<h3 style="text-align: justify;">మల్లె సాగు - అంతర్జాతీయ మార్కెట్ లో అవకాశాలు </h3> <p style="text-align: justify;">స్వచ్ఛమైన తెల్లనిరంగు, మనసును ఆహ్లాదపరిచే సువాసనల పరిమళాలు వెదజల్లేవి మల్లె పూలు. కొన్ని జాగ్రత్తలతో సరైన యాజమాన్య పద్ధతులు పాటిస్తే ఈ పూలసాగుతో రైతులకు లాభాల గులాబింపే. స్థానిక, విదేశీ మార్కెట్లకు విస్తృత ఎగుమతి అవకాశాలున్నాయి. ఒకసారి నాటుకుంటే ఏళ్ళపాటు రాబడి పొంద వచ్చు. మల్లెల్లో ముఖ్యరకాలు, ఎగుమతి సదుపాయాలపై వివరంగా తెలుసుకుందాం.</p> <p style="text-align: justify;"><img style="max-width: 100%; height: 375px; float: right;" src="https://static.vikaspedia.in/mediastorage/filestorage/20260717125608_Screenshot2026-07-17125012.webp" alt="Uploaded Image" width="567"></p> <h3 style="text-align: justify;">నాటటం</h3> <p style="text-align: justify;">మల్లె మొక్కలను తేలికపాటి నేలల్లో నాటాలి. జూన్–సెప్టెంబరు వరకు ఎప్పుడైనా నాటవచ్చు. సాయంత్రం పూట నాటడం వల్ల మొక్క బాగా నాటుకుంటుంది. అంటు మొక్కలను వరుసల మధ్య మొక్కల మధ్య 1.25-2 మీటర్ల ఎడం ఉండేలా నాటుకోవాలి. </p> <p style="text-align: justify;"><strong>గుంతలు: </strong>30×30×30 సెం.మీ, దూరం: 1.25 మీటర్లు × 1.25 మీటర్లు, హెక్టారుకు : 6400 మొక్కలు.</p> <p style="text-align: justify;"><strong>కొమ్మ కత్తిరింపులు:</strong> (15-20 సెం.మీ) ద్వారా గాని, అంటు మొక్కలు తొక్కడం ద్వారా గాని ప్రవర్ధనం చేస్తారు.</p> <p style="text-align: justify;"><strong>ఎరువులు:</strong> ప్రతి మొక్కకు 8-10 కిలోల పశువుల ఎరువుతో బాటు 60-120 గ్రా. నత్రజని, 120గ్రా. భాస్వరం, 120గ్రా. పొటాష్ ఎరువులను మొదటి కొమ్మ కత్తిరింపులు చేసిన వెంటనే వేయాలి. తదుపరి సూచించిన మోతాదును దఫాలుగా వేయటం మంచిది.</p> <h3 style="text-align: justify;">నీటి యాజమాన్యం</h3> <p style="text-align: justify;">కొమ్మ కత్తిరింపుల తర్వాత నీరు కట్టడం వల్ల మొక్కలు కొత్తగా చిగురిస్తాయి. నేల స్వభావాన్ని బట్టి 8-10 రోజులకు ఒకసారి తడి ఇవ్వాలి. డ్రిప్ ద్వారా కూడా నీటి సదుపాయం కల్పించవచ్చు.సాధారణంగా మల్లె నాటిన మూడో సంవత్సరం నుంచి వ్యాపార సరళిలో దిగుబడి ప్రారంభమై 12-15 సంవత్సరాల వరకు దిగుబడినిస్తుంది. జనవరి నుంచి మంచి యాజమాన్య పద్ధతులు పాటిస్తే అధిక దిగుబడితో పాటు పూల నాణ్యత బాగుంటుంది.</p> <h3 style="text-align: justify;">దిగుబడి</h3> <p style="text-align: justify;">హెక్టారుకు 8-9 టన్నులుకోతవిధానం: పూలను ఉదయం సూర్యోదయం ముందు కోయాలి. పూర్తిగా వికసించని బడ్స్ ను మాత్రమే ఎంచుకోవాలి. కోసిన పూలను నీడలో ఉంచాలి. చెడిపోయిన, దెబ్బతిన్న పూలను వేరు చేయాలి. పరిమాణం, నాణ్యత ఆధారంగా గ్రేడింగ్ చేయాలి.</p> <p style="text-align: justify;"><strong>తాజాదనం:</strong> బోరిక్‌ఆమ్లం 0.5-1% ద్రావణంలో పూలను తేలికగా ముంచి తీసి ఎండబెట్టాలి. ఇది పూల తాజాదనాన్ని పెంచుతుంది. రంగు మార్పును తగ్గిస్తుంది.</p> <p style="text-align: justify;"><strong>ప్రీ-కూలింగ్:</strong> ప్యాకింగ్‌ కు ముందు పూలను 8-10°C వద్ద చల్లబరచాలి. ఇది పూల తాజాదనాన్ని ఎక్కువ సేపు నిల్వ ఉంచుతుంది.</p> <p style="text-align: justify;"><strong>ప్యాకింగ్: </strong>పూలను చిన్న పాలిథిన్ కవర్లు లేదా పెర్పొరేటెడ్ బ్యాగ్స్ లో నింపాలి. ప్రతి బ్యాగ్ లో తక్కువ పరిమాణంలోనే పూలు పెట్టాలి (గాలి సులభంగా వెళ్లేలా).రవాణా సమయంలో కోల్డ్ చైన్ (చల్లని పరిస్థితులు) కొనసాగాలి.</p> <p style="text-align: justify;"><strong>ప్రయోజనాలు:</strong>పూలు 24-48 గంటలు తాజాగా ఉంటాయి.వాడిపోవడం తగ్గుతుంది.</p> <h3 style="text-align: justify;">దుబాయ్ కి ఎగుమతి ప్యాకేజి టెక్నాలజీ</h3> <p style="text-align: justify;">మల్లెపూలను ముందుగా వేలం కేంద్రాల నుంచి సేకరిస్తారు. ఆతరువాత విడి పూలను కొనుగోలు దారుల అవసరానికి అనుగుణంగా వివిధ ఆకారాలు, పరిమాణాలలో మల్లెహారాలుగా తయారు చేస్తారు.ఈ మల్లెహారాల్లో పూల తాజాదనాన్ని కాపాడడానికి నిల్వ కాలాన్ని పెంచడానికి బోరిక్‌ఆమ్లం 4% ద్రావణంలో శుభ్రంగా అనుకూలంగా ఉండే కోరిగేటెడ్ ఫైబర్ బోర్డ్ బాక్సుల్లో ప్యాక్ చేస్తారు. ఈ బాక్స్ లోపల గాలి వెళ్లేలా బటన్ హోల్స్ వంటి చిన్న రంధ్రాలు చేస్తారు.ప్యాకింగ్ పూర్తయ్యాక, ఈ బాక్స్ లను విమానాల్లో దుబాయ్ వంటి దేశాలకు పంపిస్తారు.</p> <h3 style="text-align: justify;">విలువ ఆధారిత ఉత్పత్తులు</h3> <p style="text-align: justify;">హారాలు, వేనీలు, సువాసన నూనెలు, జడ అలంకరణ, పెళ్లిహారాలు, జడ అలంకరణ, క్రౌన్, చేతి అలంకరణ.</p> <p style="text-align: justify;"><strong>టింటింగ్:</strong>పూలకు రంగులు ఇచ్చే పద్ధతి. హారాలు, వేనీలలో ఉపయోగం.</p> <p style="text-align: justify;"><strong>ఆధారం :</strong> <a href="https://agriculture.ap.gov.in/farmers-corners/e-magazine?year=2026" target="_blank" rel="noopener">ఆంధ్రప్రదేశ్ వ్యవసాయ శాఖ</a></p>