ప్రొద్దుతిరుగుడు
ప్రొద్దుతిరుగుడు
నేలలు
నీరు నిల్వ ఉండని తటస్ధ భూములైన ఎర్ర,చల్క,ఇసుక రేగడి మరియు ఒండ్రు నేలలు చాలా అనుకూలం.
రకాలు
కె.బి.ఎన్ .హెచ్ -1, కె.బి.ఎన్ .హెచ్ 44,ఎన్ ,డి,ఎస,హెచ్ -1, డి,ఆర్ .ఎస్ ,హెచ్ -1,ఎ,పి,ఎస్ ,హెచ్ -66
 |
 |
విత్తే సమయం
ఖరీఫ్ : జూన్ రెండవ పక్షం- అగస్టు రెండవ పక్షం రబీ : నవంబర్ – డిసెంబర్ వేసవిలో (నీటి పారుదుల క్రింద ): జనవరి 2వ పక్షం-ఫిబ్రవరి మొదలు పక్షం .
విత్తనమోతాదు: 2కిలోల/ఎకరానికి
విత్తన శుద్ధి
- ఆల్టర్నేరియా ఆకుమచ్చ తెగులు నివారణకు క్వింటాల్ (ఇప్రోడియోన్ 25% +కార్బండిజమ్ 25%) అనే మందును 2గ్రాములు కిలో విత్తనానికి వాడి విత్తనశుద్ధి చేయాలి.
- నెక్రోసిస్ వైరస్ అధికంగా వున్న ప్రాంతాల్లో కిల్లో విత్తనానికి ధయోమిధాక్సామ్ 4గ్రాములు లేదా ఇమిడాక్లోప్రిడ్ 5గ్రాముల్లు వాడి విత్తనశుద్ధి చేయాలి.
విత్తే దూరం
- తేలిక నేలల్లో వరుసల మధ్య 45 సెం.మీ మొక్కల మధ్య 20-25 సెం.మీ ఎడం పాటించాలి.
- బరువు నేలల్లో వరుసల మధ్య 60 సెం.మీ మొక్కల మధ్య 30 సెం.మీ ఎడం విత్తుకోవాలి.
- కుదురుకు 2-3 విత్తనాలు నాటాలి.
ఎరువులు యాజమాన్యం
- మొత్తం భాస్వరాన్ని (150 కిలోల సింగిల్ సూపర్ ఫాస్ఫేట్ ) మరియు పొటాష్ (20 కిలోల మ్యూరేట్ ఆఫ్ పొటాష్ ఒక ఎకరానికి దుక్కి వేయాలి.
- నత్రజని మొదటి దఫా విత్తేటపుడు 50% (26 కిలోల యూరియా), రెండవ దఫాగా విత్తన 30 రోజుల తర్వాత మొగ్గ తొడిగే దశలో 25% (18 కిలోల యూరియా) మూడో దఫాగా 50 రోజుల తర్వాత పువ్వు వికసించే దశలో 25% (13 కిలోల యూరియా) ఒక ఎకరానికివ వేసుకోవాలి.
కలుపు యాజమాన్యం
- విత్తన 30-40 రోజుల వరకు పంటలో కలుపు లేకుం డా చేయాలి.
- లీటరు నీటిని 5మి.లీ పెండిమిధాలిన్ 30% ఇ.సి లేదా 50% ఇ.సి కలుపుకొని విత్తన వెంటనే లేదా మరు సటి రోజు 200 లీటర్ల మందు ద్రావాణాన్ని పిచికారి చేయాలి.
- విత్తిన 20-25 రోజుల తరువాత గొర్రుతో అంతరకృషి చేయాలి.
నీటి యాజమాన్యం
- వాతావరణాన్ని బట్టి ఎర్ర్రనేలలో 6-10 రోజుల వ్యవధిలో నల్లరేగడి నేలల్లో 15-20 రోజుల వ్యవధిలో నీటి తడులొవ్వాలి.
- నీటి తడులకు కీలకదశలు: మొగ్గతొడుగు, పువ్వు వికసించు మరియు గింజ కట్టు దశలు.
పంట కోత
- పువ్వు వెనుక భాగం నిమ్మ పచ్చ రంగుకి మారిన తరువాత పువ్వులు కోసి వాటిని 2-3 రోజుల పాటు ఆరనివ్వాలి.
- కర్రలతో కొట్టిగాని, ఒలిచిగాని, విద్యుత్ తో నడిచే నూర్పిడి యంత్రాలతో ఒలచిగాని విత్తనాన్ని వేరు చేయాలి.
| చేయవల్సినవి | చేయకూడనివి |
| • వర్షాధార పరిస్థితుల్లో త్వరుతగతిన విత్తనం మొలకెత్తుటకు, ఆశించిన మొక్కల సాంద్రత పొందుటకు లీటరు నీటికి కిలో విత్తనం చోప్పున 14 గంటల పాటుమంచి నీటికి నానబెట్టి నీడలో ఆరబెట్టి విత్తినట్లైతే మొలక శాతం పెరుగుతుంది. విత్తనం మొలకెత్తిన 10-15 రోజుల తరువాత కుదురుకు ఒక మొక్కను వుంచి మిగిలిన మొక్కలు తీసి వేయాలి. దీని వలన మొక్కల మధ్య నీరు మరియు పోషకాల కోసం పోటీ తగ్గి పువ్వు పరిమాణం పెరిగి అధిక దిగుబడి పొందుటకు దోహద పడుతుంది. • పువ్వులలో గింజలు ఎక్కువగా ధృఢంగా తయారవాడానికి 2 గ్రా బోరక్స్ లీటరు నీటికి కలిపి • పూత దశలో (ఆకర్షక పత్రాలు విచ్చుకొనే) ఎకరాకు 200 లీటర్ల మందు ద్రావణం పిచికారి చేయాలి. • మెరుపు రిబ్బనులను పైరు పైన అడుగు ఎత్తున సూర్యరశ్మి రిబ్బను పై పడేటట్లు ఉత్తర మరియు దక్షిణ దిశగా కట్టినట్లైతే పక్షుల బారి నుండి రక్షించవచ్చును. |
• సరైన సమయంలో విత్తక పోతే పూత మరియు గింజలు తయారయ్యే దశలో పంట దీర్ఘకాలం వర్షంలో లేదా పగటి ఉష్ణోగ్రత 38 సెల్సియస్ కంటే ఎక్కువైతే దిగుబడి, నాణ్యత తగ్గుతుంది. • పరపరాగ సంపర్కం కొరకు దోహదపడే తేనెటీగలకు హాని చేయరాదు. అవి ఎక్కువ ఉండే సమయాల్లో హానిచేసే పురుగు మందులను పిచికారి చేయరాదు. |
మరిన్ని వివరాల కొరకు సంప్రదించవలసిన చిరునామా: ప్రధాన శాస్త్రవేత్త మరియు అధిపతి, ప్రొద్దుతిరుగుడు పరిశోధనా స్థానం, రాజేంద్రనగర్ , హైదరాబాద్ , ఫోన్ నెం. 040-24018447
చివరిసారిగా మార్పు చేయబడిన : 9/8/2023
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
సంబంధిత అంశాలు
