অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

కంది

కంది

  1. ఖరీఫ్ సాగుకు అనువైన కంది రకాలు ఏవి? ఖరీఫ్ పంటను ఎప్పడు వరకు సాగు చేయవచ్చును.
  2. వరాభావ పరిస్థితులలో కందిని తీసుకోవడం లాభ దాయకమా? ఏమైనా ఇతర పంటలతో అంతర
  3. రబీలో కందిని అక్టోబరు, తరువాత విత్తుకోవచ్చునా. ఏఏ రకాలు అనుకూలం.
  4. పచ్చపురుగు తాకిడి ఎక్కువగా వుంటుంది. ముందుగా ఏమైనా జాగ్రత్తలు తీసుకోవచ్చునా
  5. కందిలో చాలా ఎక్కవగా పూత, పిందె రాలిపోతున్నది. నివారణ చర్యలు ఏమి తీసుకోవాలి
  6. మా ప్రాంతంలో (గుంటూరు) కంది పంట పూర్తిగా ఎండి పోతోంది ఏ చర్యలు చేపట్టాలి
  7. కంది పంటను సాలుకు సాలుకు మధ్య ఎంత దూరంలో విత్తుకోవాలి? ఎంత విత్తనం అవసరమవుతుంది
  8. మాకు కొద్దిపాటి నీటి సౌకర్యం ఉంది. రబీ కందిలో తప్పని సరిగా నీటి తడులు ఎప్పడెప్పడూ ఇవ్వాలి
  9. కందిలో కాయతొలుచు పరుగు నివారణ ఎలా
  10. కందిలో ఎండు తెగులు రాకుండా ముందు జాగ్రత్తలు ఎలా చేపట్టాలి. వస్తే ఏం చేయాలి

ఖరీఫ్ సాగుకు అనువైన కంది రకాలు ఏవి? ఖరీఫ్ పంటను ఎప్పడు వరకు సాగు చేయవచ్చును.

ఖరీఫ్లో కంది పంటను చేయుటకు జూన్-జులై మాసాలు అనుకూలంగా వుంటాయి. ఎల్ఆర్జి-30 (పల్నాడు), లక్ష్మీ (ఇసిపియల్-85063), దుర్గా (ఐసిపియల్-84031), పిఆర్జి-100, ఎమ్ఆర్జి-66, ఎల్ఆర్జి-41. ఆశ (ఐసిపియల్-87 119), అభయ (ఐసిపియల్-332) మరియు మారుతి (ఐసిపి-8863) వంటి రకాలు ఖరీఫ్లో సాగు చేయవచ్చును.

వరాభావ పరిస్థితులలో కందిని తీసుకోవడం లాభ దాయకమా? ఏమైనా ఇతర పంటలతో అంతర

వరాభావ పరిస్థితులలో, కందిని అక్టోబర్ వరకు విత్తుకోవచ్చును. అయితే ఆలస్యంగా వితే కందిలో అధికంగా విత్తనం వాడి (హెక్షారుకు 25 కిలోలు) దగ్గరదగ్గరగా, 45 X 10 సెం.మీ. ఎడంతో విత్తుకోవాలి. కందిని ఏక పంటగా పండిస్తే మంచి దిగుబడి వస్తుంది. కొర్రతో 5:1, సజ్ఞతో 2:1, వేరుశనగతో 7:1 సోయాచిక్కుడు, పెసర, మినుము పంటలతో 6:2 లేదా 7:1 నిష్పత్తిలో కంది పంటను, విత్తుకుంటే రైతులకు అధిక ఆదాయం లభిస్తుంది.

రబీలో కందిని అక్టోబరు, తరువాత విత్తుకోవచ్చునా. ఏఏ రకాలు అనుకూలం.

రబీలో కందిని సెప్టెంబరు 20 నుండి అక్టోబర్ 20 లోగా విత్తుకోవాలి. అక్టోబరు తర్వాత విత్తితే, పైరుకు కొమ్మలు, రెమ్మలు తక్కువగా వస్తాయి. ఎత్తు పెరగదు, తొందరగా పూతకు వస్తుంది. చీడపీడలు (శనగపచ్చ పరుగు) ఉధృతి ఎక్కువగా వుండి దిగుబడులు గణనీయంగా తగ్గిపోతాయి.

పచ్చపురుగు తాకిడి ఎక్కువగా వుంటుంది. ముందుగా ఏమైనా జాగ్రత్తలు తీసుకోవచ్చునా

పచ్చపురుగు ఉధృతిని తప్పించుకొనుటకు అక్టోబరు 15 లోగా కందిని సాగు చేయాలి. పురుగును తట్టుకునే అభయ (ఐసిపియల్ 332), ఎల్ఆర్జి 41 లేక తిరిగి పూతకు రాగల ఎల్ఆర్జి-30, ఎల్ఆర్జి-38 రకాలను సాగు చేసుకోవాలి. పైరు విత్తిన 90-100 రోజుల్లో చిగుళ్ళను అడుగు మేరకు తుంచుకోవాలి. పొలం చుటూ 4 సాళ్ళలో జొన్న సురక్షిత పైరుగా వేయాలి. అంతేకాక రబీ కందితో పాటు అంతరపంటలుగా ధనియాలుగాని, వేరుశనగ, పెసర, మినుము, బంతి పూల మొక్కలు గాని వేస్తే శనగపచ్చ పురుగు ఉధృతి తగ్గుతుంది.

కందిలో చాలా ఎక్కవగా పూత, పిందె రాలిపోతున్నది. నివారణ చర్యలు ఏమి తీసుకోవాలి

తేలిక పాటి భూములలో కాయ దశలో కంది బెట్టకు గురికావడం, కాయ తొలిచే పురుగు ఆశించడం వలన కాని, వెర్రి తెగులు ఉధృతి ఎక్కువగా ఉన్నా కాని, పూత, పిందె రాలుటకు అవకాశం వుంది. దీనినివారణకు

సరైన నీటి యాజమాన్యం పాటించి, పురుగు ఉధృతి అరికట్టుటకు మోనోక్రోటోఫాస్ 2.0 మి.లీ. ఒక లీటరు నీటికి లేక ఎండోసల్ఫాన్ 2.0 మి.లీ. లీటరు నీటికి కలిపి పిచికారీ చేసుకోవాలి. ఇవేకాక, 10 పిపియం గాఢత కల్గిన ప్లానోఫిక్స్ మందు ద్రావణం (2.5 మి.లీ., 10 లీటర్ల నీటికి కలిపి) పిచికారీ చేసినట్లయితే పూత రాలడం అరికట్టవచ్చును.

మా ప్రాంతంలో (గుంటూరు) కంది పంట పూర్తిగా ఎండి పోతోంది ఏ చర్యలు చేపట్టాలి

కందిలో ఎండు తెగులు వలన, పంట పూర్తిగా మాడినట్లు కనిపిస్తుంది. ఈ ఎండు తెగులు నివారణకు, తెగులు తట్టుకొనే మారుతి, ఆశ, పిఆర్జి-100 రకాలను ఎంచుకోవాలి. దీనికి తోడుగా పంట మార్పిడిని అవలంభించాలి. అంటే కంది వేసిన పొలంలో మళ్లీ మూడేళ్ల వరకు తిరిగి కందిని వేయరాదు. కందిలో అంతర పంటలుగా జొన్న మొక్కజొన్న , పెసర, మినుము, వేరుశనగ, ఆముదం లాంటి పైర్లను పరుగు ఉధృతిని తగ్గించు కోవచ్చును. అలాగే ఐసిపియల్-227 రకము, మాక్రోఫోమినా కొమ్మ ఎండుతెగులును ఎమ్ఆర్జి-66 రకము సాగుచేసిన కొంత వరకు వెర్రి తెగులును తట్టుకుంటాయి. కిలో విత్తనానికి 5 గ్రా, టైకోడెర్మాతో విత్తన శుద్ధి చేయడం మంచిది.

కంది పంటను సాలుకు సాలుకు మధ్య ఎంత దూరంలో విత్తుకోవాలి? ఎంత విత్తనం అవసరమవుతుంది

సాలుకు మద్య 150-180 సెం.మీ., ఎర్రభూముల్లో 90 సెం.మీ. ఎడంతో విత్తుకోవాలి. మొక్కకు మొక్కకు మధ్య 10-12 సెం.మీ. ఉండాలి. రబీలో వరాధారంగా పండించే పంటలో సాలుకు సాలుకు మధ్య మొక్కకు మొక్కకు 45 X 15 సెం.మీ., ఆరుతడి పంటకు 90 X 10 సెం.మీ. దూరంలో విత్తుకోవాలి. ఖరీఫ్ పంటకు అయితే 3-4 కిలోలు, రబీ పంట అయితే 6-8 కిలో విత్తనం అవసరం అవుతుంది.

మాకు కొద్దిపాటి నీటి సౌకర్యం ఉంది. రబీ కందిలో తప్పని సరిగా నీటి తడులు ఎప్పడెప్పడూ ఇవ్వాలి

రబీ కందిని ఆరుతడి పంటగా సాగుచేస్తే, 4-5 నీటి తడులు అవసరమవుతాయి. పైరు వితేటపుడు తగినంత తేమ ఉండేటట్లు చూడాలి. పూత దశలో ఏ మాత్రం బెట్టకు గురైనా, పూత రాలే అవకాశం వుంది. అందువలన పైరు, సున్నిత దశ, పూతదశ, కాయ దశ, గింజ కట్టే దశలో తప్పని సరిగా నీటి తడులివ్వాలి.

కందిలో కాయతొలుచు పరుగు నివారణ ఎలా

కంది పూత, కాయదశలో శనగపచ్చ పురుగు, ఈక పురుగు, ఆకుపచ్చ కాయతొలిచే పురుగు / మచ్చల పురుగు ఆశించి నష్టపరుస్తాయి. వీటి నివారణకు సమగ్ర సస్యరక్షణ చర్యలు చేపట్టాలి. వేసవిలో లోతు దుక్కి చేయాలి, కందిని ఇతర పంటలైన జొన్న మొక్కజొన్న సజ్ఞ (1:2) లేదా వేరుశనగ, సోయా చిక్కుడు, పెసర, మినుము పంటలో 17 నిష్పత్తిలో అంతర పంటగా వేసుకోవాలి. తిరిగి పూత పెట్టే రకాలైన ఎల్ఆర్జి-30, ఎల్ఆర్జి-38 రకాలను సాగు చేయాలి, పైరు విత్తిన 90-100 రోజుల్లో చిగుళ్లను ఒక అడుగు మేర కత్తిరించాలి. ఎకరాకి 4 చొప్పన లింగాకర్షణ అమర్చి శనగపచ్చపురుగు ఉనికిని

గమనించి తగిన సస్యరక్షణ చర్యలు చేపట్టాలి. ఎకరాకి 20 చొప్పన 'టి' ఆకారపు పక్షి స్థావరాలు అమర్చుకోవాలి. పురుగు గ్రుడ్లను, తొలి దశ పురుగులను గమనించిన వెంటనే 5 శాతం వేప గింజల కషాయాన్ని లేదా వేప సంబంధమైన మందులను పిచికారీ చేయాలి. వారం తేడాలో 200 ఎల్.ఇ.యన్.పి.వి. ద్రావణం ఎకరాకి చొప్పన చలికాలంలో సాయంత్రం వేళల్లో పిచికారీ చేయాలి.

చెట్లక్రింద గోనె సంచులు లేదా దుప్పటి లాంటి గుడ్డను పరిచి చెట్లను బాగా కుదిపి క్రింద పడిన పరుగులను నాశనం చేయాలి. వీలైతే బాగా ఎదిగిన పురుగులను చేతితో ఏరి వేయాలి. అవసరాన్ని బట్టి పైరు మొగ్గ/పూత/కాయ దశల్లో వున్నప్పడు క్లోరిపైరిఫాస్ 2.5 మి.లీ. లేక క్వినాల్ఫాస్ 2.5 మి.లీ. లేదా ఎసిఫేట్ 1.5 గ్రా. లీటరు నీటిలో కలిప పిచికారీ చేయాలి. రెండు లేక మూడు పురుగు మందులను కలిప

పిచికారీ చేయరాదు. సాధ్యమయినంత వరకూ సింథటిక్ పైరిద్రాయిడ్స్ పిచికారీ చేయరాదు. కంది రైతులు సామూహికంగా ఈ సస్యరక్షణ చర్యలు చేపట్టి మంచి ఫలితాలు సాధించవచ్చు.

కందిలో ఎండు తెగులు రాకుండా ముందు జాగ్రత్తలు ఎలా చేపట్టాలి. వస్తే ఏం చేయాలి

ఈ తెగులు సోకిన మొక్కలు, పూర్తిగా లేదా మొక్కల్లో కొంతభాగం వాడి ఎండి పోతాయి. ఎండిన మొక్కలను పీకి కాండం మొదలు భాగం చీల్చీ పరిశీలిస్తే గోధుమ వర్ణపు నిలుపు చారలు కనిపిస్తాయి.

ఈ తెగులు అధికంగా కనిపించిన పొలాల్లో పొగాకు లేదా జొన్నతో పంట మార్పిడి చేయాలి. నీరు నిల్వ వుండే భూముల్లో కందిని సాగు చేయరాదు. మారుతి (ఐసిపి-8863), లక్ష్మి (ఐసిపియల్-85063), దుర్గ (ఐసిపియల్-84031), పిఆర్జి-100, ఆశ (ఐసిపియల్- 87119) అనే కంది రకాలను సాగు చేయాలి. ఇవి ఎండు తెగులును తట్టుకుంటాయి. టైకోడెర్మా విరిడి 4 గ్రా, మరియు ధైరామ్ 3 గ్రా, ఒక కిలో విత్తనాలతో కలిపి శుద్ధి చేయాలి. రెండు కిలోల టైకోడెర్మా విరిడి 50 కిలోల పశువుల ఎరువుతో కలిపి నీరుచల్లి పాలిథిన్ కాగితంతో కప్పి యంచాలి. ప్రతి మూడు రోజుల కొకసారి ఇలా నీరు చల్లుతూ పది రోజుల తర్వాత ఆకు పచ్చని శిలీంద్రం పెరుగుదల కనిపించగానే ఈ ఎరువును ఒక ఎకరం పొలంలో చల్లి కలియదున్నాలి.

ఆధారం: www.apagrisnet.gov.in



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate