పంచుకోండి
వ్యూస్
  • స్థితి: సవరణ కు సిద్ధం

కాలుష్యం

వాతావరణంలో ఉండే హానికరమైన కలుషితాలు విడుదల అవుతూ ఉండడమే లేకపోతే ఆ విధంగా విడుదల కాబడిన వివిధ రకాల పదార్ధాలే కాలుష్యం అంటే.

కాలుష్యం అంటే ఏమిటి?

వాతావరణంలో ఉండే హానికరమైన కలుషితాలు విడుదల అవుతూ ఉండడమే లేకపోతే ఆ విధంగా విడుదల కాబడిన వివిధ రకాల పదార్ధాలే - కాలుష్యం అంటే. కాలుష్యం అని భావించాలంటే సాధారణంగా ఇటువంటి ప్రక్రియ అంతా కూడా మానవ కార్యకలాపాలనుండి ఉధ్భవించిందే అయి ఉండాలి. మానవుల ద్వారా చేయబడిన ఏ కార్యకలాపాలైనా సరే కాలుష్య కారణాలుగా భావించాలి, తరువాత అవి ప్రతికూల ప్రభావాలను చూపించినట్లయితే.

కాలుష్యానికి ఆధారాలు

  • తీవ్రమైన కాలుష్యానికి కారణాలుగా ఉండే వాటిలో రసాయనిక కర్మాగారాలు, చమురును శుధ్దిచేసే కర్మాగారాలు, న్యూక్లియర్ వ్యర్ధ పదార్ధాలను పారవేసే కుప్పలు, ఇన్సినరేటర్లు (చెత్తను భస్మం చేసే యంత్రం), పి.వి.సి. కర్మాగారాలు, కార్ల కర్మాగారాలు, ప్లాస్టిక్ తయారు చేసే కర్మాగారాలు మరియు పశువుల వల్ల అధిక పరిమాణంలో సృష్టించబడే వ్యర్ధ పదార్ధాలతో ఉండే కార్పోరేట్ పశువుల శాలలతో సహా కూడి ఉన్నాయి.
  • ఈ కాలుష్యానికి మరి కొన్ని కారణాలు – అంటే – న్యూక్లియర్ పవర్ ప్లాంట్ లు లేక ఆయిల్ ట్యాంకర్లు, ప్రమాదాలు జరిగినప్పుడు అత్యధిక స్ధాయిలో కాలుష్యాన్ని విడుదల చేయవచ్చు. అతి సాధారణమైన కొన్ని కాలుష్యాలు: క్లోరినెటెడ్ హౌడ్రోకార్బన్లు (సి.ఎఫ్.హెచ్), భారీ లోహలు, అంటే సీసం (లెడ్, పెయింట్ లో మరియు ఇటీవల కాలం దాకా గ్యాసోలిన్ లో కూడా), క్యాడ్మియం (రిచార్డ్ చేసే బ్యాటరీలలో కూడా), క్రోమియం, జింక్, ఆర్సెనిక్ మరియు బెంజిన్ వంటివి.
  • ప్రకృతి వైపరీత్యాలలో తరుచుగా సంభవిస్తూ ఉండే తీవ్రమైన సైడ్ ఎఫెక్ట్ ఈ కాలుష్యం. ఉదాహరణకు పెద్ద తుఫానులు, గాలివానలు ఇంచుమించుగా ప్రతీసారీ కూడా మురుగునీటి కాలుష్యపు ప్రమేయాన్ని కలిగి వుంటాయి. అలాగే తిరగబడిన నావలనుండి, ఆటోలనుండి పెట్రో కెమికల్ కాలుష్యం సంభవిస్తూ ఉంటుంది లేక తీర ప్రాంతపు చమురు శుధ్ది కర్మాగారాలకు జరిగిన నష్టాన్నుండి కూడా ఈ కాలుష్యం సంభవిస్తూ వుండడం సామాన్యమైవ విషయమే.

వివిధ రకాల కాలుష్యం

సాంప్రదాయ బధ్దంగా సంభవిస్తూ వుండే కాలుష్య స్వరూపాలుః గాలి కాలుష్యం, నీటి కాలుష్యం మరియు రేడియో యాక్టివ్ మాలిన్యాలు తో కూడి ఉండగా, ఈ మాట యొక్క విస్తృతమైన అర్ధం ఓడల కాలుష్యం, లైట్ కాలుష్యం మరియు శబ్ద కాలుష్యం అనే భావాలకు కూడా తావిచ్చింది.

శబ్ద కాలుష్యం

రొద అనేది దాని వర్ణన ప్రకారంగా, అక్కరలేని, అనవసరమైన ధ్వని అని. అయితే, ఇప్పుడు శబ్దాన్నుండి వచ్చే కాలుష్యం గాలి కాలుష్యంలో ఒక ముఖ్యమైన అంశంగా అధికంగా గుర్తింపబడి, అర్ధం చేసుకోబడుతోంది.

శబ్దం గాలిలో నుండి ప్రయాణిస్తుంది. అందుచేత దీనిని యాంబియంట్ ఎయిర్ క్వాలిటీ స్ధాయిగా కొలవడం జరుగుతుంది. శబ్దాన్ని డెసిబుల్సు లో కొలుస్తారు. నిపుణులు 90 డెసిబుల్సు కు మించిన స్ధాయిలో స్ధిరంగా ఉండే శబ్ద స్ధాయిలు వినికిడిని పోగొట్టవచ్చని మరియు నాడీ మండలంలో తిరుగులేని మార్పులు సంభవించవచ్చని, అభిప్రాయ పడుతున్నారు. ప్రపంచ ఆరోగ్య సంస్ధ (డబ్ల్యు.హెచ్.ఓ) 45 డెసిబుల్లు ను ఒక నగరానికి క్షేమకరమైన శబ్ద స్ధాయిగా నిర్ణయించింది. భారత దేశంలోని మహానగరాల ప్రాంతాలు సాధారణంగా సగటున 90 డెసిబుల్సు కంటే ఎక్కువగానే నమోదు చేస్తూ వుంటాయి. ప్రపంచంలోనే ముంబయి 3వ అత్యధిక శబ్దంతో ఉండే నగరంగా గుర్తింపబడింది, కొత్త ఢిల్లీ దీని వెనుకనే, అతి సమీపంలో దీనిని అనుసరిస్తూ ఉండగా.

శబ్దం కేవలం చిరాకును పుట్టించడమే కాకుండా దమనులను సంకోచింప చేస్తుంది, అడ్రినాలిన్ అనే ద్రవాన్ని వేగాం ప్రవహింపచేస్తూ, గుండెను వేగంగా పనిచేసేటట్లు ప్రేరేపిస్తుంది. వరసగా, నిరంతరం వస్తూ వుండే శబ్దం కోలెస్ట్రాల్ స్ధాయిని ఇంకా పెంచుతుంది, రక్తనాళాలు శాస్వతంగా కుచించుకుపోవడానికి దారితీస్తూ, గుండె పోటు రావడానికి లేక స్ట్రోక్స్ రావడానికి ఆస్కారమిస్తూ, ఇటువంటి అనర్ధాలకు బాధితులను గురిచేస్తూ. ఆరోగ్య నిపుణులు కూడా అధిక శబ్దం న్యూరోసిస్ (వాత రోగం, మనోదౌర్భల్యం) కు మరియు నాడీ మండలం కుప్ప కూలిపోవడానికి కూడా దారితీయవచ్చనే అభిప్రాయంతో ఉన్నారు.

వ్యర్ధాలు మరియు నీటి కాలుష్యం.

విషపూరితమైన పదార్ధాలు సరస్సులలోనూ, ప్రవాహాల్లోనూ, నదులలోనూ, సముద్రాలలోనూ మరియు ఇతర నీటి గుంతలలోనూ ప్రవేశించినప్పుడు, అవి వాటిలో కలిసిపోవడం గాని, లేక నీటిలో అలాగే సస్పెండయి ఉండిపోవడం గాని లేక నీటి అట్టడుగు మట్టాలలోకి చేరుకుని అక్కడే జమ అయి ఉండిపోవడం గాని జరుగుతుంది, ఫలితంగా నీరు కాలుష్యమవుతుంది, అటువంటి నీటి నాణ్యత తగ్గిపోతూ, క్షీణిస్తూ, సముద్ర జీవుల జీవవ్వవస్ధపై ప్రభావాన్ని చూసిస్తూ. ఈ కాలుష్యం అన్నది భూమిలోకి ఇంకిపోయి, భూగర్భజలాల నిక్షేపాలను కూడా ప్రభావితం చేయవచ్చు. నీటి కాలుష్య ప్రభావాలు ప్రజలపై విధ్వంసకరమైన పరిణామాలను చూపించడమే కాక, జంతువులకు, చేపలకు మరియు పక్షులకు కూడా హానిని కలుగజేస్తాయి. కలుషితమైన నీరు త్రాగడానికి, వినోదానికి, వ్యవసాయానికి మరియు పరిశ్రమలకు కూడా పనికిరాదు. ఇది సరస్సుల మరియు నదుల సౌందర్యోపాసకమైన నాణ్యతను, అందాన్ని కూడా కృశించి పోయటట్లు చేస్తాయి.

నీటి కాలుష్యం గురించి మరింత సమాచారం కోసం ఈ క్రింది వీడియోను చూడండి.

నీటి కాలుష్యం


నీటి కాలుష్యం గురించి మరింత సమాచారం కోసం ఈ వీడియోను చూడండి.

గాలి కాలుష్యం.

గాలి కాలుష్యం అన్నది గాలి మలినమయిపోవడం, హానికరమైన పదార్ధాలు డిస్చార్జ్ అవుతూ ఉండడం వల్ల సంభవిస్తుంది. గాలిలో ఉండే కాలుష్యం ఆరోగ్యానికి సమస్యలను సృష్టించవచ్చు, పర్యావరణాన్ని మరియు ఆస్తులను దెబ్బతీయవచ్చు. వాతావరణంలోని రక్షణనిచ్చే ఓజోన్ పొరను వలుచగా చేసింది ఈ కాలుష్యం, వాతావరణంలో మార్పులకు దారితీస్తూ.

పరిశ్రమలు, వాహనాలు, గాలిలో పెరిగిపోయిన కాలుష్యం మరియు నగరీకరణం (అర్బనైజేషన్) అన్నవి గాలిలో కాలుష్యానికి బాధ్యులై ఉన్నవంటి కొన్ని ముఖ్యమైన అంశాలు. గాలిలో కాలుష్యం వివిధ కారణాలవల్ల సంభవిస్తుంది. అయితే, ఇందులో అన్నీ కూడా మానవ నియంత్రణకు లోబడిలేవు. గాలిలో రసాయనిక మరియు పార్టిక్యులేట్ (రేణువులతో కూడిన) కాలుష్యానికి, ఎడారి ప్రాంతాలలోని దుమ్ము, ధూళి తుఫానులు మరియు అడవులలో సంభవించే దావానలం నుండి వచ్చే పొగలు మరియు గడ్డివల్ల సంభవించే అగ్ని ప్రమాదాలు గాలిలో కాలుష్యం ఏర్పడడానికి దోహదం చేస్తాయి.

ఈ క్రింద జాబితాలో చూపించబడినవి కొన్ని ప్రధానమైన గాలి కాలుష్య కారకాలు మరియు వాటి కారణాలు.

  • కార్బన్ మోనాక్సైడ్ (సి.ఓ) రంగులేనిది, వాసన లేని గ్యాస్ కార్బన్ ఆధారిత ఫ్యూయెల్స్ అసంపూర్తిగా మండడం వల్ల, పెట్రోల్, డీసెల్ మరియు చెక్క వంటివాటితో సహా. సిగరెట్ల వంటి సహజమైన మరియు సింధటిక్ ఉత్పత్తులు మండడం నుండి కూడా ఇది ఉత్పత్తి అవుతుంది. మన రక్తంలో ప్రవేశించే ప్రాణవాయువును ఇది తగ్గించి వేస్తుంది. ఇది మన ప్రతిక్రియ (రిఫ్లెక్స్)లను కూడా మందగింప చేస్తుంది, అలాగే మనల్ని గందరగోళంలో పడవేసి, నిద్రమత్తును కూడా కలిగిస్తుంది.
  • కార్బన్ డై యాక్సైడ్ (సి.ఓ.2) ఇది ఒక ప్రధానమైన గ్రీన్ హౌస్ (భూ వాతావరణంలో బొగ్గు పులుసు వాయువు ఎక్కువ అగుట వలన, సూర్యుని వేడిమిని నిలువ చేయడం) గ్యాస్, మానవ కార్యకలాపాల ఫలితంగా ఉద్గారింప (ఎమిట్) బడినటువంటిది, బొగ్గును, ఆయిల్ మరియు సహజ గ్యాస్ వంటి వాటిని మండించడం వంటి మానవ కార్యకలాపాల ఫలితంగా సంభవించేది.
  • క్లోరోఫ్లోరోకార్బన్స్ (సి.ఎఫ్.సి) ప్రధానంగా ఎయిర్ కండిషనింగ్ మరియు రిఫ్రిజరేషన్ నుండి విడుదల అవుతూ వుండే గ్యాస్ లు ఇవి. గాలిలోకి విడుదల కాబడినపుడు సి.ఎఫ్.సి. లు స్ట్రాటోస్ఫియర్ కు పెరిగి, మరి కొన్ని ఇతర గ్యాసులతో తాకిడికి గురువతాయి. ఇది అల్ట్రా వయొలెట్ సూర్య కిరణాలనుండి భూమిని రక్షిస్తూ వుండే ఓజోన్ పొర మందం తగ్గిపోవడానికి కారణమవుతుంది.
  • సీసం (లెడ్) ఇది పెట్రోల్ లోనూ, డీసెల్, సీసపు బ్యాటరీలలోనూ, పెయింట్లలోనూ, హైర్ డై ఉత్పత్తులు మొ.గు. వాటిలో ఉంటుంది. ముఖ్యంగా ఇది పిల్లలకు హానికరమైనది. ఇదీ నాడీ వ్యవస్ధను దెబ్బ తీస్తుంది, జీర్ణ సంబంధిత సమస్యలు మరియు మరికొన్ని సందర్భాలలో కేన్సర్ ను కూడా కలుగజేయవచ్చు.
  • ఓజోన్సహజంగానే, ఇది భూ వాతావరణంలోని పై భాగాన్ని, అంటే పై పొరలో సంభవిస్తుంది. సూర్యుని హానికరమైన అల్ట్రా వయోలెట్ కిరణాలనుండి భూమిని రక్షిస్తూ వుంటుంది. ఏమైనప్పుటికీ, ఉపరితలంపై ఇది ఒక విషపూరితమైన ప్రభావాలతో, ఒక కలుషితం వంటిది. భూ ఉపరితలంపై వాహనాలు, పరిశ్రమలు ముఖ్యమైన ఆధారాలు భూ ఉపరితల ఓజోన్ ఉద్ఘారాల (ఎమిషన్స్) కు కారణమవుతూ ఓజోన్ మన కళ్లకు దురదను, మంటను మరియు కళ్ల నుండి నీళ్లుకారడాన్ని కలుగజేస్తుంది. జలుబు, న్యూమోనియో వంటి ఇబ్బందులనుండి మనం తట్టుకోగలిగే శక్తిని ఇది తగ్గించి వేస్తుంది.
  • నైట్రోజెన్ ఆక్సైడ్ (ఎన్.ఓ.ఎక్స్) ) మబ్బులను మరియు యాసిడ్ వర్షాన్ని కలుగజేస్తుంది. ఫ్యూయెల్స్ ను మండించడం వల్ల ఇది ఉత్పత్తి అవుతుంది – అంటే పెట్రోల్, డీసెల్ మరియు బొగ్గు వంటివి. చలికాలంలో పిల్లలను ఈ నేట్రోజెన్ ఆక్సైడ్ శ్వాస సంబంధిత ఇబ్బందులకు గురిచేస్తుంది.
  • o సస్పెండెడ్ పార్టిక్యులెట్ మేటర్ (ఎస్.పి.ఎమ్) ) గాలిలో ఘనరూపంలో ఉండే పొగ, ధూళి మరియు ఆవిరి వంటివి. ఇవి గాలిలో దీర్ఘకాలం పాటు సస్పెండ్ అయి ఉంటాయి. ఇవి కంటికి అంతగా కనిపించకుండా దుమ్ము, ధూళితో, పొగ, గాలితో వుండే సుడిగాలి వంటి వాటికి ప్రధానమైన కారణాలుగా పని చేస్తాయి,. ఈ రేణువులలో అతి సూక్ష్మమైన వాటిని మనం శ్సాసతో పాటుగా పీల్చినపుడు, ఊపిరితిత్తులలోకి చేరి, ఊపిరితిత్తులకు హాని మరియు శ్వాస పిల్చుకోవడంలో సమస్యను సృష్టించగలవు.
  • సల్ఫర్ డైయాక్సైడ్ (ఎస్.ఓ.2) బొగ్గును మండించడం వల్ల ఉత్పత్తి అయిన గ్యాస్ వంటిది ప్రధానంగా ధర్మల్ పవర్ ప్లాంట్లలో. కొన్ని పారిశ్రామిక ప్రక్రియలు అంటే పేపరును ఉత్పత్తి చేసే చోట మరియు లోహాలను కరిగించే చోట, సల్ఫర్ డైయాక్సైడ్ ఉత్పత్తి అవుతుంది. పొగమంచు కమ్మడానికి, అలాగే యాసిడ్ వర్షానికి కూడా ఇది ప్రధానంగా దోహదం చేస్తుంది. సల్ఫర్ డైయాక్సైడ్ దీర్ఘకాలపు వ్యాధులకు దారితీస్తుంది.

రసాయనిక కాలుష్యం

రసాయనిక కాలుష్యానికి వివిధ కారణాలు ఉన్నాయి, ఈ క్రింది వాటితో సహాః

  • గృహ సంబంధిత మురుగు నీరు
  • పారిశ్రామిక డిస్చార్జిలు
  • వ్యర్ధాలను పారవేసే సైట్ల నుండి భూమిలోకి ఇంకిపోవడం
  • వాతారవణాన్నుండి జారిపడడం
  • గృహ సంబంధిత ప్రవాహాలు
  • ప్రమాదాలు, సముద్రం వద్ద చెల్లా చెదురుగా పాకిపోవడం
  • ఆయిల్ రిగ్గులనుండి ఆపరేషనల్ డిస్చార్జిలు
  • గనులనుండి డిస్చార్జిలు
  • వ్యవసాయ ప్రదేశాలనుండి సంభవించే ప్రవాహాలు

ఏమైనప్పటికి, ప్రతి వారికి ఆతృత, ఆందోళనను కలిగించే రసాయనాలు, బహుశా నిరంతరం సంభవిస్తూ వుండే ఈ కలుషితాలే. సముద్ర ఆహారపు గొలుసులలో ప్రవేశించే పదార్ధాలు, చివరకు ఈ గొలుసులలో పై నుండే ఇతర జంతువులను తినే వాటిలోఅధిక మొత్తంలో చేరుకుంటాయి. నిరంతరం కొనసాగుతూ వుండే ఈ కాలుష్యాలు పురుగుమందులు అంటే డి.డి.టి మరియు పారిశ్రామిక రసాయనాలు, అధిక పేరెన్నికగన్న పి.సి.బి.లు, వంటివి.

కాలుష్యాన్ని నివారించడానికి చిన్న, సులభతరమైన చిట్కాలు.

శబ్ద కాలుష్యాన్ని ఆపండి.

  1. మీ టి.వి. మరియు మ్యూజిక్ సిస్టమ్ ల శబ్దాన్ని తక్కువ స్ధాయిలో ఉంచండి.
  2. కార్ హార్న్ ను చాలా అరుదుగా మోగించండి.
  3. లౌడ్ స్పీకర్ల వాడకాన్ని ప్రోత్సహించకండి
  4. వివాహ సందర్భాలలో చేతితోను మరియు మామూలుగా పేల్చే వాటిని రద్దు చేయండి.
  5. శబ్ద కాలుష్యాన్ని గురించి అందరిని సంబంధిత నిబంధనలను అనుసరిస్తూ, సాధన చేస్తూ వుండేటట్లు చేయండి

గాలి కాలుష్యాన్ని అవిరిగా మార్చివేయండి.

  1. గృహాలనుండి, కర్మాగారాలనుండి, వాహనాల నుండి కనీస స్ధాయికి ఉద్ఘారాల (ఎమిషన్స్) ను తగ్గించండి.
  2. అగ్గి టపాకాయల వాడకాన్ని నిరోధించండి
  3. చెత్తను, చెదారాన్ని బిన్ లలోనే పారవేయండి, వాటిని కాల్చవద్దు.
  4. ఉమ్మి వేయడానికి స్పిట్టూన్లను గాని లేక ఉమ్మివేయడానకి ఉద్దేశించబడిన డ్రెయిన్లలో గాని వేయండి.
  5. గాలి కాలుష్యాన్ని గురించి అందరిని సంబంధిత నిబంధనలను అనుసరిస్తూ, సాధన చేస్తూ వుండేటట్లు చేయండి.

నీటి కాలుష్యాన్ని శుధ్ది చేయండి.

  1. ప్రజలు వాడే నీటి కొళాయికి దగ్గరలో ఎప్పుడూ కూడా చెత్తను, చెదారాన్ని పారవేయకండి.
  2. ప్రజలు వాడుకునే నీటి కొళాయిలను వంకర, టింకర చేయకండి.
  3. పవిత్ర విగ్రహాలను అధికారికమైన ప్రదేశాలలోనే నిమజ్జనం చేయండి.
  4. నీటి కాలుష్యాన్ని గురించి అందరూ సంబంధిత నిబంధనలను అనుసరించడం, సాధన చేయడం చేసేటట్లు చూడండి.

రసాయనిక కాలుష్యాన్ని పారవేయడం.

  1. రసాయనిక ఎరువులకంటే, సేద్యపు ఎరువుల వాడకాన్నే కోరండి, పోలిధిన్ కు బదులు పేపర్, కాటన్, మరియు జనపనారను పోలియెస్టర్ కు బదులుగా. – వాడండి.
  2. సరైన మార్గంలోనే పోలిధిన్ సంచులను పారవేయాలి.
  3. అధికంగా చెట్లను నాటడం, కూరగాయల మొక్కలను పెంచడం చేయండి.
  4. రసాయనిక కాలుష్యాన్ని గురించి సంబంధిత నిబంధనలను అందరూ అనుసరించేటట్లు, సాధన చేసేటట్లు చూడండి.

భూవినియోగ కార్యలాపాలు మరియు వాటి వల్ల భూగర్భ జలానికి సంభవించే అనర్ధం.

భూమి వినియోగం

భూగర్భ జలాలు కలుషితమవడానికి అవకాశం ఉన్న కార్యకలాపాలు

గృహసంబంధమైనవి

  • మురుగు గొట్టాలు వాడకపోవడం
  • భూమి మరియు మురుగు నీటి ప్రవాహు డిస్తార్చ్ అవడం
  • మురుగు ఆక్సైడేషన్ గుంటలు
  • మురుగు కారిపోతూ వుండడం, ఘనరూపంలో ఉండే వ్యర్ధాన్ని పారవేయడం, ల్యాండ్ ఫిల్ లీచేట్.(ద్రవ పదార్ధాన్ని నేల పొరల ద్వారా , మసి ద్వారా లోనికి పోవునట్లు చేయడానికి ఉపయోగించే మార్గం)
  • పట్టణాల్లో రోడ్లమీద నుండి జారడం; గాలిలోనుండి రాలి, పడుతూ వుండడం.

పారిశ్రామిక మరియు వాణిజ్య పరమైనవి

  • ప్రోసెస్ నీరు, కలుషిత పదార్ధాల నీటి మడుగు
  • భూమి మరియు వ్యర్ధజలాల డిస్చార్జ్ ప్రవాహం
  • నీటితొట్టి మరియు పైప్ లైన్ కారడం మరియు ప్రమాదవశాత్తు చెల్లా చెదురవడం.
  • వ్యర్ధపదార్ధాలను బావులలో పారవేయడం
  • గాలిలోనుండి ఊడిపడడం
  • సరైన విధంగా పరిశుభ్రతను పాటించకపోవడం
  • చెల్లా చెదురవడం మరియు పదార్ధాలను హ్యాండ్లింగ్ చేసేటప్పుడు కారిపోతూ వుండడం.

గనుల తవ్వకం

గనుల డ్రైనేజ్ డిస్చార్జ్
ప్రోసెస్ నీరు, బురద, రొంపి వంటి వాటితో ఉండే మడుగులు
ఘన రూపంలో ఉండే గనుల చివరి భాగాలు
గ్రూపులుగా ఉండే స్టేషన్లలో నీటిబావులనుండి ఆయిల్ చెల్లాదెదురై పోవడం.

గ్రామాలలో

ఆగ్రో రసాయనాలతో సేద్యం.
వ్యర్ధ జలాలతో నీటి పారుదల.
భూమి సెలైనేజేషన్ (ఉప్పగా మారిపోవడం)
పాడి పశువులను పెంచడం

తీరప్రాంతాలు

ఉప్పు నీరు మంచినీటి పొరల్లోకి చొచ్చుకుని పోవడం

ఆధారము: సెంట్రల్ పొల్యూషన్ కంట్రోల్ బోర్డు 2007 వారి సౌజన్యంతో.

3.01265822785
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు