অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

అతి పెద్ద సంఖ్యలూ! అతి చిన్న సంఖ్యలూ!

అతి పెద్ద సంఖ్యలూ! అతి చిన్న సంఖ్యలూ!

చిన్నప్పుడు బలపాల కోసం, అగ్గి పెట్టెల కోసం మేం పోటీ పడేవాళ్ళం. ఎవరి దగ్గర ఎక్కరి బలపాలుంటే వాళ్ళు గొప్ప. నా దగ్గర పది ఉన్నాయి అని ఒకరంటే నా దగ్గర వంద ఉన్నాయ్ అని ఇంకొకరం బడాయి కొట్టేవాళ్లం. వంద, వేలు,... లక్ష ఇలా? ఆ తర్వాత చెప్పడం చేతయ్యేది కాదు. నా దగ్గర మబ్బన్ని బలపాలున్నాయి., అని ఎవరో ఒకరు అనేవాళ్ళు . ఇంతకంటే పెద్దది చెప్పడం చేతయ్యేది కాదు. నా దగ్గర మబ్బని బలపాలున్నాయి. అని ఎవరో ఒకరు అనేవాళ్ళు, ఇంతకంటే పెద్దది చెప్పడం సాధ్యమయ్యేది కాదు. అక్కడితో పోటీ అగిపోయ్యేది.

చాలా చిన్న పిల్లలకైతే ఒకటి తర్వాత రెండు మాత్రమే తెలుసు. వాళ్ళు అంతకుమించి లెక్క చెప్పలేరు. కొంచెం పెద్దాయ్యాక అయిదు, తర్వాత పది తెలుస్తాయి. చిన్నప్పుడు కూడిక కోసం, తీసివేతల కోసం రెండు చేతులూ, రెండు కాళ్ళూ ఎదురుగా పెట్టుకొని లెక్కచేయడం మనందరం చేసిన పనే.

ఎవరి అవసరాన్ని బట్టి వాళ్ళ సంఖ్యలుంటాయి. చాలా చాలా పెద్ద పెద్ద పనులు, ఆలోచనలు చేసేవాళ్ళకి చాలా చాలా పెద్ద సంఖ్యలు కావాలి. పూర్వం పెద్ద పెద్ద యుద్ధాలు చేసేవాళ్ళు. ఎవరికెంత బలం అనేది అక్షౌహిణిల్లో లెక్కేసేవారు. అక్షౌహిణి అంటే 21,870 రధాలు, 21,870 ఏనుగులు, 65,610 గుర్రాలు, 1,09,350 సైనికులు ఉండే సైన్యం, కౌరవులు 11, పాండవులు 7 అక్షౌహిణుల సైన్యంతో మహాభారత యుద్ధం చేశారని చెపుతారు. అయితే దీన్ని నమ్మడం కష్టం.

మన పూర్వికులు ఒకటి, పది, వంద, వెయ్యి, లక్ష, కోటి తర్వాత ఎలా లెక్కేసేవారు? అసలింతకంటే పెద్ద సంఖ్యలు వాళ్ళకి ఉండేవా? వాళ్ళకి అవసరమయ్యేవా?

చాలా చాలా పాతకాలంలో ఉండేవికావు గానీ తర్వాత ఉహకోసమైన మనవాళ్ళు పెద్ద పెద్ద సంఖ్యలకు పేర్లు పెట్టుకొన్నారు. అర్బుదం (10 కోట్లు), పద్మం (100 కోట్లు), నిఖర్వం (10 వేల కోట్లు), శంఖం (నూరు వేల కోట్లు) ఇలా ఉండేవి.

ఆ కాలపు సంఖ్యలు

ఈ కాలపు అవసరాలు చాలా పంద్దవి. ఇప్పుడు మనం నక్షత్రాల దూరాన్ని కూడా లెక్కించే కాలంలో ఉన్నాం. అందుకు తగ్గట్టు సంఖ్యలొచ్చాయి. మిలియన్ (పది లక్షలు), బిలియన్ (100 కోట్లు) అనేవి ఇప్పుడు బాగా ప్రచారంలోకి వచ్చిన పెద్ద సంఖ్యలు. దీని తర్వాత ఏమనాలి? 100 బిలియన్లు, 1000 బిలియన్లను ట్రిలియన్ అని కూడా పిలుస్తున్నాం. మరి ఆ తర్వాత?

ఆ తర్వాత కూడా బోలెడున్నాయి. వాటిని కొన్ని చూద్దాం. జెట్టా (Zetta) అంటే 1 తర్వాచ 21 సున్నాలు, యోటా (Yotta) అంటే 1 తర్వాత 24 సున్నాలు, జోనా (Xena) అంటే 1 తర్వాత 27 సున్నాలు, వేండేకా (Vendeka) అంటే 1 తర్వాత 33 సున్నాలు, గూగల్ (Googale) అంటే 1 తర్వాత 100 సున్నాలు.

ఇంతేనా, ఇంతకంటే పెద్ద సంఖ్యలు కూడా ఉన్నాయి. గూగల్ తర్వాత గూగల్ ప్లస్ ఉంది. అంటే పది గూగల్స్ అన్నమాట. ఇంకోరకంగా చెప్పాలంటే 1 తర్వాత 1000 సున్నాలు. ఇది కల్పిత సంఖ్య, కల్పిత సంఖ్య అంటే ఏమిటంటారా?

గణితంలో మరీ బడాబడా సంఖ్యల కోసం ఒక శాఖ ఉంది. దీన్ని నెంబర్ ధీయరీ అంటారు. ఈ ధీయరీ ప్రత్యేకత ఎమంటే ఒక సంఖ్యను మొదట గణిత శాస్త్రవేత్తలు ఉహిస్తారు (కల్పిస్తారు). ఈ కల్పిత సంఖ్యను స్కీవీడ్ నెంబర్ అంటారు. ఇలాంటి నెంబర్లను అంచనా వెయ్యడం, గుర్తుంచుకోవడం మన మెదడుకు కుదిరోది కాదు, సాధ్యం కాదు. అలాంటి సంఖ్యనొకదాన్ని చూస్తారా?

10/10/10/34 ఇదొక సంఖ్య. 10/10 అంటే 1010 అన్నమాట. గ్రాహం సంఖ్య నేది రో కల్పిత సంఖ్య. ఇది ఎంత పెద్దదంటే దీన్ని రాయడం ఇప్పుడున్న పద్ధతిలో బ్రహ్మకు కూడా అసాధ్యం. మొత్తం విశ్వాన్ని ఒక కాగితంగా మార్చి గ్రహం సంఖ్యను రాయడం మొదలు పెడితో కాగితం అయిపోతుంది కాని సంఖ్య మాత్రం పూర్తిగాదట. అసలింతంత సంఖ్యలెందుకు?

ఎండ్రోమీడా అనే నక్షత్రం ఉంది, దీని దూరాన్ని మీటర్లలొ చెప్పాలంటే 20 జెటా మీటర్లు. అంటే 2 తర్వాత 21 సున్నాలు. ఇప్పటికి మనకు కన్పించిన అంతరిక్ష వస్తువుల్లోకిల్లా దూరంగా ఉన్న వస్తువు భూమికి 125 యోటా మీటర్ల దూరంలో దిం. అంటే 125 తర్వాత 26 సున్నాలు. ఈ వస్తువు నుంచి కాంతి సెకండుకు 3 లక్షల కిలో మీటర్ల వేగంతో ప్రయాణించి భూమికి చేరాలంటే 13.2 బిలియన్ల సంవత్సరాలు పడుతుంది. మన బూమి బరువు ఆరు యోటా కిలోగ్రాములు. దీన్ని గ్రాముల్లోకి మారిస్తే 6000 యోటాలు. అంటే 6 తర్వాత 27 సున్నాలు, ప్రపంచంలోని పుస్తకాల్లోని అక్షరాలన్నీ లెక్కిస్తే అవి ఒక జెట్టా ఉండొచ్చు. అంటే 1 తర్వాత 21 సున్నాలు. ఇంగ్లీషు అక్షరాలన్నింటిని రకరకాలుగా పేరిస్తే 403 యోటాల రకాలుగా పేర్చవచ్చు. అంటే 403 తర్వాత 24 సున్నాలు. అర్కెమెడీస్ సంపూర్ణ విశ్వపు అణఉవుల్ని లెక్కిస్తే 1051 ఉండొచ్చునని ఉహించాడు. ఆర్ధర్ ఎడింగ్టన్ అనే శాస్త్రవేత్త ఈ సంపూర్ణ విశ్వంలోని పరిమాణువుల కంటే చిన్నకణాలు 1080 అని ఉహించాడు. అంటే 1 తర్వాత 80 సున్నాలు.

బడాబడా సంక్యల సంగతి సరే, మరి సూక్ష్మాతి సూక్ష్మ సంఖ్యల మాటేమిటి? శాస్త్రజ్ఞులకి వాటి అవసరం మాత్రం లేదేమిటి? లేకేం, బోలెడంత ఉంది. మనకు డెసి (1/10), సెంటీ (1/100), మిల్లీ (1/1000), బాగా తెలుసు. ఆ తర్వాత మైక్రో(10-6) నేనో(10-9), పీకో(10-12) అనేవి కొంతమేర తెలుసు, మరి వీటికంటే చిన్నవి చూద్దామా?

ఫెమ్టో (Femto10-15), ఎట్టో (Etto 10-18), జెప్టో (Zepto10-21), యోక్టో (Yocto10-24), జేనో (Xenno10-27), వెండెకో (10-30) ఇంకా ఇంకా చిన్న సంఖ్యలు.

మరి ఇవెక్కడ అవసరం అంటారా? ఉదాహరణకి ఒక పరమాణఉవు బరువు 1.66 x 10-27 కిలోగ్రాము. అంటే 1.66 యోక్టోగ్రామ్. అయితే పెద్ద సంఖ్యలకు లాగా చిన్న సంఖ్యలకు కల్పిత సంఖ్యలు లేవు. ఇంకా ఇంకా సైన్సు పెరిగినప్పుడు అవీ రావచ్చు.

ఇప్పుడు చెప్పండి మీకు ఎన్ని ఒంట్లు వచ్చు అని అడిగితే ఏం జవాబు చెపుతారు?

ఆధారం: విఠపు బాలసుబ్రమణ్యం

చివరిసారిగా మార్పు చేయబడిన : 6/26/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate