పోషకాహారలోపము మరియు శరీర ధర్మ సంబంధమైన విధులపై దాని ప్రభావము

పోషకాహారలోపము మరియు  శరీర ధర్మ సంబంధమైన విధులపై దాని  ప్రభావము

• పోషకాహారలోపము అంటే "గరిష్ఠస్థాయి విధినిర్వహణ" కొరకు కణాలకు చాలినంతగా పోషకాలు అందకపోవటం అనే స్థితి.
• ఇది‘అతి పోషకత’ మరియు ‘తక్కువ పోషకత’ కావచ్చు.
• భారతదేశములో పోషకాహారలోపము ఒక ప్రజారోగ్యసమస్య, అయితే, జనజీవన శైలిలోని మార్పుల వల్ల అతి-పోషకత కూడా ప్రాముఖ్యత పొందుతుంది.
• పోషకాహార లోపమున్న వ్యక్తులలో ఎదుగుదలను మందగింపజేస్తుంది, మెదడు అభివృద్ధిని, రోగనిరోధక శక్తి మీద ప్రభావము చూపుతుంది.

పోషకాహార లోపము మరియు ఎదుగుదల

• పోషకాహారలోపము బిడ్డలో బరువు పెరగటం లో ఉన్న వృద్ధి ఎత్తు పెరగటంలో ఉన్న వృద్ధికన్నా నెమ్మదిగా ఉంటుంది.
• పాపాయి దేహపు బరువు మొదటి ఏడాదిలో మూడురెట్లు పెరగుతుంది కానీ ఎత్తు పెరగటం కేవలం 50 శాతమే ఉంటుంది. కాబట్టి వృధా అన్నది ఒక తీక్షణమైన ప్రక్రియ కానీ ఎదుగుదల మందగించటం అనేది సుదీర్ఘకాలము కొనసాగే ఒక దీర్ఘవ్యాధి.
• ఎదుగుదల నిలిచిపోయిన పిల్లలలో పుట్టిన మొదటి నెలలలోనే బరువు ఎత్తులలోని లోటు మొదలవుతుంది. ఈ లోటు రెండవ సంవత్సరములో చాలా ప్రాబల్యంగా ఉంటుంది. ఆతర్వాత పిల్లలు చనిపోని వారు, చాలా వరకూ కోలుకుంటారు.
• మాంసకృత్తుల శక్తి పోషకాహార లోపము (పి.ఇ.యమ్) నుంచి కోలుకుంటున్న పిల్లలకు, నిర్దేశిత ఎత్తు-బరువు లలో 85 శాతము బరువు పెరిగేవరకూ వృద్ధి మొదలవదు.

ఎదుగుదల మందగించటానికి కారణాలు

• ఏదయినా పోషక పదార్ధాల లోపం, ప్రత్యేకించి మాంసకృత్తులు సూక్ష్మపోషకాలైన జింకు, ఐరన్, మరియు సల్ఫర్.
• వినాళ గ్రంధి ఇబ్బందులు, వృద్ధి నిర్మాణ కణ (హార్మోను) లోపము మరియు థైరాయిడ్ గ్రంధి మాంద్యం (హైపోథైరారాయిడిజమ్)
• బాల్యములోని దీర్ఘవ్యాధులైన మూత్రపిండవ్యాధులు లేదా పుట్టుకతో వచ్చిన హృద్రోగాలు
• తరచూ వచ్చే మరియు కొనసాగుతున్న సంక్రమించే వ్యాధులు అతిసారము, శ్వాసకోశ వ్యాధులు మరియు కడుపులోని పురుగులతో బాధపడటం
• తగినంత మానసిక సాంఘిక ఉత్తేజం లేకపోవటం
• బీదరికం మరియు లేమి

ఎదుగుదల మందగించటం వల్ల కలగే క్రియాత్మకపరిణామాలు

• పోషకాహారలోపము గల పిల్లలు పెద్దయ్యాక పెద్దగా ఎత్తు ఉండరు. ఎదుగుదల మందగించటంయొక్క దీర్ఘకాలిక పరిణామాలు పోషకాహారలోపము యొక్క తీవ్రత, సమయము, కాలవ్యవధి వంటి అంశాల పై ఆధారపడి ఉంటాయి.
• అతను/ఆమె ఎంత ఆరోగ్యముగా ఉన్నప్పటికీ ఎదుగుదల మందగించటం వారి పని చేసే గరిష్థ సామర్ధ్యాన్ని తగ్గిస్తుంది.
• ఎదుగుదల మందగించిన స్త్రీలు చిన్నపరిమాణములో ఉండే పిల్లలకు జన్మనిస్తారు,లేదా వారికి కానుపు అవ్వటం కష్టమవుతుంది.
• ఎదుగుదల మందగించిన పిల్లలలోని రోగ నిరోధక శక్తి లోపభూయిష్టంగా ఉంటుంది తద్వారా వారు వ్యాధులకు ఎక్కువగా గురవుతారు.
• దిగువ సాంఘికార్ధిక సమాజములో ఎదుగుదలమందగించటంతో మానసికాభివృద్ధి  లోపము గమనించవచ్చు.

పోషకాహార లోపము మరియు అంటురోగాలు

• పోషకాహార లోపము ,ముఖ్యంగా మాంసకృత్తుల శక్తి పోషకాహార లోపము వ్యక్తి యొక్క రోగ నిరోధక శక్తిని చాలా రకాలుగా ప్రభావితం చేస్తుంది.
• ఐరన్, జింకు ఖనిజాల లోపము కణ సంబంధమైన విధులను బలహీనపరుస్తుంది.
• విటమిన్ ఎ లోపము కూడా మానవ రోగ నిరోధకశక్తిని ప్రభావితం చేస్తుంది

పోషకాహారలోపము మరియు మెదడు యొక్క ఎదుగుదల

• తల్లిలోని అయోడిన్ లోపము ఎదిగేదశలో ఉన్న గర్భస్థపిండము యొక్క మెదడును దెబ్బతీస్తుంది.
• మాంసకృత్తుల శక్తి పోషకాహారలోపము (పి.ఇ.యమ్) తీవ్రంగా ఉన్నప్పుడు శారీరక అభివృద్ధిని మందగింపజేస్తుంది, జీవితారంభ దశలో నాలుగు నెలలకు మించి చికిత్స చేయించకుండా ఉంటే బిడ్డయొక్క మానసిక, చలన అభివృద్ధిని ప్రభావితం చేస్తుంది.

గుప్తమైన ఆకలి

• గుప్తమైన ఆకలి అంటే చౌకబారు ఆహారపదార్ధాలు తినటంవల్ల కడుపునిండినట్లనిపించినా అందులో విటమిన్లు కానీ, సూక్ష్మ పోషకాలు కానీ ఉండవు తద్వారా కలిగే లోపము.
• సామాజిక సమూహాలలో వీటిని పెద్దగా గమనించరు.కాబట్టి సూక్ష్మపోషకాల లోపాలను గుప్తమైన ఆకలి అనవచ్చు.
• తమ ఆహారములోసూక్ష్మపోషకాలను కలిగి యుండే వైవిధ్యమైన ఫలాలు,కూరగాయలు లేదా జంతు సంబంధమైన ఆహారపదార్ధాలను చాలినంత  పరిమాణములో తీసుకోనివారికి లోపాలు గుప్తమైన ఆకలికి దారితీస్తాయి.
• ఐరన్,అయోడిన్ మరియు విటమిన్ ఎ విస్తృతంగా ఉండే సూక్ష్మపోషకాహారలోపములు.

ఆధారము: పోర్టల్ విషయ రచన సభ్యులు