অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

రేడాన్ (Rn)

రేడాన్ (Rn)

పిల్లలూ మనం ఆవర్తన పట్టికలోని ఆరవ పీరియడ్ లోని చివరి మూలకం గూర్చి తెల్సుకుందామా. ఈ మాలకం పేరు రేడాన్. దీని సంకేతం Rn. ఇది ఆవర్తన పట్టికలో ఆరవ పీరియడ్ లోనూ మరియు “O” గ్రూపులోను వుంటుంది. ఈ గ్రూపు మూలకాలన్నింటిని కలిపి జడవాయు మూలకాలు లేదా ఉత్కృష్ఠ వాయు మూలకాలు అంటారు. ఈ గ్రూపులోని రేడాన్ తో సహా అన్ని మూలకాలు కూడ వాయువులే. కాకపోతే రేడాన్ మాత్రము రేడియోధార్మికతను ప్రదర్శించును. ఈ గ్రూపు మూలకాలను జడవాయు మూలకాలు అని అనడానికి కారణం ఇవి రసాయన చర్యలలో పాల్గొనకపోవడమే కాని ఇప్పుడు ఈ గ్రూపులోని కొన్ని మూలకాలు ఆర్గాన్ మరియు జీనాన్ రసాయన చర్యలలో పాల్గొని అనేక సమ్మేళనాలను ఏర్పరుచుచున్నవి. కాబట్టి ఈ గ్రూపులోని కొన్ని మూలకాలు జడవాయు మూలకాలకు బదులుగా ఉత్కృష్ఠ వాయు మూలకాలు అనడం సరియైనది.

1785 సం.లో కావెండ్ శాస్త్రవేత్త ఈ గ్రూపుమూలకాలు గాలిలో ఆక్సిజన్ మరియు నైట్రోజన్ తో పాటు కలిసి యుంటాయని తెలిపెను. ఈ గ్రూపుమూలకాలను గాలి నుండి వేరు చేసిన శాస్త్రవేత్తలు మరియు రేడాన్ మూలకాన్ని 1902 సం.లో రూథర్ ఫర్డ్ మరియు సోడి శాస్త్రవేత్త మొదటి సారిగా గుర్తించి రేడాన్ అని నామకరణం చేసినారు. ఈ మూలకం పరమాణు సంఖ్య 86. వాలెన్సి ఎలక్ట్రాన్ విన్యాసం 6S2 6P6. ఈ గ్రూపుమూలకాలన్ని తమ బాహ్య కర్పరం 8 ఎలక్ట్రానులతో నిండి యుండడం ద్వారా ఆక్టెట్ సిద్ధాంతాన్ని పాటించి స్థిరత్వాన్ని పొందియున్నది. ఈ మూలకం రేడియోధార్మిక ధర్మాలను ప్రదర్శించును. కాబట్టి దీనికి స్థిరత్వం తక్కువ దీని అర్దాయువు 3.824 రోజులు ఒక గ్రాము Ra 226 30 రోజులలో విఘటనం చెంది 0.64 సెంమీ3 రేడాన్ ను ఏర్పరుచును. ఈ మూలకానికి ఒకటే సమస్థానీయం కలదు. దీని పరమాణుభారం 222. ఇది గాలిలో నామ మాత్రంగా యుంటుంది. కాని భూపటలంలో 1.7x10-10 పిపియం వరకు యుంటుంది. దీని ప్రథమ అయనీకరణ శక్యము విలువ 1037 కిలోజౌల్స్ / వెశాలు). దీని కరుగు ఉష్ట్రోగ్రత -62ºC మరియు మరుగు ఉష్ట్రోగ్రత -71ºC. సాంద్రత 9.73 మి.గ్రా,, సెంమీ.-3 ఈ మూలకంను క్యాన్సర్ వ్యాధి నివారణలో విరివిగా ఉపయోగిస్తారు. ఈ మూలకం జడవాయు మూలకం మరియు రేడియో ధార్మిక మూలకం కాబట్టి దీని యొక్క రసాయన సమ్మేళనాలు అసలు లేవని చెప్పవచ్చు.

రచయిత: డా. కె, లక్ష్మారెడ్డి, అసోసియేట్ ప్రొఫెసర్, ఎన్.ఐ.టి.వరంగల్.



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate