాలు గానీ, ప్రమాదాలు గానీ అత్యధికం నివారించదగినవే. తల్లిదండ్రులు, సంరక్షకులు తమ పిల్లల కదలికలపై ఒక కన్నేసి ఉంచాలి. పిల్లలకు అందుబాటులో ప్రమాదకరమైన వస్తువులేమీ లేకుండా పరిసరాలను సురక్షితంగా ఉంచాలి.
  14. విపత్తులు లేదా అత్యవసర పరిస్థితుల్లో పిల్లలు తొలుత సూక్ష్మ పోషకాహారం, మీజిల్స్ టీకాలతో సహా అత్యవసర ఆరోగ్య సేవలను పొందాలి. ఆరోగ్య పరంగా బాగా ఒత్తిడి వున్న పరిస్థితుల్లో పిల్లలు తమ తల్లిదండ్రులు లేదా కుటుంబంలోని వయోజనుల సంరక్షణలో ఉండటం శ్రేయస్కరం. శిశువులకు తల్లిపాలు అందేలా చూడటం ఈ పరిస్థితుల్లో చాలా అవసరం.

ఆధారము: పోర్టల్ విషయ రచన సభ్యులు

2.96551724138
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు