పంచుకోండి
వ్యూస్
  • స్థితి: సవరణ కు సిద్ధం

వస్తు, సేవల పన్ను స్థూల పరిశీలన (GST)

వస్తువులు మరియు సేవలపై విధించే గమ్య ఆధారిత పన్ను ఇది. క్లుప్తంగా చెప్పాలంటే విలువ జోడింపు పైన మాత్రమే పన్ను విధించడం జరుగుతుంది.

వస్తువులు మరియు సేవల పన్ను (GST) అంటే ఏమిటి?

వస్తువులు మరియు సేవలపై విధించే గమ్య ఆధారిత పన్ను ఇది. ఉత్పత్తి నుంచి అంతిమంగా వినిమయం వరకు అన్ని దశల్లో దీనిని విధించాలని ప్రతిపాదించడమైంది. మునుపటి దశలలో చెల్లించిన పన్నులను సెటాఫ్ గా చూపించడం జరుగుతుంది. క్లుప్తంగా చెప్పాలంటే విలువ జోడింపు పైన మాత్రమే పన్ను విధించడం జరుగుతుంది. అలాగే అంతిమ వినియోగదారుని పైనే పన్ను భారం పడుతుంది.

వినియోగంపై గమ్య ఆధారిత పన్ను అంటే ఏమిటి?

వినిమయ ప్రదేశం సాధికార పరిధిలోకి వచ్చే పన్ను విభాగానికి మాత్రమే ఈ పన్ను జమ అవుతుంది. ఈ పరిధినే సరఫరా జరుగు ప్రదేశంగా కూడా పిలుస్తారు.

ప్రస్తుతమున్న పన్నులలో జీ.ఎస్.టీ రాకతో రద్దయ్యేవి ఏవి?

ఈ దిగువ పన్నుల స్థానాన్ని జీ.ఎస్.టీ. ఆక్రమిస్తుంది.

    1.ప్రస్తుతం కేంద్రం వసూలు చేస్తున్న పన్నులు:
  • కేంద్ర ఎక్సైజ్ సుంకం
  • ఎక్సైజ్ సుంకాలు (ఔషధాలు, సౌందర్య సాధనాలు)
  • అదనపు ఎక్సైజ్ సుంకాలు (ప్రత్యేక ప్రాముఖ్యం కలిగిన ఉత్పత్తులు)
  • అదనపు ఎక్సైజ్ సుంకాలు (జౌళి మరియు జౌళి ఉత్పత్తులు)
  • అదనపు కస్టమ్స్ సుంకాలు (వీటిని సాధారణంగా సీవీడీ అని పిలుస్తారు)
  • ప్రత్యేక అదనపు కస్టమ్స్ సుంకం (ఎస్ఏడీ)
  • సర్వీస్ ట్యాక్స్
  • వస్తు, సేవలపై కేంద్ర సర్చార్టీలు, సెస్సులు
    2.జీ.ఎస్.టీ వల్ల రద్దయిపోయే రాష్ట్ర పన్నులు
  • విలువ ఆధారిత పన్ను రాష్ట్ర సుంకం (వ్యాట్)
  • కేంద్ర అమ్మకం పన్ను
  • విలాస సుంకం
  • ప్రవేశ సుంకం (అన్ని రూపాల్లో)
  • వినోదం మరియు ఉల్లాసపు సుంకం (స్థానిక సంస్థలు విధించేది మినహా)
  • ప్రకటనలపై విధించే పన్ను
  • కొనుగోలు సుంకం
  • లాటరీలు, పందాలు, జూదంపై విధించే సుంకం

వస్తు, సేవలపై ఇప్పటిదాకా రాష్ట్రాలు విధిస్తున్న సర్చార్టీలు, సెస్సులు జీ.ఎస్.టీ కింద రద్దయిపోయే కేంద్ర, రాష్ట్ర స్థానిక సంస్థల పన్నులు, సెస్సులు, సర్బార్టీలపై కేంద్రానికి, రాష్ట్రాలకు జీ.ఎస్.టీ కౌన్సిల్ సిఫారసులు చేస్తుంది.

పైన తెలిపిన పన్నులను జీఎస్.టీలో విలీనం చేసేందుకు ఆమోదించిన సూత్రాలేవి?

జీఎస్.టీలో విలీనం చేసేందుకు గల అవకాశాల నిమిత్తం వివిధ కేంద్ర, రాష్ట్ర స్థానిక సంస్థల పన్నులను పరిశీలించడం జరిగింది. ఈ దిగువ సూత్రాలను దృష్టిలో ఉంచుకుని వీటిని గుర్తించారు. జీఎస్.టీలో విలీనం చేసేవి ప్రాథమికంగా వస్తువుల సరఫరా లేదా సేవల సరఫరాపై విధించే పరోక్ష పన్నులై ఉండాలి.

విలీనం చేసే సుంకాలు వస్తువులు మరియు సేవల యొక్క దిగుమతి/ తయారీ/ ఉత్పత్తితో ప్రారంభించి అంతిమంగా వాటి వినిమయం వరకు జరిగే లావాదేవీల పరంపర (శృంఖ)లకు చెందినవై ఉండాలి.

ఈ విలీనం వల్ల రాష్ట్రం లోపల, రాష్ట్రాల మధ్య పన్ను జమల ప్రవాహం సాఫీగా జరిగేలా ఉండాలి. వస్తువులు మరియు సేవలతో ప్రత్యేకించి సంబంధం లేని పన్నులు, సుంకాలు, రుసుములను జీ.ఎస్.టీలో విలీనం చేయరాదు. అటు కేంద్రానికి, ఇటు రాష్ట్రాలకు ఆదాయ పంపిణీ సజావైన రీతిలో ఉండేలా చూడాలి.

వస్తుసేవల పన్ను-GST పరిధినుంచి మినహాయింపునకు ప్రతిపాదించిన వ స్తువులేవి?

మానవ వినియోగం కోసం ఆల్కహాల్తో కూడిన మద్యం సరఫరా మినహా అన్ని వస్తువులు, సేవలు లేదా రెండింటినీ సరఫరా చేయడంపై విధించే పన్నును “వస్తుసేవల పన్ను-GST"గా రాజ్యాంగ 101వ సవరణ-2016 కింద సవరించిన అధిక రణం 366 (12ఎ) నిర్వచిస్తోంది. అందువల్ల రాజ్యాంగంలోని ఈ నిర్వచనం ప్రకారం మానవ వినియోగం కోసం సరఫరా చేసే ఆల్కహాల్ తో కూడిన మద్యం జీఎస్టీ పరిధినుంచి మినహాయించబడింది. అలాగే ఐదు పెట్రోలియం ఉత్పత్తులు...... ముడి చమురు, మోటారు ఇంధనం (పెట్రోలు), హైస్పీడ్ డీజిల్, సహజవాయువు, విమాన ఇంధనం (ATF) తాత్కాలికంగా మినహాయించబడ్డాయి. వీటిని ఏ తేదీనుంచి జీఎస్టీ పరిధిలో చేర్చేదీ వస్తుసేవల పన్ను మండలి నిర్ణయిస్తుంది. ఇక విద్యుత్తు కూడా జీఎస్టీ పరిధినుంచి మినహాయించబడింది.

జీ.ఎస్.టీ ప్రవేశం పెట్టిన తర్వాత పైన తెలిపిన సరుకుల పన్నుల పరిస్థితి ఎలా ఉంటుంది?

పై సరుకుల విషయంలో ప్రస్తుత పన్నుల విధానం (వ్యాట్ మరియు కేంద్ర ఎక్సైజ్) యధావిధిగా కొనసాగుతుంది. ప్రశ్న 6.ఏ) జీఎస్టీ వ్యవస్థ కింద పొగాకు మరియు పొగాకు ఉత్పత్తుల పరిస్థితి ఏమిటి? జవాబు: పొగాకు మరియు పొగాకు ఉత్పత్తులు జీఎస్.టీ పరిధిలోకి వస్తాయి. అదనంగా ఈ ఉత్పత్తులపై కేంద్ర ఎక్సైజ్ సుంకం విధించే అధికారం కేంద్రానికి ఉంటుంది.

ఏ తరహా జీ.ఎస్.టీ విధానాన్ని అమలు చేయాలని ప్రతిపాదించారు?

ఉమ్మడి పన్ను పునాదిపై కేంద్రం, రాష్ట్రాలు ఏకకాలంలో విధించే ద్వంద్వ జీఎస్.టీని అమలు చేయబోతున్నారు. రాష్ట్రంలో అంతర్గతంగా జరిగే వస్తువులు మరియు/లేదా సేవల సరఫరాపై కేంద్రం విధించే జీఎస్.టీని కేంద్ర జీ ఎస్ టీ (CGST) అని పిలుస్తారు. అలాగే రాష్ట్రాలు విధించే జీఎస్.టీని రాష్ట్ర జీఎస్.టీ (SGCT) అని పిలుస్తారు. అదేవిధంగా రాష్ట్రాల మధ్య జరిగే వస్తు, సేవల సరఫరాపై కేంద్రం ఏకీకృత జీఎస్.టీ (IGST)ని విధించి అమలు చేస్తుంది.

ద్వంద్వ జీఎస్.టీ అవసరం ఎందుకు?

భారత్ ఓ సమాఖ్య దేశం కావడంతో ఇటు కేంద్రం, అటు రాష్ట్రాలు తగిన శాసనాల ద్వారా పన్ను విదించి వసూలు చేసే అధికారం కలిగి ఉంటాయి. రెండుస్థాయిల్లోని ప్రభుత్వాలకు రాజ్యాంగం నిర్దేశించిన విధులు, అధికారాలు ఉంటాయి కనుక వాటి నిర్వహణకు ఆర్థిక వనరులు సేకరించుకోవాల్సి ఉంటుంది. అందువల్ల ద్వంద్వ జీఎస్.టీ అనేది రాజ్యాంగం సూచించిన ద్రవ్య సమాఖ్యవాదానికి అనుగుణంగానే ఉంటుంది.

జీ.ఎస్.టీ. విధించి అమలు చేసే అధికారం ఎవరికి ఉంటుంది?

సీజీఎస్టీ (CGST) మరియు ఐజీఎస్టీలను (IGST) కేంద్రం విధిస్తుంది. ఎస్జీఎస్టీని (SGST) ఆయా రాష్ట్రాలు విధిస్తాయి.

జీఎస్టీ విధింపు, అమలు ఏ అధికార స్థానం పరిధిలో ఉంటాయి?

కేంద్ర ప్రభుత్వం కేంద్ర జీఎస్టీ, సమీకృత జీఎస్టీ (CGST & IGST)లను విధించి, అమలు చేస్తుంది. రాష్ట్రాలు/కేంద్రపాలిత ప్రాంతాలు రాష్ట్ర జీఎస్టీ/కేంద్ర పాలిత ప్రాంత జీఎస్టీ (SGST/UTGST)ని విధించి,అమలు చేస్తాయి.

సరుకులు లేదా సేవలకు సంబంధించిన ఒక లావాదేవీపై ఏకకాలంలో కేంద్ర జీ.ఎస్.టీ (సీజీఎస్టీ) మరియు రాష్ట్ర జీ.ఎస్.టీ (ఎస్జీఎస్టీ) ఎలా విధిస్తారు?

సరుకులు మరియు సేవలకు సంబంధించిన అన్ని లావాదేవీలపై ఏకకాలంలో కేంద్ర జీఎస్.టీ, రాష్ట్ర జీఎస్.టీని విధించడం జరుగుతుంది. జీఎస్.టీ పరిధికి వెలుపల ఉండే సరుకులు, సేవలు మరియు నిర్ణీత పరిమితులకు దిగువన ఉండే లావాదేవీలకు మాత్రం దీని నుండి మినహాయింపు ఉంటుంది. అలాగే కేంద్రవ్యాట్ చేర్చిన సరుకుల విలువపై విధించే రాష్ట్ర వ్యాట్ తరహాలో కాకుండా రెండింటినీ ఒకే ధర లేదా విలువ ఆధారంగా విధించడం జరుగుతుంది. సరఫరాదారు, స్వీకరించేవారు దేశంలోని ఏ ప్రాంతంలో ఉన్నారనేది సీజీఎస్టీ, విధింపుతో ప్రమేయం కలిగి ఉండదు. కాగా ఇద్దరూ రాష్ట్ర పరిధిలో ఉంటేనే ఎస్జీఎస్టీ విధించడం జరుగుతుంది. ఉదాహరణ 1: వివరణ నిమిత్తం ఊహాత్మకంగా సీజీఎస్టీ 10 %, ఎస్జీఎస్టీ 10 % చొప్పున ఉందనుకుందాం. ఉత్తర్ప్రదేశ్ లోని ఒక హోల్సేల్ డీలర్ తన రాష్ట్ర పరిధిలోని ఒక నిర్మాణ కంపెనీకి స్టీల్ బార్స్ మరియు రాడ్స్ రూ.100కు సరఫరా చేశాడనుకుందాం. అప్పుడు మౌలిక ధరతోపాటుగా సీజీఎస్టీ కింద రూ.10, ఎస్జీఎస్టీ కింద రూ.10 చార్జి చేస్తాడు. అతడు సీజీఎస్టీ భాగాన్ని కేంద్ర ప్రభుత్వ ఖాతాలో, ఎస్జీఎస్టీ భాగాన్ని సంబంధింత రాష్ట్ర ప్రభుత్వ ఖాతాలో జమచేయాల్సి ఉంటుంది. అయితే అతడు ఈ నగదు మొత్తాన్ని (రూ.10+రూ.10=రూ.2O) నగదు రూపంలో ఉన్నపళంగా చెల్లించాల్సిన అవసరం లేదు. తాను అదివరకే జరిపిన కొనుగోళ్లపై (ఉదాహరణకు ఇన్ పుట్స్ పై) చెల్లించిన సీజీఎస్టీ, లేదా ఎస్జీఎస్టీతో ఈ లయబలిటీని సెటాఫ్ చేసుకొనే వెసులుబాటు ఉంటుంది. కానీ సీజీఎస్టీ చెల్లింపునకు సంబంధించి కొనుగోళ్ల సీజీఎస్టీ క్రెడిట్ను, అలాగే ఎస్జీఎస్టీ చెల్లింపులకు ఎస్జీఎస్టీ క్రెడిట్ మాత్రమే ఉపయోగించుకోవచ్చు. వేరే మాటల్లో చెప్పాలంటే సీజీఎస్టీ క్రెడిట్ను సాధారణంగా ఎస్జీస్టీ చెల్లింపులకు ఉపయోగించరాదు. ఆవిధంగానే ఎస్జీఎస్టీ (SGST) క్రెడిట్ ను సీజీఎస్టీ (CGST) చెల్లింపులకు ఉపయోగించరాదు. ఉదాహరణ 2: ఇంకో ఉదాహరణ. ఊహాత్మకంగా సీజీఎస్టీ 10%, ఎస్జీఎస్టీ 10 % చొప్పున ఉందని అనుకొందాం. ముంబైలోని ఒక అడ్వర్టయిజింగ్ కంపెనీ మహారాష్ట్రలోనే ఉన్న ఓ సబ్బుల తయారీ కంపెనీకి రూ.100 మొత్తానికి అడ్వర్టయిజింగ్ సేవలు అందించిందని అనుకుందాం. అప్పుడా యాడ్ కంపెనీ సీజీఎస్టీ కింద మాలిక విలువపై రూ.1O, ఎస్జీఎస్టీ కింద రూ.10 వసూలు చేస్తుంది. సదరు కంపెనీ యజమాని సీజీఎస్టీ భాగాన్ని కేంద్ర ప్రభుత్వ ఖాతాలో, ఎస్జీఎస్టీ భాగాన్ని సంబంధింత రాష్ట్ర ప్రభుత్వ ఖాతాలో,జమచేయాల్సి ఉంటుంది. అయితే ఇంతకుముందే చెప్పినట్టుగా అతడు ఈ నగదు మొత్తాన్ని (రూ.10+రూ.10=రూ.2O) నగదు రూపంలో ఉన్నపళంగా చెల్లించాల్సిన అవసరం లేదు. తాను అదివరకే జరిపిన కొనుగోళ్లపై (ఉదాహరణకు. స్టేషనరీ, ఆఫీసు పరికరాలు, చిత్రకారుని సేవల వంటి ఇన్పుట్స్ పై) చెల్లించిన సీజీఎస్టీ, లేదా ఎస్జీఎస్టీతో ఈ లయబలిటీని సెటాఫ్ చేసుకొనే వెసులుబాటు ఉంటుంది. కానీ సీజీఎస్టీ చెల్లింపునకు సంబంధించి కొనుగోళ్ల సీజీఎస్టీ క్రెడిట్ ను, అలాగే ఎస్జీఎస్టీ చెల్లింపులకు ఎస్జీఎస్టీ క్రెడిట్ మాత్రమే ఉపయోగించుకోవచ్చు. వేరే మాటల్లో చెప్పాలంటే సీజీఎస్టీ క్రెడిట్ను సాధారణంగా ఎస్జీస్టీ చెల్లింపులకు ఉపయోగించరాదు. ఆ విధంగానే ఎస్జీఎస్టీ క్రెడిట్ ను సీజీఎస్టీ చెల్లింపులకు ఉపయోగించరాదు.

జీఎస్టీ నుంచి దేశానికి కలిగే ప్రయోజనాలు ఏమిటి?

భారతదేశంలో పరోక్ష పన్నుల సంస్కరణల దిశగా జీఎస్టీ ఒక కీలక ముందడుగు అవుతుంది. అనేక రకాల కేంద్ర, రాష్ట్రల పన్నులను ఒకే పన్ను కిందకు చేర్చి, ముందస్తు దశ పన్నుల సెటాఫ్ కు అనుమతించడం వల్ల బహుళ పన్నుల దుష్పభావాల నుంచి బయటపడవచ్చు. అలాగే ఒక ఉమ్మడి జాతీయ మార్కెట్ ఏర్పాటుకు మార్గం ఏర్పడుతుంది. వినియోగదారులకు దీనివల్ల ఒనగూడే అతిపెద్దలబ్ది ఏమిటంటే సరుకులపై పన్నుల భారం తగ్గిపోవడం. ప్రస్తుతం ఇది 25%-30% వరకు ఉంది. జీఎస్టీని ప్రవేశపెట్టడం వల్ల స్వదేశీ, విదేశీ మార్కెట్లలో మన ఉత్పత్తులకు పోటీతత్వం సమకూరుతుంది. ఇది ఆర్థిక వృద్ధికి దారితీస్తుందని అధ్యయనాలు తెలియజేస్తున్నాయి. పన్ను పరిధి, వాణిజ్య పరిమాణాల పెరుగుదల, మెరుగైన పన్ను చెల్లింపుల వల్ల కేంద్ర, రాష్ట్ర ప్రభుత్వాలకు ఆదాయం కూడా పెరుగుతుంది. అంతిమంగా పారదర్శక లక్షణాల కారణంగా ఈ పన్ను అమలు సులభతరంగా ఉంటుంది.

ఐజీఎస్టీ (IGST) అంటే ఏమిటి?

జీఎస్టీ కింద కేంద్ర ప్రభుత్వం అంతర్ రాష్ట్ర వస్తు, సేవల సరఫరాపై సమగ్ర జీఎస్టీని (ఐజీఎస్టీ) విధిస్తుంది. అంతర్ రాష్ట్ర వాణిజ్య వ్యాపారాలలో భాగంగా జరిగే సరఫరాలపై కేంద్రం విధించి వసూలు చేసే ఈ జీఎస్టీని రాజ్యాంగంలోని 269ఏ అధికరణం కింద వస్తు సేవల మండలి సిఫారసులమేరకు పార్లమెంటు చట్టం ద్వారా సూచించిన పద్ధతిలో కేంద్ర, రాష్ట్రాల మధ్య పంపిణీ చేయాల్సి ఉంటుంది.

జీఎస్టీ కింద విధించాల్సిన పన్నురేట్లను ఎవరు నిర్ణయిస్తారు?

కేంద్ర, రాష్ట్రాలు సంయుక్తంగా నిర్ణయించే రేట్ల ప్రకారం జీ.ఎస్.టీ వసూలు చేస్తారు. జీ.ఎస్.టీ మండలి సిఫారసుల మేరకు ఈ రేట్లను నోటిపై చేస్తారు.

జీ.ఎస్.టీ మండలి పాత్ర ఏమిటి?

కేంద్ర ఆర్థిక మంత్రి (మండలి చైర్మన్గా ఉంటారు), కేంద్ర రెవెన్యూ సహాయమంత్రి, రాష్ట్రాల ఆర్థిక/పన్నుల శాఖమంత్రులతో జీఎస్టీ మండలి ఏర్పాటవుతుంది. కేంద్ర, రాష్ట్ర ప్రభుత్వాలకు ఈ దిగువ అంశాలపై మండలి సిఫారసులు చేస్తుంది.

  1. జీఎస్టీ పరిధిలో విలీనమయ్యే కేంద్ర, రాష్ట్ర ప్రభుత్వాలు, స్థానిక సంస్థలు విధించే పన్నులు సెస్లు, సర్చార్జీలు
  2. జీఎస్టీ పరిధిలోకి వచ్చే లేక మినహాయింపు పొందే సరుకులు, సేవలు
  3. పెట్రోలియం ముడిచమురు, హైస్పీడ్ డీజిల్, మోటార్ స్పిరిట్ (దీనినే పెట్రోల్ అని పిలుస్తారు), సహజవాయువు, విమానాలలో ఉపయోగించే టర్బైన్ ఇంధనంపై జీఎస్టీ విధించే తేదీ
  4. నమూనా జీఎస్టీ చట్టాలు, సుంకాలకు సంబంధించిన సూత్రాలు, ఐజీఎస్టీ పంపిణీ, సరఫరా జరిగే ప్రాంతంలో పాటించాల్సిన సూత్రాలు
  5. జీఎస్టీ నుంచి మినహాయింపు ఇవ్వాల్సిన టర్నోవర్ పరిమితి
  6. పన్నురేట్లు, జీఎస్టీ బ్యాండ్స్తో కూడిన మౌలిక రేట్లతో సహా
  7. ప్రకృతి విపత్తులు లేదా ఉత్పాతాల సందర్భంగా నిర్ణీత కాలవ్యవధిలో అదనపు వనరుల సేకరణకు విధించే ప్రత్యేక రేటు లేదా రేట్లు
  8. ఈశాన్య రాష్ట్రాలు, జమ్ముకశ్మీర్, హిమాచల్ ప్రదేశ్, ఉత్తరాఖండ్ రాష్ట్రాలకు సంబంధించి ప్రత్యేక ఏర్పాట్లు
  9. కౌన్సిల్ అభీష్టం మేరకి చేపట్టే మరే ఇతర అంశాలు

జీఎస్టీ మండలిని నడిపించే మార్గదర్శక సూత్రం ఏది?

కేంద్రానికి రాష్ట్రాలకు మధ్య, రాష్ట్రాల మధ్య జీస్టీకి సంబంధించి సంతులనం పాటించడం జీఎస్టీ మండలి యంత్రాంగం బాధ్యతగా ఉంటుంది. జీఎస్టీ వ్యవస్థలో సంతులన నిర్మాణం ఏర్పరచాల్సిన ఆవశ్యకత మరియు సరుకులు, సేవలకు జాతీయ మార్కెట్ సమన్వయపరచడం జీఎస్టీ మండలి నిర్వహించే వివిధ విదుల లక్ష్యంగా ఉంటుందని రాజ్యాంగ (నూటా ఒకటవ సవరణ) చట్టం సూచిస్తున్నది.

జీఎస్టీ మండలి నిర్ణయాలు ఎలా తీసుకుంటుంది?

జీఎస్టీ మండలి ప్రతి నిర్ణయం సమావేశానికి హాజరై ఓటింగ్ లో పాల్గొన్న సభ్యుల వెయిటెడ్ ఓట్లలో 3/4 శాతం మొజారిటీతో జరగాలని రాజ్యాంగ (నూటా ఒకటవ సవరణ) చట్టం సూచిస్తున్నది. కేంద్ర ప్రభుత్వం ఓటు వెయిటేజీ మొత్తం పడిన ఓట్లలో 1/3 వంతులు ఉంటుంది. అలాగే మొత్తం అన్ని రాష్ట్రాల ఓటింగ్ వెయిటేజీ ఆ సమావేశంలో పడిన మొత్తం ఓట్ల విలువలో 2/3 వంతులు ఉంటుంది. మొత్తం జీఎస్టీ మండలి సభ్యుల్లో సగం మంది హాజరైన పక్షంలో సమావేశానికి కోరం ఉన్నట్టుగా భావిస్తారు.

ప్రతిపాదిత జీఎస్టీ కింద ఎవరు పన్ను చెల్లించాల్సి ఉంటుంది?

సరుకులు మరియు / లేక సేవల సరఫరాపై పన్ను పరిధిలోకి వచ్చే వ్యక్తి జీఎస్టీ వ్యవస్థ కింద పన్ను చెల్లించాల్సి ఉంటుంది. సదరు వ్యక్తి మినహాయింపు పరిమితి, ఉదా.రూ.10 లక్షలు (ఈశాన్య రాష్ట్రాలలో రూ.5 లక్షలు), దాటినప్పుడు పన్ను చెల్లించాల్సిన లయబిలిటీ ఏర్పడుతుంది. కొన్ని ప్రత్యేక సందర్భాలలో ఈ పరిమితి దాటకపోయినా పన్ను చెల్లించాల్సి వస్తుంది. రాష్ట్రం లోపల జరిగే అన్ని వస్తు మరియు / లేక సేవల సరఫరాలపై సీజీఎస్టీ / ఎస్జీఎస్టీ చెల్లించాల్సి ఉంటుంది. అలాగే రాష్ట్రాల మధ్య జరిగే అన్ని వస్తు మరియు / లేక సేవల సరఫరాలపై ఐజీఎస్టీ చెల్లించాల్సి ఉంటుంది. సీజీఎస్టీ / ఎస్జీఎస్టీ మరియు ఐజీఎస్టీ పన్నులు సంబంధిత చట్టాలలోని పెడ్యూల్స్ లో నిర్దేశించిన రేట్ల ప్రకారం చెల్లించాల్సి ఉంటుంది.

జీఎస్టీ విధానం కింద స్వల్ప పన్ను చెల్లింపుదారులకు కలిగే ప్రయోజనాలేమిటి?

ఒక ఆర్థిక సంవత్సరంలో నిర్ణీత వార్షిక వ్యాపార పరిమాణం (ఈశాన్య, ప్రత్యేకహోదాగల రాష్ట్రాల్లో రూ.20 లక్షలు, రూ.10 లక్షలు)గల పన్ను చెల్లింపుదారులకు జీఎస్టీ నుంచి మినహాయింపు ఉంటుంది. అంతేకాకుండా ఒక రాష్ట్రంలో మునుపటి ఆర్థిక సంవత్సరం రూ. 5O లక్షల కన్నా తక్కువ వార్షిక వ్యాపార పరిమాణంగల వ్యక్తి దానిపై కొంత శాతం రాయితీతో పన్ను చెల్లింపు కోసం సరళీకృత మిశ్రమ పథకాన్ని ఎంచుకోవచ్చు. మొత్తం వార్షిక వ్యాపార పరిమాణాన్ని (పన్ను విధించదగిన/మినహాయింపుగల సరఫరాలు, వస్తువులు/సేవల ఎగుమతులు, జీఎస్టీ మినహాయింపులవంటి అన్నిటి విలువ కలగలసినదే వార్షిక వ్యాపార పరిమాణం) అఖిలభారత స్థాయిలో లెక్కించాలి. ఈశాన్య ప్రత్యేక హోదాగల రాష్ట్రాలలో మినహాయింపు పరిమితి రూ.1O లక్షలుగా ఉంటుంది. ఈ మినహాయింపు పరిమితికి అర్ధులైన పన్ను చెల్లింపుదారులు ఉత్పాదక పన్ను జమ (ఇన్పుట్ టాక్స్ క్రెడిట్-TC) ప్రయోజనాలను ఎంచుకునే వీలుంది. అంతర్రాష్ట్ర సరఫరా చేసే పన్ను చెల్లింపుదారులు లేదా ఎదురు చెల్లింపు ప్రాతిపదికన పన్ను చెల్లించేవారు ఈ పరిమితి మినహాయింపునకు అనర్హులు.

జీఎస్టీ వ్యవస్థ కింద సరుకులు మరియు సేవలను ఎలా వర్గీకరిస్తారు?

జీఎస్టీ వ్యవస్థ కింద సరుకులను సంతులన నామకరణ పద్దతి (హార్మోనైజ్ సిస్టం ఆప్ నామన్క్లేచర్ - హెచ్ఎస్ఎన్ కోడ్)లో వర్గీకరిస్తారు. రూ.1.5 కోట్ల పైచిలుకు మరియు రూ.5 కోట్ల లోపు టర్నోవరు కలిగిన పన్ను చెల్లింపుదారులు 2 డిజిట్ కోడ్, రూ.5 కోట్ల పైచిలుకు టర్నోవరు కలిగిన పన్ను చెల్లింపుదారులు 4 డిజిట్ కోడ్ ఉపయోగించాల్సి ఉంటుంది. రూ.1.5 కోట్ల లోపు టర్నోవరు కలిగిన పన్ను చెల్లింపుదారులు తమ ఇన్వాయిస్లలో ఎలాంటి కోడ్ ఉపయోగించాల్సిన అవసరం లేదు. సేవలను సర్వీసెస్ అకౌంటింగ్ కోడ్ ప్రకారం వర్గీకరిస్తారు.

జీఎస్టీ కింద దిగుమతులపై పన్ను ఏవిధంగా ఉంటుంది?

సరుకులు మరియు సేవల దిగమతిని అంతర్ రాష్ట్ర సరఫరాలుగా పరిగణిస్తారు. దేశంలోకి దిగుమతి చేసుకొనే సరుకులు, సేవలపై ఐజీఎస్టీ విధించడం జరుగుతుంది. గమ్య సూత్రం ప్రాతిపదికపై పన్ను విధింపు ఉంటుంది. ఎస్జీస్టీ పన్ను ఆదాయం ఆ సరుకులు మరియు సేవలను ఎక్కడ వినియోగించుకుంటారో ఆ రాష్ట్రానికే చెందుతుంది.సరుకుల మరియు సేవల దిగుమతిపై చెల్లించే జీఎస్టీకి పూర్తి సెటాఫ్ అందుబాటులో ఉంటుంది.

జీఎస్టీ కింద ఎగుమతులను ఎలా పరిగణిస్తారు?

ఎగుమతులను సున్నాశాతం సరఫరాలుగా పరిగణిస్తారు. వస్తువులు లేదా సేవల ఎగుమతులపై పన్ను చెల్లించాల్సిన అవసరం లేదు. అయితే, ఎగుమతిదారులు ఐటీసీ జమను కోరే అవకాశం ఉంటుంది. ఆ మేరకు చెల్లించిన మొత్తం వాపసు కింద వారికి అందుబాటులో ఉంటుంది. ఉత్పాదనపై పన్ను చెల్లించి సమీకృత జీఎస్టీ కింద వాపసు కోరే వెసులుబాటు లేదా బాండు కింద సమీకృత జీఎస్టీ చెల్లించకుండా ఎగుమతి చేసి, ఐటీసీ వాపసు కోరే అవకాశం ఎగుమతిదారుకు ఉంటాయి.

జీఎస్టీ కింద మిశ్రమ పథకం పరిధి ఏమిటి?

మునుపటి ఆర్థిక సంవత్సరం నిర్ణీత వార్షిక వ్యాపార పరిమాణం (రూ.5O లక్షల దాకా) గల స్వల్ప పన్ను చెల్లింపుదారులు మిశ్రమ విధింపు పధకానికి అర్హులు. ఈ పథకం కింద ఒక రాష్ట్రంలో పన్ను చెల్లింపుదారు ఐటీసీ ప్రయోజనం కోరకుండా ఆ సంవత్సరంలో తన వార్షిక వ్యాపార పరిమాణం ప్రాతిపదిక శాతం వంతున పన్ను చెల్లించాలి. ఈ పన్నుశాతం సీజీఎస్టీ, ఎస్టీఎస్టీ/యూటీజీఎస్టీలకు సంబంధించి (తయారీదారులకు 1 శాతం, ఇతరులకు O.5శాతం, చట్టంలోని షెడ్యూలు- IIలోగల పేరా 6(బి) పేర్కొంటున్న ప్రకారం ఆహార-ఇతర మానవ వినియోగ పదార్థాల సరఫరా వంటి నిర్దిష్ట సేవలకు 2.5 శాతం) నిర్దేశిత శాతంకన్నా తక్కువగా ఉండరాదు. మిశ్రమ పన్ను విధింపు కోరే పన్ను చెల్లింపుదారు తన ఖాతాదారుల నుంచి ఎలాంటి పన్ను వసూలు చేయరాదు. కాగా, వస్తుసేవల పన్ను మండలి సిఫారసు మేరకు పైన పేర్కొన్న పరిమితిని ప్రభుత్వం రూ.50 లక్షల నుంచి రూ.కోటిదాకా పెంచే అవకాశాలున్నాయి. అంతర్రాష్ట్ర సరఫరాదారులు లేదా ఆన్లైన్ వాణిజ్యంద్వారా సరఫరాలు చేసే పన్ను చెల్లింపుదారులు మూలంలోనే పన్ను వసూలు చేయాల్సి ఉంటుందిగనుక మిశ్రమ పన్ను విధింపు పధకానికి అనర్హులు.

కంపోజిషస్ పథకం అనేది ఎంపికగా ఉంటుందా లేక తప్పనిసరిగా అమలవుతుందా ?

ఎంపికగానే ఉంటుంది.

జీఎస్టీఎస్ అంటే ఏమిటి? జెస్టీ వ్యవస్థలో దాని పాత్ర ఏమిటి ?

జీఎస్టీఎన్ అంటే గూడ్స్ అండ్ సర్వీస్ ట్యాక్స్ నెట్ వర్క్ సంక్షిప్త రూపం. జీఎస్టీ అవసరాలు తీర్చేందుకు దీనిని ప్రత్యేక విభాగంగా ఏర్పాటు చేశారు. జీఎస్టీ అమలులో కేంద్ర, రాష్ట్ర ప్రభుత్వాలకు, పన్ను చెల్లింపుదారులకు, సంబంధింత ఇతరులకు ఐటీ మొలిక నిర్మాణం మరియు సేవలను జీఎస్టీఎన్ సమకూరుస్తుంది. జీఎస్టీఎన్లో విధులు.<>

  1. రిజిస్టేషన్ సౌకర్యం సమకూర్చడం
  2. ఐజీఎస్టీ లెక్కింపు మరియు సెటిల్మెంటు
  3. పన్ను చెల్లింపు వివరాలను బ్యాంకింగ్ నెట్వర్క్ తో సరిపోల్చి చూసుకోవడం
  4. పన్ను చెల్లింపుదారు రిటర్న్ సమాచారం ఆధారంగా ఎంఐఎస్ నివేదికలను కేంద్ర, రాష్ట్ర ప్రభుత్వాలకు సమకూర్చడం
  5. పన్నుచెల్లింపుదారుల ప్రొపైల్ విశ్లేషణను సమకూర్చడం
  6. ఇన్ పుట్ ట్యాక్స్ క్రెడిట్ మ్యాచింగ్, రివర్సల్ మరియు రిక్లెయిమ్ కు సంబంధించి మ్యాచింగ్ ఇంజిన్ నిర్వహణ నమోదు, చెల్లింపు, రిటర్న్ మరియు ఎంఐఎస్ నివేదికల కోసం జీఎస్టీఎన్ ఉమ్మడి జీఎస్టీ పోర్టల్ను అప్లికేషన్స్ ను జీఎస్టీఎన్ రూపొందిస్తున్నది. ఉమ్మడి జీఎస్టీ పోర్టల్ను ప్రస్తుత పన్ను వ్యవస్థల ఐటీ యంత్రాంగంతో అనుసంధానం చేస్తుంది. పన్ను చెల్లింపుదారుల కోసం ఇంటర్ ఫేస్లు కూడా తయారు చేస్తున్నది. 19 రాష్ట్రాలు మరియు కేంద్ర పాలిత ప్రాంతాల కోసం (మోడల్ 2 రాష్ట్రాలు)అసెస్ మెంట్, ఆడిట్, రిఫండ్, అపీల్ మొదలైన సేవల కోసం బ్యాక్ఎండ్ మాడ్యూల్స్ కూడా అభివృద్ధి చేస్తున్నది. సీబీఈసీ (CBEC) మరియు మోడల్ 1 రాష్ట్రాలు (15 రాష్ట్రాలు) సొంతంగా బ్యాక్ఎండ్ సిస్టమ్స్ అభివృద్ధి చేసుకొంటున్నాయి. జీఎస్టీ ప్రంట్ఎండ్ సిస్టంస్ ను బ్యాకెండ్ సిస్టంస్ తో కలుపడం అనేది మార్పిడి సాఫీగా సాగిపోయేందుకు వీలుగా ముందుగానే పూర్తి చేసి పరీక్షించడం జరుగుతుంది.

జీఎస్టీ వ్యవస్థలో వివాదాలు ఎలా పరిష్కరిస్తారు?

  • కేంద్రం ప్రభుత్వం మరియు ఒకటి లేదా అంతకంటే ఎక్కువ రాష్ట్రాల మధ్య, లేదా
  • కేంద్ర ప్రభుత్వం, ఒకటి లేదా అంతకంటే ఎక్కువ రాష్ట్రాలు మరియు ఒకటి లేదా అంతకంటే ఎక్కువ రాష్ట ప్రభుత్వాల మధ్య, లేదా
  • రెండు లేదా అంతకంటే ఎక్కువ రాష్ట్రాల మధ్య సరుకులు మరియు సేవల మండలి సిఫారసులు లేదా వాటి అమలు పర్యవసానంగా ఏవైనా వివాదాలు తలెత్తితే సదరు వివదాల పరిష్కారానికి జీఎస్టీ మండలి తగిన యంత్రాంగాన్ని ఏర్పాటు చేయాలని రాజ్యాంగ101వ సవరణ చట్టం నిర్దేశిస్తున్నది.

చట్ట నిబద్ధత ప్రమాణ యంత్రాంగం లక్ష్యమేమిటి?

సీజీఎస్టీ/ఎస్టీఎస్టీ చట్టంలోని సెకన్ 149 ప్రకారం. నమోదు చేసుకున్న ప్రతి వ్యక్తికీ నిర్దిష్ట కొలబద్దల ప్రకారం చట్ట నిబద్దత ప్రమాణ స్థాయిని ప్రకటిస్తారు. ఆ మేరకు సదరు వ్యక్తి ఏ స్థానంలో ఉన్నదీ ప్రజలందరికీ తెలిసేలా అందుబాటులో ఉంచుతారు. ఈ ప్రమాణాలను చూశాక సదరు వ్యక్తులతో లావాదేవీలు నిర్వహించాలా లేదా అన్నది సంభావ్య కక్షిదారులు తేల్చుకునే వీలుంటుంది. దీనివల్ల పన్ను పరిధిలోకి వచ్చేవారి మధ్య ఆరోగ్యకర పోటీ ఏర్పడుతుంది.

దావా హక్కుతో రాబట్టగల బాకీలు జీఎస్టీకి లోబడి ఉంటాయా?

దావాహక్కుతో రాబట్టగల బాకీలను వస్తువులుగా పరిగణించాలని కేంద్ర జీఎస్టీ/రాష్ట్ర జీఎస్టీ చట్టంలోని సెక్షన్ 2(52) చెబుతోంది. కార్యకలాపాలను లేదా లావాదేవీలను వస్తు సరఫరా లేదా సేవాప్రదానంగా పరిగణించే వీలు లేదని ఇదే చట్టంలోని సెక్షన్ 7 సంధానిత షెడ్యూల్ III పేర్కొంటోంది. దావా హక్కుతో రాబట్టగల బాకీలను లాటరీలు, బెట్టింగ్, జూదం వంటివాటికి భిన్నమైనదిగా ఈ పెడ్యూల్ పేర్కొంటోంది. అందువల్ల లాటరీ, బెట్టింగ్, జూదం వంటివాటిని మాత్రమే జీఎస్టీ వ్యవస్థ పరిధిలో సరఫరాలుగా పరిగణించాలి. ఈ జాబితాలో చేరని దావా హక్కుతో రాబట్టగల బాకీలు సరఫరాలుగా పరిగణించబడవు.

సెక్యూరిటీలలో లావాదేవీలు జీఎస్టీకింద పన్ను విధించదగినవేనా?

వస్తువులు, సేవల నిర్వచనం నుంచి సెక్యూరిటీలను ప్రత్యేకంగా మినహాయించారు. అందువల్ల సెక్యూరిటీలలో లావాదేవీలు జీఎస్టీకి లోబడి ఉండవు.

సమాచార రిటర్న్ ఉద్దేశం ఏమిటి?

స్వతంత్ర మూడో పక్ష వనరుల నుంచి సేకరించిన సమాచారం ద్వారా నమోదిత వ్యక్తుల చట్ట నిబద్ధత స్థాయిని తనిఖీ చేయడమనే ఆలోచన ఆధారంగా రూపొందింనదే సమాచార రిటర్న్ కేంద్ర జీఎస్టీ/రాష్ట్ర జీఎస్టీ చట్టంలోని సెక్షన్ 150 ప్రకారం.... అనేకానేక అధికార స్థానాలలో ఉన్నవారు ఆయా అంశాలకు సంబంధించి పలు నమోదు పుస్తకాలు (రిజిస్టర్లు) నిర్వహించే బాధ్యత కలిగి ఉంటారు. ఖాతా నివేదిక లేదా పన్ను చెల్లింపు, వస్తుసేవల సంబంధిత లావాదేవీలు, బ్యాంకు ఖాతా సంబంధిత లావాదేవీలు, విద్యుత్ వినియోగం, అమ్మకాలు-కొనుగోళ్లు, వస్తు మార్పిడి, ఆస్తి లేదా అమలులో ఉన్న చట్టం మేరకు ఆస్తిపై ఆసక్తి వంటివాటి వివరాలతో కూడిన ఏదైనా నియమితకాలిక రిటర్న్ లేదా పత్రాన్ని వారు సమర్పించాల్సి ఉంటుంది. తదనుగుణంగా వారంతా ఆయా కాల వ్యవధులలో ని లావాదేవీలు, వ్యవహారాల వివరాలతో నిర్దేశిత వ్యవధిలోగా, నిర్దేశిత అధికార స్థానానికి లేదా ప్రాతినిధ్య సంస్థకు నిర్దేశిత రూపంలో, నిర్దేశిత ప్రక్రియ మేరకు సమాచార రిటర్న్ దాఖలు చేయడం తప్పనిసరి. ఈ నిబంధన మేరకు సమాచార రిటర్న్ దాఖలు చేయకపోవడం సెక్షన్ 123 ప్రకారం శిక్షార్హమవుతుంది.

వివిధ కంపెనీలు వివిధ రకాల ఖాతా నిర్వహణ సాఫ్ట్ వేర్ కలిగి ఉంటాయి. రికార్డుల నిర్వహణకు నిర్దిష్ట విధానమూ ఉండదు. ఈ సంక్లిష్ట సాఫ్ట్ వేర్ ను ప్రభుత్వ విభాగం ఎలా అర్థం చేసుకోగలదు?

సీజీఎస్టీ/ఎస్టీఎస్టీ చట్టంలోని సెకన్ 153 ప్రకారం..... అటువంటి స్వభావం, సంక్లిష్టత ఎదురైతే, రెవెన్యూ వసూళ్ల దృష్ట్యా కూడా తనిఖీ, విచారణ, పరిశోధన లేదా ఇతర ప్రక్రియల ఏ దశలోనైనా నిపుణుల సాయం తీసుకోవచ్చు.

స్వీకర్త వస్తువులను వాపసు చేసిన సందర్భంలో పన్ను పరిగణనకు జీఎస్టీలో ఏదైనా నిబంధన ఉందా?

ఉంది. అటువంటి పరిస్థితులలో ఏం చేయాలో సెక్షన్ 34 వివరిస్తుంది. స్వీకర్త వస్తువులను వాపసు చేసినప్పుడు నమోదిత వ్యక్తి (వస్తు సరఫరాదారు) సంబంధిత వివరాలతో జమాపత్రం (క్రెడిట్ నోట్) జారీ చేయవచ్చు. ఈ పత్రం వివరాలను వస్తు సరఫరాదారు దాన్ని జారీచేసిన నెలకు సంబంధించిన రిటర్నులో ప్రకటించాలి. అయితే, ఇది వస్తు సరఫరా చేసిన సంవత్సరం సెప్టెంబరులోగా లేదా వార్షిక రిటర్న్ సమర్పణ తేదీలోగా ఏది ముందైతే ఆ రిటర్నులో పొందుపరచాలి. అలాగే ఈ పత్రంలోని వివరాలు అదే పన్ను కాలం లేదా తదుపరి పన్ను కాలంలో స్వీకర్త సమర్పించే చెల్లుబాటయ్యే రిటర్నులో పేర్కొన్న మేరకు తాను పొందిన ఉత్పాదక పన్ను తగ్గింపు (ఐటీసీ) వివరాలతో సరిపోలాలి. అదేవిధంగా వస్తు సరఫరాదారు కోరే ఉత్పాదక పన్ను బాధ్యత (ఓటీఎల్) తగ్గింపు వివరాలతోనూ సరిపోలాలి. ఇవి రెండూ సరిపోలినట్లు నిర్ధారణకు వచ్చిన తర్వాత వాటిని ఆమోదించి సదరు సమాచారాన్ని రెండు పక్షాలకూ అందజేస్తారు.

అక్రమ లాభార్థన కట్టడి చర్యలేమిటి?

సీజీఎస్టీ/ఎస్టీఎస్టీ చట్టంలోని సెకన్ 171 ప్రకారం. వస్తువులు లేదా సేవల సరఫరా సందర్భంగా పన్ను శాతం తగ్గింపు లేదా ఉత్పాదక పన్ను మినహాయింపును తత్సమానంగా ధరలలో తగ్గించి సదరు లబ్దిని కొనుగోలుదారు (స్వీకర్త)కు బదలాయించాలి. ఈ తరహాలో నమోదిత వ్యక్తి ఐటీసీని వినియోగించుకున్నారా లేదా సరఫరా చేసిన వస్తుసేవలపై పన్ను శాతం తగ్గింపు ధరల తగ్గింపుతో వాస్తవంగా సరిపోయిందీ, లేనిదీ పరిశీలించేందుకు ప్రభుత్వం ఒక అధికార స్థానాన్ని ఏర్పాటు చేయవచ్చు.

ఆధారం : సెంట్రల్ బోర్డ్ అఫ్ ఎక్సైజ్ మరియు కస్టమ్స్

2.99435028249
మీ సూచనను పోస్ట్ చేయండి

(ఈ పేజీ లో ఉన్న కంటెంట్ పై ఏమైన వ్యాఖ్యలు / సలహాలు ఉంటే, ఇక్కడ పోస్ట్ చేయండి)

Enter the word
నావిగేషన్
పైకి వెళ్ళుటకు