హోమ్ / సామాజిక సంక్షేమం / మహిళా మరియు శిశు సంక్షేమం / క్రిమినల్ లా చట్టాలు మరియు మహిళలు
పంచుకోండి
వ్యూస్
  • స్థితి: సవరణ కు సిద్ధం

క్రిమినల్ లా చట్టాలు మరియు మహిళలు

'నేరం' అంటే ఒక చర్య లేదా లోపము, అది చట్టం ద్వారా శిక్షార్హమైంది అని అర్థం.

నేరం అంటే ఏమిటి?

నేరం' అంటే ఒక చర్య లేదా లోపము, అది చట్టం ద్వారా శిక్షార్హమైంది అని అర్థం.

స్త్రీ మరియు పిల్లలపై నేరాలు:

  • అత్యాచారం, హత్య, బాధించటం, కొట్టడం
  • ఏదైనా పదం లేదా భంగిమ ఒక మహిళను కించపరిచేవిగా ఉంటే
  • పెళ్లిచేసుకోమని బలవంతం చేయటం, బెదిరించటం, అపహరించటం
  • మైనరులను వ్యభిచారం కోసం అమ్మటం లేదా మరొక వ్యక్తి తో అక్రమ పర్కానికే ఆకర్షించటం
  • కట్నం ఇవ్వడం లేదా తీసుకోమని డిమాండు
  • భర్త లేదా అతని బంధువులు క్రూరంగా ప్రవర్తించటం మొ., కట్నం చావులు
  • భర్త లేదా భార్య జీవించిఉండగానే వేరే పెళ్లిచేసుకోవడం లేదా వివాహిత మహిళను బలవంతంగా బంధించటం లేదా దుర్బుద్ధితో దూరంగా తీసుకొని వెళ్ళటం
  • కావాలని గర్భస్రావానికి కారణమవ్వటం
  • వివాహ వేడుకలేకుండా, కాంట్రాక్టుతో, చట్టబద్ధమైన వివాహం కాకుండా వివాహం మోసపూరితంగా జరపడం.

పోలీసులకు సమాచారం

బాధితులు లేదా నేరం గురించి తెలిసిన వ్యక్తి సమీప పోలీస్ స్టేషనుకు వెళ్ళి నేరం గురించి పోలీసులులకు తెలియజేయవచ్చు. దీనికి గాను రిపోర్టును రాసి ఇవ్వాలి. దీనిని ఎఫ్ఐఆర్ లేదా ఫస్ట్ ఇన్ఫర్మేషన్ రిపోర్ట్ అంటారు. పేరు, ఆరోపణలు, తేదీ, నేరం సంభవించిన స్థలం, సమయం మరియు చిరునామాను ఎఫ్ఐఆరు కలిగి ఉండాలి. ఇది నేరం, సాక్ష్యాలు మరియు ఇతర వివరాలను గుర్తించటానికి వీలైన పద్ధతిలోఉండాలి.

పోలీసుల కర్తవ్యం

  • ఏ వ్యక్తి ఇచ్చిన సమాచారాన్నైనా నమోదు చేసుకోవటం పోలీసుల కర్తవ్యం.
  • సమాచారం మౌఖికంగా ఇవ్వబడితే, దానిని పోలీసు స్టేషన్ లోని ఆఫీసర్ ఇన్ ఛార్జ్ రాయాలి లేదా అతిని ఆద్వర్యంలో రాయబడాలి.
  • ఎఫ్ఐఆరు అన్ని సంబంధిత వాస్తవాలను కలిగి ఉండాలి.
  • ఎఫ్ఐఆరును వీలైనంత తొందరగా దాఖలు చేయాలి. ఇది అన్ని ఆధారాలు పొందడానికి మరియు అపరాధిని అదుపులోకి తీసుకోవటానికి అవసరం.
  • ఒక వ్యక్తి నాన్ కాగ్నిజబుల్ నేరం గురించి పోలీసు అధికారికి సమాచారాన్ని ఇస్తే, అతను ఇలాంటివాటి కోసం ఉంచిన పుస్తకంలో ఆ సమాచారాన్ని పొందు పరచాలి. తర్వాత అధికారి దానిని మేజిస్ట్రేటు ముందుంచాలి.
  • నాన్ కాగ్నిజబుల్ నేరంగురించి నేరుగా కూడా రాతపూర్వకంగా లేదా నోటి ద్వారా గాని మేజిస్ట్రేట్ కు తెలపవచ్చు. నాన్ కాగ్నిజబుల్ నేరం సాధారణంగా ఒక ప్రైవేట్ తప్పు లేదా వ్యక్తిగత నేర స్వభావం కలిగి ఉండటం వలన, న్యాయమూర్తి ఆదేశంలేకుండా పోలీసులు విచారించలేరు.

పోలీసులు ఎఫ్ఐఆర్ దాఖలుకు నిరాకరించినప్పుడు చేయవలసినవి

  • పోలీస్ స్టేషన్ ఆఫీసర్ ఇన్ ఛార్జ్ సమాచారాన్ని రికార్డు తిరస్కరించినట్లైతే ఆవ్యక్తి జిల్లా పోలీసుసూపరింటెండెంటుకు వ్రాతపూర్వకంగా లేదా పోస్ట్ ద్వారా అటువంటి సమాచారాన్ని పంపవచ్చు.
  • ఫిర్యాదును మేజిస్ట్రేటుకు కూడా చేయవచ్చు. మేజిస్ట్రేట్ కేసు పురోగతి గురించి దర్యాప్తు అధికారి నుండి నివేదిక అడగవచ్చు.

అరెస్ట్ సమయంలో హక్కులు

  • అరెస్ట్ కారణం తెలుసుకొనే హక్కు - పోలీసుల కారణం తెలుపకుండా ఎవరిని అరెష్టు చేయలేరు.
  • నేరానికి సంబంధించిన పూర్తి వివరాలు తెలుసుకొనే హక్కు.
  • బంధువులు/స్నేహితులకు తెలియజేయడానికి హక్కు - ప్రతి పోలీసు అధికారి అలాంటి అరెస్టు వెంటనే అరెస్టు వ్యక్తి నామినేట్ చేసిన తన స్నేహితులు, బంధువులు లేదా ఇతర వ్యక్తులకు ఆమె ఎక్కడ అరెస్టు అయ్యింది ఎక్కడికి ఉంచబడింది అనే సమాచారం అందించాలి.
  • అరెస్టు వ్యక్తికి ఆమె హక్కులను కూడా తెలియజేయడం పోలీసు అధికారి విధి.
  • ఏ స్త్రీని సూర్యాస్తమయం తర్వాత మరియు సూర్యోదయానికి ముందు అరెస్టు చేయకూడదు. మినహాయించిన పరిస్థితులలో, మేజిస్ట్రేట్ ముందస్తు అనుమతి పొందిన తరువాత ఆసమయంలో అరెస్టు చేయాలి.
  • ఆలస్యం కాకుండా మేజిస్ట్రేట్ ఎదుట హాజరు హక్కు- మేజిస్ట్రేట్ ఆదేశాలు లేకుండా 24 గంటల కంటే ఎక్కువ సమయం ఒక వ్యక్తి నిర్బంధలో ఉంచటం చట్టవిరుద్ధం.
  • అరెస్టు అయన వ్యక్తి శోధన- ఒక మహళా పోలీసు మాత్రమే మరో మహిళను శోధించవచ్చు. శోధన తగు రీతిలో చేపట్టాలి.
  • ఒక పురుష పోలీసు మహిళలను శోధించకూడదు, అయితే అతను స్త్రీ ఇంటికి శోధించవచ్చు. దీనిని శోధన వారెంట్ లేకుండా అమలు చేయవచ్చు.
  • శోధన మరియు జప్తు, ఏదైనా ఉంటే, ఆ ప్రాంతంలోని ఇద్దరు స్వతంత్ర మరియు గౌరవనీయులైన వ్యక్తుల సమక్షంలో చేయాలి.
  • ఏదైనా స్వాధీనం చేసుకోకున్నా దొరికినా పంచనామాను తయారు చేయాలి. ఇద్దరు స్వతంత్ర వ్వక్తులు సాక్షుల కౌంటరు సంతకము దీనిపై ఉండాలి.
  • బెయిల్ హక్కు- అర్రెస్టు అయిన స్త్రీకి నేరం బెయిలబుల్ లేదా నాన్ బెయిలబుల్ అనేది తెలుసుకొనే హక్కు ఉంది. బెయిలబుల్ నేరమప్పుడు, ఒక వ్యక్తికి బెయిలుపై విడుదలైన అయ్యే హక్కు ఉంటుంది. నాన్ బెయిలబుల్ నేరంలో అరెస్టు అయిన వ్యక్తి బెయిల్ కోసం కోర్టుకు వెళ్లవలసి ఉంటుంది. కేవలం మేజిస్ట్రేట్ మాత్రమే అలాంటి వ్యక్తిని బెయిలుపై విడుదల చేయవచ్చు.
  • అరెస్టు అయిన వ్యక్తిపై బెయిలబుల్ నేరం ఆరోపించి ఉంటే మరియు అతను అనాథై ఉండి పూచీలను సమకూర్చుకో లేకపోతే కోర్టు పూచీలు లేకుండా ఒక బాండ్ పై అతనివి విడుదల చేయవచ్చు.

విచారణ మరియు పరిశోధన

  • దర్యాప్తు అధికారి పోలీసు స్టేషన్లో విచారణ కోసం ఎవరినైనా పిలవాలంటే లిఖిత పూర్వకమైన ఉత్తరువును ఇవ్వవలసి ఉంటుంది.
  • ఏ వ్యక్తిని బెదిరించానికి లేదా సమాధానం చెప్పమని నిర్బంధించడానికి వీలులేదు.
  • గుర్తింపు రక్షణ హక్కు - రేప్ భాదితురాలు విషయంలో ఆమె పేరును మీడియాతో సహా ఎవరికి తెలుపకూడదు.
  • న్యాయ సహాయం లేదా స్నేహితుడి సహాయం ఇంటరాగేషను సమయంలో అనుమతించాలి.

విచారణ దశలో హక్కులు

  1. ఉచిత న్యాయ సహాయం మరియు దానికి సంబంధించిన వివరాలు పొందే హక్కు - మహిళలతోసహా నిందితులకు ఉచిత న్యాయ సాయం అందించడం రాష్ట్రం బాధ్యత.
  2. వ్యక్తి ప్రతివాదన హక్కు- విచారణ సమయంలో ఒక న్యాయవాది ద్వారా ఆత్మరక్షణ లేదా ప్రతివాదన హక్కును కలిగి ఉంటుంది.

ముఖ్యమైన కోర్టు నిర్ణయాలు

D.K.Basu Vs పశ్చిమ బెంగాల్ స్టేట్ (1986) ఎస్సీ CWP 539/86.

ఈ మైలురాయి లాంటి కేసులో సుప్రీం కోర్టు కింది ఆదేశాలను జారీ చేసింది

  • గుర్తింపు తెలపటం: - అరెస్టు సమయంలో మరియు విచారణ నిర్వహిస్తున్న సమయంలో పోలీసు సిబ్బంది ఖచ్చితంగా కనిపించే మరియు స్పష్టమైన గుర్తింపు మరియు పేరు టాగ్లు బేర్ కలిగి ఉండాలి.
  • రికార్డు నిర్వహణ: - అరెస్టు మరియు ఇంటరాగేషన్ నిర్వహించిన పోలీసు సిబ్బంది వివరములను రిజిస్టర్లో నమోదు చేయాలి.
  • అరెస్ట్ మెమో: - అరెస్టు సమయంలో మెమో తయారు చేయటం ఆఫీసరు విధి. దీనిని అరెస్టు అయిన వ్యక్తి కుటుంబ సభ్యులు లేదా అరెస్టు అయిన ప్రాతంలోని ఒక గౌరవనీయమైన వ్యక్తి అటెస్టు చేయాలి. దానిని అరెస్టు అయిన వ్యక్తి కూడా కౌంటర్ అటెస్టీ సంతకం మరియు అరెస్టు సమయం తేదీలతో వేయాలి.
  • నిర్బంధించిన స్థలం తెలపటం: - ఖైదు అయిన లేదా అదుపులోకి తీసుకోబడిన వ్యక్తి ఏ పోలీసు స్టేషన్ లేదా ప్రశ్నించే కేంద్రంలో లేక ఇతర లాకప్ కస్టడీలో ఉన్నది ఎక్కడ అరెస్టు చేసింది అనే వివరాలను అతని సంక్షేమ కోరే స్నేహితుడికి లేదా ఇతర వ్యక్తికి తెలియి చేయాలి.
  • అరెస్ట్ సమయం మరియు స్థలం: - అరెస్టు చేసిన 8 నుండి 12 గంటల వ్యవధిలో అరెస్టైన వారి మిత్రునికి లేదా బంధువుకు నోటిఫై చేయాలి లేదా జిల్లాలోని లీగల్ ఎయిడ్ సంస్థ ద్వారా పోలీసులు నోటిఫై చేయాలి.
  • పోలీస్ డ్యూటీ: - వ్యక్తిని నిర్బంధిచగానే ఆవ్యక్తి మిత్రునికి అతని అరెస్టు విషయాన్ని తెలియజేయాలి.
  • డైరీ ఎంట్రీ: - అరెస్ట్ సమాచారం ఉన్న స్నేహితుడి పేరు మరియు వివరాలను వ్యక్తిని ఉంచిన ప్రదేశంలోని డైరీలో రాయాలి. అలాగె ఏ పోలీసు అధికారి అదుపులో ఉందో రాయాలి.
  • వైద్య పరీక్ష హక్కు: - అరెస్టు అయిన అతని/ఆమె శరీరంపై ఏవైనా గాయాలుంటే వాటిని అరెస్టు సమయంలో రికార్డు చేయాలి అలాగె "తనిఖీ మెమో" పై అరెస్టయిన వ్యక్తి మరియు పోలీసు అధికారి ఇద్దరి సంతకాలను తీసుకోవాలి. ఒక కాపీని అరెస్టైన వ్యక్తికి ఇవ్వాలి.
  • అరెస్టైన వ్యక్తికి ప్రతి 48 గంటలకు శిక్షణ పొందిన డాక్టరు చేత పరీక్షలు నిర్వహించాలి. మెమోతో సహా అన్ని పత్రాలలను రికార్డు కోసం ఇలాకా మేజిస్ట్రేటుకు పంపాలి.
  • అరెస్టు అయిన వ్యక్తి ఇంటరాగేషన్ సమయంలో, మొత్తం ఇంటరాగేషను సమయంలో కాకుండా, తన న్యాయవాదిని కలిసే అనుమతి తీసుకోవచ్చు.
  • రాష్ట్ర జిల్లా పోలీసు కంట్రోల్ రూముకు అరెస్టు జరిగిన 12 గంటల్లో అరెస్టు వివరాలను తెలియచేయాలి. ఏ ప్రాంతంలో నిర్బంధంలో ఉన్నారో అందజేయాలి. దానిని నోటీసు బోర్డులో అతికించాలి.
  • న్యాయ పరంగా మాత్రమే అరెస్టు చేయాలి. అరెస్టు చేసే అధికారం ఒకటి. దానిని సమర్థించుకోవటం మరొకటి. ఏ అరెస్టు సరియైన వచారణలేకుండా మరియు ఫిర్యాదు విశ్వసనీయతను తెలుసుకోకుండా, సహేతుకమైన నమ్మకం లేకుండా మరియు దాని గురించి పరిశోధన చేయకుండా చేయకూడదు. పైన తెలిపిన పద్ధతిలో అరెస్టు చేయకుండా వేరే పద్ధతిలో అరెస్టుచేస్తే ఒక వ్యక్తి స్వేచ్ఛను హరించటంగా పరిగణించి సంబంధిత అధికారి చర్యను కోర్టు ధిక్కారంగా పరిగణించి చర్యలు తీసుకుంటారు .

సునీల్ బాత్రా వి. ఢిల్లీ అడ్మినిస్ట్రేషన్ రిట్ పిటిషను నం2202 మరియు 568 సుప్రీంకోర్టు 1977.

ఏకాంత నిర్బంధ వ్యతిరేక హక్కు

  • శిక్ష పడ్డ ఖైదీలనుకు కేవలం నిర్బంధంలో ఉంచకుండా వారికి గేమ్స్, పుస్తకాలు, వార్తాపత్రికలు, సహేతుక మంచి ఆహారం, వ్యక్తీకరణ హక్కు, కళాత్మక లేదా ఇతర మైనవి, మరియు సాధారణ దుస్తులు మరియు మంచం వంటి సాధారణ సౌకర్యాలు జైలులో కల్పించబడతాయి. కలిసి తినడానికి, కలిసి జీవించడానికి, కలిసి పని చేయటం, కలిసి నిద్రపోవటం వంటివాటిని కాదనకూడదు.
  • సంకెళ్ళు ముఖ్యంగా బార్ సంకెళ్ళు కారాగారం లోపల మరియు కారాగారాల బయట వాడకూటదు అది మానవ పరువు ఉల్లంఘించేటటువంటి చర్య.

ప్రేమ్ శంకర్ శుక్లా వి. ఢిల్లీ అడ్మినిస్ట్రేషన్ (ఎస్సీ)

  • బేడీలకు వ్యతిరేకంగా హక్కు -దీనీ విషయంలో సుప్రీం కోర్టు బేడీలు వేయటం మామూలు కాకూడదు అవి వాక్యానించింది. బేడీలు ప్రత్యేక కారణాలున్నప్పుడు మాత్రమే వేయాలి. రక్షణ అధికారి బేడీలు వేసేందుకు ముందుగా న్యాయాధికారి దగ్గరి నుంచి అనుమతి తీసుకోవాలి.

శీల్స్ బార్స్ వి. మహారాష్ట్ర స్టేట్ CWP 1053- 1054 1982 (ఎస్సీ)

  • బాంబే (ముంబాయి)లో పోలీసులు లాకప్పు లో మహిళలా ఖైదీలపై పల్పడిన హింసకు సంబంధించింది ఈకేసు . మహిళా ఖైదీలను పోలీసులు లాకప్పు లో హింసించారు. సుప్రీం కోర్టు జారీ చేసిన ఆదేశాల ప్రకారం లాకప్పులో పురుషులు లేకుండా స్త్రీలను మాత్రమే ఉంచాలి. దానికి ఆడ పోలీసును మాత్రమే కాపలా ఉంచాలి.
  • పురుష అనుమానితులను ఉంచిన లాకప్పులలో ఆడ అనుమానితులను ఉంచకూడదు. ఆడవారిని ప్రశ్నిస్తున్నప్పుడు ఆడ పోలీసు అధికారి లేక కానిస్టేబులు గాని ఉండాలి.
  • ఒక వ్యక్తిని పోలీసులు అరెస్టు చేసి లాకప్పు లో పెట్టగానే, పోలీసులు వెంటనే సమీప లీగల్ ఎయిడ్ కమిటీకి తెలియచేయాలి. లీగల్ ఎయిడ్ కమిటీ రాష్ట్ర ఖర్చుతో అరెస్టు అయిన వ్యక్తికి చట్టపరమైన సహాయం అందిస్తుంది.
  • అరెస్టు అయిన వెంటనే వారిని ఎందుకు అరెస్టు చేసారో తెలియచేయాలి. వారికి బెయిల్ కోసం దరఖాస్తు అర్హతకు సంబంధించిన వివరాలను తెలియ చేయాలి.
  • అరెస్టు చేసిన వెంటనే వారి దగ్గిరి వారు లేదా స్నేహీతుల పేరు వివరాలు తెలుసు కోవాలి. వారికి అరెస్టు సమాచారాన్నిఅందించాలి. వారితో పోలీసులు సంప్రదిస్తూ ఉండాలి.

పరమానంద్ మాత్రా వి. భారతదేశం సమాఖ్య రిట్ పిటిషను (క్రిమినల్) 1988 ఎస్సీ నం 270

  • వైద్యుని సాయం హక్కు - ఈ సందర్భంలో ఒక స్కూటరుపై వెళుతున్న వ్యక్తిని వేగంగా వెళుతున్న కారు గుద్దింది. రక్తస్రావంతో ఉన్న ఆవ్యక్తిని చూసి రోడ్డుపై వెళుతున్న వ్యక్తి అతనిని దగ్గరలోని ఆసుపత్రికి తీసుకు వెళ్ళాడు కాని వైద్యులు గాయపడ్డ వ్యక్తికి చికిత్యచేయడానికి తిరస్కరించారు. అక్కడికి 20 కిలోమీటర్ల దూరంలో ఉన్న వైద్యశాల చట్టపరమైన కేసులు నిర్వహించడానికి అధికారం కలిగి ఉందని అక్కడికి వెళ్లమన్నారు. అలాగే అతను బాధితుడిని హాస్పిటల్ తీసుకెళ్ళాడు కాని తీవ్రగాయాల వలన ఆ బాధితుడు చనిపోయాడు.
  • నిజం - మానవ జీవనాన్ని రక్షించటం చాలా ముఖ్యం. ఆ రోగి ఒక అమాయక వ్యక్తి కావచ్చు లేదా ఒక నేరగాడు కావచ్చు. వారిని రక్షించటం ప్రాణరక్షణలో ముఖ్యుల బాధ్యత.
  • ప్రభుత్వ ఆసుపత్రిలో పని చేస్తున్న వైద్యుడుకాని లేక ఇతర డాక్టరు కాని వారి ప్రాణాలను కాపాడటం వృత్తి ధర్మం. ఏ చట్టం లేదా రాష్ట్ర చర్య వైద్య వృత్తి సభ్యుల అసమానమైన పనినిలో జాక్యం చేసుకోదు. ... ప్రతి వైద్యుడు తను చూసినా లేదా వేరేవారు తీసుకొని వచ్చినా, గాయపడ్డారికి చికిత్స అందించటం వైద్యుడి బాధ్యత.
  • ప్రతి వైద్యుడు ఈ విషయాన్ని తెలుసుకోనేలా మొత్తం భారతదేశంలో దూరదర్శన్, రేడియో ద్వారా మరియు జాతీయ మీడియా ద్వారా ప్రచారం చేయాలి. దీనీని అన్ని సంచికలలోనూ ప్రచురితమయ్యేలా చూడాలి.

మూలం: జాతీయ మహిళా కమిషన్

3.0
బాలాజీ Jan 07, 2018 11:16 PM

ప్రభుత్వ రోడ్డు ప్రక్క నుండి వాటర్ పైపులు యేసుకోవచ్చ సలహా ఇవ్వండీ

మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు