ఉపయోగకరమైన చిట్కాలు

ఉపయోగకరమైన చిట్కాలు

వ్యక్తిగత కంప్యూటర్ (పి సి)ల ప్రకాశవంతమైన అధిక వేడిమి (రేడియేషన్)ని ఎదుర్కొనేందుకు ఆరు (6) చిట్కాలు

మీ యొక్క వ్యక్తిగత కంప్యూటర్లు/ల్యాప్ టాప్ ల నుండి వెలువడుతూ వుండె ప్రకాశవంతమైన, అధిక వేడికల్గిన  రేడియేషన్ మీకెంత హానికరమైనదోనని తెలుసుకొని మీరు ఎప్పుడైనా ఆశ్చర్యపోయారా?

మీ యొక్క వ్యక్తిగత కంప్యూటర్లు అధిక వేడిమి కల్గిన ఎలక్ట్రోమేగ్నటిక్ వెలుతురును వెలువరిస్తున్నట్టు పరిశోధనలు తెలిపాయి. కంప్యూటర్ యొక్క ప్రింటర్ , మోడెమ్ మరియు వై-ఫై (wi-fi) పరికరాలు విడుదల చేసే ఈ అధిక వేడిమి వలన నిద్రకు సంబంధించిన అనారోగ్యాల నుండి శరీర తత్వానికి సరిపడని ప్రతికూలచర్యలు మరియు గుండె సంబంధిత వ్యాధుల వరకు దారితీయవచ్చు. ఉదాహరణకు ఒక పాత సి ఆర్ టి 30 సెంటి మీటర్ల కంప్యూటర్ మానిటర్ తనముందునుండి రమారమి 3 మిల్లిగాస్ ల మరియు పక్కలనుండి 4 మిల్లిగాస్ ల ప్రకాశవంతమైన అధిక వేడిమిని విడుదల చేస్తుంది.

వ్యక్తిగత కంప్యూటర్ల నుండి వెలువడే హానికరమైన ప్రకాశవంతమైన అధిక వేడిమి నివారణకు కొన్ని చిట్కాలు.

1. మీ యొక్క పాత వ్యక్తిగత కంప్యూటర్ కి ముఖ్యంగా ఇప్పటికీ సి ఆర్ టి కంప్యూటర్ మానిటర్ ఉన్నట్లయితే అటువంటి కంప్యూటర్ ను వెంటనే మీరు వదిలించుకోండి. పాత డబ్బా లాంటి కేధోడ్ – రే ట్యూబ్ కంప్యూటర్ మానిటర్ లు హెచ్చు స్ధాయిలో ప్రకాశవంతమైన అధిక వేడిమిని వెలువరిస్తాయని పరిశోధనల వలన తెలిసింది.
   ఎల్ సి డి మానిటర్ లు సి ఆర్ టి లతో పోల్చి చూస్తే తక్కువ వేడిమిని విడుదల చేస్తాయి. నివేదికల ఆధారంగా 30 సెంటి మీటర్ల ఎల్ సి డి స్క్రీన్ లు అతి తక్కువ స్ధాయిలో వుండే ఫ్రీక్వెన్సీతో, అంటే 0.3 మిల్లిగాస్ ను ఒక ఇ. ఎమ్. ఎఫ్. (అతి తక్కువ పౌనః పున్యము ) నకు ముందు, వేనుక భాగముల నుండి విడుదల చేస్తుండగా, పక్కలనుండి మాత్రం ఎటువంటి వేడిమిని విడుదల చేయవు. పాత కంప్యూటర్ లను అధునాతన సాంకేతిక పరిజ్ఞానం తో అభివృద్దిచేసిన కొత్త నమూనా లతో పోల్చి చూస్తే పాతవి 2 రెట్లు అధిక మొత్తంలో వేడిమిని విడుదల చేస్తున్నట్టు నివేదికలు సూచించాయి.
2. కంప్యూటర్ స్రీన్ కు రేడియేషన్ ఫిల్టర్ ను అమర్చితే ఆ కంప్యూటర్ విడుదల చేసే ప్రకాశవంతమైన అధిక వేడిమి (రేడియేషన్) ప్రభావాన్ని తగ్గించవచ్చు. వ్యక్తిగత కంప్యూటర్ దగ్గరలో ఎటువంటి లోహపు వస్తువులు వుంచకండి. ఎందుకంటే అవి కూడా ఎలక్ట్రోమేగ్నటిక్ తరంగాలను విరజిమ్ముతాయి.
3. చూడడానికి అనువుగా ఉండే రీతిలో కంప్యూటర్ స్క్రీన్ వెలుతురు స్ధాయిని ఏర్పాటు చేసుకోండి. నివేదికలను అనుసరించి, స్క్రీన్ వెలుతురు ఎక్కువగా వున్నట్లయితే వేడిమి కూడా ఎక్కువగా వుంటుంది. అలాగే ఆ వెలుతురు తక్కువగా వుంటే వేడిమి కూడా తక్కువగా వుంటుంది. అదేవిధంగా స్క్రీన్ యొక్క వెలుతురు మరీ తక్కువగా వుండకుండా జాగ్రత్త పడాలి. లేకపోతే ఆ వెలుతురు మీ కళ్శకు హాని కలిగించవచ్చు. కంప్యూటర్ స్క్రీన్ నుండి 50 -75 సెం.మీ. దూరంలో ఉండి చూడడం ఆద్రర్షవంతమైనటు వంటిది
4. వ్యక్తిగత కంప్యూటర్ నుండి వెలువడే హానికరమైన ప్రకాశవంతమైన అధిక వేడిమి (రేడియేషన్) తగ్గించేందుకు మీరు ఆ కంప్యూటర్ ను ఎక్కడ వుంచాలో నిర్ణయించుకోండి. ఎవరైనా కూర్చోని వున్న చోట కంప్యూటర్ యొక్క వెనుక భాగం రాకుండా(delete) వుండేలా మీ కంప్యూటర్ ను అమర్చుకోవాలి. పరిశోధనల ప్రకారం కంప్యూటర్ వెనుక భాగం శక్తివంతమైన రేడియేషన్ విడుదల చేస్తుంది. అయితే కంప్యూటర్ ముందు భాగం స్క్రీన్ నుంచి రేడియేషన్ అతి తక్కువ స్ధాయిలో విడుదల అవుతుంది.
5. ఇది వినడానికి ఆశ్చర్యకరంగా వున్నా ఈ చిట్కా బాగా పనిచేస్తుందనిపిస్తుంది. ఎడారి మొక్క అయిన కాక్టస్ అధిక వేడిమిని గ్రహించే గుణం కలది అవడంచేత దీనిని కంప్యూటర్ వెనకాల వుంచితే హానికరమైన రేడియేషన్ ప్రభావమును నివారించి మీకు మేలు కలుగజేస్తుందని నివేదికలు తెలియజేస్తున్నాయి.
6. మీ ఆరోగ్యానికి విపరీతమైన హాని కల్గించే కార్సినోజెనిక్ పదార్దాలను మీ కంప్యూటర్ స్క్రీన్ విడుదల చేస్తుంది. ఈ ప్రభావాన్ని సాధ్యమైనంత తక్కువ చేసేందుకు మీ గదిలో తగినంత వెలుతురు, గాలి వచ్చేలా చూసుకోవాలి. అలాగే కూలర్ గాని లేదా ఫ్యాన్ ను మీ కంప్యూటర్ దగ్గరలో ఏర్పాటు చేసుకుంటే మరింత ఉపయోగపడవచ్చును. అలాగే మీరు కంప్యూటర్ పైన పనిచేసేప్పుడు ముఖానికి అంటుకొనివున్న ఎలక్ట్రోమేగ్నటిక్ రేడియేషన్ అణువులను తొలగించేందుకు తరచు నీటితో కడుగుకోవాలి. సులువుగా ఈ చిట్కాలను మీరు పాటించి మీ పై పడే రేడియేషన్ ప్రభావాన్ని సుమారు 70 శాతం వరకు వదిలించుకోవచ్చును.

సెల్ ఫోన్ రేడియో ధార్మికశక్తి (రేడియేషన్) సోకడం తగ్గించుకోవడానికి చిట్కాలు

సెల్ ఫోన్ ద్వారా మన మాటలు ఇతరులకు వినిపించాలన్నా, మన సందేశాలు ఇతరులకు చేరాలన్నా, ఆ సెల్ ఫోను రేడియో ధార్మిక శక్తిని (రేడియేషన్ ను) విడుదలచేయవలసి వుంటుంది. ఈ రేడియేషన్ వల్ల తలెత్తే ఆరోగ్యసమస్యలను గురించి నిర్ధారణ కానప్పటికి, తరచుగా సెల్‌ఫోన్‌ను వినియోగించేవారికి మెదడులోను, నోటిలోను కణుతులు ఏర్పడే అవకాశం , పిల్లలలో నడవడికకు సంబంధించిన సమస్యలు తలెత్తే అవకాశం ఎక్కువవుతుందని కొన్ని పరిశోధనలు (అన్నీ కావు) సూచిస్తున్నాయి. ప్రమాదానికి లోనుకాకుండా సురక్షితంగా వుండడంకోసం ఈ కింద పేర్కొంటున్న కొన్ని చిట్కాలను పాటించండి.

1. తక్కువ రేడియేషన్ ప్రభావం ఉండే ఫోన్లనే కొనండి
కొనుగోలుదారులకు మార్గదర్శకాలను సూచించే ఇ.డబ్ల్యు.జీ. అనే చిరుపుస్తకంలో మీరు ఆశించే ఫోన్ కోసం చూడండి. (మీరు ఉపయోగించే బ్యాటరీ క్రిందిభాగంలో మీ ఫోన్ నమూనా (మోడల్) నెంబరు ముద్రించి ఉండవచ్చు). వీలైనంత, అతి తక్కువ రేడియేషన్ విడుదల చేస్తూ, మీ అవసరాలను తీర్చ గలిగే దానితో మీ ఫోన్ ను మార్చుకోవడాన్ని పరిశీలించండి.

2. హెడ్ సెట్ ను లేదా స్పీకర్ ను ఉపయోగించండి
ఫోన్ల కంటే హెడ్ సెట్ లు అతి తక్కువ రేడియేషన్ ను విడుదల చేస్తాయి. సెల్ ఫోన్ హెడ్ సెట్ కు సంబంధించిన మార్గదర్శకాలను గమనించి, వైర్ తో ఉండే, లేదా వైర్‌లెస్ రకం హెడ్ సెట్ ను ఎంచుకోండి (ఎటువంటి రకం క్షేమకర మైనది అన్న విషయంపై నిపుణులు భిన్న అభిప్రాయాలు కలిగి ఉన్నారు). కొన్ని వైర్ లెస్ హెడ్ సెట్ లు తక్కువ స్ధాయి రేడియేషన్ ను తెంపులేకుండా విడుదల చేస్తూనే ఉంటాయి అందుచేత, మీరు ఫోన్ మాట్లాడనపుడు హెడ్‌సెట్ ను చెవిదగ్గరనుంచి తీసివేయండి. స్పీకర్‌ను ఉపయోగించి ఫోన్ మాట్లాడడంకూడా మీ తల రేడియేషన్ కు గురికావడాన్ని తగ్గిస్తుంది.

3. ఎక్కువ వినండి, తక్కువ మాట్లాడండి
మీరు మాట్లాడేటప్పుడు, సందేశాలను పంపేటప్పుడు కూడా మీ ఫోన్ రేడియేషన్ ను విడుదల చేస్తూ ఉంటుంది కానీ , మీరు సందేశాలను అందుకునేటప్పుడు మాత్రం కాదు. అందుచేత ఎక్కువగా వినడం, తక్కువగా మాట్లాడడం అన్నది మీరు రేడియేషన్ కు గురికావడాన్ని తగ్గిస్తుంది.

4. ఫోన్ ను మీ శరీరానికి దూరంగా వుంచండి
మీరు మాట్లాడేటప్పుడు (హెడ్ సెట్ తో గాని లేక స్పీకర్ తో గాని) ఫోన్ ను మీ శరీరానికి, అంటే ఛాతిభాగానికి, మొండేనికి దూరంగా వుంచండి , చెవివద్ద వుంచుకోవద్దు జేబులో పెట్టుకున్నా, లేదా బెల్టుకు తగిలించుకున్నా , మీ శరీరంలోని మృదువైన కణాలు రేడియేషన్‌ను తమలో ఇముడ్చుకోగలుగుతాయి.

5. మాట్లాడటం కంటే, సందేశాలను పంపడాన్నే ఎంచుకోండి
మౌఖికంగా కంటే, లిఖితపూర్వకంగా సందేశాలను పంపడానికి ఫోన్లు తక్కువ శక్తిని వినియోగిస్తాయి (అంటే తక్కువ రేడియేషన్). మీ చెవిదగ్గర ఫోన్ ను పెట్టుకుని మాట్లాడటం కన్నా లిఖిత పూర్వకమైన సందేశాలను పంపడం మీ తలను రేడియేషన్ కు దూరంగా ఉంచుతుంది.

6. సంకేతాలు (సిగ్నల్సు) బలహీనంగా ఉన్నాయా? అయితే ఫోన్ ను దూరంగా పెట్టేయండి
మీ ఫోన్ మీద తక్కువ గీతలతో సంకేతాలు కనిపిస్తున్నట్లయితే, సంకేతాలనందుకునే స్ధంబానికి (సిగ్నల్ టవర్) మీ సంకేతాన్ని చేరవేయడానికి అది ఎక్కువ స్ధాయిలో రేడియేషన్ విడుదల చేయడం జరుగుతోందన్న మాట. మీ ఫోన్‌లో సంకేతాలు బలంగా వున్నప్పుడే ఫోన్ చేయండి, లేదా అందుకోండి.

7. పిల్లల ఫోన్ వాడకాన్ని పరిమితం చేయండి
పెద్దలకంటె , చిన్న పిల్లల మెదళ్ళు రెండింతలు రేడియేషన్‌కు గురవుతాయి. అత్యవసరమైన పరిస్థితిలో తప్ప పిల్లల ఫోన్ వినియోగాన్ని పరిమితంచేయాలని కనీసం 6 దేశాలలోని నిపుణులు చేసిన సిఫార్సులతో ఇ.డబ్ల్యు.జీ ఏకీభవిస్తున్నది.

8. ‘రేడియేషన్ కవచాన్ని (షీల్డ్)‘ తీసివేయండి
యాంటెనా క్యాప్స్ , కీ ప్యాడ్ కవర్స్ వంటివి సెల్ ఫోన్ అనుసంధానత (కనెక్టివిటి) నాణ్యతను తగ్గించివేస్తాయి. అందువల్ల అలాంటి ఫోన్లు మరింత శక్తితో , మరింత రేడియేషన్‌తో పనిచేయవలసి వస్తుంది.

వాతావరణ మార్పులు

పర్యావరణ వ్యర్ధాలు (  E – waste), 2012 సంవత్సరానికి, 8,00000 టన్నులు అధికమయ్యేటట్లు భావన. 2005వ సంవత్సరంలో, 1,46,800 టన్నులు ఇ వ్యర్ధాలు దేశంలో ఉత్పత్తి అయ్యాయి. ఇది 2012 సంవత్సరం నాటికి, 8,00000 దాకా అధికమయ్యే సూచనలు కనిపిస్తున్నాయి. కేంద్రీయ కాలుష్య నివారణ సంస్ధ ( central pollution board – cpcb) చేసిన ఒక సర్వే ప్రకారం పది పెద్ద నగరాలు పర్యావరణ వ్యర్ధాలను తయారు చేయడంలో ముందున్నాయి. అవి వరుసగా ముంబై, ఢిల్లీ, కోల్ కత్తా, చెన్నై, అహమ్మదాబాద్, హైదరాబాద్, పూణె, సూరత్ మరియు నాగపూర్.

2010-11కేంద్ర బడ్జెట్ లో స్వచ్ఛమైన పర్యావరణం

• నూతన మరియు పునరుత్పాదక ఇంధన రంగాలకు కేటాయింపులు 61శాతం పెంచారు...గతంలో రు.620కోట్లు ఉన్న ఈ కేటాయింపులు 2010-11లో రు.1,000కోట్లకు పెరిగాయి.
• భారతదేశంలో ఉత్పత్తయ్యే బొగ్గుపై స్వచ్ఛ ఇంధనం పన్నును టన్నుకు రు.50 చొప్పున విధిస్తారు.
• జాతీయ స్వచ్ఛ ఇంధన నిధి ఏర్పాటు చేస్తారు.
• నేలకోతను నివారించడానికి మరియు పచ్చదనం పెంచడానికి గోవాకు ప్రత్యేక ప్యాకేజికింద రు.200కోట్లు కేటాయించారు.
• వాతావరణాన్ని తట్టుకుని నిలిచే వ్యవసాయ కార్యకలాపాలకు 2010-11లో రు.200కోట్లు అందిస్తారు.

కార్లు మరియు వాతావరణ మార్పులు

కారు నడుస్తున్నప్పుడల్లా గాలిలోకి కార్బన్ డయాక్సైడ్ (లేదా) సీఓ2 విడుదలవుతుంది. కారు నడిపే ప్రతి ఒక్కరూ, పెట్రోల్ లేదా డీజెల్ వాడకంవలన ఆ కారు వెనుకగొట్టం నుంచి ఏడాదికి 7,700 కిలోల సీఓ2ను గాలిలోకి వదులుతున్నారు. ప్రతి ఒక్క కారు విడుదల చేసే ఈ సీఓ2 పరిమాణాన్ని పీల్చుకోవడానికి మనకు సగటున మంచి పరిమాణంలో ఉండే చెట్లు ఒక వంద అవసరమవుతాయి.అవసరమైనంతవరకే వాహనాలను వినియోగించండి...చెట్లను విరివిగా నాటండి.

కాలుష్య నియంత్రణలో 123వ ర్యాంకులో భారత్

2010 వాతావరణ పనితీరు సూచిక(ఈపీఐ) గణాంకాల ప్రకారం కాలుష్య నియంత్రణలో భారత్ 123వ ర్యాంకులో ఉంది. ఇది పెరుగుతున్న ఆర్ధికాభివృద్ధి, వాతావరణంపై చూపుతున్న ప్రభావాన్ని ప్రతిబింబిస్తోంది. ఈ సూచిక ప్రకారం కాలుష్య నియంత్రణను, సహజ వనరుల సద్వినియోగంలో, సవాళ్ళను ఎదుర్కోవడంలో ప్రపంచంలోకెల్లా ఐస్ ల్యాండ్ ప్రధమస్థానంలో ఉంది. స్విట్జర్లాండ్, కోస్టారికా, స్వీడన్ మరియు నార్వే దాని తర్వాత స్థానాలలో ఉన్నాయి.

యాలే విశ్వవిద్యాలయం మరియు కొలంబియా విశ్వవిద్యాలయంలలోని కొంతమంది పర్యావరణ నిపుణుల బృందంతో ఈపీఐ రూపొందించబడినది. పర్యావరణ పరిరక్షణ, గాలి నాణ్యత, నీటి వనరుల సంరక్షణ, జీవవైవిధ్యం, ఆవాసాలు, అటవీ సంరక్షణ, మత్స్య సంరక్షణ, వ్యవసాయం వాతావరణ మార్పులు వంటి పది విభాగాలలో 163 దేశాల పనితీరుపై అధ్యయనంచేసి ఈ సూచిక ర్యాంకులు ఇస్తుంది.

హరిత కిటుకులు

ప్లాస్టిక్ సంచులకు బదులు ఏమి వాడడం అని చూస్తున్నారా ? బట్టతో కుట్టిన వాటిని ఎంచుకోండి. మీరు కొనవచ్చు, లేక మీరే ఒకటి స్వంతంగా తయారు చేసుకొనవచ్చు. ఒక బట్ట సంచిని కుట్టడానికి ప్రయత్నించండి. దానికి కావలసిన వస్తువులను సరి చూసుకోండి.

• కత్తెర
• సూది మరియు దారం లేక కుట్టుమిషన్
• దళసరి నూలు బట్ట, కనీసం ఒక మీటరు పొడుగు కలది.

1. మీ బట్టను సిద్ధం చేసుకోండి. అది ఏ రకమైనా కావచ్చు. పెద్ద పెద్ద సంచుల కోసం, కాన్వాసు, డెనిమ్ మరియు బరువైన నాణ్యమైన బట్ట మంచిది. చిన్నవి, ఆకర్షణీయమైన వాటికోసం, నూలు బట్ట లేక పాలిస్టర్ మిశ్రమ బట్ట బాగా కుదురుతాయి.
2. మీ బట్ట సిద్ధంగా ఉంది, మీరు కుట్టడానికి సిద్ధంగా ఉన్నారు. పై వైపున బట్ట అంచు నుండి ½ అంగుళం మేర మడిచి కుట్టండి. ఇది మీ సంచికి, మంచి రూపాన్ని యిస్తుంది.
3. మిగిలిపోయిన చిన్న బట్ట ముక్కలను హ్యండిల్ కుట్టడానికి ఉపయోగించండి మీకు సౌకర్యంగా ఉండేలా హ్యండిల్ పొడుగును నిర్ణయించండి. బట్టను మడవండి, మధ్యలోకి తీసుకుని రండి, కుట్టండి, హ్యండిల్ చూడడానికి బట్ట గొట్టంలా ఉంటుంది. నెమ్మదిగా ఆ గొట్టాన్ని లోపలి నుండి బయటకు తిప్పండి. ఈ విధంగానే యింకొక హ్యండిల్ ని కూడ తయారు చేయండి.
4. హ్యండిల్స్ సిద్ధమయ్యాక, బట్ట అతుకుల లోపలి భాగానికి
5. జత చేసి జాగ్రత్తగా కుట్టండి. క్రాస్ స్టిచ్ వలన హ్యండిల్ దృఢంగా ఉంటుంది.
6. బట్టను మధ్యకు మడిచి అంచుల నుండి కుట్టండి. ప్రక్క భాగాలు గట్టిగా కుట్టేట్లు చూడండి. రెండో కుట్టు కూడ (డబుల్ స్టిచ్) కుట్టాలని మీరు భావించవచ్చు. అందువలన సంచి దృఢంగా ఉంటుంది.

ఇప్పుడు సంచీని లోపల నుండి బయటకు తిప్పి, మడత తెలిసే లాగ ఇస్త్రీ చెయ్యాలి.నూలు సంచిని వాడడం గమ్మత్తుగా ఉంటుంది. కదా? ఇది ఆరోగ్యవంతమైన, పరిశుభ్రమైన పర్యావరణం కోసం వేసే మేలైన ముందడుగు.

ఆధారము: http://www.gobartimes.org/20100815/

ఎండాకాలంలో ఉష్ణ తాపాన్ని జయించడానికి జీవావరణ సన్నిహితమైన మార్గాలు

• నీటిని సమృధ్దిగా తాగండి. సీసాలో వుండే నీటిని తాగడం మానివేయండి, ఇవి వ్యర్ధాలను మరింత పెంచి, సహజ వనరులు తగ్గిపోతూ వుండడానికి కారణవుతాయి.

• కేఫైన్ అనే ఇంద్రియాలకు ఉల్లాసాన్ని కలిగించే ఆల్కలాయిడ్ ద్రవ్యంతో కూడి వుండే నీటిని తాగకండి. సహజసిధ్దమైన చల్లటి మజ్జిగ వంటిదానినే తాగండి.

• లేత రంగులో ఉండే దుస్తులనే ధరించండి – కాటన్ దుస్తులైతే, మరీ మంచిది, అభిలషణీయం కూడా.

• ఎండవేడికి శుష్కించిపోకుండా, నోరు తడారిపోకుండా ఉండడానికి, ఎక్కువగా ద్రవపదార్ధాలనే తీసుకోండి. సహజసిధ్దమైన కొన్ని ద్రవాలుః నిమ్మ రసం, లేత కొబ్బరి నీళ్లు, పళ్ల రసాలు మొ.వి.లేత కొబ్బరి నీటిలో విటమిన్లు మరియు ఖనిజాలతో పాటుm పంచదార, పీచు మరియు మాంసకృత్తులు ఉంటాయి.

• ఎక్కువగా సలాడ్లను (పళ్ళు, కూరగాయ ముక్కలు) మరియు తాజాగా ఉండే పళ్లను – వీటిలో సహజంగానే నీరు ఉంటుంది, అంటే పుచ్చకాయ వంటివి. వాస్తవంగా ఈ పుచ్చపండులో ఇంచుమించు 92 శాతం నీరే ఉంటుంది, అలాగే 14 శాతం వరకూ విటమిన్ సి కూడా ఉంటుంది.విపరీతమైన చెమట వల్ల పోగొట్టుకున్న తేమను ఇది తిరిగి ఇస్తుంది. ఈ పండులో కొద్ది ప్రమాణంలో విటమిన్ బి మరియు పొటాషియమ్ కూడా ఉంటాయి.

• మట్టికుండలో నిలువచేసిన నీళ్లనే తాగండి.

• నూనెతో వుండే పదార్ధాలను తినకండి, ముఖ్యంగా అమ్ముతూ వుండే వారి వద్దనుండి కట్ చేసిన ముక్కలను తినకండి. బహుశా ఇవి ఈగలు మరియు దుమ్ము, ధూళి బారినపడి ఉండవచ్చు.

• చేతిలో పెట్టుకునే చిన్న విసినకర్ర వంటిదాన్ని వాడండి. విద్యుత్ సరఫరా లేనప్పుడు కూడా ఇది పనిచేస్తుంది.

• తెరిచి ఉంచిన కిటికీకు వట్టివేళ్లతో తయారుచేసిన ఒక తడిగా వుండే చాప ముక్క లాంటిదాన్ని వేళాడగట్టండి. ఇది ఇంట్లో చల్లటి గాలి ప్రసరించడానికి సహకరిస్తుంది.

ఆధారము : పోర్టల్ విషయ రచన సభ్యులు