వారం 19 పిల్లలు ఏమి నేర్చుకుంటారు పది వరకు సంఖ్యలను చదవటం, సూచనలను అనుసరించడం, సంఖ్య/ఆకార పేర్లను ఉపయోగించడం, ఆకారాలు, రంగులు మరియు వాటి ఛాయలను వేరు చేయడం మరియు భారతీయ కరెన్సీ నాణేలను గుర్తించడం. అందరినీ కలుపుకుని వెళ్ళటం వైవిధ్యాన్ని ఆచరణలో పెట్టటం, మరియు గౌరవించడం. అందరూ ఉపయోగించే వివిధ ప్రదేశాలలోని నిబంధనలను గుర్తించి, అనుసరించటం. భద్రత గురించి అర్థం చేసుకుని సాధన చేయటం. కొలత భావనను అర్థం చేసుకోవడం మరియు ప్రామాణికం కాని వివిధ కొలత పద్ధతులను ఉపయోగించడం. వారంతట వారే సంఘటనలను, సాధారణ వస్తువులు, వ్యక్తులు, చిత్రాలు, జంతువులు, పక్షులు గురించి వివరించడం. పదజాలాన్ని నిర్మించడం, అక్షరాలను విడదీయడం/మార్పిడి చేయడం వంటి సరదా భాషా ఆటలలో పాల్గొనడం. కళా సామగ్రి, సాధనాలు మరియు వాయిద్యాలను ఉపయోగిస్తున్నప్పుడు వివిధ రకాల పట్టులను అన్వేషించటం. ఇంట్లో చేయించవలసిన కృత్యాలు నిజ జీవితంలో డబ్బు లావాదేవీలలో పిల్లలను నిమగ్నం చేయండి. విభిన్న వస్తువులను కొనుగోలు చేయడానికి వారిని మీతో పాటు మార్కెట్ కు తీసుకెళ్లండి మరియు మీ మార్గదర్శకత్వంలో డబ్బును చెల్లించేలా చేయండి. 1 నుండి 9 వరకు ఉన్న అంకెలతో పాత్రలు లేదా బొమ్మలు వంటి రోజువారీ గృహోపకరణాలను సరిపోల్చడానికి మరియు లెక్కించడానికి పిల్లలను ప్రోత్సహించండి. పిల్లలను సరదా కొలత కార్యకలాపాల్లో పాల్గొనేలా చేయండి. ఇంట్లో మరియు బయట వివిధ వస్తువులు మరియు నిర్మాణాలను కొలవడానికి చేతి జాన, విస్తీర్ణము, అడుగు అడుగు పొడవు, కర్ర/సీసా పొడవు, కాగితం పొడవు/వెడల్పు గురించి వివరించడానికి మొదలైన వాటిని ఉపయోగించమని వారికి మార్గనిర్దేశం చేయండి. ఆధారం : మహిళా మరియు శిశు సంక్షేమ శాఖ