కలుషితాహారం

మానవులు మరియు జంతువులు మింగినప్పుడు ఆహారములోని విషపదార్ధాలు ప్రమాదకరమైన పరిణామాలు కలిగిస్తాయి.

అవి ఆహారములో స్వతస్సిద్ధంగా ఉండవచ్చు లేదా సక్రమంగా లేని తయారీ,నిలువ,రవాణా మరియు ప్యాకింగ్ వల్ల తలెత్తవచ్చు.

ఆహారములో సహజముగా కలిగే విషపదార్ధాలు

• ఎన్నో విషపదార్ధాలు స్వతస్సిద్ధంగానే ఆహారములో ఉంటాయి.
• వాటిని తినకుండా విడిచిపెట్టటమో లేదా వాటిని సరియైన జాగ్రత్తలు తీసుకుని తొలగించటమో ఉత్తమం.
• లాథిరిజం,క్షారకాల వల్ల వెనొ అక్లూజివ్ వ్యాధి, మరియు ఉబ్బు వ్యాధి అనేవి సహజంగా కలిగె  కొన్ని వ్యాధులు
• స్యనొజెని గ్లైకోసైడ్స్,ట్రిప్సిన్ ఇన్హిబిటర్స్, హెమ్ అగ్లుటినిన్స్ వాతకారకాలు

"ఆహారము లో పోషకేతరాలు"విభాగాన్ని మరింత తెలుసుకునేందుకు సందర్శించండి

రసాయన మలినకారకాలు

విషపూరిత లోహాలు

• అతితక్కువస్థాయిలోనైనా విషప్రభావాన్ని చూపించేలోహాలు విషపూరితలోహాలు.
• కాడ్మియం.పాదరసం,పాషాణం,అల్యూమినియం,నీలాంజనం9,బెరిలియం మరియు బేరియం.
• పారిశ్రామికకరణం పెరుగుదలవల్ల మరియు పారిశ్రామిక వ్యర్ధాలను సక్రమంగా తొలగించకపోవటం వల్ల ఈ లోహాలు భూమి,నీరు మరియు గాలిని కలుషితం చేస్తున్నాయి.
• కలుషితప్రాంతములో పెరిగిన మొక్కలు లేదా  పశువులు వల్ల ఇవిమానవ సమూహములోకి ప్రవేశించవచ్చు

కొన్ని సాధారణ లక్షణాలు

• అలసట,పొత్తికడుపులో ఇబ్బంది,అనాసక్తత,చిరాకు మరియు రక్తహీనత(సీసపు విషప్రయోగం)
• నాడిపరమైన మరియు మూత్రపిండసంబంధమైన ఇబ్బందులు (పాదరసం)
• కండరాల బలహీనత,ఆకలి లేకపోవటం,వికారం,కంటిపొరమంట,ముక్కు మరియు ఊపిరితిత్తులు(పాషాణం)

రసాయన పురుగుమందులు

• రకరకాల తెగుళ్ళను నివారించేందుకు వ్యవసాయములో కీటక నాశిని, శిలీంధ్రనాశిని,ఎలుకమందులు మొదలైన వాటిని ఉపయోగించటం అధికమయ్యింది.
• అయినా, విచక్షణారహితంగా ఉపయోగించటంవల్ల పురుగుమందుల అవశేషాలు ఆహారములొ మరియు నీటిలో దొరుకుతున్నాయి,మానవుల మరియు పశువుల ఆరోగ్యాన్ని ప్రభావితం చేస్తున్నాయి.
• వీటిలో అధికభాగం కేంద్రనాడీవ్యవస్థను ప్రభావితం చేస్తున్నాయి.
• సహించదగ్గస్థాయిని దాటి పురుగుమందులు గోధుమ, వరి, తృణధాన్యాలు. వేరుశెనగ ,కూరగాయలు, బంగళాదుంపలు, ఫలాలు,పాల ఉత్పత్తులు,మాంసము మరియు గుడ్లలో ఉంటున్నాయి.
• కాన్సర్ ప్రేరక మార్పులు,కంటి శుక్లం ఏర్పడటం,జ్ఞాపకశక్తి తగ్గటం,శ్వాసక్రియలో ఇబ్బంది, ప్రవర్తనాసంబంధమైన మార్పులు, నాడీమండలం విషప్రభావాన్ని తట్టుకునే శక్తి తగ్గటం,అసంతులనజీవ ఉత్ప్రేరకాలు,చర్మంపై ఎలర్జీలు వంటి కొన్నిప్రమాదకరమైన  ప్రభావాలు

ఆరోగ్యచిట్కా

పురుగుమందులను తక్కువగా తీసుకోడానికి

• కలుషితపదార్ధాలను వండేముందర(నానబెట్టి పారుతున్ననీటితో) కడగాలి
• కూరగాయలు మరియు ఫలాల పై తొక్కలను వలవాలి
• కూరగాయలు మరియు ఫలాల పై తొక్కలను వలవలేనప్పుడు శుభ్రంగా కడగాలి

ఆహారం జీర్ణమయ్యేటప్పుడు సూక్ష్మజీవులద్వారా విడుదల అయ్యే విషపదార్ధాలు

అతిసూక్ష్మజీవులద్వారా కలిగేమత్తు

స్టాఫిలోకోక్కల్ విషపూరితమవ్వటం

• స్టాఫిలోకోక్కల్ ఆరియస్ వల్ల సంక్రమించే  అంటువ్యాధి ద్వారా కలుగుతుంది.
• వికారం,వాంతులు,పొత్తికడుపులో నొప్పి,అతిసారం,నిర్జలీకరణ అనేవి లక్షణాలు.తీవ్రంగ ఉన్నా,సరిగా చికిత్సలభించక పోయినా ప్రాణాంతకమవుతుంది. విషాహారం తీసుకున్న 1-6 గంటలలో లక్షణాలు కనిపిస్తాయి.
• విషపూరితమయ్యే సాధారణ అహారపదార్ధాలు: పెరుగు మరియు వెన్న, బేకరీపదార్ధాలు, కోళ్ళ ఉత్పత్తులు, పులియ బెట్టిన మాంసం, మరియు పాల ఉత్పత్తులు ముఖ్యంగా భారతదేశములో ‘కోవా’.

దండాకార అతిసూక్ష్మ జీవుల వల్ల కలిగేవి షప్రభావము

వికారం, పొత్తికడుపులో నొప్పి లేదా అతిసారం కలిగించవచ్చు. విషాహారం తీసుకున్న 15 నిమిషాల నుంచి 11 గంటలలో లక్షణాలు కనిపిస్తాయి.

విష పూరితమయ్యే సాధారణ అహారపదార్ధాలు: తృణ ధాన్యా హారాలైన వరి, సాసులు, కూరగాయలసూపులు ,మొదలైనవి. ఎక్కువభాగం ప్రమాదాలు వండిన అన్నం కలుషితం కావటం వల్ల సంభవిస్తాయి.

ఆహారం విషతుల్యం కావడం ( బొటులిసమ్ )

• క్లాస్ట్రిడియం బాటులినియం సంక్రమణం వల్ల కలుగుతుంది.
• వికారం,వాంతులు,తలనొప్పి,నిరంతరం ఉండే మలబద్దకం తోపాటు కంటిచూపు మసకబారటం.
• విషాహారం తీసుకున్న 2గంటలనుంచి 14రోజులలో లక్షణాలు కనిపిస్తాయి.
• విషపూరితమయ్యే సాధారణాఅహారపదార్ధాలు:పులియబెట్టిన లేదా పొగబెట్టిన సముద్ర ఉత్పత్తులు, మాంస ఉత్పత్తులు,

అతిసూక్ష్మజీవులనుండివిషప్రభావం తప్పించుకునేందుకు ఆరోగ్యచిట్కాలు

• వంటకు ముందు తర్వాత సక్రమంగా పరిశుభ్రతను పాటించటం.
• ఉపయోగించేంత వరకూ సక్రమంగా ఆహారాన్నినిలువ ఉంచటం.
• అన్నం తదితర వేడి ఆహార పదార్ధాలను భుజించే వరకూ 65డిగ్రీల సెంటీగ్రేడు వద్ద ఉంచాలి. పాలుమరియు ఇతర పాల ఉత్పత్తులు వంటి ఆహారపదార్ధాలను 7 సెంటీగ్రేడు డిగ్రీల కన్నా తక్కువలో భద్రపరచాలి.
• గది ఉష్ణోగ్రతల వద్ద అన్నము మరియు ఇతర వండిన పదార్ధాలను ఎక్కువసేపు ఉంచకూడదు. తరచూ చేతులు పెట్టకూడదు.

ఆహారజనిత వ్యాధిసంక్రమణలు

• రోగాణువుసూక్ష్మక్రిములు ప్రేవులపొరలను చొచ్చుకుపోయి అక్కడ ఎన్నో రెట్లుగా పెరుగుతాయి లేదా మరొక కణజాలాల లోకి తరలివెళ్ళి అక్కడ ఎన్నో రెట్లుగా పెరుగుతాయి.
• టైఫాయిడ్,రక్తవిరేచనాలు,ఇకొలి అతిసారం,కాలేయపుజబ్బు ఎ(హెపటైటిస్ ఎ) గుల్ల చేప విషం అనేవి సాధారణ సంక్రమణలు

అరోగ్యచిట్కా

ఆహారజనిత వ్యాధిసంక్రమణల నివారణకు

• వ్యక్తిగత పరిశుభ్రతపై, ఆరోగ్య రక్షణ మీద శ్రద్ధ వహించండి
• మంచి వంట పద్ధతులు పాటించండి
• అపరిశుభ్రమైన చోట్ల వండిన తిను బండారాలను తినకండి
• మురుగునీరు వెళ్ళేందుకు సురక్షితమైన, సక్రమమైన మార్గము మరియు తాగు నీటి అవసరాల కొరకు రక్షిత నీటి సరఫరా

ఆధారము: పోర్టల్ విషయ రచన సభ్యులు