హోమ్ / సామాజిక సంక్షేమం / సంక్షేమ పథకాలు / అటల్ పింఛను పథకం – తరచుగా అడిగే ప్రశ్నలు
పంచుకోండి
వ్యూస్
  • స్థితి: సవరణ కు సిద్ధం

అటల్ పింఛను పథకం – తరచుగా అడిగే ప్రశ్నలు

ఈ పేజి లో అటల్ పెన్షన్ యోజన పథకానికి సంబంధించిన తరచుగా అడిగే ప్రశ్నలు సమాచారం అందుబాటులో ఉంటుంది.

పింఛను అంటే ఏమిటి? దాని అవసరమేంటి?

ప్రజలు సంపాదనలేని కాలంలోనూ పింఛను నెలవారీ ఆదాయాన్ని అందజేస్తుంది.

పింఛను ఆవశ్యకత:

  • వయస్సుతో పాటే అదాయాన్ని సమకూర్చుకునే సామర్థ్యం తగ్గుతుంటుంది.
  • సంపాదించే సభ్యులు విడిపోయి చిన్న కుటుంబాల సంఖ్య పెరుగుతున్నాయి.
  • జీవనవిధానంలో మార్పుల వల్ల ఖర్చులు పెరుగుతున్నాయి.
  • జీవితకాలం పెరుగుతోంది.
  • కచ్చితమైన నెలవారీ రాబడి వ్రుద్ధాప్యంలో గౌరవప్రదమైన జీవితాన్ని ఇస్తుంది.

అటల్ పింఛన్ పథకం అంటే ఏమిటి?

అటల్ పింఛన్ పథకం (ఏపీవై) భారతదేశంలోని అసంఘటిత రంగాల్లో పనిచేసే కార్మికుల కోసం ప్రవేశపెట్టబడినది. ఏపీవై కింద కచ్చితమైన కనీస పింఛను నెలకు రూ 1000/-, 2000/-, 3000/-, 4000/-, 5000/- చొప్పున 60 ఏళ్ల నుంచి ఖాతాదారులు చెల్లించిన మొత్తాన్ని అనుసరించి ఇవ్వబడుతుంది.

ఏపీవై లో ఎవరు ఖాతాదారులుగా చేరవచ్చు?

భారత పౌరుడు ఎవరైనా ఏపోవై పథకంలో చేరవచ్చు. దానికి సంబందించిన అర్హతా ప్రమాణాలు కిందసూచించబడ్డాయి.

  • ఖాతాదారుడి వయస్సు 18 నుంచి 40 సంవత్సరాల మద్య ఉండాలి.
  • అతడు/ఆమె బ్యాంకు పొదుపు ఖాతా కలిగి ఉండాలి/బ్యాంకు పొదుపు ఖాతా ఫ్రారంభించాలి.
  • పథకంలో నమోదు చేయించుకునే సమయంలో దరఖాస్తుదారుడు తన మొబైల్ నెంబరు మరియు పూర్తి వివరాలను బ్యాంకుకు తెలియజేయాలి.

ఖాతాదారులు ఎవరైతే 1 జూన్, 2015 నుంచి డిసెంబర్ 31,2015 మద్య కాలంలో చేరతారో వారికి ప్రభుత్వం నుంచి లభించే మొత్తం 5 సంవత్సరాలు అందుబాటులో ఉంటుంది. అంటే 2015-2016 నుంచి 2019-20 మద్య పథకం వర్తిస్తుంది. చట్టబద్ధమైన సామాజిక రక్షణ పథకాలు వర్తించని మరియు అదాయ పన్ను పరిధిలోకి రానివారికి ప్రభుత్వచెల్లింపు అందుబాటులో ఉంటుంది.

ఇతర సామాజిక రక్షణ లబ్ధిదారులకు ఏపివై లో ప్రభుత్వ చెల్లింపు పొందేందుకు అర్హత లేదా?

చట్టబద్ధమైన సామాజిక రక్షణ లబ్ధిదారులు ప్రభుత్వ చెల్లింపు పొందేందుకు అనర్హులు. ఉదాహరణకు క్రింద సూచించిన సామాజిక రక్షణ పథకాల్లో సభ్యులకు ప్రభుత్వ చెల్లింపులు పొందేందుకు అర్హత లేదు.

  • ఉద్యోగులభవిష్య నిధి మరియు ఇతరాలు నిబంధనల చట్టం, 1952.
  • బొగ్గు గనుల భవిష్య నిధి మరియు ఇతరాలు నిబంధనల చట్టం, 1948.
  • అస్సాం తేయాకు తోటల భవిష్య నిధి మరియు పింఛను నిధి పథకం చట్టం 1955.
  • మత్స్యకారుల భవిష్య నిధి చట్టం, 1966.
  • జమ్మూ మరియు కాశ్మీర్ ఉద్యోగుల భవిష్య నిధి చట్టం, 1961.
  • మరే ఇతర చట్టబద్ధమైన సామాజిక రక్షణ పథకం.

ఏపీవై కింద ఎంత మొత్తం పింఛనుగా అందించబడుతుంది?

ఖచ్చితమైన కనీస పింఛను నెలకు రూ.1000/-, 2000/-, 3000/-, 4000/-, 5000/-, చొప్పున 60ఏళ్ల నుంచి ఖాతాదారులు చెల్లించిన మొత్తాన్ని అనుసరించి ఇవ్వబడుతుంది.

ఏపీవైలో చేరడం వలన ప్రయోజనాలేంటి?

ఐదేళ్ల వ్యవధిలో చెల్లించే మొత్తంలో 50% లేదా ఏడాదికి రూ. 1000 ఏది తక్కువైతే అది ప్రభుత్వం చెల్లిస్తుంది. ఖాతాదారులు ఎవరైతే 1 జూన్,2015 నుంచి 31 డిసెంబర్,2015 మధ్య కాలంలో చేరతారో వారికి ప్రభుత్వ చెల్లింపు మొత్తం 5 సంవత్సరాలు అందుబాటులో ఉంటుంది. అంటే 2015-16 నుంచి2019-20 మధ్య పథకం వర్తిస్తుంది.

ఏపీవైలో పెట్టుబడులు ఏ విధంగా వినియోగించబడతాయి?

భారత ఆర్థిక మంత్రిత్వ శాఖ సూచించిన మార్గదర్శకాల మేరకు ఏపీవైలోని మొత్తం వివిధ పథకాల్లో పెట్టుబడిగా పెట్టబడును. ఏపీవై పథకాన్ని పీఎఫ్ ఆర్డీఏ/ప్రభుత్వం అమలు చేస్తుంది.

ఏపీవై ఖాతా ప్రారంభించడానికి విధివిధానాలు ఏంటి?

  • ఏ బ్యాంకు శాఖలో పొదుపు ఖాతా ఉందో ఆ శాఖను సంప్రదించాలి.
  • ఏపీవై ధ్రువీకరణ పత్రాన్ని నింపాలి.
  • ఆధార్/మొబైల్ నెంబర్ అందజేయాలి.
  • నెలవారీ చెల్లింపు కోసం సూచించిన అవసరమైన మొత్తాన్ని పొదుపు ఖాతాలో నిల్వ ఉంచాలి.

ఈ పథకంలో చేరేందుకు ఆధార్ సంఖ్య తప్పనిసరా?

ఏపీవై ఖాతా తెరిచేందుకు ఆధార్ సంఖ్య ఇవ్వడం తప్పని సరి కాదు. అయితే నమోదు చేయించుకోవాలంటే లబ్ధిదారుడు,జీవిత భాగస్వామి మరియు నామినీల గుర్తింపునకు,భవిష్యత్ లో తలెత్తే పించను సంబంధిత హక్కులు మరియు అర్హత సంబంధిత విభేదాలు రాకుండా చేసేందుకు ఆధార్ ఒక ముఖ్యమైన పత్రం.

బ్యాంకు పొదుపు ఖాతాలేకుండా నేను ఏపీవై ఖాతా ప్రారంభించవచ్చా?

అవకాశం లేదు, ఏపీవైలో చేరాలంటే బ్యాంకు పొదుపు ఖాతా తప్పనిసరి.

ఖాతాకు భాగస్వామ్యపు చెల్లింపు విధానం ఏమిటి?

చెల్లింపులన్నీ ఖాతాదారులపొదుపు ఖాతా నుంచి ప్రతినెలా అటోమెటిక్ గా బదలాయించబడును.

నెలవారీ చెల్లింపునకు గడువు ఎప్పుడు ఉంటుంది?

ఏపీవైలో జమ చేసిన ప్రారంభ తేదీని అనుసరించి నెలవారీ చెల్లింపు గడువు ఉంటుంది.

చెల్లించాల్సిన గడువు సమయానికి బ్యాంకు పొదుపు ఖాతాలో తగినంత నగదు నిల్వ లేనట్లయితే ఏం జరుగుతుంది?

నిర్ణీత గడువు సమయానికి బ్యాంకు పొదుపు ఖాతాలో సరైన నగదు నిల్వ లేనట్లయితే నిబంధనల్ని అతిక్రమించినట్లుగా పరిగణిస్తారు. అలస్యంగా జరిపే చెల్లింపులకు బ్యాంకులు అదనపు సొమ్ము వసూలు చేయాల్సి ఉంటుంది,ఆ మొత్తం నెలకు రూ. 1 నుంచి రూ. 10 వరకు కింద చూపిన విధంగా ఉంటుంది.

  • చెల్లింపు నెలకు రూ.100 వరకు నెలకు రూ. 1.
  • చెల్లింపు నెలకు రూ. 101 నుంచి 500 వరకు నెలకు రూ. 5.
  • చెల్లింపు నెలకు రూ.501 నుంచి1000 వరకునెలకు రూ. 5.
  • చెల్లింపు నెలకు రూ. 1001 కి పైబడి నెలకు రూ. 10.

చెల్లింపులు నిలిపివేసినట్లయితే పరిణామాలు ఈ క్రింది విధంగా ఉంటాయి:

  • 6నెలల తర్వాత ఖాతా స్తంభింపడుతుంది.
  • 12 నెలల తర్వాత ఖాతా రద్దుచేయబడుతుంది.
  • 24 నెలల తర్వాత ఖాతా మూసివేయబడుతుంది.
  • ఖాతాదారుడి ప్రమేయం లేకుండా బ్యాంకు ఖాతా నుంచి తన వంతు మొత్తాన్ని చెల్లించేందుకు వీలుగా ఖాతాలో తగినంత మొత్తాన్ని నిల్వ ఉంచాలి.
  • ఖాతాదారుడి పించనులో వడ్డీ/అపరాధ రుసుము నిర్ణీత మొత్తంలో భాగంగా ఉంటాయి.

రూ.1000కచ్చితమైన పింఛను పొందాలంటే ఏపీవైలో నేను ఎంత పెట్టుబడి పెట్టాల్సి ఉంటుంది?

ప్రవేశ వయస్సు చెల్లింపు గడువు (సంవత్సరాల్లో) నెలవారీ చెల్లింపుల పట్టిక
18 42 42
20 40 50
25 35 76
30 30 116
35 25 181
40 20 291

చెల్లింపులన్నీ ఖాతాదారుల పొదుపు ఖాతా నుంచి నెలవారీ చెల్లింపుల ద్వారా తీసుకోబడును.

వయస్సు రీత్యా చేయాల్సిన చెల్లింపుల పూర్తి సమాచారం కోసం Annexure 1 చూడండి.

ఈ పథకంలో చేరే సమయంలో నామినీ వివరాలు తెలియజేయడం అవసరమా?

అవును. ఏపీవై ఖాతాలో నామినీ వివరాలు అందజేయడం తప్పనిసరి. భాగస్వామి వివరాలు సైతం కచ్చితంగా అందజేయాల్సి ఉంటుంది. వారి ఆధార్ వివరాలు సైతం అందించాల్సి ఉంటుంది.

నేను ఎన్ని ఏపీవై ఖాతాలు ప్రారంభించవచ్చు?

ఒక ఖాతాదారుడు కేవలం ఒకే ఒక ఏపీవై ఖాతా ప్రారంభించే అవకాశం ఉంటుంది. ఎందుకంటే ఇది ప్రత్యేకమైనది.

పింఛను మొత్తాన్ని తగ్గించుకునేందుకు వీలుగా నెలవారీ చెల్లింపులు తక్కువ లేదా ఎక్కువ చేసుకునే అవకాశం ఉందా?

అందుబాటులోని నెలవారీ పింఛను మొత్తాల మేరకు ఖాతాదారుల పింఛను మొత్తాన్ని తగ్గించుకునేందుకు లేదా పెంచుకునేందుకు వీలుంది. ఈ మేరకు ఏడాదిలో ఒకసారి ఏప్రిల్ నెలలో ఈ సదుపాయం కల్పించబడినది.

ఏపీవై నుంచి ఉపసంహరించుకునేందుకు విదివిధానాలు ఏమిటి?

అ. 60 ఏళ్ళ వయస్సు వచ్చిన తర్వాత ఉపసంహరించుకోవచ్చు. 100% పింఛను మొత్తాన్ని తీసుకుని ఏపీవై నుంచి తప్పుకునేందుకు అనుమతించబడుతుంది. ఈ సమయంలో ఖాతాదారుడికి పింఛను మొత్తం అందుబాటులోకి వస్తుంది.

ఏదైనా కారణంతో ఖాతాదారుడు మరణిస్తే:

ఖాతాదారుడు ఏదైనా కారణంతో మరణిస్తే పింఛను వారి జీవిత భాగస్వామికి అందించబడుతుంది. ఇద్దరూ మరణిస్తే (ఖాతాదారుడు మరియు జీవిత భాగస్వామి) పింఛను మొత్తం నామినీకి అందజేయడం జరుగుతుంది.

60 ఏళ్ళ కంటే ముందే తీసుకోవాలంటే:

కొన్ని ప్రత్యేక సందర్బాలలో అంటే లబ్దిదారుడు మరణిస్తే లేదా నయంకాని వ్యాధితో బాధపడుతున్నట్లైతే 60 ఏళ్ళ కంటే ముందే పింఛను మొత్తాన్ని తీసుకునేందుకు అనుమతిస్తారు, లేకుంటే ముందస్తు చెల్లింపు అనుమతించబడదు.

నా చెల్లింపుల స్థితిగతులను ఏవిధంగా తెలుసుకోవచ్చు?

చెల్లింపుల సమాచారం ఖాతాదారుడు నమోదు చేసుకున్న అధీకృత మొబైల్ నెంబరుకు సంక్షిప్త సందేశం(ఎసెఎమ్ ఎస్) ద్వారా తెలియజేయబడుతుంది. అంతేకాకుండా ఖాతాదారుడు తన ఖాతాకు సంబంధించిన వివరాలు స్టేట్మెంట్ ద్వారా కూడా తెలుసుకోవచ్చు.

నేను లావాదేవీల వివరాలు పొదగలనా?

తప్పకుండా ఏపీవై ఖాతా వివరాలు ఖాతాదారులకు అందజేయబడతాయి.

నా చిరునామ/నగరాల్లో మార్పు జరిగినట్లైతే ఏపీవై ఖాతాలో ఏవిధంగా చెల్లింపులు చేయవచ్చు?

ఒకే ప్రాంతంలో ఉన్నా లేకున్నా చెల్లింపులకు అంతరాయం కలగకుండా వీలుగా బ్యాంకు ఖాతా నుంచి నేరుగా చెల్లించే సదుపాయం ఉంది.

ఇప్పటికే స్వావలంబన్ పథకంలో ఖాతాదారులైతే ఏం జరుగుతుంది?

  • స్వావలంబన్ పథకంలో నమోదు చేయించుకున్న 18-40 ఏళ్ళ మద్యనున్న ఖాతాదారులు అభ్యంతరం వ్యక్తంచేయకుంటే  ఏపీవైలోకి మార్చబడతారు. ఖాతాదారులు ఎవరైతే 1 జూన్ 2015 నుంచి 31 డిసెంబర్ 2015 మద్య కాలంలో చేరతారో వారికి ప్రభుత్వ భాగస్వామ్యం 5 సంవత్సరాలు అందుబాటులో ఉంటుంది.అంటే 2015-16 నుంచి 2019-20 మద్య పథకం వర్తిస్తుంది. స్వావలంబన్ ఖాతాదారుడు అర్హుడైనట్లయితే ఏపీవై పథకంలోకి వారి అంగికారంతో మార్చబడుతుంది.అంటే స్వాలంబన్ ఖాతాదారుడు ఎవరైతే ఉన్నారో వారికి ఐదేళ్లపాటు ఏపీవై పథకం కింద ప్రభుత్వ భాగస్వామ్యం లభిస్తుంది. అంటే ఇప్పటికే ఒక ఏడాది ప్రభుత్వం భాగస్వామ్యం  పొంది ఉంటే మిగిలిన 4 సంవత్సరాలకు ఈ పథకం వర్తిస్తుంది. స్వావలంబన్ లబ్ధిదారులకు ఏపీవై పథకంలోప్రభుత్వ భాగస్వామ్యం 2016-17 వరకు అందించబడుతుంది. అర్హులైన వారికి జాతీయ పింఛను పథకం ప్రకారం స్వావలంబన్ పథకం నిబంధనల ప్రకారం వయోపరిమితి మేరకు కొనసాగించబడుతుంది.
  • 40 ఏళ్లు పై బడిన ఖాతాదారులు ఈ పథకంలో కొనసాగేందుకు ఆసక్తి చూపించకపోతే మొత్తం పెట్టుబడిని వెనక్కి తీసుకోవచ్చు.
  • 40 ఏళ్లు పైబడిన ఖాతాదారులకు ఈ పథకంలో కొనసాగేందుకు ఆసక్తి కలిగి ఉన్నట్లయితే వారికి 60 సంవత్సరాలువచ్చేవరకూ కొనసాగి అన్ని సదుపాయాలు పొందవచ్చు.
  • ప్రస్తుత్తం ఉన్న స్వావలంబన్ పథకం ఏపీవై పథకంలోనికి మార్చబడుతుంది.

ఏపివై చెల్లింపుల పట్టిక (వయస్సు వారీ)

ప్రవేశ వయస్సు చెల్లింపు గడువు (సం!!) నెలవారీ పింఛను రూ 1000. నెలవారీ పింఛను రూ 2000. నెలవారీ పింఛను రూ 3000. నెలవారీ పింఛను రూ 4000. నెలవారీ పింఛను రూ 5000.
18 42 42 84 126 168 210
19 41 46 92 138 183 228
20 40 50 100 150 198 248
21 39 54 108 162 215 269
22 38 59 117 177 234 292
23 37 64 127 192 254 318
24 36 70 139 208 277 346
25 35 76 151 226 301 376
26 34 82 164 246 327 409
27 33 90 178 268 356 446
28 32 97 194 292 388 485
29 31 106 212 318 423 529
30 30 116 231 347 462 577
31 29 126 252 379 504 630
32 28 138 276 414 551 689
33 27 151 302 453 602 752
34 26 165 330 495 659 824
35 25 181 362 543 722 902
36 24 198 396 594 792 990
37 23 218 436 654 870 1087
38 22 240 480 720 957 1196
39 21 264 528 792 1054 1318
40 20 291 582 873 1164 1454

ఆధారము : అటల్ పింఛను పథకం

3.44186046512
Chintala praveen Dec 22, 2018 06:20 AM

ప్రస్తుతం రాష్ట్ర ప్రభుత్వాలు 60 సంవత్సరాల వయస్సు ఉన్న వాళ్ళకి 1000 రూపాయల పెన్షన్ ఇస్తుంది...కదా....మనం అటల్ పెన్షన్ యోజన లో జాయిన్ అయిన తర్వాత.. 60 ఇయర్స్ వచ్చాక...రాష్ట్ర ప్రభుత్వం కేంద్ర ప్రభుత్వం రెండు పెన్షన్లు పొందగలమా

మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు