కూరగాయలు

మన నిత్యజీవితంలో కూరగాయలు ఒక ముఖ్యమైన స్థానాన్ని ఆక్రమించాయి. ముఖ్యంగా శాఖాహారులకు పోషక పదార్థాలతో కూడిన ఆహారం సమకూరేది కేవలం కాయగూరల ద్వారానే అంటే అతిశయోక్తి కాదు. పోషకాహార నిపుణుల ప్రకారం   ఒక సమతుల్యమైన ఆహారాన్ని అందుకోవాలంటే , పెద్దవారికి రోజుకు కనీసం 85 గ్రా. పండ్లు , 300 గ్రా. కూరగాయలు   అవసరం. కానీ , మన దేశంలో ప్రస్తుతం కాయగూరల ఉత్పత్తి అవుతున్నదాని ప్రకారం చూస్తే , దినానికి సగటున ఒకరికి కేవలం 120 గ్రా. కూరగాయలు మాత్రమే   అందుబాటులో ఉన్నాయి.

పెరటితోటలో మొక్కల పెంపకం

పైన చెప్పిన నిజాలను ఆధారంగా తీసుకొంటే , మనకోసం మనం ,   ఇంట్లోనే కాయగూరలను ఉత్పత్తి చేసుకోవాల్సిన అవసరం ఎంతైనా ఉంది. దీనికై ఇంట్లోని వంటగది , స్నానాలగదులలో   వృధాఅయ్యే నీటిని వాడుకోవచ్చు.   దీనివల్ల మన ప్రాణానికి హాని కలిగించే   కలిగించే నిలవ నీరు , మరుగు నీరు   ఏర్పడకుండా ఉంటుంది. అంతే కాక మన కూరగాయల అవసరాలనూ తీరుస్తుంది కూడా.   తక్కువ స్థలాల్లో ఎక్కువ కూరగాయల చెట్లను పెంచుకోవడం వల్ల చీడను రాకుండా , ఒక వేళ వచ్చినా  సులభంగా చెట్లకు పట్టిన చీడను తొలగించుకొనేందుకు వీలుగా ఉంటుంది. పైగా రసాయనాలను వాడం కాబట్టి కాలుష్యం ఏర్పడదు. ఇదెంతో క్షేమకరమైన విధానం కూడా. ఎందుకంటే , ఇలా ఉత్పత్తి అయ్యే కూరగాయల్లో మన ఆరోగ్యానికి భంగం కల్గించే   ఎరువుల అవశేషాలు ఈ కాయగూరల్లో ఉండవు.

వంటింటి దగ్గర, పెరటిలో..

గార్డెన్ ఎక్కడ ఆరంభించాలంటే.. .. ..

వంటింటి తోట లేదూ కిచెన్ గార్డెన్ను ఎక్కడ పెంచాలనే దానికి స్థలం ఎంపిక విషయంలో   మనకు పరిమితమైన అవకాశం ఉంది. ఇంటి పెరటి స్థలమే అందరికీ చివరగా అందుబాటులో ఉండే స్థలంగా చెప్పాలి.   ఎందుకంటే, ఇంటిలోని వారంతా   తమ ఖాళీ సమయాల్లో కూరగాయలపై తగినంత దృష్టి పెట్టడానికి వీలవుతుంది. పైగా, వంటింటిలోనించి,  స్నానాలగదిలోనించీ వృథాగా పోయే నీటిని ఈ తోటలకు సులభంగా మళ్లించవచ్చు. ఈ కిచెన్ గార్డెన్ ఎంత పరిమాణంలో ఉండాలీ అనేదానికెలాంటి నియమాలూ లేవు. ఐతే,  మనం ఎంత స్థలం కేటాయించగలం, ఎంతమందికి సరిపడా కూరలు ఉత్పత్తి చేసుకోవాలి   అనేదానిపైన వాటి సైజును నిర్ణయించుకోవాలి.   దీనికెలాటి నిర్ణీత ఆకార నియమాలు కూడా లేవు. ఐతే,  చదరంగా ఉండే దానికన్నా దీర్ఘచతురస్రాకారంగా ఉంటేనే మంచిది. పంట కోతల ఆధారంగా ఒక 5  సెంట్ల భూమిలో కిచన్ గార్డెన్ను ఆరంభిస్తే,  కనీసం 4 నుంచి 5 మంది ఉండే కుటుంబానికి సరిపడా కూరలు పండించవచ్చు.

భూమిని సిద్దం చేయడం

ముందుగా ఒక పార తీసుకొని 30-40  సెం.మీ. లోతుగా భూమిని   తవ్వుకోవాలి. రాళ్లు,  పొదలు,  ముళ్ళు వగైరాలు తొలగించాలి. 100  కిలోల మంచి పొలంనించి తెచ్చుకొన్న సేంద్రీయ ఎరువులు లేదా వర్మికంపోస్ట్ ఎరువును వేసి మట్టిలో   కలపాలి. గట్లు కట్టి,  అవసరాన్నిబట్టి మధ్యన 45  సెంమీ నించి 60  సెంమీ ఎడం ఉండేలా చూడాలి. నేల చదునుగా కూడా ఉండొచ్చు.

విత్తు చల్లడం ,  చెట్లు నాటడం

• నేరుగా విత్తడం వల్ల వచ్చే బెండ,  పందిరి చిక్కుడు,  అలసందలు వంటి కూరగాయలు గట్లుగా ఏర్పర్చిన స్థలాల్లో ఒకవేపు 30  సెం.మీ. ఎడంతో విత్తవచ్చు. తోటకూరను (పూర్తి చెట్టును పీకేయడానికి,  క్లిప్పింగ్కీ అనువైనవి) కూడా నాటవచ్చు. దీన్ని నాటేముందు 20 భాగాల మట్టికి 1 భాగం విత్తనాలను కలిపి  మడులలో వెదజల్లాల్సి ఉంటుంది. చిన్ని ఉల్లి,  పుదినా,  కొత్తిమీర వంటివాటిని మళ్ళలో గట్లపై పెంచవచ్చు.
• నారుతో పెంచదగ్గ టొమాటో,  వంకాయ,  మిరప వంటి వాటి విత్తనాలను నర్సరీ లో ఒక నెల రోజుల ముందే గీతలు గీసి విత్తుకోవాలి.   అలా వేశాక వాటిపై మట్టివేసి,  దానిపై 250   గ్రా. వేప పిండిని    కలిపితే,  చీమలు విత్తనాలను తినకుండా ఉంటాయి. నాటిన 30  రోజుల తర్వాత టమేటో, 40 నుంచి 45  రోజులకు వంకాయ,  మిరప,  పెద్ద ఉల్లి వారును నర్సరీనుంచి తీసి విడివిడిగా   గట్లకు ఒక వైపుగా నాటాలి.   టమేటో,  వంకాయ,  మిరప మొక్కలకు 30-45  సెం.మీ. ఎడం ఉండాలి.   అదే   పెద్ద ఉల్లికైతే గట్లకి రెండు వైపులా 10 సెం.మీ. ఎడం ఉండాలి. మొక్కలను నాటగానే వాటికి నీళ్లు పోయాలి. ఆ తర్వాత మళ్లీ మూడోరోజు నీళ్లు పోయాలి. ఈ మొక్కలకు మొదట రెండు రోజులకోసారి,  ఆ తర్వాత 4 రోజులకోసారి మాత్రమే నీళ్లు పోయాలి.
• ఎక్కువ దిగుబడి,    ఏడాది పొడవునా నిరంతర కాయగూరల సరఫరాయే కిచెన్ గార్డెన్ ప్రధాన లక్ష్యం. కొన్ని చిన్న చిట్కాలను వాడి   ఈ లక్ష్యాన్ని సులభంగా సాధించవచ్చు.
• ఏడాది పొడవునా నిరంతరం పెరిగే చెట్లను తోటకు వెనకభాగంలో పెంచాలి. దీనివల్ల వాటి నీడ మిగిలిన మొక్కలపై పడి వాటికి ఎండ తగలకుండాపోయే ప్రమాదాన్ని నివారించవచ్చు. అలాగే మిగిలిన కాయగూర మొక్కలకు కావలసిన పోషకాహారాలను ఇవి లాగేసుకోకుండా కూడా ఉంటుంది.
• తోట మొత్తానికి ఉండే నడకదారి   పక్కన,  మధ్యదారిఇరుప్రక్కలా తక్కువ వ్యవధి లో  పెరిగే కొత్తిమీర,  పాలకూర, బచ్చలి,  పుదీనా వంటి మొక్కలను వేసుకోవచ్చు.

పంటల తీరు

భారతీయ పరిస్థితులలో   ఏడాది పొడవునా ఏఏ మొక్కలు ఎపుడెపుడు వేసుకోవాలో (కొండ ప్రాంతాలను మినహాయించి) కింద సూచనప్రాయంగా ఇవ్వడం జరుగుతోంది.

ఏడాది పొడవునా ఉండే ప్లాట్

• ములగకాడ,  అరటి,  బొప్పాయి,  కరివేపాకు ,  అగథి,  కర్రపెండలం
• పైన చెప్పిన  ప్రకారం ఏడాది పొడవునా ఏదో ఒక పంట పండుతూనే ఉంటుంది.. కొన్ని నిరాటంకంగా పండుతూనే ఉంటుంది. కొన్ని ఏడాదికి రెండు కాపులనిస్తాయి. వీటిని ఒకే ఫ్లాటులో పండించడం జరుగుతుంది.

ఈ గార్డెనింగ్    వల్ల వచ్చే ఆర్థిక లాభాలు

• కిచెన్ గార్డెన్ నిర్వహించడంవల్ల నిర్వాహకులు మొదట వారికుటుంబాలకు సరిపడా కాయగూరలు పండించుకోవచ్చు. ఆపై మిగులును అమ్మవచ్చు. లేదా పరస్పర మార్పిడి చేసుకోవచ్చు. ఒక్కోసారి ఆదాయం పొందడమే కొందరికి ప్రాథమిక ఉద్దేశ్యం కావచ్చు. ఏది ఏమైనా పోషక పదార్థాల ఉత్పత్తిని, ఆదాయ సముపార్జనకు జోడించుకోవాల్సి వస్తుంది.
• కిచెన్ గార్డెనింగ్  వల్ల   వచ్చే ఆర్థిక లాభాలలో కొన్ని:
  • కిచెన్ గార్డెన్ల పెంపకంవల్ల తిండికి తిండి,  ఆదాయానికి ఆదాయం
  • ఇంట్లో పెరిగే పశువులకు దాణా,  ఇతర గృహావసరాలకు సరఫరా(ఉదా. హాండీక్రాఫ్ట్స్,  వంట చెరకు, ఫర్నిచరు,  బుట్టలు వగైరా.. ..)
  • పండ్లు,  కాయగూరలను ఇళ్లలో ప్రాసెసింగ్ (ఎండబెట్టడం,  క్యానింగ్) చేయడంవల్ల   వాటికి మార్కెట్లో గిరాకీ పెరిగి,  ఏడాది పొడవునా లభ్యమవుతాయి.
  • కిచెన్ గార్డెన్లో పండేవాటిని మార్కెట్ చేయడం,  పశువుల పెంపకం - ఈ రెండే స్త్రీలకు ఎలాటి లొసుగులు లేకుండా స్వతంత్రమైన ఆదాయాన్ని తెచ్చిపెడతాయి.

ఆధారము: పోర్టల్ విషయ రచన సభ్యులు