<h3 style="text-align: justify;">నకిలీ ఎయిర్ సువిధ 2.0 వెబ్‌సైట్ల పట్ల అప్రమత్తంగా ఉండాలని ప్రజలకు సూచన</h3> <p style="text-align: justify;">ఎయిర్ సువిధ 2.0 పేరుతో నకిలీ వెబ్‌సైట్లు, పోర్టళ్లు చలామణిలోకి వచ్చాయని, అవి ప్రయాణికులను పేమెంట్ గేట్‌వేలకు మళ్ళించడం ద్వారా వారిని తప్పుదోవ పట్టిస్తున్నట్టు తమ దృష్టికి వచ్చిందని పౌర విమానయాన మంత్రిత్వ శాఖ తెలిపింది.</p> <p style="text-align: justify;">ఎయిర్ సువిధ 2.0 సేవలు పూర్తి ఉచితమని, స్వీయ ధృవీకరణ పత్రాన్ని సమర్పించడానికి ఎలాంటి రుసుము చెల్లించాల్సిన అవసరం లేదని మంత్రిత్వ శాఖ స్పష్టం చేసింది. ఎయిర్ సువిధ 2.0 కి సంబంధించిన ఏకైక అధికారిక పోర్టల్: <a href="https://airsuvidha.civilaviation.gov.in/" target="_blank" rel="noopener">https://airsuvidha.civilaviation.gov.in/</a></p> <p style="text-align: justify;">ప్రయాణికులు తమ వ్యక్తిగత వివరాలను లేదా ప్రయాణ సమాచారాన్ని పంచుకునే ముందు వెబ్‌సైట్ యూఆర్ఎల్ ను జాగ్రత్తగా సరిచూసుకోవాలని, ఎయిర్ సువిధ 2.0 సేవలను అందిస్తున్నామని చెప్పే ఎలాంటి అనధికారిక వెబ్‌సైట్లలోనూ చెల్లింపులు చేయవద్దని మంత్రిత్వశాఖ విజ్ఞప్తి చేసింది.</p> <p style="text-align: justify;">ప్రయాణికులు అధికారిక పోర్టల్‌ను మాత్రమే ఉపయోగించాలని, ప్రామాణికమైన సమాచారం కోసం ప్రభుత్వం విడుదల చేసే అధికారిక ప్రకటనలను మాత్రమే నమ్మాలని కోరింది. ప్రయాణికుల అవగాహన, ప్రజా భద్రత దృష్ట్యా ఈ ప్రకటన జారీ చేశారు.</p> <p style="text-align: justify;"><strong>ఆధారం: </strong><a href="https://www.pib.gov.in/PressReleasePage.aspx?PRID=2289453&reg=48&lang=1" target="_blank" rel="noopener">భారత ప్రభుత్వం పత్రికా సమాచార కార్యాలయం</a></p>