పంచుకోండి
వ్యూస్
  • స్థితి: సవరణ కు సిద్ధం

మధ్యంతర నిబంధనలు

మధ్యంతర నిబంధనలు

జీఎస్టీకి ముందునాటి చట్టం కింద చివరి రిటర్ను ప్రకారం జమ అయిన సెస్ వ్యాట్/ఐటీసీ(CENVAT/ITC)ల జీఎస్టీ కింద ఐటీసీగా లభ్యమవుతాయా?

అవును. నమోదిత పన్ను చెల్లింపుదారు అటువంటి జమలు పొందడానికి అర్జుడే. సదరు మొత్తాలను వారి ఎలక్ట్రానిక్ జమ (Credit)ల ఆవర్జాలో జమ చేస్తారు - సెక్షన్ 143.

నమోదిత పన్ను చెల్లింపుదారు 2016-17 చివరి తైమాసికంలో మూలధన వస్తువులు (capital goods) కొనుగోలు చేశాడనుకుందాం. దీనిపై బిల్లు మార్చి 31వ తేదీకి ముందే అందినా మూలధన వస్తువులు మాత్రం 2017 ఏప్రిల్ 5వ తేదీన అందుకున్నాడు (అంటే జీఎస్టీ కాలంలో). అటువంటి సందర్భంలో సదరు వ్యక్తి 2017-18లో సెస్ వ్యాట్ (CENVAT) పూర్తి జమ పొందగలడా?

అవును. సదరు వ్యక్తి 2017-18లో పూర్తి జమ పొందడానికి అర్జుడేసెక్షన్ 144 (1)కి వివరణ.

మునుపటి చట్టం ప్రకారం 'X, Y అనే మూలధన వస్తువులకు వ్యాట్ జమ వర్తించదు. కానీ, జీఎస్టీలో వాటికి స్థానం కల్పించినందువల్ల సదరు వస్తువులకు నమోదిత పన్ను చెల్లింపుదారు ఇప్పుడు జమ కోరగలడా?

అటువంటి వస్తువుల మీద జీఎస్టీలోనే కాకుండా మునుపటి చట్టం కింద కూడా ఐటీసీ లభించేట్లయితే మాత్రమే ఇప్పుడు జమ పొందడానికి అతడు అర్జుడవుతాడు. సదరు రెండు వస్తువులకు మునుపటి చట్టంలో క్రెడిట్ లేదు గనుక జీఎస్టీలో దాన్ని కోరజాలడు- సెక్షన్ 144(1)కింద షరతు.

ఒక వ్యక్తి తప్పుడు పద్ధతిలో ఐటీసీ పొందాడనుకుందాం. అటువంటప్పుడు దాన్ని తిరిగి జీఎస్టీ కింద రాబడతారా? లేక మునుపటి చట్టం ప్రకారం వసూలు చేస్తారా?

ఆ విధంగా తప్పుడు మార్గంలో పొందిన ఐటీసీని జీఎస్టీ కింద మాత్రమే తిరిగి రాబడతారు- సెక్షన్ 143 నుంచి 146.

నమోదితులైన పన్ను విధించదగిన వ్యక్తులకు మునుపటి చట్టం ప్రకారం రిజిస్టర్ అయ్యే బాధ్యత లేకపోయినా ప్రస్తుతం జీఎస్టీ కింద నమోదు కావాల్సిన అవసరం ఏర్పడటంపై రెండు ఉదాహరణలివ్వండి?

ఒక ఉత్పత్తిదారు రూ.60 లక్షల వార్షిక వ్యాపార పరిమాణం గలవాడనుకుందాం. మునుపటి చట్టం ప్రకారం అతడు చిన్నతరహా పరిశ్రమ (SSI) కింద నమోదునుంచి మినహాయింపు పొందాడు. అయితే, జీఎస్టీ కింద ప్రాథమిక వ్యాపార పరిమాణం పరిమితి రూ.10 లక్షలకన్నా అది ఎక్కువ కాబట్టి ఇప్పుడు రిజిస్టర్ చేసుకోవాల్సిందే- సెక్షన్ 9.; ఒక వ్యాపారి వార్షిక వ్యాపార పరిమూణం వ్యాట్ పరిమితికన్నా తక్కువగా ఉండి ఈ-కామర్స్ నిర్వాహకులద్వారా వ్యాపారం చేస్తున్నా జీఎస్టీ కింద నమోదై తీరాల్సిందే. అటువంటి వ్యక్తులకు కనిష్ట పరిమితి ఏదీ ఉండదు- సెక్షన్ 145ను సెక్షన్ 9, షెడ్యూలు IIIతో కలిపి చదువుకోవాలి.

జీఎస్టీ అమలులోకి వచ్చేనాటికి ఒక సేవాప్రదాత వద్ద వ్యాట్ చెల్లించిన ఉత్పాదకాల నిల్వ ఉన్నట్లయితే అతడికి ఐటీసీని అనుమతించవచ్చా?

లేదు. సేవల రంగానికి వ్యాట్ వర్తించదు. దానికింద వస్తువులు మాత్రమే పరిగణనలోకి వస్తాయి.

ఒక నమోదిత పన్ను విధించదగిన వ్యక్తి చివరి రిటర్ను నుంచి మునుపటి చట్టం కింద జమల ఆవర్జాలో రూ.1000 ఐటీసీ కింద చేరిందనుకుందాం. జీఎస్టీ కింద అతడిప్పుడు సరళ పన్ను లెక్కింపు పధకానికి మారాడనుకుందాం. అలాంటి సందర్భంలో అతడు ఐటీసీ వాపసు పొందగలడా?

లేదు. అతడు సరళ పన్ను లెక్కింపు పధకానికి మారిన మరునాడే ఐటీసీ జమకు సమానమైన మొత్తాన్ని చెల్లించాల్సి ఉంటుంది. ఆ సొమ్మును ఎలక్ట్రానిక్ జముల లెడ్జర్ ద్వారా లేదా ఎలక్ట్రానిక్ నగదు లెడ్జర్ ద్వారాగానీ చెల్లించవచ్చు. ఎలక్ట్రానిక్ జమల లెడ్డర్ ద్వారా చెల్లిస్తే దీనికి మించి ఉన్న ఐటీసీ నిల్వ మురిగిపోతుంది- దీనికి సంబంధించిన సెక్షన్ 147.

సీఎస్టీ (Central Sales Tax Act) అమ్మకాల వాపసు ను ఆరు నెలల్లోగా వార్షిక వ్యాపార పరిమాణం నుంచి తగ్గించవచ్చు. అయితే, కొనుగోలుదారు జీఎస్టీ అమలైన ఆరు నెలల తర్వాత వస్తువులు వాపసు చేస్తే, వాటిపై పన్నును సీఎస్టీ, జీఎస్టీలలో దేనికింద లెక్కించాలి?

ముందుగా సదరు వస్తువులు జీఎస్టీ కింద పన్ను విధించదగినవో, కాదో రూడి చేసుకోవాలి. ఆ తర్వాత జీఎస్టీ ప్రవేశపెట్టిన ఆరు నెలల తర్వాత ఆ వస్తువులు తిరిగివచ్చాయా అన్నది చూడాలి. ఈ రెండింటికీ "అవును” అన్నది సమాధానమైతే వస్తువలు వాపసు చేసిన వ్యక్తి జీఎస్టీ కింద పన్ను చెల్లించాలి. అయితే, జీఎస్టీ ప్రారంభమైన ఆరు నెలల్లోగా వస్తువులు వాపసు చేసి ఉంటే, అవి గుర్తించదగిన స్థితిలో ఉంటే అతడు ఎలాంటి పన్ను చెల్లించనక్కరలేదు. ఇక మునుపటి చట్టం ప్రకారం అమ్మకాల సమయంలో పన్ను చెల్లించి ఉంటాడు కాబట్టి, అది ఆరునెలల వ్యవధికిలోగా జరిగిన లావాదేవీ కాబట్టి- సంబంధిత సెక్షన్ 149.

ఉత్పత్తిదారు లేదా వస్తు తయారీ నిపుణుడు ముడి పదార్థాలు లేదా కొంత తయారైన వస్తువులను మునుపటి చట్టంకింద అందుకుని, జీఎస్టీ ప్రవేశం తర్వాత పూర్తయిన వస్తువులను అందజేస్తే పన్ను చెల్లించాల్సిన బాధ్యత వారిపై ఉంటుందా?

ఉండదు. కింది పరిస్థితులలో తయారీదారు లేదా నిపుణుడు ఎలాంటి పన్ను చెల్లించనక్కర్లేదు:-

  • ముడి పదార్థాలు/సగం పూర్తయిన వస్తువులను మునుపటి చట్ట నిబంధనల కింద, జీఎస్టీ ప్రవేశ తేదీకి ముందే పంపినప్పుడు;
  • పూర్తయిన వస్తువులను నిపుణుడు జీఎస్టీ ప్రవేశ తేదీకి ఆరు నెలలకు ముందే (లేదా పొడిగించిన రెండు నెలల వ్యవధిలోగా) వాపసు చేసినప్పుడు; ఉత్పత్తిదారు, వృత్తి నిపుణుడు తమవద్దగల ముడి పదార్థాల నిల్వ వివరాలను నిర్దేశిత ఫారంలో జీఎస్టీ ప్రవేశపెట్టే తేదీన ప్రకటించినప్పుడు; దీనికి సంబంధించిన సెకన్లు 150, 151.

నిర్దిష్ట వ్యవధిలోగా వృత్తి నిపుణుడు వస్తువులను తిరిగి ఇవ్వకపోతే ఏమవుతుంది?

వృత్తి నిపుణుడే పన్ను చెల్లించాల్సి ఉంటుంది. అంతేగాక ఉత్పత్తిదారు కూడా నిర్దేశిత కాలపరిమితి ముగిసినందున పన్ను చెల్లింపునకు బాధ్యుడవుతాడు- సెకన్లు 150(1), 151 (1).

పన్ను విధించదగిన వ్యక్తి ప్రాంగణానికి పూర్తయిన వస్తువులను పరీక్షకోసం ఉత్పత్తిదారు పంపినప్పుడు వాటిని అతడికి బదిలీ చేయవచ్చా?

చేయవచ్చు. మునుపటి చట్టాల ప్రకారం సదరు వస్తువులను నమోదిత పన్ను విధించదగిన వ్యక్తి ప్రాంగణానికి పంపినప్పుడు జీఎస్టీ ప్రవేశపెట్టిన ఆరు నెలల్లోగా లేదా పొడిగించిన వ్యవధిలోగా ఎగుమతిపై పన్ను చెల్లించిగానీ, చెల్లించకుండాగానీ బదిలీ చేయవచ్చు- సెక్షన్ 152

ఒక ఫ్యాక్టరీ నుంచి పూర్తయిన వస్తువులను నిర్ణీత ప్రక్రియ కోసం మునుపటి చట్టం కాలంలో పంపి, అవి జీఎస్టీ మొదలైన రోజు లేదా ఆ మరునాడు తిరిగి వచ్చినప్పుడు జీఎస్టీ చెల్లించాల్సి ఉంటుందా?

నిర్ణీత ప్రక్రియ కోసం జీఎస్టీ ప్రవేశానికి ముందే పంపినందున ఉత్పత్తిదారు లేదా వృత్తి నిపుణుడు జీఎస్టీ చెల్లించనక్కర్లేదు. సదరు ప్రక్రియ ఉత్పత్తి కిందకు రాకపోవడమేగాక జీఎస్టీ ప్రవేశం తర్వాత 6 నెలల్లోగా (లేదా పొడిగించిన గడువు 2 నెలల్లోగా) తిరిగి వచ్చినందున పన్ను చెల్లించే బాధ్యత లేదు- సెక్షన్ 152.

మునుపటి చట్ట కాలంలో వృత్తి నిపుణుడికి పంపగా పూర్తయిన వస్తువులపై ఏ పరిస్థితులలో జీఎస్టీ చెల్లించాల్సిన బాధ్యత ఉంటుంది?

సదరు వస్తువులు జీఎస్టీ కింద పన్ను పరిధిలోకి వచ్చేవిగా ఉన్నపుడు వాటిని పంపిన  వ్యక్తి పన్ను చెల్లించాల్సి ఉంటుంది. అలాగే నియమిత దినం నుంచి ఆరు నెలల తర్వాత పంపినా పన్నుకు బాధ్యుడవుతాడు- సెక్షన్ 152.

సెకన్లు 150, 151,152 కింద పేర్కొన్న రెండు నెలల గడువు పొడిగింపు దానంతటదే అమలవుతుందా?

లేదు. అది దానంతటదిగా వర్తించేది కాదు. తగిన కారణాలు చూపినప్పుడు మాత్రమే సముచిత అధికారి పొడిగింపు ఆదేశాలిస్తారు.

ధరల సవరణకు సంబంధించి డెబిట్/క్రెడిట్ నోట్ జారీకి ఏదైనా కాలపరిమితి ఉందా?

ధరల సవరణ తర్వాత 30 రోజుల్లోగా పన్ను విధించదగిన వ్యక్తి డెబిట్/క్రెడిట్ నోట్ జారీచేయవచ్చు. దిగువస్థాయికి ధరల సవరణ జరిగితే పన్ను విధించదగిన వ్యక్తి తన పన్ను బాధ్యతను తగ్గించుకునేందుకు అనుమతి లభిస్తుంది. అయితే, బిల్లు లేదా క్రెడిట్ నోట్ గ్రహీత సదరు ధరల తగ్గుదలకు అనుగుణంగా తన ఐటీసీని తగ్గించుకున్నపుడు మాత్రమే ఇది సాధ్యం- సెక్షన్ 153.

మునుపటి చట్టం కింద పెండింగ్ లో ఉన్న వాపసు రావాల్సిన పన్ను/వడ్డీ సంగతి ఏమవుతుంది?

మునుపటి చట్టంలోని నిబంధనల ప్రకారమే సదరు పెండింగ్ క్లెయిములను పరిష్కరించాల్సి ఉంటుంది-సెక్షన్ 154.

మునుపటి చట్టం కింద పెండింగ్ లో ఉన్న సెస్ వ్యాట్/ఐటీసీ క్లెయిములపై అప్పీలు లేదా సమీక్ష సంగతి ఏమవుతుంది? ఒకవేళ అది సొంత అమ్మకాలపై బాధ్యత అయితే ఏమవుతుంది?

ఈ రెండు సందర్భాల్లోనూ మునుపటి చట్టంలోని నిబంధనల ప్రకారమే సదరు వ్యవహారాలను పరిష్కరించాల్సి ఉంటుంది- సెక్షన్ 155/156.

పునర్విచారణ లేదా సవరణ ఉత్తర్వులు పన్ను చెల్లింపుదారుకు అనుకూలమైతే జీఎస్టీకింద వాపసు ఉంటుందా? ఉత్తర్వు అతడికి ప్రతికూలమైతే ఏమవుతుంది?

వాపసు ప్రక్రియ మునుపటి చట్టం ప్రకారం మాత్రమే ఉంటుంది. ఒకవేళ ఏదైనా రాబట్టాల్సి ఉంటే మాత్రం జీఎస్టీకింద బకాయి పన్నుగా రాబడతారు.

మునుపటి చట్టం ప్రకారం సవరించిన రిటర్నుల సమర్పణ వల్ల వాపసు చెల్లించాల్సి వస్తే జీఎస్టీ కింద దాన్నెలా పరిష్కరిస్తారు?

వాపసు ప్రక్రియ మునుపటి చట్టం ప్రకారం మాత్రమే ఉంటుంది- సెక్షన్ 158.

మునుపటి చట్టం కింద కుదుర్చుకున్న ఒప్పందం ప్రకారం జీఎస్టీ కాలంలో వస్తుసేవలు సరఫరా చేసినట్లయితే ఏ చట్టం కింద పన్ను చెల్లించాల్సి ఉంటుంది?

అటువంటి సరఫరాల మీద జీఎస్టీనే చెల్లించాల్సి ఉంటుంది- సెక్షన్ 159.

మునుపటి చట్టం కింద నిర్దిష్ట వస్తుసేవల సరఫరాకు అంగీకరించి, ఆ మేరకు పన్ను కూడా చెల్లించాక, వాటిని జీఎస్టీ కాలంలో సరఫరా చేస్తే జీఎస్టీ కూడా చెల్లించాల్సి వస్తుందా?

వస్తుసేవల సరఫరా కోసం జీఎస్టీకి ముందు కాలంలో మునుపటి చట్టం ప్రకారమే ఒప్పందం కుదుర్చుకుని, పన్ను కూడా చెల్లించి ఉంటే అటువంటి వస్తుసేవల సరఫరా మీద జీఎస్టీ అమలులోకి వచ్చినప్పటికీ ఎలాంటి పన్ను చెల్లించనక్కర్లేదు- సెక్షన్ 160.

వస్తుసేవల సరఫరా మునుపటి చట్టం ప్రకారమే పూర్తయినా అంగీకరించిన మొత్తంలో కొంత (నిలుపుదల ధనం అనుకుందాం) జీఎస్టీ కాలంలో అందుకున్నట్లయితే, జీఎస్టీ చెల్లించాల్సి ఉంటుందా?

లేదు. సదరు వస్తుసేవల సరఫరాపై పన్ను/సుంకాలను మునుపటి చట్టం ప్రకారం పూర్తిగా చెల్లించి ఉంటే మళ్లీ చెల్లించనవసరం లేదు- సెక్షన్ 161.

మునుపటి చట్టం ప్రకారం ISD కింద సేవలు పొందినట్లయితే దానికి సంబంధించి ఐటీసీని జీఎస్టీ ప్రవేశానంతరం పంపిణీ చేస్తారా?

అవును. అటువంటి సేవలకు సంబంధించిన బిల్లులు జీఎస్టీకి ముందు లేదా అమలులోకి వచ్చిన తేదీన అందాయన్నదానితో నిమిత్తం లేకుండా పంపిణీ చేస్తారు- సెక్షన్ 162.

జీఎస్టీ అమలులోకి వచ్చేనాటికి ప్రధాన వ్యక్తికి చెందిన వస్తువులు (మూలధన వస్తువులుసహా) ప్రతినిధుల వద్ద ఉన్నట్లయితే వాటిపై ప్రతినిధి ఐటీసీని పొందగలడా?

జవాబు: కింది షరతులను అతడు సంతృప్తిపరచగలిగితే ఐటీసీని ప్రతినిధి పొందగలడు:-

  • సదరు ప్రతినిధి జీఎస్టీ కింద నమోదై ఉండాలి;
  • ప్రధాన వ్యక్తి, ప్రతినిధి ఇద్దరూ తమవద్దగల సరకు నిల్వల వివరాలను జీఎస్టీ అమలులోకి వచ్చే ముందురోజు స్పష్టంగా ప్రకటించి ఉండాలి;
  • అటువంటి వస్తువుల బిల్లులు నియమిత దినం ముందు రోజనాటికి 12 నెలల కిందట జారీచేసినవై ఉండాలి;
  • సదరు వస్తువులపై ఐటీసీని ప్రధాన వ్యక్తి వాపసు తీసుకోవడమో, వినియోగించుకోవడమే చేసి ఉండకూడదు. ఈ నిబంధన ఎస్టీఎస్టీ చట్టానికి మాత్రమే వర్తిస్తుంది- సెక్షన్ 162A, 162B.

జీఎస్టీ అమలులోకి వచ్చే ముందు ఆమోదం పొంది పంపిన వస్తువులు అమలులోకి వచ్చిన ఆరు నెలల తర్వాత అమ్మకందారుకు తిరిగి వచ్చినపుడు వాటిపై జీఎస్టీ చెల్లించాల్సి ఉంటుందా?

అవును. సదరు వస్తువులు జీఎస్టీ కింద పన్ను విధించదగినవైతే వాటిని తిరస్కరించిన వ్యక్తి నియమిత దినం నుంచి ఆరు నెలల తర్వాత (2 నెలల పొడిగింపు కూడా ఇచ్చి ఉండవచ్చు) వాటిని తిప్పి పంపినప్పుడు పన్ను చెల్లించాల్సి ఉంటుంది. ఈ నిబంధన ఎస్జీఎస్టీ చట్టానికి మాత్రమే వర్తిస్తుంది- సెక్షన్ 162D.

ఆధారం : సెంట్రల్ బోర్డ్ అఫ్ ఎక్సైజ్ మరియు కస్టమ్స్

2.99919419823
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు