పోలియో

ఈ వ్యాధి శరీరం మొత్తం సోకుతుంది. ముఖ్యంగా కండరాలకు, మరియు నరాలకు సోకుతుంది.

కారణాలు

పోలియో వైరస్ వలన వస్తుంది. ఈ వైరస్ మానవ మలం, మురుగు నీరుతో కలుషితమైన బావులు, గుంటలు, ట్యాంకుల నీటి ద్వారా సాధారణంగా 5 సం.లలోపు పిల్లలకు, వ్యాపిస్తుంది. వ్యాధిగ్రస్ధుడైన వ్యక్తి మలముతో కలుషితమైనది తీసుకోవడం వలన ఒకరి నుండి ఒకరికి వ్యాపిస్తుంది. వ్యాధి కారకం ముక్కు, గొంతు ద్వారా జీర్ణాశయంలోకి చేరుకొని, ప్రేగు గోడలలోని కణాలలో వృధ్ది చెందుతుంది. ఒక్క వైరస్ కొన్ని వేల వైరస్ లుగా వృధ్ది చెందుతాయి. తర్వాత మల విసర్జన ద్వారా విసర్జింపబడతాయి. ఈ ప్రక్రియ కొద్ది వారాలపాటు జరుగుతుంది. ఈ విధంగా మరల మరల ప్రమాదకరంగా ఒక ప్రాంతములో మొత్తం వ్యాధికి గురవవచ్చు.

లక్షణాలు

స్వల్ప / కొద్దిపాటి ఇన్ఫెక్షన్ (అంటు)

చాలా కేసులలో, వ్యాధిగ్రస్ధునిలో ఎలాంటి వ్యాధి లక్షణాలు కన్పించవు. మిగతా కేసులలో, లక్షణాలు, ఫ్లూ వంటి లక్షణాలు కడుపు నొప్పి విరేచనాలు, వాంతులు, గొంతు నొప్పి , జ్వరము, తల నొప్పి

1. ఒక మోస్తరు జ్వరం
2. మెడ బిగదీసుకుపోవుట

ఒక మోస్తరు/ మధ్యస్ధ ఇన్ఫెక్షన్ (అంటు)

1. కండరాల నొప్పులు ముఖ్యంగా పిక్కలు
2. నడుం నొప్పి
3. కడుపు నొప్పి
4. కండరాలు బిగుసుకు పోవుట
5. విరోచనాలు
6. చర్మంపై దద్దుర్లు
7. ఎక్కువగా అలసట, నీరసం

మెదడు మరియు వెన్ను యొక్క తీవ్ర ఇన్ఫెక్షన్

1. కండరాల బలహీనత మరియు వెంటనే పక్షవాతం రావచ్చు.( వ్యాధిసోకిన నరమును బట్టి కండరాలు బలహీనమవుతాయి).
2. కండరాల నొప్పి, తాకితే నొప్పి వస్తుంది. (ముఖ్యంగా మెడ, నడుం, చేతులు, కాళ్ళు).

తీవ్రత

1. మెడ వంచలేకపోవుట
2. విసుగు చెందుట
3. కడుపులో గడబిడ
4. పొరపోవుట, పొలమారుట
5. ముఖ కవళికలు ఏర్పరచడంలో ఇబ్బంది
6. మల మూత్ర విసర్జనలో ఇబ్బంది
7. మింగటం, శ్యాస తీసుకోవటం ఇబ్బంది
8. చొంగ ఎక్కువగా కారటం

తీవ్ర దుష్పరిణామాలు

హృదయపు గుండె కండరాలకు ఈ వ్యాధి సోకితే కోమాలోనికి వెళ్ళి తర్వాత చనిపోయే ప్రమాదం ఉంటుంది.

ప్రమాద కారణాలు

1. చిన్న పిల్లలు ఎక్కువగా గురవుతుంటారు. ముఖ్యంగా Toilet trained కాని పిల్లలు.
2. బాల్యంలో పోలియో టీకాలు వేయించుకోని వారు.
3. ఈగలు, కలుషితమైన ప్రాంతాల్లో ఉండుట.
4. కలుషితమైన నీటి వనరులు.
5. వ్యాధి నిరోధక శక్తి తక్కువగా ఉన్న ఎయిడ్స్, క్యాన్సర్ వ్యాధిగ్రస్ధులు.

నివారణ చర్యలు

1. పరిసరాలు మరియు వ్యక్తిగత శుభ్రత పాటించడం.
2. పిల్లలకు పోలియో చుక్కలు వేయించుట.
3. పోషకాహారం తీసుకోవటం.

ఆధారము : పోర్టల్ విషయ రచన సభ్యులు