కొబ్బరి నూనెను తలనూనెగానే ఉపయోగిస్తాం. కానీ పోషకాల నిలయమైన కొబ్బరినూనెను వంటకు ఉపయోగించవచ్చు. కేరళ రాష్ట్రంలో వంటకు కొబ్బరినూనెనే విరివిగా ఉపయోగిస్తారు. ఈ నూనెలోని పోషకాలు, వంటకు ఉపయోగించే విఽధానాల గురించి తెలసుకుందాం.
పోషకాలు..
కొబ్బరి నూనె - 100గ్రా
కెలోరీలు - 862
మొత్తం కొవ్వులు - 100గ్రాముల్లో
ఇందులో..
శాచురేటెడ్ ఫ్యాట్ - 87గ్రా
పాలీఅన్శాచురేటెడ్ ఫ్యాట్ - 1.8గ్రా
మోనోశాచురేటెడ్ ఫ్యాట్ - 6గ్రా
ఆరోగ్యపరమైన ప్రయోజనాలు
కొబ్బరినూనె జీర్ణశక్తిని పెంచి వ్యాధులు, ఇన్ఫెక్షన్లకు గురికాకుండా రోగనిరోధకశక్తిని పెంచుతుంది. ఈ నూనెతో పొందే ఇతర ప్రయోజనాలు...
- ఇందులోని శాచురేటెడ్ ఫ్యాట్స్ గుండెకు హాని కలిగిస్తాయనుకుంటారు. కానీ అది నిజం కాదు. శాచురేటెడ్ ఫ్యాట్స్ గుండెకు మేలు చేస్తాయి. దీన్లోని లారిక్ యాసిడ్ కొలెసా్ట్రల్.. రక్తపోటు వల్ల గుండెకు హాని కలగకుండా రక్షణనిస్తుంది.
- కొబ్బరినూనెలోని షార్ట్ అండ్ మీడియం చైన్ ఫ్యాటీ ఆమ్లాలు శరీర అధిక బరువును తగ్గిస్తాయి. అలాగే కొబ్బరినూనె వాడటం వల్ల సీ్త్రలలో పొట్ట చుట్టూ కొవ్వు పేరుకోకుండా ఉంటుంది.
- కొబ్బరినూనె వాడకం వల్ల థైరాయిడ్ ఇతర ఎండోక్రైన్ గ్రంథులు సక్రమంగా పనిచేస్తాయి.
- శరీర మెటబాలిక్ రేట్ను పెంచుతుంది. ఫలితంగా బాడీ వెయిట్ అదుపులో ఉంటుంది.
- ఈ నూనెలో ఉండే యాంటీమైక్రోబియల్ లిపిడ్స్, లారిక్ యాసిడ్, కాప్రిలిక్ యాసిడ్లు యాంటీ బ్యాక్టీరియల్, యాంటీ ఫంగల్, యాంటీ వైరల్ గుణాల్ని కలిగి ఉంటాయి. కాబట్టి కొబ్బరినూనె వాడకం వల్ల సంబంధిత వ్యాధులు దరి చేరవు.
- కిడ్నీలో ఏర్పడే రాళ్లను కరిగించే శక్తి కూడా కొబ్బరినూనెకు ఉంది.
వంటల్లో ఇలా ఉపయోగించాలి
- కొబ్బరినూనె స్మోకింగ్ పాయింట్ 350 ఫారిన్హీట్. కాబట్టి ఈ నూనెను అన్ని రకాల వంటలకూ వాడొచ్చు.
- కేక్లాంటి వంటకాల్లో వెన్నకు బదులుగా కొబ్బరినూనెను ఉపయోగించొచ్చు. అలాంటప్పుడు వెన్న పరిమాణంలో 25శాతం తక్కువ కొబ్బరినూనె వాడాలి.
- పాప్కార్న్ తయారీకి కొబ్బరినూనెను వాడొచ్చు.
- వర్జిన్ కోకోనట్ ఆయిల్ వెన్నలా ఉంటుంది. దీన్ని బటర్లా బ్రెడ్ మీద అప్లై చేసి తినొచ్చు.
- స్మూదీస్, సూప్స్, సాసె్సలో కలుపుకోవచ్చు.
- ఈ నూనెతో అన్ని రకాల కూరగాయల వేపుళ్లు వండుకోవచ్చు. పప్పు తాలింపులో వాడొచ్చు.
ఆధారము: ఆంధ్రజ్యోతి
చివరిసారిగా మార్పు చేయబడిన : 6/29/2020
0 రేటింగ్స్ మరియు 0 వ్యాఖ్యలు
నక్షత్రాలపై రోల్ చేసి, ఆపై రేట్ చేయడానికి క్లిక్ చేయండి
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.